圓碌碌的个人专页

漢寶的服務有時很差，但食物味道算穩定，所以仍是我在區內飲茶首選。星期日早上，9點多來吃我最愛吃的炒米粉，又是賣晒！次次來都說賣晒！一碟$13.8的米粉，等位時見到之前剛出了4盤炒到午巿牛河咁大碟的米粉比客，現在同我講賣晒！好老實講，睇睇佢地menu, 我好明白，10am要開始做燒味飯，11am午巿，車仔麵，點心乜都有，比我係阿姐，都拿拿林售罄，預時間賣其他食物。我高度希望漢寶可以縮減menu, 認真做好每一道菜，不要眼花撩亂，不要再晨早流流售罄炒米粉。…查看更多

見到有300幾個笑臉，於是路經旺角就特登慕名而來，來到門口，又有成10幾個人排緊隊，不其然令我更加期待。但完全係false hope，叫左1串腎，好處係夠乾淨，但除此之外都無野好，串腎味道好淡好淡，完全無醃過滷過咁濟，僅有既味道係甜醬同芥辣醬既，唔係屬於串腎既。雖然用甜醬同芥辣醬配腎食係幾新鮮既配搭，但老實講，真係好九唔搭八，比芥辣刺激下味蕾係幾過癮，不過唔見得吊到腎既味出黎，其實配落呢間鋪既其他小食，eg墨魚、紅腸，我相信都唔會起到咩化學作用。串腎係既彈牙既，但係腎本身就彈牙架啦，所以我唔會因此特別加分。總結就係，我覺得完全係過譽啦！…查看更多

最近成日都想食牛腩牛什，試左幾間都無間滿意，心思思想試呢間好耐，但見openrice又無乜食評，不過今日行過轉角的沾x記見到勁多人，完全無位坐，所以膽粗粗都黎試下呢間。呢間鋪頭好處係選擇都幾多，雲吞、各式丸類同牛類都有齊。叫左碗牛腩雲吞米，賣相唔算好靚，不過鮮蝦雲吞夠爽口，牛腩有少少韌，不過滷得入味得黎又唔會太鹹或者蓋過晒d牛腩味。至於個湯底，女仔可能會嫌佢多油，不過我覺得個味夠濃，有少少似豬紅味，好正，而且因為多油所以食完都仲keep到碗米係熱既！雖然價錢係土記黎講有少少貴，單併$19，雙併$24，不過因為間鋪人流唔算多，而且係誠意製作，所以我覺得都ok。想食雲吞既話都會幫襯返平d既沾x記，但想食牛既不妨轉個彎幫襯合隆:)…查看更多

早上看醫生經過, 試一個早餐。要豬扒公仔麵+煙肉炒蛋, 原本是配餐包的, 我改要了方包。早知就唔改, 方包是甜的, 有很多糖份, 質感也很粗糙, 唔知係邊度入貨先買到咁難食既方包.....至於主食則普普通通, 不是難吃也不特別好吃。值得一提的是還叫了杯熱奶茶, 但一點都不香滑, 就憑呢杯奶茶覺得呢間茶記水準未夠. 土瓜灣尚有很多好餐廳, 下次都是不會再來了.…查看更多

住係呢區好耐都未食過新華源，見佢之前裝修左，望落幾乾淨企理，都黎食過一次早餐，覺得唔錯，今日下晝再黎醫肚。下午茶雖然都有幾多款，但唔太o岩食，好在呢間餐廳選擇夠多，飯/意粉/炒粉麵一應俱全，幾本上嗌得出都有。不過如果唔食lunch/dinner set就無咁抵，無記錯的話咖哩飯類要$33，炒粉麵要$35，小菜送白飯要$38，焗飯/意粉要$40。問下阿姐，原來3pm都可以叫午餐，$29仲送例湯，一於試下。叫左個鮑魚汁肉絲斑腩意粉，本來純粹貪得意，見個配搭幾創新先叫，唔洗食西冷扒咁悶，點知好有驚喜，鮑魚汁好惹味，斑腩有六舊好大舊，除左有肉絲做配料，仲有餐牌無寫的冬菇絲、草菇粒，送埋成碗湯渣十足的紅蘿蔔霸王花例湯加一杯熱飲，$29呢個價錢既好味又童叟無欺，非常滿意！呢個價錢同質素，絕對比幫襯連鎖式快餐店好得多啦～…查看更多

好耐無去金水，下午茶同宵夜半價優惠變左做六折……因為閒日既關係，所以無乜人，三點先派籌入座。壽司叫左三文魚、帆立貝、油甘魚、剣魚、秋刀魚、鯛魚、火炙三文魚、火炙鰻魚、火炙蟹棒、火炙海膽，另外仲叫左一客炸雞軟骨同一個九洲拉麵。三文魚壽司一黎到即比佢嚇左嚇，乜件三文魚壽司縮水縮到咁，又窄又長，塊三文魚又薄，飯團又少，係普通三文魚壽司既一半！其他壽司既飯團都縮左一半size，真係好失望。最愛的三文魚壽司唔單止縮水，仲唔夠新鮮，帆立貝大粒又夠鮮味，但就不夠甜。油甘魚、劍魚、秋刀魚表現普普通通，係鯛魚幾爽口同大舊。至於火炙系列，三文魚木身不夠鮮味，再加上不夠肥美，燒完沒有甘香油脂流出，只是普通半生熟三文魚而已。鰻魚幾好，魚味很濃而且肉感爽口彈牙；蟹棒都保持到水準，好喜歡在上面的沙律醬。炸雞軟骨好香口，加上本身有咬口，一向都好鍾意，不過感覺到因為用左生洋蔥做醃料的關係，有某幾粒令人有食左wasabi的反胃感。九洲拉麵好大碗，不過麵煮得實在太淋，一pat野咁，完全唔彈牙，叉燒又唔知點解係甜唔係鹹既，仲好硬身，雖然$38原價x6折呢個份量係好抵食，但完全唔建議。金水真係退步左好多，昔日鮮甜抵食的金水已經不再了，如果下次無改善的話就唔會再幫襯，畢竟今時今日係香港要食平少少又有質素既壽司仲有好多選擇。…查看更多

