kubiwan的个人专页

雖然依家通返關可以去日本，不過有時口痕真係想食吓呢啲日式梳乎厘～一直都知呢間餐廳既存在，最近睇完網上介紹就心郁郁想黎試下入到黎，雖然舖面唔算大，不過就坐得幾舒服。今次想試下比較少人試既原味梳乎厘～食落去空氣感超強～有微微蛋香～配上個唔太甜既楓糖漿～配合得岩岩好Cappuccino 就正正常常～整體上，好在唔駛等位就入到黎不過食梳乎厘就要等15分鐘～～呢間餐廳仲有其他意粉burger～～下次再試下先～…查看更多

自己好幾年無去過日本特登去Yoho mall 個熊本主題影下相點知俾我見到附近有日本直送既青森縣蘋果批青森縣蘋果出名就好多人都知不過我就未試過用青森縣蘋果做既蘋果批～現場問一問，原來係少量少量咁焗出黎，唔係一次過整大量再heat住佢。睇落去個個都漲卜卜，好酥脆咁！由於疫情關係，雖然入面有位坐，我就選擇外賣返屋企。咁岩見到有啲特色切餅蛋糕，即刻勾起以前去東京旅行，行到攰果陣，坐低係cafe食件蛋糕既回憶。日本汽水好多選擇～～最後揀咗純朱古力蛋糕～～真係要讚一讚個服務～係日式服務。未開聲要袋，見到我拎住嘢，就主動幫我包裝好，放埋入袋朱古力蛋糕，朱古力味好香濃，唔會死甜～海綿底好綿密～蘋果批勁香勁酥脆～食落去啲蘋果味好香好清甜～比起某啲餐廳落糖去撈蘋果蓉，簡直係兩回事～入面啲吉士忌廉岩岩好～微微既咸香，配落去蘋果香，唔怪之得係鎮店之寶！…查看更多

係雲南米線當道既香港居然仲有人願意做唔係雲南米線既米線就算佢地係辣，都係香辣而唔係麻辣！第一次黎試，入面有好多牛既選擇包括牛腩、牛脷、牛𦟌、牛筋但見到有豬腩肉，所以就試吓未嗌之前，問會唔會太辣，店員好好，主動提議我哋分上嚟到嘅時候，心諗大鑊啦個豬腩肉好似好辣咁不過食落又ok (利申，食譚仔五小多）啲豬腩肉非常肥美，幾乎入口即化。另外，牛腩亦炆得夠林～～整體黎講，啲餸好食，而米線本身個軟硬度亦岩岩好。…查看更多

今日係慶祝周年紀念🤩梗係要食餐好。來到Chef’Stage Kitchen~元朗來講餐廳算大，位置多，適合一班人嚟。加上餐廳裡充滿工業風，樓底高，俾人一種放鬆感覺。一坐低侍應就送上香草麵包配自家製沙律醬😋沙律醬味道好好，麵包有啲蕃茄味酸味味。而餐湯就係廚師推介。在嗌左兩個前菜 🥳香草牛油焗龍蝦尾+加拿大海膽帶子多士👍🏻👍🏻👍🏻👍🏻👍🏻香草牛油焗龍蝦尾$148自己食得多龍蝦會敏感，呢個細細件，兩個人分剛剛好。一上碟牛油味好重，香噴噴嘅龍蝦🦞👍🏻👍🏻👍🏻👍🏻👍🏻加拿大海膽帶子多士$158-好有驚喜，加拿大海膽好鮮甜， 同帶子好夾。👍🏻👍🏻👍🏻炭燒美國頂級1855肉眼牛扒$288-5成熟嘅肉眼牛扒，不過不失， 略嫌牛扒有少少硬，少少失望。不過配菜就幾好，係我鍾意嘅粗薯條。👍🏻👍🏻👍🏻👍🏻👍🏻香草焗原條法國鱸魚$268-未試過食鱸魚， 估唔到有驚喜，用紙包住焗， 一打開香草味好味，鱸魚肉味鮮甜又滑最後嗌左兩杯餐飲，有個完美的句號。…查看更多

