小萱BB的个人专页

本人係非常鍾意食海南雞飯，所以呢間叫得做專門店，就好大期望咁入去試下。雞係ok滑，但油飯一啲都唔香，個汁就好普通，叫得海南雞飯專門店但咁既水準就唔係咁得囉，仲要$68個餐，略貴！…查看更多

今次是第二次去，上一次去都覺得野食唔錯！今次我同老公每人叫了一個午餐：精選意大利飯同all day breakfast.首先係個飯先到，一上枱我發現意大利飯上面原來有兩小塊牛扒！本人同老公係唔食牛肉的，我於是同waitress講，我話其實牛扒都係呢個菜主要材料，點解餐牌上冇寫？佢冇答我只係話可以同我換第二個餐，但我只叫佢㚒走兩塊扒，我照食啲飯。到個all day breakfast喇，一上枱個waitress就話其實all day breakfast入面有條腸仔都有牛肉架，咁我地又係叫佢夾走條腸就算！食食下我望下個餐牌，發現佢地寫個all day breakfast入面條腸係叫「西班牙豬肉腸」！！於是我又問個waitress點解咁寫，我地唔食牛，見你冇寫有牛肉先叫，點知原來都有牛肉，佢又支吾以對同不斷講唔好意思！其實間餐廳啲食物質素係ok，但啲waitress質素就好一般，餐牌寫啲野又誤導，下次我未必再去了。…查看更多

本來想食九如坊，但原來星期一休息！於是在附近行下就見到呢間法國餐廳。門外又寫住Set lunch MOP88，於是就入去試下。餐廳內環境幽暗浪漫！Set lunch有兩款，一款魚一款雞，於是我同朋友一人叫一款。餐湯係南瓜湯，好濃Cream味，配埋餐飽，但食完有少少漏！朋友叫左鱸魚配白酒忌廉汁，魚煎得很香，好味！旁邊有少少薯蓉，唔錯！我點左雞，雞煎得好靚，皮好脆冇乜多餘脂肪！雞肉好滑，睇落普普通通但食落都有驚喜！:)蕃茄汁好開胃，原本飲完湯食完飽有少少漏的感覺即刻冇晒！…查看更多