Krystal0321的个人专页

上個禮拜同朋友gathering，上網見到呢間西餐廳地點方便，價錢好似又抵。嗰日平日大概一點去到都仲有好多客，但係餐廳座位唔會好迫同埋好密，所以都坐得好舒服我哋揀咗$98 lunch buffet食，再另外加咗一份牛扒同埋雞卷。buffet有幾款沙律，雖然沙律我就唔算好啱食，但係好在仲有三文魚沙律揀，超級新鮮！仲有魷魚圈薯條同埋麥樂雞呢啲小食。仲有吞拿魚吐司同牛油果通粉呢啲選擇，$98仲包埋餐湯同埋一杯soft drink。出面仲有兩款甜品揀。雖然價錢好平，但係啲嘢食質素完全唔差，仲要係銅鑼灣區真係冇諗過…查看更多

呢排天氣好好，同朋友去左流浮山食飯。呢度環境好chill&好靚好適合打卡。兩個人叫咗幾樣嘢食同埋兩杯嘢飲。海龍皇潛艇(法包)龍蝦、北海道帶子同醬油瀆三文魚子組成，夾係法包度，外皮酥脆，海鮮都夠新鮮。意式火腿拼盤，西班牙全橡果黑毛豬辣肉腸、白毛豬後腿同莎樂美腸組合，味道豐富，好好餸酒嘅小食。 脆炸黑松露薯條黑松露調味嘅薯條，炸到好酥脆，絕對係黑松露控嘅最愛阿菠蘿，青檸、鳳梨、優格、蘇打同薄荷組成嘅飲品，清新又爽口。泰式綠奶茶，呢杯係綠奶茶配上香草雪糕，有好濃郁嘅奶茶香味…查看更多

夜晚打邊爐食雞煲就多，晏晝就真係好少。但見到巧得鍋lunch 2人雞煲好抵食，仲包飯&飲品，就去左食。同朋友2個人叫左招牌2人雞煲(半隻)雞肉好鮮嫩，唔會話嚡熠熠。湯底係鹹甜口味，唔會死鹹。而且半隻份量都真係幾多下，2個人食好足夠蒜蓉娃娃菜，娃娃菜配埋蒜蓉，我最愛嘅組合，份量夠多。菠蘿沙冰，用左新鮮嘅菠蘿變做冰涼嘅沙冰，夠解渴，消濟。熱情果沙冰，沙冰打得夠綿密+酸酸甜甜嘅味道，岩我呢啲唔鍾意齋甜嘅人飲…查看更多

上個月黎過wm hotel住，覺得各方面都幾好，於是放假就去左佢下面嘅餐廳M Square 食lunch。2個人叫左黑松露溫泉蛋大啡菇意粉，意粉煮得岩岩好，同埋有濃郁嘅黑松露，溫泉蛋+香烤大啡菇，口感好好。烤牛肋骨配薯條，牛肋骨嘅肉好軟好多汁，加埋炸到酥脆嘅薯條，好邪惡但又滿足雜果蜂蜜Pancake，pancake勁蓬鬆&有空氣感，周圍仲擺滿新鮮水果，每一啖都好sweet。呢度環境夠曬chill，好岩一家大細/情侶一齊黎食飯。…查看更多

成日搭車都會經過呢間霸王山莊，但一直都冇試過，今日終於約到朋友黎食。2個人叫左4樣嘢，食到好飽。片皮鴨，呢間嘅片皮鴨外皮夠酥脆+肉唔會太過肥，最鍾意加埋啲薄餅和醬料一齊食，算係必試嘅經典菜。同埋都係我嘅最愛！一個人食左差唔多半隻。鮮魚羹，魚羹都算鮮甜，冇乜腥味。麻辣水煮魚，魚肉夠鮮嫩仲有我最鍾意食嘅鴨血加分。加埋超級麻辣嘅湯底，岩我鍾意食辣嘅人。乾扁四季豆，豆角炒到微微焦，但又保留翻啲汁+少少辣嘅味道，好餸飯。…查看更多

