話說我平時都覺得自己食開好多拉麵!如果喺日本有呢種感覺唔出奇，就算喺中環，銅鑼灣有都唔出奇，居然喺筲箕灣既一條小街食到呢隻咁有風味既拉麵，真係令我孤陋寡聞!好啦!入正題，我叫咗一碗名叫邪惡叉燒拉麵，我心諗有幾邪惡呢?!個麵一到我就嘩一聲，點解個師傅會走埋出嚟攪咩丫!原來個麵裏面有舊豬油，所以師傅好用心咁用火槍，先用慢火輕輕燒到舊豬油溶咗一半後再開猛火劇烈咁燒，因為連叉燒都燒到甘香先熄火，所以令到叉燒同湯既香味融會一起!我急不及待，先飲一啖湯，濃而不膩，重有輕輕既肉香味散發出來，再食啖叉燒，點會有肉味又有咬口得嚟，帶有少少肥膏，而入口即溶!簡直非一般既叉燒!個麵有韌度同少少掛湯!舖頭細細好似得對情侶， 兩小無猜喺度打點!都算係用心做好出品既拉麵店!我一定會再去試下其他出品!
…查看更多
…查看更多
