Ko Ys的個人專頁

Hoomeland都開咗好幾年，作為長期顧客既我，最喜歡既係佢既食物都係即叫即整，仲要久不久有新野吸引你持續回頭最抵食係食套餐，不過其實海鮮盤真係好抵食，耐何我地2條友見到咁大份真係食唔哂套餐沙律/湯做前菜，沙律一啲都唔馬虎，大大塊煙三文魚係上面白酒煮青口，個汁好香吊哂青口啲鮮味出黎，愈食愈惹味呀推介牛扒4成熟，真係做到生生地好嫩口既口感薯蓉都好滑好creamy，百幾蚊係邊到搵到咁好素質呀？真係好抵囉薄pizza一如既往既美味雖然係隔攝左少少，但味道都心機都搭夠，足以令我地回頭再回頭…查看更多

東昌街近年開左好多小店，Homeland算係開得最耐個間，之前晏晝有帶狗狗去食，今日晚市都多人，我地兩公婆自己慢慢嘆晚餐都有set dinner，份量不少，價錢不貴店舖小店經營，擺設亦有心思Set dinner有得揀湯同沙律，我地一人嗌一個，兩者之下，沙律係好食啲小食我地嗌左黑松露醬薯條，薯條熱辣辣呢個pizza好食，夠薄脆，又夠多餡，值得推介再來個和牛Burger，嗌左五成熟，真係處理得不錯，好食呀飲品我地嗌左薄荷朱古力，同埋熱情果多多，都幾好飲，唔會死甜…查看更多

今天去完有機菠蘿園之後過來大埔這邊尋找美食，因為我朋友想吃西餐，於是選擇了Homeland，入到裏面環境以藝術風為主，掛了很多畫作在牆壁，甚至有壁畫，看得岀店主對餐廳環境都有相當的執著。我和朋友分別叫了2個1人餐，前菜分別叫了慢煮雞胸凱撒沙律和鮮打法式龍蝦湯，首先沙律方面，雞胸吃下去很嫩滑，配上生菜的脆爽，醬料很重芝麻醬味，十分好吃同滋味，是一個好的開胃菜。至於湯聞下去已經很重龍蝦味，十分惹味，味道配搭都剛剛好，不會過鹹。主菜分別叫了伊比利亞豬肩肉薯菜和香煎澳洲黑毛安格斯西冷扒配薯菜，在豬肩肉方面，吃下去十分嫩滑，在西冷扒方面，切開中間還是粉嫩的紅色，並有煙燻的味道，兩道主菜旁邊的薯蓉再加不同顏色蔬果都十分美觀，相機吃先再到我的胃，一流！另外加錢吃小食香草牛油白酒煮青口，十分重鹹香的牛油汁，配上淡味道的青口，剛剛好。整體來說都是相當不錯的餐廳，有環境有美食！…查看更多

耐久冇來TST，而家好多店舖都改頭換面哂，趁啱啱通關唔多人就快快去左鹿兒島食燒肉，呢間一直好想食晚燒肉店我地食燒肉夢嗌左個慢煮牛油果手卷開開胃先，牛肉味香濃，牛油果好夠味，將牛肉既肉味帶出，好好味呀主菜來了，我地嗌左特上二人份$598每個部位都有介紹，而且和牛油花分布平均，好靚好新鮮，肉味亦好濃，燒完仲好嫩好juicy!我地仲叫左兩杯特飲，杯飲品大得誇張，但好味最後呢到仲有日本雪糕任食，有多款口味，真係大滿足…查看更多

除左酒店外，近年好少去啲裝修靚又安靜巴地方去嘢，今日閒日去左尖沙咀Terrace Cafe享受安靜又舒適的Tea Set餐廳職員安排我地坐出面，可以chill下呢到既環境，室內室外既佈局好唔同，室外可以有獨立間隔方面聚舊聊天，同時可以打卡日頭都好靚，相信夜晚黎會更加靚，適合情侶或朋友影相打卡我地四點幾去，食個簡單Tea Set，餐廳職員會講野下啲食物，三層Tea Set基本上同酒店食個啲冇乜大分別底層係炸物及焗芝士既食材，比較重味，但唔會覺得好油中層係咸點，香口既風乾火腿、魚子提升口感頂層係甜點，特別推介柚子芝士蛋糕，食落口好fresh，中和整個Tea Set既飽滯感，好味…查看更多

新墟係屯門人成日去既地方，買餸睇戲食飯一應區全，連大型日本野都有，不過想食壽司而又可以自己揀既話，我會推介禾川禾川係巴倫紐地下，屯門人一定知邊度啲壽司又平又多選擇，睇到眼花撩亂因為本人自己唔大食，都係每樣嗌啲啲北寄貝爽口鮮甜鯛魚油甘魚腩油香超正三文魚腩都好正海膽好新鮮，好難得呀芥末八爪魚 開胃一流蟹膏醬好惹味蒜香三文魚，將三文魚帶出左鮮味鹽燒左口魚，好味個人覺得好抵食，另外想講講佢個wasabi，辣味好重好攻鼻，唔食得辣既朋友請注意…查看更多

