Yunique94的个人专页

之前喺ig見到介紹呢間餐廳, 初頭見到佢哋以花做主題就感興趣, 於是就book 位去試下. 一上到去, 間餐廳一眼望晒... 感覺就係細、messy、好膠🥴太多鮮艷嘅假花鋪喺牆, 雖然有用假花裝飾過天花但係都係見到好清楚嘅天花喉管, 真係幾扣分🥵另一扣分位, 我哋去到嘅時候, 都仲未執好枱, 要等一陣. 再者, 一坐低, 發覺枱與枱之間嘅空間真係好窄、非常唔足夠. 因為坐低之後就會聽到隔籬枱勁大聲嘅傾談聲..🤯 同埋果日隔離枱有個太太係咁咳, 搞到我都急急腳食完就走… 嘢食同飲品係用QR code落單, 嘢飲係無味嘅, 野食正常, 但沙津菜可以再切得細一啲, 因為餐廳需要考慮想去食嘅客人都係女仔, 唔會一口食到咁大塊菜. 唯一優點係嘢食嘅擺盤OK, 睇得出花咗心思喺擺盆同選擇唔同碗碟. 特別想講嘅係, 員工嘅服務需要改善. 我同友人食完起身走到去cashier, 個女員工幫緊另一啲客人影緊相, 佢係見到我嘅. 可以主動啲同我講一聲, “唔好意思！我幫客人影緊相, 麻煩你哋等一等.” 但係佢冇, 就咁晾左我同友人喺一邊, 等佢幫人影完相, 佢先慢慢行過嚟. 仲要係我之後主動同佢講”我要埋單”, 佢先做嘢. 其實佢見到有兩個客拎晒野, 企喺cashier 位都應該知道我哋要埋單啦😬餐廳係有+1服務費, 雖然服務費唔係啲咩錢, 但係我感受唔到有咩服務可言. 呢類餐廳試過一次就夠真係唔會再去, 都真係唔明點解有咁多好評😑…查看更多

4/21號開返晚市堂食, 大概早一個星期就book位啦😆佢係分兩個時段嘅6點/8點, 我哋揀咗8點. 準時去到餐廳, 喺門口登記就俾我哋揀坐高枱定係坐矮枱. 我哋揀咗高枱, 等佢收拾5分鐘後就可以入座. 4個女仔總共叫左9樣食物, 由一開始嘅appetiser 到 dessert, 整體都算非常唔錯😋👍🏻potato salad, 上面仲插着薯片, 薯片豐富左成個沙律嘅口感! 啲蠔好新鮮, 都有少少海水味, 唔太creamy 非常啱我口味🤤喺order嘅時候剩返兩份嘅和牛toast, 可能個醬汁有啲太濃, 搶走咗和牛嘅味道🙈吞拿魚刺身都好新鮮㗎! 海膽飯團嘅一道菜, 海膽嘅味道係好好嘅, 但係下面嘅飯團在我而言覺得有啲太濕, 比較失色. 而之後嘅蟹肉烏冬就味道正常, 冇話特別會想再食😂😂同埋因為食市營業時間禁令, 最後兩道甜品喺10點前5至10分鐘先上, 影左幾張合照, 我哋四個女仔用咗超短3分鐘K.O.咗佢, 連食物相都冇影到🤣 個甜品係好食嘅, 會令我想再去食☺️整體服務質素唔錯, 詢問侍應嘅recommendation時, 佢哋都樂意每道推薦嘅菜式都詳細講解👍🏻…查看更多

呢日同frd 跳完舞。因為其中一個frd 仲要con call, 打算搵個比較靜少少嘅地方食下野、飲下野咁～結果就有frd提議不如去呢間樓上cafe😊仲要係黃店, 咁緊係去試下啦！呢間店係分室外座位同室內座位嘅, 最近咁熱緊係揀坐入面啦～好好彩喺果個時間嘅最後一張室內枱😆呢間係可以book位嘅, 想去嘅朋友可以預先打去book左位先, 咁就可以坐入面啦～因為做完運動, 唔想食咁飽, 所以叫左個雜錦拼盤嘅小食。價錢同飯、意粉相若。d薯條炸得好酥脆😋好味！而蜜糖雞肉串燒d雞肉唔會燒得好乾, 仲有肉汁嘅! 雞翼都不錯👍🏻不過個人覺得蜜糖稍為落得有少少多～飲品方面, 我就叫左杯夏威夷果仁咖啡, 正常味😂佢個menu仲有個豆腐smoothie, 下次會想去試下🤩推薦呢間餐廳俾大家！喺銅鑼灣多個選擇～…查看更多

今日同5個frd 想食d 輕食，就揀咗幸福班戟啦😛其實佢開咗咁耐，我都係第一次食🙈因為次次見到門口勁多人排隊，就放棄咗～去到嘅時候，門口都已經有10幾個人排緊隊，侍應問我哋介唔介意坐户外。雖然今日天氣都熱，但為咗快d食到，緊係唔介意啦！咁就可以即刻入去食啦😂其實坐户外又唔係真係熱到頂唔順，因為有自然風吹～不過要留意嘅一點係，坐户外嘅要先返到户內點單同俾左錢先，而且係冇得追加單💁🏻‍♀️我叫咗個芝士慕絲雜莓醬班戟同加咗杯凍嘅牛奶拿鐵。佢個班戟有一定厚度同密度，鬆軟得嚟唔係太水狀。因為個人唔鍾意太水狀嘅班～配上酸酸甜甜嘅莓醬，令件班戟唔會太甜膩，係一個好配搭。食去真係淡淡幸福啊！真係非常推薦！佢d 班戟一碟有3件，可惜我眼闊肚窄，最後食剩一件🙈真係好對唔住件班戟～…查看更多

