Y.k.Tam的个人专页

2月16日星期五經Open Rice訂咗灣仔世紀酒店食dinner buffet,由於有55折,計埋原價加一差唔多$450一個,餐廳不大,約有二百個位,呢個價錢沒有甚麼期望,但佢啲刺身,(有帶子)凍海鮮,有阿拉斯加蟹腳(呢個好食),翡翠螺,仲有即開生蠔,又不停供應焗凡立貝,每人有半隻焗龍蝦,而且有鮮味,比很多酒店都出色.而且紅酒啤酒任飲.性價比超高,可以有下一次.(但今晚掛住傾偈,只影了幾張相).唯一缺點是9時半就完結.…查看更多

呀仔就黎要返attachment, 襯呢個星期有空閒,又去Yamm食lunch buffet.刺身有4款,不過,我見質素麻麻,放棄咗,無食到。凍海鮮有5款,鮑魚同龍蝦鉗好食,佢啲龍蝦比好多酒店dinner buffet更佳.熱盤呢度都唔錯,小籠包同雲吞雞都好食,個辣蝦都新鮮好味,另外仲有片皮鴨都好食,個海鮮粥都鮮甜,本人食咗3碗。牛扒同火腿普通啦。甜品同生果係yamm較弱的一環,本人只吃了兩款,都係普通,雪糕就無食喇。…查看更多

今晚(6月29日)是英王太子生日,就book咗美麗華嘅Yamm食自助晚餐,自從今年三月生蠔中毒事件,Yamm已無活蠔供應,改以另外海鮮或物品代替,今次是和牛呢個因為要食飯,無試到蟹腳太鹹,唔推薦龍蝦Ok,有鮮味同有膏刺身只推薦帶子鮑魚花膠鴨掌,鮑魚好食,食咗3隻。右手邊是A4和牛,好味,中間是和牛粒,呢個夠鑊氣,無渣,好食,左邊是焗生蠔,因本人不"好"食蠔所以no comments. 上面是蒸原條沙巴龍躉班,不過不失。今次甜品都OK.其實仲有好多相,但上傳只能放12張,只好割愛了。…查看更多

今年生日飯因為東鐵去到金鐘,不如試試離會展頗近的利景酒家,訂咗兩圍要2988/圍,全包宴。乳豬全體,比市面的BB豬好多了,起碼有皮有肉,唔會得塊皮。蝦球伊麵,蝦球有12隻,而伊麵較多,映起上黎餸少麵多,如果加個蛋白獻汁會比較好睇。西蘭花炒雞球蚌片,呢個正正常常。帶子多士,呢個係蝦多士進階版,好食。紅燒大排翅,呢個比較失望,魚唇多個翅好多。蠔王花膠會鵝掌,正常清蒸大海班,呢條魚蒸得啱啱好,有魚味。金沙雞,已經好飽,無食到。單尾,福建炒飯,正正常常。可能呢間酒樓屬於老式酒家,碟頭非常之大,如果正常食量,12人應該食唔哂。…查看更多

今晚一家三口落樓下試吓呢個火鍋放題,疫情前呢間舖頭都試過有,而當時都幾成功,但唔知點解停咗,上個月再有番.但見無乜人幫襯,今晚就試吓有無中伏。最先黎過海鮮併盆,(一次過,無添加)海鮮都新鮮嘅,不過唔知點解畀熟蝦?肥牛,呢個幾好,唔係平價貨,韮菜餃,呢個都唔錯,呀仔鍾意食。呢度啲食品比想像中好,收呢個價錢(1~4: $238,5~7:$268另加一)都算合理。鱔片,脆魚鯇,大魚頭都好味道。食食吓,先至黎刺身(都係一次過)以為今次無中伏啦,點知再加單就死喇,唔知係咪無人手,半粒鐘都未黎,而當晚只有二/三十人得6~7張枱,都攪唔掂,追幾次,經理至喺廚房捧食物出來,呢點要注意。…查看更多

[IMG:1]今朝兩公婆又出動去飲早茶,去咗亞皆老街,砵蘭街口的喜亭軒,本來諗住食放題,坐低望吓個餐牌,嘩,點可能咁平,所以就唔食放題,費事食得太飽,成日頂住。今日叫了兩個孖寶,再加個超特價嘅盅頭飯,再加兩隻灌湯餃,夠哂。呢個豬仔奶皇飽,涵少,唔得。黑椒爽肚好味,下次可以encore.兩個盅頭飯,size 細細,味道都OK。呢個灌湯餃,成個灌湯飽咁,味道都唔錯,$9.8仲想點。個鮑魚角唔記得影,係炸物,味道可以,鮑魚切咗細細粒。可能點心為適應放題,全部都細細件,今日食到飽飽都係120。…查看更多

今日一行7人去大澳行咗一陣,見人多果便啲餐館唔係幾啱食,忽然醒起另外一邊有兩間"素菜館"一間是海韻,另一間是我地今次食的東方小祗園,祗(讀奇音)齋睇個名,以為是食素,原來都有肉食,而且鹽焗雞好出名,今次叫了6人餐,再加半隻鹽焗雞夠哂食。呢個併盆好食呢個香酥芋卷都唔錯,唔會食竽頭魚咁漏。呢個生炒骨都好食,起碼新鮮炸起,再埋酸甜獻,排骨本身還是脆身,推薦。呢半隻鹽焗雞,雖然出名,但我反而覺得呢碟係全餐最差的。,…查看更多