新冠已經3年，太耐冇返鄉下真係非常非常之掛念，朋友介紹我地去尖沙咀呢間黑木亭，佢話好出名，我地今日趁時間尚早入面唔係好多人就入左去7點零鐘入到去其實好多客人都飲左好幾杯金呢間係居酒屋，我地7點零鐘入去都見到好多人飲左好幾杯飲到塊面紅卜卜，不過我地唔飲酒，就嗌左特飲蜜桃烏龍熊茶 $58用左好得意既熊仔杯做襯托，熊仔係會慢慢溶，仲有淡淡玫瑰花清花，甜而不膩，食油膩野幾啱飲北海道芒果牛乳乳酸$48酸酸甜甜好開胃，仲有彩虹條同埋啲糖膠之類既野係裡面，好飲之餘仲有口感，好味呀海產細味六杯子$239一shot一口，適合女孩子品嘗，賣相好精美天婦羅茄子$68燒得香脆但唔油，茄子好大條，好味芝士脆玉瓜$22 豚肉年糕$48燒得啱啱好，味道一流，如果唔食主食，淨係食燒物真係停唔到口巨無霸蟹蓋飯$369真真真係巨無霸！冇諗過係咁大碟飯，本身諗住食下小食先食飯，點知一上碟真係呆左！超級飽大家都係呢間居酒居邊食邊傾，氣氛一流，黎開尖沙咀想食呢間可以早少少黎…查看更多

粉嶺中心係粉巔都叫做比較多嘢食嘅地方，主要係平民茶餐廳，而粉嶺中心商場地下都有一間平民嘅日本餐廳。舖頭其實主要係食燒肉嘅，所以每張枱都有抽氣，設備好似好齊全，餐廳裏面都唔乾淨同通爽。不過我哋今日主要係食丼飯，價錢實惠五目牛肉盛丼，賣相好靚，有好多牛肉，溫泉蛋整得剛剛好，但略嫌牛比較熟，如果再嫩啲會更好肉之雙劍客有玉子、雞、角切，好豐盛，成碗滿滿的！每個丼都有杯冷泡茶，啱晒食燒肉嘅客人飲杯茶解膩消滯…查看更多

作為半個屯門友，虹橋多嘢食就係人都知㗎啦！原來附近青嶲隔離有一間隱世小店，舖頭細細，但有好多好野食小店座位係室外，係比較多蚊，所以店員有提供蚊怕水比食客用，幾貼心小店主要食burger，佢地既漢堡註明係手打並冇特定重量，保證足料店員話我地知所有野食都係即整，所以我地決定叫左小食先。呢個係薯條同埋豬頸肉熱辣辣上，豬頸肉燒得啱啱好，唔會乾，仲好嫩滑重頭戲來了，Burger真係超大個，我呢個係煙肉漢堡+薯餅+薄荷朱古力，都係$68咋！個堡烘得好脆，好好味，煙肉仲煎得好靚，唔會好乾又唔會滴哂油貓霸漢堡+薯餅+特濃朱古力$80貓霸比煙肉漢堡份量更加十足呀，特濃朱古力又好香濃，真係好正如果唔係行咁入，真係唔知有間咁高質既小店。難怪我地一路食時，雖然附近人流唔多，但小店就好多人都等緊外賣。相信如果有埋室內堂食既話會更好生意呀…查看更多

一向粉嶺都冇乜特別好嘢食，今日行開粉嶺見呢間新開冇幾耐，主打食燒肉，減錢又實惠，就走入去食呢度環境唔算好大，但座位佈置得好舒適，又夠闊落，一啲都唔迫餐廳食品選擇都幾多，淨係燒肉都有咁多款揀，仲有得揀份量，可以按你哋嘅食量去選擇我哋嗌左個五目牛肉丼飯係珍珠米，溫泉蛋，牛肉燒得好靚又夠大碗，好抵食另外我地嗌澳洲燒肉盛300g啲肉燒完都好軟滑，好好味👍🏻👍🏻跟餐仲有湯、沙律同白飯食飽飽埋單都係三百都唔洗，真係好抵食…查看更多

冬天黎到，梗係要打邊爐暖暖胃。普通火鍋、雞煲都已經成日食，今日我地黎個豐富啲既火鍋！食任食蒸氣海鮮火鍋呢間林洪記有幾間分店，我地去左新浦崗個間，呢間應該係新開既，裡面好乾不過地方略為淺窄，如果可以闊落啲就更好喇任食海鮮有幾個套餐揀，我地揀左9款任食+埋$20任飲落餐後好快阿姐就放左盤靚野阿姐仲好好咁講野食材同蒸既時間。套餐$238，雖然以上只係可以食一輪唔可以免費添，但食材真係好鮮味！唔係好夠喉！之後我地就嗌可以任食既食材，其實我地都係每樣嗌少少，都已經飽哂，值得讚係阿姐一人走全場，忙到死下死下都不忙關心食客，又會幫我地蒸氣轉火鍋後不時加水飲品方面，$20一人便可任飲大滿足，飽飽…查看更多

