Winnnnnnnnnie's Profile

🤍蘇山雞飯∞ ∞ ∞ ∞ ∞ ∞ ◽星洲龍蝦叻沙摻摻（HKD 128）8/10叻沙湯底濃而不膩，椰香唔太重，亦都唔太辣！入面嘅米粉同油麵都索滿咗湯汁，啖啖都是美味！龍蝦唔算大條，但勝在肉質鮮嫩！*:･･:*:･ﾟ･:,｡*◽️ 海南雞飯 （HKD 78）9/10海南雞份量唔算太多，有3塊雞脾其他都係雞胸，雞髀冇骨入口即溶，雞胸都好嫩滑，嫩滑到個口感好似慢煮雞胸咁，配埋個泰式辣醬，好好味！個飯都撈滿雞汁，又乾身又香口！推薦！*:･･:*:･ﾟ･:,｡*◽️ 雞雜冬瓜湯 8/10滿滿嘅冬瓜配上滿滿嘅雞腎，飲落好清甜，鍾意食雞腎嘅會好滿足！*:･･:*:･ﾟ･:,｡*◽️ 鮮油咖央多士 8/10成磚牛油🧈夾係中間，好邪惡！味道好甜，唔重咖央味，多士香脆！真心好食！*:･･:*:･ﾟ･:,｡*◽️ 參巴醬通菜 (HKD 20) 8/10同馬介休通菜差唔多味，辣辣咸咸，送飯一流！*:･･:*:･ﾟ･:,｡*◽️ 椰青 (HKD 28) 10/10感覺到雪左係雪櫃一整天，超清甜、超解熱、超冰涼！晚餐加配好抵飲！∞ ∞ ∞ ∞ ∞ ∞ 💭評分味道 8/10環境 7/10 ∞ ∞ ∞ ∞ ∞ ∞ 📍地點蘇山雞飯 (📌長沙灣)長沙灣元州街411號義華大廈地下∞ ∞ ∞ ∞ ∞ ∞ #foodismylife長沙灣#foodismylife茶餐廳∞ ∞ ∞ ∞ ∞ ∞ #長沙灣餐廳 #長沙灣美食 #蘇山雞飯 #必食海洋雞…Read More

​🤍雪山冰廳​​∞ ∞ ∞ ∞ ∞ ∞ ​​◽️檳城風櫻花蝦炒蛋奶油多士 9/10 (HKD 30)​尼個真心有驚喜，櫻花蝦炒蛋個味較得好出，又滑又綿，丹麥塊多士好鬆脆，好香牛油味，單食多士都好食，推薦推薦！必點！​​*:･･:*:･ﾟ･:,｡*​​◽️經典芝士煎蛋牛肉漢堡包7/10 (HKD 35）​經典茶餐廳之選，漢堡包🍔夾左厚厚嘅漢堡扒、芝士同流心煎蛋，塊包唔算好軟但加左好多白芝麻，成個漢堡味道係傳統茶餐廳味，不過不失。​​*:･･:*:･ﾟ･:,｡*​​◽波士頓龍蝦摻摻 6/10 (HKD 88）​喇沙湯底好惹味，好濃好香，金黃色好開胃，粗麵同米粉都好掛湯，令人忍唔住一食再食！美中不足係隻龍蝦，肉質好林。​​*:･･:*:･ﾟ･:,｡*​​◽咖喱牛筋腩飯 8/10 (HKD 62)​牛筋牛腩份量多，童叟無欺，咖哩撈飯一流，味道係偏咸，食落同大快活咖喱差唔多味，中意食港式咖喱會好中意！​​*:･･:*:･ﾟ･:,｡*​​◽ 燉湯 8/10 (+HKD 9)​海底椰燉雞腳湯，燉湯高質足料，椰香十足，欣賞佢好熱咁上，飲完感覺個胃都暖了，身體都健康了！​​∞ ∞ ∞ ∞ ∞ ∞ ​​💭評分​​味道 8/10​環境 7/10​…Read More