一個疫情,三年後先再到澳門,一行5人晚上去李康記食晚飯今晚有5個人,可以叫多啲菜,第一個叫咗半隻雞煲翅,佢用咗勾翅,湯味濃郁,我地5個都夠分,仲有約多3碗,即可以8個人享用。見佢有金錢蟹盒,就每人一件,裏面是豬肉加上蝦膠,熱辣辣,好味道。再叫多個釀蟹鉗,不過,呢碟蟹鉗是北海道蟹,較細隻,無乜肉。叫咗碟奶油芥菜,獻汁較杰身,呢碟麻麻。叫菜果時聽到經理介紹第二枱客人有半隻乳豬,果枱客人唔要,我即刻要埋,肉香皮脆,真係無介紹錯,而且呢個size 嘅乳豬,香港好耐無食過,正。…查看更多

今朝10點鐘搭車入西貢,10 點40分到咗全記,原來11點前仲有盅頭飯,所以就叫咗兩盅,原本想要蝦干肉餅飯,可惜售罄,所以就要咗鳳爪排骨飯,呢度啲飯軟硬適中,但不夠熱,粉卷呢度唔夠滑,但比供記好,因洪記會加個獻汁,總覺不倫不類,呢度啲牛柏葉亦都好食,有微辣,而且是小點,抵食。再加個魚肚雲吞雞,魚肚好味,但雲吞麻麻,埋單連兩位茶$162.…查看更多

舊老細剛剛英國回來,想揾個地方靜靜地,交通方便,就揀咗呢度,可能日前發生食蠔中毒事件,今晚(3.2,2023）比較靜,只得6成人左右,咁就啱哂我地,事晚無生蠔供應,以鮑魚代替,對我就無乜影響,可能人少關係,服務都唔錯,而提供的食物亦水準之上,只是龍蝦質素較為普通,而甜品亦是此餐廳之弱項,希望能有所改善。而呢度啲熱盆在尖沙咀的酒店可算是數一數二,有清蒸原條星斑,海鮮粥亦非常美味,生菓亦較為普通,期待改善。我今晚又黎,到時睇吓得唔得先。…查看更多

果日食完晏,見到門口寫住有晨早孖寶,今朝早啲起身搭地鐵再去試吓。今日叫咗兩個孖寶,鳳爪排骨飯,鴨腳紮,臘味糯米飯,山竹牛肉,再水多個蝦餃,夠哂。鳳爪排骨飯,呢個OK,料多,米飯乾大爽,好味。鴨腳紮,呢個掂,大大隻,竽頭夠粉,啱口味。臘味糯米飯,呢個米飯偏軟,可能係蒸完再蒸,而且臘味無乜味,有待改善。山竹牛肉,呢個三催四請至到,味道普通,而且喼汁偏酸,唔推介。蝦餃,呢個最貴,但就是最差,無蝦味,裏面好似蝦丸咁,可能是攪肉。…查看更多

今晚一家三口到樓下迎海薈的金滿樓食飯,喺門口見佢有個套餐自選三個小菜共$258, 好似幾抵食,就入去幫襯,入到去只有三枱客,真係戥老闆悽涼。最後叫咗個蟹籽粟米海鮮羹,干煸蝦干粉絲煲,酸菜魚頭煲,黑松露蝦腰炒滑蛋。粟米羹,好多,食咗好多碗,味道OK,不過海鮮麻麻地新鮮,無海鮮應有的甜味。粉絲煲,唔得,無乜料。魚頭煲,酸菜夠惹味,魚頭新鮮無腥味,無泥味,呢個得。炒滑蛋,蛋唔夠滑,炒得過火,蝦無蝦味.有好多進步空間。…查看更多

星期六兩口子唔知去邊度食,諗起好耐無去We go mall就搭馬鐵去恒安,呢個場真係死場,星期六去晚都静英英,喺一間叫台軒嘅食店門口見有小菜套餐,可以幾啱食就行入去啦,點知一望餐牌,無小菜套餐嘅,問吓侍應,原來門口個牌係上面一鍋峰嘅,咁就唯有叫台式食品啦.太太叫了東坡肉大腸飯,味道正常,份量亦適中,$68 無投訴.而我叫了豬扒肉躁飯,看樣子以為好正,點之一咬舊豬扒,原來是霉淋牌,淋到不得了,全無肉味,失望。到7時半左右埋單,計埋我地只得兩枱客,都唔知點維皮。…查看更多

今日同老婆去旺角好呷撐枱腳,先前見頗多好評就早啲去,11：50 到達,咦,空無一人,咁就行一陣搭正12點入場。因年紀關係,食唔到太多野,於是就揀午市定食加放題60分鐘。湯底揀咗酸菜白肉鍋,湯頭酸酸地頗開胃,去自助區揀野食,有不同的丸類及蔬菜,非常充足,而且擺放位置較衛生,及洗得乾淨。飲品區飲料亦充足,款式亦多。最讚是臺灣小食區,有鹵味,鹽酥雞,雞絲粉皮,地瓜丸,鹵肉飯,爆谷等,麵食是王子麵及關廟麵等,款式繁多,滿足太耐無去台灣品嚐的夜市美食。到1時埋單,見食客只有六成多,唔通台灣火煱熱潮已過?…查看更多

囝囝喺金鐘返工,今日做廿四孝去金鐘同佢飲茶,呢區飲茶無乜選擇,就揀咗老字號位於統一中心嘅名都。佢呢度都有點心推車仔,今日食咗煲仔飯,料多,飯少。都OK,不過要$75/煲,計埋加一,即$83,如果一個人食,計埋茶錢$100無走雞。竽角,比較失望,餡料較乾身,無汁液,這個不推薦。燒賣,將蝦放在上面,而餡料只是豬肉,而且缺少肥肉,較乾身,似肉丸,麻麻。其餘,灌湯餃,牛柏葉,鶉蛋燒賣,野菌飽等中規中矩,奈何大部分點心熱度不夠,希望店家注意。有部分點未有影相,請見諒。…查看更多