雖然最近疫情嚴重，但點都要食飯架嘛😂之前同朋友book左位嚟試呢間黃店!因為我係一個牛油果mania, 所以見到有牛油果嘅menu就會試😆叫左個珍珠茄牛油果青醬芝士長通粉+cocktail 肉樹臨風。啲cocktail 名都改得幾特別😂講返個Main Course 先，牛油果青醬味道真係唔錯😋加埋芝士都唔會太濃味～如果只係得牛油果青醬+芝士，成個通粉會有啲膩，珍珠茄係神來之筆😉 酸酸地嘅蕃茄降低整體油膩感。另外，果杯肉樹臨風cocktail 酒味唔太濃，一入口最多嘅味係肉桂味。下次嚟會想試下佢其他特色野飲！呢間餐廳都會推薦俾同路人！算係食物質素都有水準、好味嘅黃店😊…查看更多

喺香港都食唔少日本「過江龍」，嚟香港開分店嘅拉麵店，呢間餐廳之前一直麵想試下，終於去左食～因為最近疫情影響，放工後唔洗等位就可以直接入到去。可能係要配合返餐廳主題，要啲激昂嘅音樂，所以間餐廳嘅背景音樂聲係一連串嘅鼓聲😂都幾大聲同嘈，幾影響到同frd傾計～個麵有得揀唔同辣度、走配料或加配料，可惜冇得揀麵嘅軟硬度。因為個人本身鍾意食硬麵，覺得佢個麵有少少淋得濟😛整體嚟講，個湯底偏重味同油膩，鍾意濃味嘅朋友會啱啲～拉麵上嘅叉燒都幾好食👍🏻…查看更多

唔試唔知香港都有咁高質嘅印尼餐廳🤩同朋友喺weekday食dinner, 揀左呢間餐廳！一開始諗：食印尼餐廳, 應該又係得印尼炒飯或炒麵架咋掛🤨一去到, 成個環境已經打破一開始嘅想法～間餐廳好有心思嘅室內設計, 有Bar枱位、梳化位同餐桌位俾大家揀～單純想飲杯野chill 下嘅, 可以舒服咁坐sofa😉而今次我同朋友係食dinner, 就揀左餐桌位啦～昏暗嘅環境下, 枱上放左小燭光, 真係好有氣氛!食物方面, 除左有單點menu外, 仲有set menu比大家, 啱晒啲心大心細嘅人, 唔洗煩食咩, 由starter到dessert 咩都食到😆而今次我同朋友就叫左3樣野share 食! 份量絕對足夠及有餘😋叫左茄子、煎魚同大蝦炒飯每樣都辣辣哋, 啱晒無辣不歡嘅我！好好味呀！值得再去多次, 試埋其他菜式～…查看更多

一行7個同事星期五book左去呢間聚餐，入面啲位都係寬闊嘅，同隔離枱都會有一定嘅距離～食物方面，刺身同牛肉都好新鮮，特別係海膽，果日嘅海膽真係好鮮甜😋😋牛肉嘅部分就建議大家可以encore 「和牛西冷」同「澳洲和牛胸腹」呢兩個部分👍🏻相比起其他牛嘅質素，一口牛就真係比較遜色。飲料嘅種類都多，有啤酒、紅酒、白酒、清酒。唔飲酒飲soft drinks 都得，有茶、果汁酒、蘆薈、玉露等等。雪條、雪糕、甜品都有幾多款揀架！…查看更多

尋晚去筲箕灣東大街食晚飯，見到咁多人喺呢間餅鋪出面排隊，話有新鮮蛋糕出爐，之後就排下啦～店面環境俾人好清新嘅感覺～第一底蛋糕未有我份，排到第二底蛋糕先買到，不過都係排左十分鐘姐，唔算排得耐～佢係整好一大塊蛋糕再分成一小塊咁賣，應該係古早味風格嘅蛋糕😂我買嘅時候，流心芝士同抹茶口味已經賣晒，咁就唯有是原味啦。我係買咗拎返屋企食，十零分鐘舊蛋糕一咬蛋味勁香濃、又軟熟，真係好好食！口感同香味一流👍🏻👍🏻十分值得推介！下次會想試埋另外其他口味…查看更多

以後都唔會再嚟！同朋友嚟呢間餐廳食晚飯，一坐低，我哋想飲水，見到枱上有數隻杯，已經自己去拎個水壺倒緊。之後有位女待應見到，嚟到想倒水比我哋，有位聲音比較大聲嘅大叔待應同個女待應講，唔洗倒水俾佢哋，佢哋自己會倒。我心諗：你收左加一，倒杯水都應該啦..之後點菜已經按照個大叔待應指示，順時針講編號落order，最後都可以漏單🤷🏻‍♀️上左兩個粉麵，明明三選一，要檬粉，可以上左河粉，之後問佢點解變左河粉，佢先同我哋講冇晒檬粉。點解唔問過就幫我哋決定😤有個朋友對花生敏感，落單果時話走花生。上菜時，再問大叔待應一次，係咪確定冇花生，大叔待應望望碟粉，好似睇唔清楚咁，之後放低碟粉喺我朋友面前，用朋友對筷子去夾開上面啲蔥及芽菜喺度睇😳全枱O晒嘴，我朋友都未起筷，你搞佢碟粉做咩野！最後俾錢，我哋全部人夾cash, 我哋人多自然會有一大部分人先離開，咁其他人先出到。個大叔待應好緊張咁講：走還走，留返個可以話到事嘅人幫我數清楚啲錢🙄 我哋又唔係全部人走晒，仲有兩個手裡面已經拎住數好嘅錢，洗唔洗咁講野🙄🙄🙄唔會再有下次！大家可以參考下會唔會幫襯～…查看更多