​🤍White Hse.​​∞ ∞ ∞ ∞ ∞ ∞ ​​◽️二重奏忌廉煙肉芝士通粉 8/10 (HKD 118）​​雖然叫二重奏芝士，但食落唔算太膩，芝士配埋忌廉汁，食落非常香濃。配料雖然只得煙肉，但煙肉份量好多，食整都食唔晒！意粉煙韌，咬落超厚實，十分掛汁！​​*:･･:*:･ﾟ･:,｡*​​◽️來自地獄的意粉6/10 (HKD 110）​​意粉加左大量嘅辣椒，真係食到噴火，辣到爆，中意食辣嘅人可以唸唸！配料有少量雜菇同煙肉，但每樣配料都裹滿醬汁，食落只有辣味。個醬汁除左辣外，食落酸味味😂，又辣又酸好神奇！​​*:･･:*:･ﾟ･:,｡*​​◽️White Hse Cookie Cup ​ 9/10 (HKD 69）​​飲品玩味十足，樽裝牛奶配埋另上嘅餅乾杯，淡淡的純牛奶🥛奶味香濃，餅乾杯啲餅乾好正，似加厚版藍冠曲奇，入面仲有層紫薯醬cover，浸埋牛奶邊飲邊食，真係有Oreo點奶嘅感覺，正！​​*:･･:*:･ﾟ･:,｡*​​◽️蜂蜜牛油果香蕉smoothie 8/10 (HKD 58）​​味道好濃香蕉味，係好濃嘅香蕉奶昔，淡淡嘅牛油果味作點綴，令味道更有層次，值得加分係個調味係好飲，而且唔太甜，推薦～​​*:･･:*:･ﾟ･:,｡*​​◽️其他​​環境佈置有心思，用了大量膠花做裝飾，仲有好多俾客人打卡嘅花牆，但我覺得個鋪面始終有點細，個枱得一格磚咁大，坐落好迫，而且鋪面得一個樓面，感覺到佢完全做唔切，客人要係門口等一輪先有人安排坐位，有事搵waitress都要等一排。但廚師煮嘅嘢食真係唔錯，加番分！​​∞ ∞ ∞ ∞ ∞ ∞ ​​💭評分​​味道 8/10​環境 7/10​服務 4/10​​∞ ∞ ∞ ∞ ∞ ∞ ​​📍地點​​White Hse. (📌銅鑼灣)​銅鑼灣謝斐道508號聯成商業中心15樓1501室​​…Read More

​🤍女人街食飯公司​​∞ ∞ ∞ ∞ ∞ ∞ ​​◽️瑤柱招牌走地雞8/10（HKD 138/半隻）​​尼隻雞份量十足，半隻雞嘅量係絕對夠3個人食！走地雞嘅雞肉好鮮嫩、好滑，完全感受到隻雞生前一定做過好多運動，所以佢嘅肉質都好結實！雞上面鋪滿炸蒜同炒過嘅瑤柱，令平凡嘅白切雞更濃味，配搭好特別，第間餐廳係唔會搵到，好夾！惹味！​​另外，餐廳亦提供咗泰式酸辣醬同薑蓉，走地雞搖身一變又變成泰國水門雞，一雞多味，真係滿足到中意食雞嘅大家！​​*:･･:*:･ﾟ･:,｡*​​◽️黑松露厚蝦多士8/10 (HKD 28/件）（三件起）​​黑松露蝦多士一定係女人街食飯公司嘅招牌菜，基本上每個人尼到都必點！尼個多士絕對唔普通，一隻手指公咁大嘅鮮蝦躺在一塊超香口嘅厚多士上，鮮蝦上仲有黑松露醬點綴住，賣相非常吸引！味道尼講，蝦彈牙新鮮，麵包脆卜卜，黑松露味濃，非常惹味！好食！中意甜口嘅朋友仔可以點埋個黑松露沙律醬，會甜啲嫁！​​*:･･:*:･ﾟ･:,｡*​​◽️高湯粉絲什菜煲8/10 （HKD 98）​​中意食菜嘅朋友一定唔可以唔點尼個煲，尼個煲有小棠菜、菜心、西蘭花、小白菜同粉絲，好豐富阿！每個菜都烹調得岩岩好，個個菜都鮮嫩，唔老，好清！ 好味！​​∞ ∞ ∞ ∞ ∞ ∞ ​​💭評分​​味道 8/10​環境 8/10​​∞ ∞ ∞ ∞ ∞ ∞ ​​🔸備注​​·餐廳好有50-60年代懷舊風味，超適合大家打卡！​·提早預約，都幾full!​​∞ ∞ ∞ ∞ ∞ ∞ ​​📍地點​​女人街食飯公司 (📌旺角)​旺角通菜街1A-1L威達商業大廈1樓B室​​∞ ∞ ∞ ∞ ∞ ∞ ​​…Read More