砵蘭街依家真係越來越多嘢食，呢間燒肉King應該係新開嘅，如果唔book位要排好耐隊先walk in到 餐廳格局佈置得好日式，簡潔舒服我地兩個人嗌左二人餐，二人餐有齊哂幾種牛既部位，仲有湯同小食先嚟咗兩款小食，第一款係煙三文魚沙律，另一款係日式芝麻醬豆腐，兩款都係開胃小食，食完有種肚餓感好想繼續食落去。食完小菜之後就要食主菜啦就咁睇啲牛嘅色澤都好靚好肥美，脂肪分布平均，而且睇落好新鮮燒好既牛肉片配搭埋調味料更加美味。整間舖頭都充滿着燒牛嘅香氣，食飽後已經好滿足啦…查看更多

今日黎到太子搵食，太子真係太多美食，一街都係數之不盡行到尾我地去左呢間越南餐廳舖頭唔算大，但食物有好多選擇，而且仲好平民黃金脆魚皮 $32見到好多人嗌炸魚皮，我地都跟住嗌上到枱已經有濃濃既黃金醬汁包住左，魚皮仍然保持香脆，係會食唔停口既美國小食越式炸蝦春卷（3件）$28平凡既春卷配搭美味既醬汁、令成個味道提升呢度有三款醬汁比你揀，枱面有介紹，分別係是拉差醬、XO沙茶醬、海鮮醬個人比較喜歡沙茶醬，辣辣地夠哂惹味，又係會食唔停既小食！手作軟殼蟹米紙卷（8件）$76呢個價錢食到8件大大件既軟殼蟹真係好實惠，食完已經好飽喇，不過略嫌啲米紙比較厚身同埋炸得可以再金黃啲會更好越式花膠老火雞湯油香飯 $56油香飯整得靚，湯飯都足料，花膠同雞都好夠凍咸檸梳打 $19凍白桃茶 $19最後飲埋野飲，飽哂…查看更多

平時食車仔麵食得多，食有龍蝦嘅車仔麵就真係未試過，今次我哋你村爺爺車仔麵終於有得食聞名已久嘅龍蝦車仔麵啦！一入到去已經有店員招呼我哋，係我哋揀緊食咩嘅時候，老闆突然喺隔離店走咗過嚟我哋呢邊，推介我哋食咩好，我哋聽咗老闆嘅建議，揀咗食龍蝦湯底兼且又真龍蝦嘅車仔麵另外我哋都揀咗個豬骨湯底嘅車仔麵，仲要包野飲，超抵食龍蝦車仔麵真係有龍蝦㗎 ！ $69就有半隻龍蝦，老闆推介食伊麵底更加好味，連埋龍蝦湯底真係好正啊！實在太好味嘅關係，其實半隻龍蝦就真係唔係好夠嘅，不過好在有其他車仔餸，令呢餐車仔麵既豐富又滿足呀！…查看更多

一直以來去食放題都係為左任飲任食個種放任食法，對食品質素一直都冇太大期望，但今日我地去食新開冇耐既大埔滿屋，竟然超乎左我一般想像，大埔滿屋係我至今食過最好食最高質既放題！其實環境呢就好食，基本上你一眼就睇哂成個場，座位都偏窄，係有少少扣分位，但食物質素係絕對可以彌補番，因為真係好好食以上既相都係自助既食品，都幾多選擇，飲品櫃有好多飲品比你揀，仲要啱係啲冇古怪飲品，貴既大路既飲品都有，好抵玩我見好人食客都有飲清酒梅酒，我估應該係好味既，不過因為我拎左somerby，費事溝酒所以冇飲我地兩個人食，每樣嗌啲，但實在太多美食影唔哂必推既一定係刺身，刺身好鮮甜冇雪味，我地嗌左升綠放題仲有拖羅食，入口即溶架超正海膽我平時放題好少嗌，但呢間我就好放心食，仲要encore再食，好好味唔會腥，有鮮甜味道，淨係海膽都值回票價非常驚喜，除左有好味海膽外，呢到仲有池魚王，爽口彈牙，好好食呀！劍魚腩、油金魚腩，係放題好少食得咁高質既壽司，我以為自己去左食x長壽司添！最後介紹係雞軟骨，其實唔止雞軟骨，佢既燒物全部都好好食，燒得好高脆總括嚟講，我好少咁詳細寫一篇食評架，因為真係好好食！作為小市民既我，平日唔係食啲咩貴野，但呢間真係又抵又好食，一定要推介!!…查看更多