aykenny的个人专页

之前朋友介紹去呢間餐廳，食咗幾次之後終於寫食評，原因真係值得推介。本身餐廳係大廈高層，出𨋢後一入大廳，眼前望住成個維園加埋極高樓底，環境開揚，裝修屬於清簡路線。雖然坐位係背向景觀，但返而唔會掁眼，坐得舒服。我每次都係叫廚師發板，簡單唔使諗，只係食到差不多見師父冇出我想食嘅菜式就叫師父補上，食材新鮮，而且師父會記得上次俾過嘅配搭，下次會改變吓，令到有新口感。最近呢次食晚餐，出咗20道菜有多，包括各式刺身，壽司，燉湯，鐵板燒，甜品⋯⋯ 菜品同大部份高級日本餐廳差不多，文字就算形容到幾出色都講唔到食材嘅鮮甜，不如睇相😆 是晚推介：秋刀魚，好甜又肥美…查看更多

前兩晚同有人晚飯，當晚叫咗四個菜，生蠔煲，咕嚕肉，清蒸斑，上湯菜心薑蔥生蠔煲 $270，上菜見到生蠔包咗浸好似用嚟炸咁厚嘅粉，再加埋個茨，食落成口粉，煮得又過熟，帶子位好似橡筋咁咕嚕肉 $148，其實應該叫咕嚕豬扒，塊豬扒薄過茶餐廳餐旦飯塊午餐肉，又係過火乾、鞋、柴蒸海班 $450，約1斤，未洗乾淨個肚一陣鯹味兼帶苦，又蒸過火，魚肉好韌冇味，可以話係食過最差嘅質素，以呢個價錢完全係搵笨上湯菜芯 $98，湯頭唔鮮，不值一提極失望！…查看更多

自從今年4月份第一次黎呢度食過，差不多每個月都會黎食，因為食物水準真係同價餐廳之首選。而且師父好記性，每次都俾到d新鮮感我，個人意見食omakase其中一個享受係唔知下一道菜係乜😬，當晚再追加左5道菜，共食咗23道+ 2支香檳，飲飽食醉，最後飲杯double expresso，完美！好啦睇吓食物先…查看更多

之前聽聞呢間日本餐唔錯，品種又多，嗰日late lunch去一試個，我哋叫咗燒鱔，雞腎，豚肉露筍卷，免治雞肉串，多春魚，2只雞翼，豆腐，明太子 + 4杯啤酒，咁就盛惠$800。重點咁多道菜只係得雞翼燒得出色d，雞腎同多春魚ok，其他嘅～鱔冇味，淋pat pat，豚肉露筍同豆腐都好乾，免治雞肉又係冇味，明太子第一份上黎乾到粉，同服務員講咗佢換過一碟，不過係用火槍燒，火喉又唔啱，仲收 $98，唉！只會話以呢個價錢，好多選擇。…查看更多

當日閒日12點半黎到，餐廳約8成滿，大部分係上班族，比較斯文，環境唔會好嘈。我哋坐喺餐廳最入部分長梳化枱，枱嘅尺寸都算濶落，就算四個都唔會迫。呢度點餐係用手機掃QR code落單，項目齊備，就算換鐵板都有埋，方便。我哋嗰日兩個人，叫左個生牛肉，黑毛和牛拼US牛板腱，牛腸，雞頸肉。生牛肉配料充足，有白洋蔥，紫菜，紫蘇葉，蔥粒，生旦黃，牛肉新鮮，好正！（不過份量好細，好想encore）拼盤份量普通，塊和牛夠味又嫩，好味，反而牛板腱一般，肉味不濃。牛腸切太細塊，唔夠咬口。雞頸肉我覺得係必點，肉質爽脆又比其他店大條，真係好正。所以最後加多份雞頸肉同魚胃，魚胃冇乜特別，只係食到醃料味。…查看更多

鍾意四圍搵食嘅我係網上見到呢間燒肉店D相賣相唔錯，決定去試吓，琴晚黎食，6:30入座已經有3枱客係度，舖內枱嘅位置空間算濶落，唔會好侷促。睇完餐牌雖然種類齊而且選擇多，但一心諗住黎食燒肉嘅我就好專一淨係係叫肉，第一輪點咗塊 日本 A5和牛西冷厚切 $498，厚切鹽燒牛脷 $98，24cm澳洲壺漬和牛 $138，豬腸 好似 $48，2L Asahi 生啤 $248。好快全部上晒枱，先試塊A5和牛，正！入口溶，冇筋，有牛味 ，比外面其他舖的牛好味。牛脷開頭第一塊有D韌，但估計係老闆經過聽到我講，就幫我換過，之後嗰幾塊全部好淋，正！24cm 澳洲牛 不過不失，豬腸 就麻麻，無論係放係爐旁邊慢” hong “或者放中間直接燒 始終唔能夠燒到乾身脆皮。食晒以上四樣已經有6-7成飽，之後第二輪淨係補飛份鹽燒牛肋骨肉 $98，好食，唔會太薄，有咬口又夠淋，有牛味！埋單二人共 $1307 價錢合理…查看更多

