Shan_shan_shan的个人专页

間舖頭睇落比較Grand同埋舒服，位唔算多，不過食物選擇都比較多。今次我地叫左個Green all day breakfast、蘑菇芝士多士、肌肉凱撒沙律同埋兩杯野飲。個全日早餐出乎意料地健康同埋飽，佢同出面大部分全日早餐唔同既係佢地既全日早餐係用沙律菜、蘑菇、牛油果、炒蛋、茄汁豆同埋全麥麵包，份量唔細。佢既蘑菇特登用香草醬汁炒令佢既蘑菇食落唔會好乾、單調乏味同得陣草青味，好特別。另外，佢沙律菜落左啲醋去調味，而唔係用沙律醬、芝麻醬同凱撒醬等等，咁就更健康。而且佢地既呢個醬汁低鈉低脂又健康，最適合啲返工、追求健康生活既人。另外蘑菇芝士多士，除左個全麥多士之外，佢仲有沙律響隔離，清新、唔膩又飽肚。雖然全麥麵包比較硬身，但係佢個多士食落唔會覺得佢好乾同難食，而麵包同入面既蘑菇啱啱好中和芝士既鹹香。另外佢既芝士係融融地既芝士食落唔會好似超市啲芝士咁無咩口感。最後就係佢既雞肉凱撒沙律，上面除左沙律菜、低鈉低脂既沙律醬汁同雞肉之外，仲有啲麵包粒同蕃茄仔。本來以為佢既雞肉會煮得好粗糙，但係佢反而食落肉質嫩同埋調味啱啱好，係減肥人士既恩物！啲野食少鹽少糖都唔會覺得難食同埋無味，相反，我覺得佢啲調味啱啱好。而份量唔算少，飽肚得黎又健康。最後最後，我覺得老闆娘幾Nice、好Friendly！！…查看更多

今日去旺角就打算食拉麵，因為本來已經試過一生懸麵（雖然唔錯但係想試下其他餐廳）所以就揀左佢隔離嗰間六丸。本來入到去見到環境都OK、可以接受，起碼都乾淨利落，然後坐低睇餐牌見到都多選擇既，咁就叫左個蒲燒鰻魚飯（送味增湯&+3蚊飲凍檸茶）同埋吉列豬排拉麵（送三文魚壽司/加州卷+3蚊飲凍奶茶）！但係！兩杯野飲上先，個鰻魚飯同加州卷就一齊上既，最後先上拉麵。首先就講下兩杯野飲：檸茶就正正常常既，但係奶茶出曬事。杯奶茶濃茶多糖口感奇怪，勁難飲，最後飲左小半杯就放棄左...跟住就到個鰻魚飯：個飯唔知咩事，隻碗仲熱過個飯，個飯最多都只係常溫... 個鰻魚無咩汁，仲要只係普通燒汁...個飯又乾，試過一次就真係不了...然後個加州卷：整體而言加州卷Quality係唔錯OK既（正常囉）本來佢個卷上嗰陣，我先醒起我係想叫三文魚壽司，咁就同佢講，佢就話得翻加州卷咋，其實我都無咩所謂，只係佢下次最好就我落單嗰陣講囉（態度麻麻，雖然可能我要求高或者真係比佢個飯激親）最後就到拉麵：個拉麵其實真係我試過最唔知點評價既拉麵（頂多叫正常無毒）個湯底似係味精溝水，個拉麵口感唔彈牙、麻麻，D配料少到一個點。個吉列豬排算係成餐最OK既野，起碼係脆既，不過就唔熱同埋細塊D囉。成朝無食野到4點先開餐既我，只係食左1/3碗拉麵、成塊豬排、1/3加州卷（同人share左加州卷）同埋1/3奶茶。成餐飯我覺得唔錯既就只有加州卷同吉列豬排，其他既都... 我覺得唔係好值囉，不過係飽&正常無毒囉...講真，只此一次，唔會再Encore囉。…查看更多

平時食開既港式或者泰式咖喱都有肉，但係呢度既泰式香茅素獅子頭咖哩煲有少少唔同——佢係素既！佢入面既材料不但好多，例如菇、茄子、豆卜同主角：素獅子頭，仲全部都好入味。我特登叫左少鹽，不但健康D，仲好好食！有少少辣同好惹味既咖喱汁，配飯係一流既！…查看更多

已經好耐無食泰國菜，今日咁啱經過大埔超級城，見到難得見到佢地係Fusion餐廳，仲要有「少鹽少糖」就打算入去試下。入座既時候，見到個環境好舒服，都幾chill下。咁我就叫左個少鹽版既燒脆皮豬手伴香葉辣椒炒飯再加一杯凍Latte少糖。燒脆皮豬手伴香葉辣椒炒飯既炒飯辣辣地又唔會好鹹，唔會好似出面其他泰式餐廳咁重口味，個人覺得岩岩好又惹味，令人會不自覺係咁食。而佢既豬手首先份量唔少，都有5到6塊，而且豬皮脆卜卜。其次就係厚度岩岩好，唔會太薄、無口感，又唔會太厚咬唔到。再者，豬手既脂肪唔會好多，豬肉肉質亦唔會覺得柴或者乾。飲品方面，佢既賣相幾好睇、Igable，而且糖漿係另上，所以我就可以因應自己口味落。就Latte而言都唔錯！…查看更多