平時行過都會見到呢間餐廳不過最近兩個月轉咗手所以黎試下見到入面既環境裝修都知有落過心機幅牆油咗工業油畫風，加上牆上面幾幅油畫，的確幾和諧。今日係假日，所以餐牌都有唔同。可能係岩岩開業無耐，所以可選擇既食物都唔係太多。就咁睇，啲餐具都落咗心思。雖然係餐湯，但都好足料。濃滑既南瓜湯加上仲有少少南瓜蓉，成個湯作為starting的確唔錯。主菜揀咗南瓜蟹肉意大利飯最主要嗌佢係想食意大利飯。個意大利飯軟硬度適中，好係香港人口味。南瓜好香，芝士拉絲，蟹肉鮮甜本身係想嗌肉眼，不過無得賣於是轉咗食咗個西冷。嗌咗五成熟，但變咗全熟。睇黎廚房要再努力改善下。咖啡正常總結：值得一試，未必再試。…查看更多

以前多數都係食任食雞煲，今次試下另類雞煲。本身726都係一個美食熱點，呢度最大賣點係可以望到靚景。好好彩，今次一入去，咁岩有個窗邊位可以坐。個景太靚了，感覺好特別。同朋友傾計食飯一流。入面既坐位都多，枱面都幾闊落，唔似有啲打邊爐地方，放低食物已經無哂位。呢度都幾多選擇，極度推薦芝士響鈴黎得食雞煲，一定要有啤酒。呢度雖然無生啤，但呢度既啤酒都幾相宜。今次先試試個花膠雞煲。入面有雞、花膠、響螺同菇。雞味重、足料兼滑。響片都非常鮮味。最重要係個湯底，十分濃郁既雞湯。直情可以當湯飲！除咗雞之外，再點多一客牛柳粒。牛柳粒都算多，油脂都算多。油香味好重黎呢度，最驚喜既係呢個自家製既芝士響鈴。真係無得輪。即叫即炸。入面既芝士，食落好有滿足感。…查看更多

好耐無行過呢一條街，突然見到一間未見過既餐廳，好奇望一望，即刻有姐姐熱情介紹熱情同個天氣一樣咁西利，原來午市日式飯餐有八五折～午市黎講都算多選擇同埋價錢都相宜望一望將枱，原來呢度可以飲茶問一問個待應，原來可以同時嗌日本菜同飲茶真係好神奇突然諗起，如果後生仔想食壽司刺身，但長輩佬佬們又想飲茶既話，呢度真係無得頂我就嗌咗個三色三文魚丼飯呢個餐都好豐富，以呢個價錢黎講，抵到爛如果係男士，呢個丼飯啲飯都好夠食。前菜都幾特別~~沙律普通正常。但個味㬝湯幾高質，有味㬝味但唔咸～友人不嬲唔飲味㬝湯都飲咗大半碗～炭燒雞扒玉子飯～個雞扒燒得唔錯～有少少焦焦地，食落個皮都好脆身～燒雞皮脆身好香口玉子都高質，甜味都好好…查看更多

係天水圍好難得有一間可以同朋友飲野既居酒屋坐低望一望，成間居酒屋都幾有氣氛最好玩既係，最近做緊一個推廣只要擲骰擲中孖骰，就可以免費飲一杯啤酒如果擲中單數，就可以半價。而我就非常黑仔咁擲中咗雙數，即係要俾雙倍錢！不過好在，待應姐姐同我講，其實總共會俾兩杯啤酒嚟～因為今次主要係嚟食晚飯，所以無去試啲佐酒小食見到咁多佐酒小食，下次認真要嚟吹水飲野先得不過為咗送酒，我都點咗款 芝士辣肉醬燒原條茄子芝士香濃，同辣肉醬好夾，個味調得幾好茄子燒得岩岩好，唔會水旺旺，但又唔會乾淨淨送酒唔錯係居酒屋食刺身往往係一個指標從刺身是否新鮮，用料如何，已經知道餐廳是否有水準叫咗一個北海丼一嚟到已經覺得非常吸引，顏色鮮艷第一啖試一試個蟹膏，不得了非常之濃郁既蟹味，好似落咗海入面游水咁甘香係口腔入面化開比起平時出去食有微苦既蟹膏，真係物超所值另一個必吃既係鮟鱇魚肝（唔記得影相），亦是非常之濃郁感覺有點似食鵝肝平時好少有得食既子持魷魚好特別既口感，有啲似食希靈魚除了刺身飯外，亦試了咖喱豬扒烏冬好靚既溫泉蛋為成個烏冬加了好多分炸豬扒炸得好鬆脆，薄薄既一層炸漿豬扒本身豬味都幾濃烏冬都幾煙韌，掛起哂啲咖喱汁…查看更多