​🤍成記茶寮​​∞ ∞ ∞ ∞ ∞ ∞ ​​◽️豬扒蛋飯 8/10 (HKD 47）​​豬扒係我食過咁多間豬扒飯最厚嘅一間，最神奇嘅係厚得尼，仲要好嫩滑，真係稱得上皮厚肉嫩！味道尼講，醃得好入味，配上咸咸甜甜嘅鼓油，真係好送飯！再講太陽蛋，煎得岩岩好，流心蛋黃，好味！成記真係我暫時食過最好食嘅豬扒飯！​推薦！​∞ ∞ ∞ ∞ ∞ ∞ ​​◽️環境​​雖然野食係好味，但環境就唔係個個接受到，間餐廳係元朗冬菇亭道，係冇冷氣嘅，但就係有一部人咁高嘅風扇吹，唔會太熱！而且餐廳隔離就係公廁，大家要有心理準備環境唔算乾淨，但都可以話地道風味十足，大家不妨體驗下！​​∞ ∞ ∞ ∞ ∞ ∞ ​​💭評分​​味道 8/10​環境 3/10​​∞ ∞ ∞ ∞ ∞ ∞ ​​📍地點​​成記茶寮 (📌元朗)​元朗建業街街市地下C8號舖​​∞ ∞ ∞ ∞ ∞ ∞ ​​…Read More

🤍9 3/4 Cafe中意Harry Potter可以考慮來尼間Cafe，佢地嘅佈置超級用心，神還原咗9 3/4月台嘅場景，仲有好多魔仗、魔法書，令我地彷彿置身Harry Potter嘅魔法世界咁！入面好多小用品都好得意，例如：有個擺底會嚇親，以為佢就倒瀉水嘅轉轉不倒翁杯😙，又會有頂分類帽！∞ ∞ ∞ ∞ ∞ ∞ ◽️牛油果龍蝦沙律 5/10 (HKD 95）擺盤非常靚，令人食慾大增，份量都足，有大大盤生菜、車尼茄同埋有一粒完整嘅牛油果，牛油果好味！但龍蝦就相對麻麻，唔新鮮之餘仲撈左好多醬，肉質都係好林同散開，所以令到成個沙律大打折扣！*:･･:*:･ﾟ･:,｡*◽️明太子軟殼蟹意粉 7/10 （HKD 118)一隻完整嘅軟殼蟹炸到脆卜卜，份量好足，我覺得唔算太油，係好味嘅😋！明太子都好多，意粉🍝軟硬適中，一開始食係好味既，但食食下個忌廉意粉都幾溜，所以overall尼講叫不過不失！*:･･:*:･ﾟ･:,｡*◽️雞肉意大利飯 7/10（HKD 88）尼個risotto係咁多樣野入面最好味，risotto煮到微硬，非常有𡁻勁！個醬汁好creamy，但唔算溜，我食食下仲食到淡淡嘅日式咖喱味，味道不錯！*:･･:*:･ﾟ･:,｡*◽️藍莓芝士蛋糕 6/10藍莓🫐味好出，芝士好軟綿綿，帶微微嘅奶味，而且唔算太甜，不錯！∞ ∞ ∞ ∞ ∞ ∞ 💭評分味道 7/10環境 7/10∞ ∞ ∞ ∞ ∞ ∞ 📍地點9 3/4 cafe (📌旺角)旺角煙廠街9號興發商業大廈4樓404室∞ ∞ ∞ ∞ ∞ ∞ …Read More