未夠鐘接機，去味千食個tea先。叫左個豬軟骨拉麵同一杯可樂。上菜幾快，5分鐘就上到。湯底夠晒熱，但係偏鹹，而且無乜豬骨味。不過豬軟骨同拉麵都正正常常，但係普通質素，唔叫好食。事實上收得~$60呢個價，味千可以做好ｄ，普通日本料理店的拉麵都唔會只得芽菜同紫菜做配料咁孤寒，連粟米、日本魚蛋呢ｄ裝飾都懶得加……但我完全接受唔到個度既服務態度，好同意之前有網友話佢影衰香港形象！無錯個經理係安排入座方面安排得好快，而且跟上菜跟得好足，令你好快有得食，但係佢一味想催你走咁。一開始仲未決定好食乜時，佢已經會自動行過黎主動催你。如果你有ｄ咩事要叫佢，佢會好快應你，但個表情係同詛咒你無分別。佢地又會大大聲用廣東話係咁講「邊枱仲未走啊」之類黎施壓逼你快ｄ走（但當時唔係full），埋單時仲夠膽死係你面前講「ｄ人真係要逼先得」。做生意姐，唔駛咁趕客既，其實機場都有好多人聽得明廣東話架囉～…查看更多

突然有鋪食壽司癮，尋日就拉埋friend一齊黎high tea。下晝4:30後無晒定食了，只能散叫壽司，如果好食既話都無所謂啦。第一輪叫左三文魚壽司、特價帶子壽司、火炙三文魚同蟹棒壽司。先黎三文魚壽司，嘩，好得人驚，飯係熱既，仲係散既，三文魚味好淡，薄得交關之餘仲要斷開，頓時覺得自己好似去左深水埗食明將咁（但係明將平好多喎！）……帶子壽司唔算特別鮮甜，塊帶子又係斷開，但特價$8一件黎講，算係ok。火炙壽司正常少少，不過都唔係特別好食，始終金水好食ｄ。去到呢度已經唔想比錢食第2 round，求其叫多兩客三文魚壽司然後埋單算。今次轉左由個經驗好ｄ既師博整，飯終於係凍既，舊壽司都握得實ｄ，不過佢地入ｄ三文魚味好淡，加上之前咁嚇一嚇，點都挽回唔到啦。下午茶時段可能少人，ｄ師博、侍應著晒制服係隔離吹水、傾電話，個感覺好差。最差就係佢地會戴埋手套拎個大盆出黎，當住你地面洗杯洗碟。唔係話咁樣唔衛生，你唔洗碟我仲驚係咪先，但話晒係餐廳，仲要係壽司鋪，呢ｄ野唔好係鋪面做好喎！一句講晒，唔會再去試，咁既質素我寧願食明將仲抵ｄ。…查看更多

今日補完習，諗起有朋友問過我白宮冰室係咪好好食，既然肚餓，一於去試下。成間冰室真係好懷舊feel，卡位的木凳都爛爛地，坐落去搖搖欲墬咁，真係有ｄ驚。不過望下個餐牌，公仔麵三文治咖喱飯呢ｄ茶餐廳食品就一定有，原來仲有埋雲吞麵呢ｄ中式粉麵，好多選擇，舊ｄ都應該黎試下。叫左個特餐，沙爹牛麵＋火腿奄列＋凍奶茶，好快脆就到。凍奶茶濃香，好飲。火腿奄列ｄ蛋熱辣辣，燙口既，入面仲有少少蛋汁，正。唯一唔好係火腿太少，成個奄列太薄身。沙爹牛麵都好惹味，沙爹既辣度o岩o岩好辣住個喉嚨好過癮，又唔會辣到要飲水降溫，可惜都係嫌太細碗。不過食野個陣望到呢度無乜人去，大概地點唔就腳啦，要維皮都難。呢個價錢呢個質素，我覺得呢個份量都接受到。下次會再黎試下其他野。…查看更多

一直想試這間得獎的餐廳，終於來試吃了。四個人，叫了雞球米線、雞翼米線、豬扒米線和牛腩河。雞球和雞翼另附甜酸醬，米線也加上了雪菜和時菜，巧見心思。豬扒炸得鬆，牛腩也惹味。最難得的是約20元的價錢，卻夠晒大碗，抵吃！…查看更多

上星期夜左番屋企見仲未食飯叫左個黑椒雞扒飯當dinner一間茶餐廳黎講, 成28蚊, 仲要冇野飲! 貴到暈呀!個飯同雞扒本身普普通通但d汁好難食, 賣相又核突, 碟邊仲有條頭髮......唯一好處係夠大碟囉.不過呢個理由唔足以令我再幫襯.…查看更多