ip9413的个人专页

在戶戶送 Deliveroo 叫了一個酸辣米線，送到來時裝湯的盒已經爛晒，d湯漏左好多出來漏到成個膠袋入邊都係。米線味道不錯。不過炸魚皮為什麼不是分開裝？和其他餸放一齊淋晒完全不脆 》_《建議不要用發泡膠盒裝湯，太熱容易變形令湯漏到到處都係。之前係‘湯加’叫外賣，是用膠盒裝湯，完全沒有漏。希望裝湯容器能有改善，不然絕對不會再叫這一家的外賣。…查看更多

新開，大家都係貪新鮮，今晚父親節去試下，8點去到等左半小時有位。4個人叫左4個小菜：魚香茄子肉鬆煲、啫啫雜菜煲、生炒骨 & 椒鹽豆腐。食到中途仲叫左個 豉椒排骨炒河外賣。飲品半價。加$8 有白飯 & 例湯，上晒菜先同你講今日的例湯無晒，當時只不過 8 點幾，吹到啤一聲，但都係照收$8。如果佢一開始落單前就同人講無晒例湯，我地會走人去第二間食，因為附近有2，3間食小菜的餐廳，白飯 & 例湯都係跟小菜送的。魚香茄子煲味道 ok , 算係咁多個小菜最好味的一個，但份量少到 ...... 茄子大約只有10 件左右。啫啫雜菜煲，不知所謂 雜菜呢？成煲野只得菜心，都算，仲要係老到有渣咬都咬唔郁。上菜時 d 菜亂七八糟...... 飛晒出煲邊都唔執返靚仔一下，一睇就知道係炒完就咁扔上個煲度。講真，做餐廳上菜就算唔求靚仔最起碼都唔好飛左出煲邊囉 ...... 生炒骨，炸到太老，外皮有點兒硬，味道可以。椒鹽豆腐，可以接受，醬汁要問先俾。豉椒排骨炒河最後取消左。中途叫的，但食完晒小菜都未到，問佢，佢話頭先無落單，依家落返即刻整俾你。等左3、4個字，再催佢，佢話廚房煮緊好快有，好，再等下唯有，再等左5分鐘，再問佢，佢竟然話廚房仲未整。真係無言...... 吹到啤一聲。唯有取消，去附近其他餐廳買。隔離2人台先好笑，等左半小時先有一碟生炒骨到，但人地嬲到一見佢上菜，即刻話唔要啦，即刻起身走人。第2枱人來坐呢張台，咁岩又係叫生炒骨，半分鐘都無，侍應拿住頭先俾人退左個碟生炒骨來到，問介唔介意？同人講頭先上一枱走左唔要的，我真係係個心度笑左出來都唔知話你老實好定係 ...... 職員方面，一位男侍應，問佢係味所有飲品半價包括特飲？佢竟然回答：呢個我唔係好清楚。麥員工一開始入職時唔係已經了解好晒餐廳的情況？一杯凍檸茶，來左第一次，講唔係我地的送錯左，轉個頭，第二個又拿返同一杯野返來 見到其他枱，間中都有上錯野的情況。真心講，咁的經歷，真係我食過最差最差的一間餐廳。絕對唔會幫襯第二次。…查看更多

發現聯和墟開左一間新的泰國菜，急不及待去試。想不到，試出新驚喜！！！第一次遇到每一道都好味的泰國菜，菜式不但迎合了香港人口味，更不失泰國菜應有的特色，更勝某些只有名氣的泰國餐廳。個人不喜歡太辣或香料太重的泰國菜。今次試左泰式生蝦、酸辣湯、生菜包，泰式春卷，泰萊炒飯，軟殼蟹墨魚汁炒意粉及香蕉船飲品。泰式生蝦，很爽口，個汁酸酸辣辣，不錯。酸辣湯，裡面有一隻大蝦及少許其他配料，食得出有放九層塔。酸度及辣度適中，本人不食得太辣，呢度的酸辣湯只有小許辣，所以都幾喜歡。生菜包，份量同其他餐廳差不多，香料味亦較淡。如果剩食肉不包生菜，有小小咸。包住生菜一起食味道適中。比較喜歡這道菜是因為香料味較淡。曾食過其他泰式餐廳的生菜包，超討厭在肉碎上放太重的香料。泰式春卷，外皮好脆，點埋帶有小許蜜糖味的酸甜醬，很夾。泰萊炒飯，賣相很得，味道更得。綠色的炒飯很好味，辣辣地的青咖哩味，放了九層塔，九層塔同炒飯的味道很夾。軟殼蟹墨魚汁炒意粉，意粉的味道不錯，炒得很香口，放了三色椒點綴顏色。軟殼蟹夠大隻，外皮脆脆地，食落口淡淡肉，正！最愛的是雜錦炒粉絲，材料十足(蝦、丸魚，芹菜，洋蔥、蛋、青紅椒，車厘茄等)，味道一流，甜甜地，粉絲吸左汁很入味，最重要炒得不油膩。必食之選！香蕉船飲品，好濃的香蕉味，但不太杰，我覺得可能有放其他果汁。另外，試了一口友人點的泰式奶茶，味道非常好，少了港式奶茶那種澀瀝的味道，但口感很滑而且味道豐富，有多種層次，味道很特別！下次會再去試其他菜式，希望有更多不同的驚喜！…查看更多