​🤍榮記粉麵​​∞ ∞ ∞ ∞ ∞ ∞ ​​◽️三拼車仔麵 9/10 (HKD 43）​​◽️大雜粉麵 9/10 (HKD 50）​​榮記粉麵真係世界第一，稱霸成個車仔麵界，係車仔麵嘅楷模，每次食車仔麵都會不自覺拎佢嚟同榮記比🤣，但暫時真係未有一間可以撼動榮記嘅地位！​​湯底：榮記嘅腩汁湯底真係冇得輸，好香好濃嘅牛腩味，但食完又唔會口渴，超高質！​​辣油：食榮記係唔洗講大中小辣，佢個腩汁係唔辣嫁，咁你想食辣就可以自己落辣油，佢個辣油好香好辣，提提大家落小小先，唔夠再加，因為佢個辣油係超辣嫁，落多左會食唔到！​​麵底：暫時我食過河粉、米線同米粉，我覺得河粉同米線跑出，河粉嫩滑有口感、米線都好掛湯，米粉就普通。​​餸：​豬大腸 - 豬大腸好入味，而且好彈牙同厚實，必叫！​魷魚鬚 - 好香嘅油香味，條條都好足料，超彈牙，必叫！​墨魚丸 - 好濃墨魚味，彈牙而且唔硬，必叫！​冬菇 - 真「平民鮑魚」，冬菇超甜超入味😍，大大舊好有口感，必叫！​蘿蔔 - 蘿蔔舊舊都好嫩，冇渣，都一樣好甜好入味，正，必叫！​​魚蛋 - 唔係陳皮魚蛋，係大大粒嘅白色魚丸，好有鮮味同魚味，彈牙嫩滑！*:･･:*:･ﾟ･:,｡*​​◽️腩汁通菜 8/10（HKD 20）​​份量超多，Cp值超高！腩汁同通菜勁夾，條條通菜都係腩汁嘅沐浴下更加鮮甜，通菜每條都好嫩滑！但食嘅時候要小心，一咬好易張通菜入面嘅腩汁飛濺出來😆，建議大家唔好邊食邊講野！​​∞ ∞ ∞ ∞ ∞ ∞ ​​💭評分​​味道 9/10​環境 4/10​​∞ ∞ ∞ ∞ ∞ ∞ ​​📍地點​​榮記粉麵 (📌銅鑼灣)​銅鑼灣糖街27號A地下​​∞ ∞ ∞ ∞ ∞ ∞ ​​…Read More

​🤍炙·宴​​∞ ∞ ∞ ∞ ∞ ∞ ​​◽️特選宮崎豚肉飯 8/10 (HKD 88）​​豚肉份量十足，鋪滿成個飯，每一塊豚肉都燒到外脆內嫩，金黃色散發光芒🤣。豚肉肥瘦適中，既食到豚肉嘅油香，又唔會覺得好肥膩。除左豚肉好味之外，不得不提佢嘅秘製醬汁，佢個醬汁昇華咗成個丼飯嘅味道，令豚肉嘅味道更突出，亦令個白飯更好味，甜甜咸咸嘅醬油均勻地包裹住每一粒嘅白飯，令人一食再食，欲罷不能，真係勁好味！推薦！​80蚊食到咁好食嘅野，邊道搵？性價比之選！​*:･･:*:･ﾟ･:,｡*​​◽️宮崎和牛·豚肉雙拼飯 7/10（HKD 159）​​尼個和牛同豚肉嘅配搭可以俾我地試晒豚肉同和牛，咁其實係尼間餐廳，豚肉係好食過和牛好多，和牛個味道都較得幾好，但我覺得有啲太韌，幾難咬，做唔到入口即化嘅效果，所以食牛建議去番其他餐廳會好啲！​​∞ ∞ ∞ ∞ ∞ ∞ ​​💭評分​​味道 8/10​環境 8/10​​∞ ∞ ∞ ∞ ∞ ∞ ​​🔸備注​​·鰻魚都係好食嫁！​·推薦豚肉&鰻魚​​∞ ∞ ∞ ∞ ∞ ∞ ​​📍地點​​炙・宴 (形點) (📌元朗)​元朗元龍街9號形點一期2樓2046號舖​​炙・宴 (利東街) (📌灣仔)​灣仔皇后大道東200號利東街地下G02-03號舖​​炙・宴 (新城市廣場) (📌沙田)​沙田沙田正街18號新城市廣場第三期2樓A215號舖​​炙・宴 (V City) (📌屯門)​屯門屯門鄉事會路83號V City商場1樓L1-3號舖​​炙・宴 (康城) (📌將軍澳)​將軍澳康城路1號The LOHAS3樓306號舖​​∞ ∞ ∞ ∞ ∞ ∞ ​​…Read More

