嘴尖食客的个人专页

最近算係發左達,所以食野方面既預算同期望高左少少,呢排食過一百蚊以上既拉麵、台式牛肉麵同去d土炮扒房之類,但我覺得通通唔值果個價又唔健康。我自己本身就鐘意飲湯既,但旺角附近都冇乜邊間有湯飲（飲過一間48蚊但好多碎骨同細盅)有一日我行太子見到呢間樂湯雞有鮑蔘翅肚餐好有印象,咁我前晚忽發奇想,就上網睇睇係咩內容,睇完其實唔想食呢個餐,因為個翅好似係用南瓜蓉整(我本人唔食南瓜)但我尋日都膽粗粗去試下睇下有冇其他品種既翅食,問個服務員,佢話d翅全部唔係南瓜整wo,仲問我係咪睇錯第間咁我唔理啦,唔係南瓜仲好,咁我就叫左個砂鍋花膠雞湯翅 ($92）,配飯同加凍飲,總共收我117蚊環境:非常舒適,環境優美,加上可能我9點幾先去,同埋價錢方面可以過濾倒一堆低下階層,坐得好舒服服務質素:服務員算好禮貌,不過可能答錯我問題,餐果個金湯翅應該係真係有南瓜,不過我唔係叫果個餐我理得佢價錢:如文中所述,同其他差唔多價位既食肆比,我覺得呢間算係物有所值,今時今日食個化學米線都要70蚊up,燒腊飯都40蚊up,120蚊有翅有花膠有雞有飯有野飲我覺得合理食物:翅同花膠份量合理,連碗飯都好有水平,絕無欺客,個湯非常非常好飲(尤其市面根本無乜湯水方面既正常競爭對手),唯一比較衰係雞件方面太多"空符肉"(我一律唔食),我本身細食都覺得有d唔夠飽,不過黎食得呢d高級少少既野我覺得又唔可以用窮人心態去諗既,都比得起120蚊一餐,最多我咪係樓下督多串10蚊魚蛋…查看更多

平時好少食海南雞飯,因為唔係間間都去骨,唔敢搏(本人唔鍾意食有骨野,因為本身生活已經好多野要思考同煩緊,唔想額外再曬精神同時間去慢慢lur骨)早排經我老豆推薦(佢成日周圍行街搵食店),我食左一次呢間既海南雞飯(30蚊),雖然味道係唔錯,但30蚊呢種係無去骨既,食起上黎我唔係咁鍾意之後我第二次去,就去試魯肉飯(一定無骨啦),呢樣反而味道中規中矩左d,而我睇真d之後發覺呢間野原來海南雞飯種類有分3種,最貴果種係海南雞脾飯(45蚊)於是,今日我就第三次幫襯呢間野,要左海南雞脾飯(45蚊),佢呢個雞脾飯係去骨之後切成一片一片,而且眾所周知雞脾得一舊大骨,所以佢去完骨之後理論上食起上黎係全程安全既,照計唔會有碎骨架喇。味道方面,真係一絕,雞脾肉嫩滑入味,油飯又惹味,就算賣45我覺得一d都唔過份(旺角+果個地段,去茶餐廳買個碟頭飯都5十幾啦...)…查看更多