前排經過觀塘，一眼比呢間黑白裝修為主嘅西餐廳吸引左。環境&裝修都幾有格調，即刻約咗朋友去試下。今次我地去食dinner叫左幾樣野全部都幾好食。香辣炸雞一食落好多汁但又唔會太油，好開胃嘅小食。蟹肉芝士蕃茄忌廉汁通粉，通粉入口Q彈，加埋蟹肉同芝士呢個絕配組合勁正，湯汁都好濃郁。10安士肉眼扒配忌廉薯蓉，呢個我地叫左7成熟，好多時啲餐廳會overcook，但呢間肉眼扒煎得岩岩好。肉質鮮嫩多汁，配埋綿密嘅忌廉薯蓉，食得好滿足…查看更多

前幾日去銅鑼灣行街，dinner time見到The Mano好似幾正，見到佢係間主打手工意粉嘅意大利餐館，所以去左試下。Summer isola，呢杯cocktail用左gin底，另外mix左菠蘿同橙汁。成個感覺好fresh，岩平時唔太飲酒但又想試下嘅人。香煎帶子三文魚籽龍蝦汁扁意大利粉，帶子食落好鮮嫩，仲有三文魚籽增加左豐富嘅口感。澳洲西蘭花苗，新鮮脆嫩嘅西蘭花苗，好清甜，岩晒搭埋其他菜一齊食。意大利牛柳，牛肉口感嫩滑多汁，配埋野菌醬，大滿足！意粉愛好者千萬唔好錯過…查看更多

平時去荃灣食嘢都淨係去路德圍嗰邊食啲小食，今日喺附近見到呢間越南餐廳，見到價錢唔貴又有啲新式嘢食就入咗去試吓。叫左呢度幾樣招牌菜，滑雞椰汁酸湯檬，呢道菜以創新嘅方式呈現越南傳統滑雞湯，搭配椰汁同酸湯檬嘅獨特風味，食落令人覺得好開胃小食叫咗個海膽春卷，傳統嘅越南春卷入面融入左海膽嘅驚喜每一啖都散發出濃郁嘅海洋味道，推介俾海鮮愛好者。同埋叫咗薄荷青檸梳打，清涼薄荷+青檸結合，啱晒食嘢用黎消下濟&消暑。…查看更多

今日同屋企人黎打卡，餐廳環境好靚。有三個唔同境嘅鳥籠打卡位，勁少女心大蝦肉醬意粉，啲蝦好大隻，好彈牙。份量足夠。每個主食都會包埋餐湯+飲品巴馬火腿沙律，平時我好少會食沙律，但見到係巴馬火腿就唔同。除左菜有哈密瓜+芒果，酸酸甜甜嘅水果加埋火腿真係好夾辣肉腸Pizza，呢個Pizza係我鍾意嘅薄底，個皮好脆，仲有蘑菇、洋蔥呢啲夾埋辣肉腸好有口感 但我自己就覺得唔係好辣，唔夠重口味。煎三文魚扒，呢個煎得岩岩好熟，食落好嫩滑，調味唔會太重。配埋翠玉瓜+紅蘿蔔食好清新，仲有薯蓉。同埋想讚下餐廳嘅員工，服務態度好好，知道我電話就黎冇電仲比埋尿袋我用…查看更多

今日係灣仔附近做完facial，到dinner搵到呢間唔起眼嘅壽司鋪。我加2個朋友食，叫左個刺身魚生飯，有齊我鍾意食嘅三文魚、油甘魚 、魷魚、甜蝦、帶子、玉子、蟹棒+海膽，足料，全部都好新鮮。赤蝦刺身口感鮮甜軟糯，三文魚腩油脂十足，入口即溶。鰻魚壽司完全冇細骨，左口魚壽司好滑，而且唔會好薄身 ，食落有口感。雞翼一定要加檸檬汁，好清新，而且我係外賣拎翻屋企半個鐘之後先食，仲係好好味。茄子加左沙律醬同埋上面超多木魚。呢度份量足夠2-3個人食，但係因為店舖得老闆一個負責所有野，所以等待時間就比較耐。…查看更多