​🤍煮你隻蜆​​∞ ∞ ∞ ∞ ∞ ∞ ​​◽️花椒麻辣 5/10（HKD 43 + HKD 5 粉絲）​​小妹我勁中意食麻辣粉絲，聽講葵芳新開左間好好味嘅麻辣粉絲，就梗係要試下啦！咁佢有五個味揀嘅，包括係：原味爆蒜、花椒麻辣、香濃芫荽、啖啖蕃茄同白酒牛油，但係43蚊只包個湯底、少少粉絲金菇同7-8隻蜆，平均5蚊一隻蜆，咁唔想得果幾隻蜆就要另加5蚊粉絲，咁勉強都叫有啲野食下嘅☹️！性價比尼講，我覺得勁唔抵！其他鋪頭賣一樣嘅食物正好多！（如：元朗花甲粉勁多配菜又大兜、18樓雞煲任加粉絲）​​咁食落其實都冇咩特別，就係又麻又辣，但麻嘅程度有令我嘴唇麻痺左，都ok嘅！蜆都叫新鮮，但絕對唔大隻。粉絲正常味，但係份量唔多！​​總括尼講，我食過一次就夠，絕對唔會encore😂！不推薦！​​∞ ∞ ∞ ∞ ∞ ∞ ​​💭評分​​味道 5/10​​∞ ∞ ∞ ∞ ∞ ∞ ​​📍地點​​煮你隻蜆 (📌葵芳)​葵芳葵富路7號葵涌廣場地下A73-1號舖​​∞ ∞ ∞ ∞ ∞ ∞ ​​…Read More

​🤍屯の大阪章魚燒​​之前食開章魚無雙嘅章魚燒，但係發現佢紅咗之後水準下降，有次買甚至係室溫咁上（章魚燒要熱到焫嘴先好食！），至此之後就冇幫趁過，直至前幾日同朋友去葵廣，我又搵到間好好味嘅章魚燒！​​∞ ∞ ∞ ∞ ∞ ∞ ​​◽️火炙溶岩芝士脆脆章魚燒 7/10（HKD 36/8粒）​​章魚燒熱到冒煙，而且超超超足料，每粒章魚燒都好結實，外脆內軟，麵漿軟綿綿，好易入口，入面仲包住一隻大大粒嘅章魚。​​芝士俾得勁多，鹹鹹甜甜，而我食到嘅脆脆係熱浪pizza味薯片，估唔到薯片同章魚燒都幾match，食落好有𡁻勁，令到粒章魚燒個口感更豐富！好味！​​*:･･:*:･ﾟ･:,｡*​​◽️雙拼蟹膏明太子章魚燒 8/10 (HKD 42/8粒）​蟹膏個味好出，超級濃味，而且蟹膏份量好多，鋪滿成粒章魚燒，超級推薦！食左咁多個味，蟹膏真係my favourite!😍​​明太子都係好足料，份量足但又唔會好咸，咬落脆卜卜，都一樣好味！​​∞ ∞ ∞ ∞ ∞ ∞ ​​💭評分​​味道 8/10​​∞ ∞ ∞ ∞ ∞ ∞ ​​📍地點​​屯の大阪章魚燒 (📌葵芳)​葵芳葵富路7號葵涌廣場3樓摩登世界1號舖​​∞ ∞ ∞ ∞ ∞ ∞ ​…Read More

