Enola.alone的個人專頁

本身光顧開本店幾年，無論外賣堂食食物質素同服務都有相當水準，抵佢逆市開到分店。見有一排冇食，就去佢分店食午餐。一入到去就有位坐，嗌咗午餐坐喺度等，點知等咗三四個字，單又冇張，嘢飲又未到，咁就問佢可唔可以追一追？會唔會未落單？ 點知有個老嘅女店員粗聲粗氣話整緊呀嘛。 ok,跟住隔咗2分鐘，就嚟咗張單，啱啱落嘅。 ok,唔夠3分鐘，嘢飲嚟咗，飯都嚟埋。 叫咗個火車頭炒飯，個樣幾靚，都係新鮮炒嘅，但係一食落去，係冇味嘅。跟住飲啖嘢飲，係一杯金橘檸檬嘅飲品，都係無味嘅。最尾食咗幾啖，飲咗半杯，就走咗。 應該都會再幫襯返本店，睇吓係整體質素下降，定係呢間分店個別嘅問題？…查看更多