係路德圍呢個舊區，好多地方都已經唔係以前咁 （聽爸爸講）。但係係呢度，原來都留有舊時既味道。係舖頭入面有啲懷舊既裝飾。原來唔係純粹用懷舊用招徠，聽返爸爸講，原來係佢年代大家都真係會飲綠椰冰！所以今次佢都叫咗杯綠椰冰試咗一啖，濃濃既椰香配上綠豆蓉，真係唔錯！但我呢就試咗阿華田脆脆，啲脆脆好香，就算浸落啲阿華田入面，都保持爆脆，好得意除咗懷舊野之外，都有好多新式創意菜式可以嗌。爸爸就要咗個金牌咖喱牛腩飯。牛腩係瘦腩，唔係肥腩，但炆到勁冧。好少地方可以炆到咁既程度。另外值得一讚既係薯仔，啲薯仔勁粉我就試咗個蕃茄湯意粉＋牛乳炒蛋＋招牌瑞士汁雞脾原先個餐係通粉，不過我就轉咗做意粉。啲意粉既偏硬，不過我就非常中意偏硬既意粉，特別係湯意粉有呢個硬度，非常好。而番茄湯亦非常足料，好多粒粒番茄跟餐有招牌瑞士汁雞脾個瑞士汁好濃郁，但又唔會太稠身個雞脾都幾大隻，同埋浸得好冧身，好入味…查看更多

疫情下都要出去食下飯。朋友帶我入元朗食餃子。呢間舖頭環境好好，唔同傳統嘅餃子店，裝修整潔。招牌三拼餃波菜麵$45入面有大白菜 香芹 韭菜餃，再加菠菜麵，好少餃子店有菠菜麵，好有特色🥰🥰餃子大大粒，有家庭風味，一啲味精都冇。朋友叫左個鹹蛋黃芥菜餃$45食落去個鹹蛋黃味好出，好味，因為淨餃嘅關係，有8隻，附送一碗湯。女仔食嘅話都好夠飽。蜆芥鯪魚球 $28食落去好香脆，好鮮味。題外話，預防措施都做得好好㗎，大家出開嚟都可以試吓。…查看更多

一直好鍾意食米通粉同飲朱古力普洱。可惜今次經歷，減低再去嘅意欲。食物質素尚可豆腐腩肉米通辣子雞滇醬骨米通朱古力普洱 蜜桃綠茶簡單食完兩個套餐， 諗住嗌杯外賣朱古力普洱俾家人試下。嗌外賣後，等左一段時間都未有，咁諗住去埋單，順便問埋杯朱古力普洱到未啦。埋單後問店員，杯朱古力普洱喺邊呀？店員有啲火咁話俾咗我地，但我地根本無拎過。然後個水吧佬好大聲發晦氣話 [咪擺咗喺嗰度囉] 語氣真係好差！ 我唔知佢發脾氣話緊個收銀定話我地啦。大佬你求其放喺一張枱，我點知杯嘢飲係我個杯。食客嗌完外賣，係咪要同人講聲呢。食物係唔錯， 服務態度實在要大大改善啦！…查看更多