​🤍楚撚記大排檔​​∞ ∞ ∞ ∞ ∞ ∞ ​​◽️豬油撈飯 10/10（HKD 20）​​豬油撈飯係以前嘅人嘅主食，因為生活貧困，食唔起肉，唯有撈豬油代替食肉，今時今日大家有錢食肉，好少話聽到仲要食豬油撈飯，所以小妹我都係人生第一次食阿！點知唔食唔知道，一食就停唔到，真係好好味阿！​​楚撚記個豬油撈飯個白飯都係好用心，同12蚊一碗嘅靚仔白飯唔同，豬油撈飯個白飯係即叫即蒸，蒸出尼個白飯係粒粒分明、偏乾身，咁佢會另上鼓油同豬油俾你，咁你中意落幾多都得，自己調配個份量。​​其實我都唔識形容果個味，就係食完個口回甘咁，超香口，好食過就咁食豬肉，我相信如果唔叫餸，我就咁食飯都可以食到三碗，真係名副其實嘅「白飯小偷」！叫我日日食都得！我願意！​​P.S. 太好味唔記得影相😂​​*:･･:*:･ﾟ･:,｡*​​◽️楚撚記脆皮燒BB鴿 8/10 (HKD 58）​​BB鴿熱辣辣上枱，金黃色的外皮燒到脆卜卜，外皮底下嘅肉質鮮嫩，一咬落去外脆內軟，油香四溢，鴿肉仲熱到冒煙，超級惹味！點埋淮鹽，更加好味！😋​​*:･･:*:･ﾟ･:,｡*​​◽️濃湯海鮮粉絲什菜煲8/10 （HKD 83）​​超級豐富嘅一道餸，大大兜又足料，入面有蝦仁、魷魚、小帶子、勁多菜心、小棠菜同粉絲，粉絲嘅數量驚人，可以話係有一個「粉絲海」，中意食粉絲嘅一定會好中意、好滿足！😍 ​​味道尼講算係較清淡，我唸係濃湯寶開稀再加啲菜汁咁，似菜湯，個味都較得幾好嫁！​​*:･･:*:･ﾟ･:,｡*​​◽️咕嚕雞球7/10（HKD 78)​​同平時嘅咕嚕肉差唔多味，但係就係好熱、份量好多、同個排骨換左做雞，咁就唔會食到骨喇，哈哈！但係有樣野扣左分，就係個炸粉有點厚，雖然雞球都好足料、好多肉，但個炸粉薄啲會好食啲！😂​​∞ ∞ ∞ ∞ ∞ ∞ ​​💭評分​​味道 8/10​環境 7/10​​∞ ∞ ∞ ∞ ∞ ∞ ​​🔸備注​​·好抵食阿！仲要唔收加一！​·茶精茶都好好飲阿！​·每道餸都好出色阿！​​∞ ∞ ∞ ∞ ∞ ∞ ​​📍地點​​楚撚記大排檔 (📌荃灣)​荃灣川龍街118號百悅坊地下-1樓​​∞ ∞ ∞ ∞ ∞ ∞ ​​…Read More

​🤍越好​​尼間鋪頭係馬來西亞過江龍，係馬來西亞有32年歷史嘅老字號，有7間分店，以性價比高而聞名！我覺得「越好」尼個名改得好好👍🏻，有越食越好味😋、越南野好味、越來越好嘅意思，全部都好好意頭阿！​​∞ ∞ ∞ ∞ ∞ ∞ ​​◽️越好四寶湯河 8/10 (HKD 60）​​四寶係包括招牌生牛肉、牛腩、牛展同牛丸！生牛肉入口即化，牛腩軟腍入味，牛展惹味，牛丸彈牙，四個餸都好好味！河粉亦十分柔韌，夾到好高完全唔會斷，軟硬適中！湯底係牛肉湯，十分鮮甜，散發濃濃牛香，好濃郁阿！​​*:･･:*:･ﾟ･:,｡*​​◽️越南豬扒撈檬7/10 （HKD 56)​​豬扒份量超級多，食極都食唔晒，香茅味都幾重，但豬扒軟硬適中，食落十分香口，不錯！檬粉煮得岩岩好，加入大量魚露，酸酸甜甜好清新，夏日必點！​​*:･･:*:･ﾟ･:,｡*​​◽️炸蝦餅 8/10（HKD 38)​​蝦餅熱辣辣咁上，非常惹味，蝦餅彈牙，外脆內軟，配埋酸甜醬中和番個油膩感，非常出色！而且38蚊有4件，性價比非常高！​​*:･･:*:･ﾟ･:,｡*​​◽️蝦醬雞翼 5/10（HKD 38)​​雞翼脆卜卜，外面包住一層薄薄的面包糠，非常香口，但係蝦醬味道唔夠突出，食落得個脆字，普普通通、不過不失！​​∞ ∞ ∞ ∞ ∞ ∞ ​​💭評分​​味道 7/10​環境 6/10​​∞ ∞ ∞ ∞ ∞ ∞ ​​🔸備注​​· 抵食！小資之選～​· 坐位略嫌有啲太迫！但係都幾乾淨！​​∞ ∞ ∞ ∞ ∞ ∞ ​​📍地點​​越好 (📌沙田)​沙田沙田車站圍1號連城廣場1樓109號舖​​∞ ∞ ∞ ∞ ∞ ∞ ​​…Read More