第一次光顧，當日中午12點許到店，顧客不算多，店員帶領到落地玻璃旁的位置，看過對面港島，香港的CBD盡入眼簾。一看餐牌，午市套餐價錢百多元一人份，包括頭盤，湯，主食（四選一，選擇咗泡飯），甜品，抵食而且味道唔錯！另加咗半份片皮鴨 $228，配料充足，種類亦豐富，上枱時店員好詳盡解釋3個部位的鴨應如何配搭，值得一讚👍🏼…查看更多

好耐冇寫過食評，早前同兩個朋友一行三人去咗呢度晚飯，點咗佢哋個蟹慶會席 + $350 要埋個A5和牛扒，厨師發辦刺身温度適中，鮮味一般，反正目標係佢嘅蟹，蟹肉蒸蛋，鮮甜味濃，蒸毛蟹配蟹膏好正，入口甘香，邪惡到爆，正！燒蟹腳濕度剛好，又夠香及爽口！甲羅燒ok 啦，現成貨到到都差不多。A5 和牛個人覺得可以生少少。…查看更多

前星期同朋友去西貢午飯，好耐冇黎六福，三個人叫咗幾味香口菜，食吓吹下！前菜芥末涼拌木耳醬汁鮮味同酸度適中，木耳爽口，正！炸豆腐略嫌浸粉厚咗少少，但豆腐極滑。之後到海鮮蒜蓉粉絲蒸扇貝粉絲出水夠淋亦吸收到鮮味，但扇貝稍為過火，有啲老。黎六福必食椒鹽鮑魚永冇失望，火侯剛好，口感一流，讚！椒鹽鮮魷夠香口，佐酒一流再加埋炒芥蘭及豉油皇炒麵，完美！…查看更多

前兩日同朋友去尖沙咀行街，之後搵地方下午茶，路過見環境幾干淨便入去試吓，見餐牌好多特色漢堡推介，但個人覺得食漢堡就係要經典的，所以點返經典牛肉漢堡$49及蘑菇洋蔥牛肉漢堡$57，見牆上海報啤酒$48/杯，點知服務員話跟餐先係呢個價，將個包改為餐要加$22-26 就多包薯條或者兩隻雞翼，最後兩個包餐連埋兩杯啤酒盛惠$244，呢個價以咁嘅裝修及招呼個人覺得有d貴！坐咗陣薯條先上，嘩！$22份薯條少得可憐，之後到嘅雞翼，冇醃夠，只夠d醬汁，麻麻！最後漢堡上埋，個包做得唔錯，表面少少脆口，但唔會刮損口腔，不過件牛就煎得太老，over cook，少少乾。作為漢堡專門店，有d失望！…查看更多

川龍端記茶樓已有多年歷史，我放假很多時都會來嘆『茶』，但其實佢哋嘅茶葉只係一般般，所謂嘆係嚟享受一下這裡寧靜的環境，綠樹林蔭，早上散發住的新鮮空氣令日常係石屎森林工作的我可以真正放鬆。呢度係無人招呼的，由搵位攞茶具沖茶都係自由黎，感覺就像兒時去茶樓。點心品種好多，除一般蝦餃燒賣、糯米雞、燒味、盅頭飯仲有呢到有名嘅西洋菜，而我比較推介係自家製的茶果，外面茶樓應該已經好少見，而且因應季節款式亦略有不同，今日有蘿蔔，雞屎藤，艾草等等...... 詳細可以看我上載的相片，另外還有週日才供應的咸蛋皮蛋豬骨粥都係值得一試。…查看更多

去梅窩Bike park踩完單車回程係碼頭附近見到呢家小餐廳，面對海景又有户外位置，於是便坐下來，因運動完仍然很累兩個人只點了杯啤酒及一個pizza，大約10分鐘後pizza上枱，眼見餅底極之薄脆，輕輕的薰香味撲鼻，令到雖然冇乜胃口的我們很快便將整個薄餅完全清光，這裡的pizza絕對比得上中環soho區大部分餐廳水準，正！…查看更多

係西營盤中午食個午餐，走去呢間位於正街嘅『新三興』，未食過，諗住叫d簡單唔洗講功夫嘅穩陣d！點左個粟米班腩飯，叫完1分鐘已經上，暗叫不妙，先試舊班腩，d班腩完全未解凍就炸，硬過石頭，粟米汁就好似人地食淨咁得灘水，兩個字形容『垃圾』，以後不再光顧！有冇得比負分呀…查看更多

多次光顧這店，位於銅鑼灣十分方便，一般來說相信價錢會比較貴，但呢度人頭只係$1300，而且店舖環境十分精緻，各員工同食客十分交流。食物方面，師父的omakase 次次都有驚喜，各款食材好新鮮，呢度d生蠔真係好正，好少食到日本蠔咁有口感，full body，爽，夠海水味，最特別係黑掹掹個炸海膽。正！…查看更多