係日本聽過未食過，係香港不知不覺已經開到第三間既分店。環境唔多講，得吧枱同卡位揀。兩個人都可以坐卡位。算係唔錯。依家係春祭，可以揀多少少特色野。最正既當然係中拖羅，厚切俾你。不過第三次黎食，今次既中拖羅厚就真係好夠厚，但魚味少咗好多。反而長旗吞拿魚，入口即溶又有魚味，呢個推介。帶子唔算食過最甜最鮮，不過夠creamy 同有鮮甜味，算係有誠意。蒽味吞拿魚，識食一定要試下。油甘魚，有少少失望，因為有啲筋。見好多人都嗌呢個，幾開心，好似條鯊魚咁。魷魚不過不失。都算係幾creamy 呢個炸蝦炸得唔錯。外脆內熱。好明顯係新鮮炸起。最後食個烏冬作結。烏冬不過不失，不過個關東煮好好食。靈魂所在。…查看更多

行過見到做特惠小菜有酸菜魚同$29乳鴿。不過坐到入去先話無乳鴿食！應該係出面貼返個售罊牌嘛！明明出面入面都乜客，又要一人限一隻咁都咁快賣哂好在，酸菜魚仲有。不過無乜客都漏單，等咗半個鐘都未到，再催催。結果45分鐘先上到黎⋯幸好，個酸菜魚好滑。啲辣完全係BB辣。不過都夠酸。仲有寬薯粉，大量酸菜係入面。算幾抵食。招牌炒飯幾好食。夠色水。有蝦同豆瓣醬炒，有少少辣香味。不過份量比較少。抵唔抵食就見人見智啦。…查看更多

係大角咀，雖然係一個舊區，但好食既茶記唔多。呢間似乎睇落都好有懷舊氣色，見到門口都有人特登黎買外賣，就入去試一試。早餐款式都算多 （其實早午餐都係果啲野啦）今次試下特色早餐同醒晨全餐，分別似乎就係，特色早餐主打芝士滑蛋，醒晨全餐就係兩款餸自己揀。先黎咗個叉燒意粉。叉燒數量都算多。雖然浸咗湯，但啲叉燒都有少少蜜汁香味，有幾舊仲有少少燶邊，非常可口。意粉都唔錯，偏挺身。因為本身唔中意太䭃身既意粉，所以呢個意粉既軟硬度非常適合我。本身個滑蛋都炒得好好，好滑好夠味。當然蛋味唔係濃到好似某連鎖店既咁誇張。但食落去都幾舒服。芝士滑蛋。黎到既時候，見到一灘野，水汪汪咁。心諗係唔係中伏呢。但食落去，原來夠多芝士，好有芝士既香味，感覺同蛋差唔多一比一咁炒出黎。岩岩食果陣覺得好正，食到一半就開始有啲漏。同埋芝士味蓋咗個蛋味。如果未試過，值得一試，但可一不可再，除非你好中意食芝士啦。另外，牛油多士都幾出色，烘得剛剛好。而且牛油都好足料。非常香口。奶茶都真係幾滑。茶味都有。不過茶底唔夠厚身，感覺只係好輕好滑。最大敗筆係唔夠熱。黎咗無耐，落咗糖，一飲落去已經唔燙口。可以再熱啲⋯⋯如果唔係，食菠蘿油既朋友會比較坎坷⋯⋯…查看更多

突然有啲掛住韓式粉絲同泡菜，於是就去咗附近睇下啦諗起曾經係幾年前食過一間韓式餐廳，今日又可以黎探下啦先黎前菜，不過不失。因為肚餓，好快食哂。韓式炒粉絲，啲蛋炒得唔錯。幾香口。成個粉絲味道有少少甜，不過幾香幾好食。如果唔中意個甜味，可以用返佢枱面果枝韓式辣醬撈埋黎食都唔錯。泡菜雞肉泡菜唔夠辣，不過啲雞肉好嫩，值得一讚。完全唔乾唔柴口，無渣。芝士免治牛肉石鍋飯免治牛肉有少少普通，開頭仲以為個飯有蛋送如果有隻蛋，應該更加完美。呢個飯最正一定係啲飯焦，太香太脆了仲正過出面食過既煲仔飯。…查看更多