​🤍元朗花甲粉​​∞ ∞ ∞ ∞ ∞ ∞ ​​◽️元朗花甲粉 8/10 (HKD 56）​​元朗好出名嘅花甲粉，一打開個蓋就見到超多花甲排晒隊等住我享用，好足料阿！花甲粒粒飽滿多肉，每一隻都開晒，食落完全冇沙，食得出唔係冰鮮蜆，係真材實料新鮮煮成，食落十分鮮甜，高質！​​湯底方面我揀左小辣同小麻，我平時食開譚仔三小都覺得幾辣，食食下仲辣到咳，但係真係好麻好過癮阿！湯底夠濃味夠辣，中意食麻辣燙嘅絕對唔會令你失望😚！​​配料方面，除左花甲外，仲有好多好入味嘅豆卜、金菇、娃娃菜做配菜，豆卜脹卜卜，咬落啲湯汁即刻湧出來，十分惹味！金菇份量不多，但佢豐富左麻辣湯嘅口感，都好正！​​主食方面，有得揀粉絲、米線、烏冬、米粉，我就揀左最地道嘅粉絲。粉絲份量超級多，所以店家建議唔好一次過落晒，落左一半食完再落會好啲，咁啲粉絲就唔會浸到太淋喇！粉絲烹調得十分恰當，煙韌得尼又好掛湯，食完會想即刻再食，一眨眼就會食晒成碗🤣！​​∞ ∞ ∞ ∞ ∞ ∞ ​​💭評分​​味道 8/10​環境 4/10​​∞ ∞ ∞ ∞ ∞ ∞ ​​🔸備注​​·製作需時，外賣請預早電話下單。​·鋪位較細，堂食得三個位到。​·濃味之選！​​∞ ∞ ∞ ∞ ∞ ∞ ​​📍地點​​元朗花甲粉 (📌元朗)​元朗水車館街2號東輝閣地下10號舖​​∞ ∞ ∞ ∞ ∞ ∞ ​​…Read More

​🤍不籽是咖啡​​一路沿住彌敦道行，行行下就會發現尼間鬧市中嘅文青Cafe🥰。​​∞ ∞ ∞ ∞ ∞ ∞ ​​◽️鰻魚滑蛋漢堡配松露薯條 9/10 (HKD 128）​​超足料大大條鰻魚嘅漢堡包，鰻魚嫩滑冇骨，十分彈牙，而且味道較得非常好，鰻魚醬汁鮮甜美味，配上神級滑溜嘅炒滑蛋，十分之夾！平時食鰻魚滑蛋飯食得多，但估唔到個飯轉做漢堡包，係更加之好味！坦白講，佢真係得食過人生最好味嘅漢堡包🍔！​​松露薯條即炸俾我地，非常香口，松露好味，唔似部分坊間嘅餐廳有時會食到Gas味！而且松露分量多，平均分佈係每一條薯條上面！薯仔粗身，外脆內軟，好有口感！好好味阿😋！​​*:･･:*:･ﾟ･:,｡*​​◽️味增蟹醬蟹籽蟹肉扁意粉8/10 （HKD 128)​​尼個意粉真係好正阿！不論係蟹醬、蟹籽家蟹肉分量都好多，店家完全毫不吝嗇，我懷疑配料佔成個意粉1/3！意粉除左撈左極多蟹醬外，仲落左一啲都唔漏嘅忌廉汁，兩個汁mix埋一齊令個意粉嘅味道非常之有層次，將味道昇華左去另一個境界！​​蟹肉蟹籽亦令到個意粉口感好豐富，超級有咬口，最後為左食晒啲蟹肉，要用匙羹𢳂埋個汁飲🤣！​​*:･･:*:･ﾟ･:,｡*​​◽️海鹽焦糖雞翼 6/10（HKD 68)​​雞翼對比下冇乜特別，普通單骨雞翼加小小蜜糖，甜甜地、咸咸地🤣！但對比其他野食嘅分量，68蚊得8隻單骨雞翼係幾貴下，所以雞翼可食可不食。​​∞ ∞ ∞ ∞ ∞ ∞ ​​💭評分​​味道 8/10​環境 7/10​​∞ ∞ ∞ ∞ ∞ ∞ ​​🔸備注​​· 高質Cafe! 10食完10個都話好食！​​∞ ∞ ∞ ∞ ∞ ∞ ​​📍地點​​不籽是咖啡 (📌油麻地)​油麻地彌敦道450號文豪閣地下D號舖​∞ ∞ ∞ ∞ ∞ ∞ ​​…Read More