11月天氣都仲係好熱，喺旺角行咗咁耐街，想搵返個雪糕食吓，但係雪糕食得多都會肥行行吓俾我見到呢間有得食乳酪！即刻落去食返杯入到舖頭係日式風格，位置都算闊落。一杯yoga可以揀三樣配料，我就揀咗Oreo碎，麻糬粒粒同埋白玉丸子。配搭埋抹茶醬。嚟到樣貌已經好吸引，配料都比得好足。食落酸酸甜甜勁開胃，抹茶醬亦都好香，但係又唔會太過苦建議食到一半就可以撈勻啲再食，如果唔係去到個底會剩返好多醬，食完成杯已經幾飽下，好滿足。…查看更多

成日去尖沙咀行街食飯，今日行去k11附近見到呢間cafe，店舖細細間唔係好起眼，但門口有個打卡位幾文青feel。入到去就變左工業風，暗暗地幾舒服。叫左All day breakfast，安格斯burger同一個牛肉意粉。飲品叫左杯Mocha latter&chocolate。我個人幾鍾意個All day breakfast，份量足夠，各種食材嘅熟度都岩好。其次意粉都唔錯，牛肉好冧，粉係比較硬身。杯朱古力唔太甜同唔會太濃，岩鍾意淡口味嘅人，latter就正常，不過不失。…查看更多

呢排天氣開始轉涼，可以多啲帶狗狗去街啦🥰琴日就去左間pet-friendly嘅台灣餐廳。餐廳就係旺角兆萬對面，勁方便。餐廳雖然唔算好大，但環境好乾淨&位置夠闊落。蟹肉魚籽滷肉飯便當—上到黎見到個份量已經嚇親，唔止滷肉同飯都好多，連蟹肉呢啲食材都比到足！滷肉唔會太肥，而且好入味。蟹肉好鮮甜加埋啲魚籽爆係口嘅感覺真係食極都唔夠!香酥排骨滷肉飯—塊排骨仲大過我塊面，炸得好酥脆，啲粉都夠薄，食落啖啖肉，啲調味唔會太重手，食曬都唔覺得口渴。芋泥芋圓牛奶—芋泥嘅份量多到我呢個芋泥控表示勁滿足!!啲芋圓都好煙靭好有咬口，呢杯冇叫少甜，但甜度都啱啱好。草莓牛奶—呢杯個底真係有草莓溶，真材實料，酸酸甜甜好開胃！仲有愛玉係入邊，一邊飲一邊食超正!!香腸配梅子芭樂—平時就咁食香腸會好容易濟，呢個小食配左我超鍾意食芭樂!!成件事即刻變得好清新 仲加埋梅子粉真係勁夾…查看更多

同朋友慶祝生日，上網見到呢間評論幾好就黎試下。當日平日其他顧客唔算多，lunch time時間食。一入去坐窗邊位置，夠空間好坐，員工態度好。叫左龍蝦兩食，一個刺身食，好新鮮好食。另一個做法就焗，呢個食法都ok，但上面嘅醬就有啲cover左龍蝦嘅鮮味。另外就叫左啲主食同壽司，呢啲嘅味道就正常，唔算突出。記得埋單800左右。呢個價錢有隻靚龍蝦食cp值都算唔平。同埋地點好方便，銅鑼灣地鐵站一岀就係，下次會再黎食！…查看更多

今日係旺角行左陣街，到咗晚飯時間就喺度諗食咩，因為平時喺朗豪坊嗰邊都食厭左行行下比我見到The forest，上左2樓個層好多野食，但係比呢間老媽拌麵吸引咗舖頭裝修同埋座位闊落。我地去到嘅時候未夠七點，所以完全唔使排隊。坐低之後見到Menu有個$288 2人晚市套餐好抵食。有2款前菜+1小食，兩款主食仲有兩杯嘢飲同埋甜品，岩曬我呢個大胃王一開始上咗花枝丸，蒜片香腸同埋炸雞做頭盤。最特別我覺得係炸雞個醬，佢好似係豆乳加少少腐乳嘅味道，意外地好夾。嘢飲就叫咗綠茶同埋一杯羅漢果。主食揀咗 話梅豬手煲+蕃茄慢煮牛肋條。兩個都係酸酸甜甜勁開胃，而且佢個豬手唔會太肥/剩係得皮，真材實料牛肋條亦都好入味同埋唔會韌。最後食個甜品一個揀咗Dreyers雪糕，另一個就涼粉。個人就鍾意雪糕多啲人均百五食到咁嘅質素相當唔錯！…查看更多