​🤍18樓雞煲火鍋專門店​​18樓雞煲有分3個套餐：​套餐A: 美國雪花肥牛 ​套餐B: 美國安格斯牛​套餐C: 極上澳洲肥牛​​我就揀左最平嘅套餐A，揀左之後店員就會送上個雞煲，然後俾個QR code你order野食，咁你食完個雞煲就可以自己加上湯，咁個雞煲就會搖身一變變成雞煲火鍋嫁喇！一雞兩食～^_^​​∞ ∞ ∞ ∞ ∞ ∞ ​​◽️套餐A雞煲 7/10 (HKD 178 + 10 週末價）​​雞煲非常非常濃味，入面有好多雞件（包括雞髀、雞翼、雞背、雞胸），我就叫左小辣，雞煲咸度、辣度適中，雞肉嫩滑，入面仲有洋蔥、辣椒嘅配料，非常惹味！建議大家尼個時候儘快食晒啲雞，因為加湯後啲雞就冇咁好味～^_^​​*:･･:*:･ﾟ･:,｡*​​◽️雞煲火鍋7/10​​加左上湯嘅雞煲亦都好好味，雞煲嘅汁同上湯非常夾，所以加左湯個邊爐仍然都好夠味，咁尼個時候，大家就可以加入岩岩用QR code點嘅配料，開始打邊爐！​​*:･･:*:･ﾟ･:,｡*​​◽️主食​​泰國粉絲 8/10 （粉絲打邊爐一流！索晒啲雞汁，而且粉絲偏幼，質料好柔韌、唔會煮斷，推薦阿！）​出前一丁 8/10 （肥仔之選，不過出前一丁同雞煲係絕配！）​​*:･･:*:･ﾟ･:,｡*​​◽️配料​​粟米豬肉餃 7/10 （自家製餃子，絕對唔係灣仔碼頭，粟米超級甜，加分不少，但係個餃子皮偏薄，容易煮到好淋！）​​墨魚滑 8/10 （好滑、好彈牙，上面鋪左卜卜脆嘅蟹籽，好味！）​​牛肉 6/10 （不過不失，嫩滑但較薄身！）​​蝦 8/10 （新鮮！大大隻好有口感，連竹簽上嘅設計好貼心，好方便食客食！）​​牛柏葉 8/10 （同邊爐好夾！好味！）​​墨魚 6/10 （彈牙但唔算太入味，不過不失，可以過下口癮！）​​自家製響鈴🔔 9/10 （大大舊非常好味，炸得非常之脆，建議大家浸林啲食，整得好薄身好快就吸晒啲上湯，必點！）​​豬大腸 6/10 （大大件，好彈牙！但冇肥膏🤣，有會正啲！）*:･･:*:･ﾟ･:,｡*​​◽️飲品​​茉莉綠茶 9/10 （好飲過出面便利店賣嘅無糖茶，茉莉味好香好濃，茶味清香，唔澀，配埋雞煲同火鍋，超級解膩阿！）​​∞ ∞ ∞ ∞ ∞ ∞ ​​💭評分​​味道 7/10​環境 5/10​​∞ ∞ ∞ ∞ ∞ ∞ ​​🔸備注​​· 18樓雞煲之所以叫18樓係因為佢永遠開係18樓🤣​·下載Storellet加入左做18樓雞煲新會員可以第1次9折！即係免加一！抵！​​∞ ∞ ∞ ∞ ∞ ∞ ​​📍地點​​18樓雞煲火鍋專門店 (📌荃灣)​荃灣眾安街55號大鴻輝(荃灣)中心18樓​​∞ ∞ ∞ ∞ ∞ ∞ ​…Read More