jayl2626的个人专页

今日，同朋友去完銅鑼灣買嘢，佢介紹呢間“The Musicbox Grill House & Bar” 餐廳畀我,，話啲扒好正。餐廳環境雅緻，燈光柔和，播放住輕快嘅音樂，營造出舒適的用餐氛圍，服務員熱情周到。我哋order草飼澳洲肉眼牛扒10oz，medium well。牛扒的外觀色澤誘人，當我切開第一口，肉汁四溢，入口口感滑嫩，恰到好處的熟度讓每一口都充滿了肉的鮮美。醬汁同海鹽，與牛肉的濃郁味道相得益彰，增添層次感，令人一口接一口，非常享受。配菜有烤菇, 薯仔同車厘茄。烤菇肉厚多汁，原隻薯仔軟滑，新鮮嘅車厘茄保鮮甜，同牛扒形成了完美的搭配。整體而言，非常滿意。無論是肉質的鮮嫩度，搭配的醬汁、配菜，都展現廚師的用心。…查看更多

今晚就嚟咗Sunharu食嘢，我同朋友嗌咗半隻牛油味同蜜糖味炸雞, 烤牛肉炒粉絲韓, 傳統什錦紫菜包飯, 飯品有芒果乳酸梳打, 可樂.炸雞非常酥脆有蜜糖味和牛油味兩種風味互相交織，好好食. 烤牛肉炒粉絲惹味無窮, 有肉非常嫩滑入味, 粉絲入口爽滑, 配搭埋蔬菜, 蘿蔔絲, 味道配搭不恰到好處. 傳統雜錦紫菜包飯好似日本壽司,有很多配料, 青瓜,黃瓜, 蛋, 蘿蔔等, 口感清新, 食落仲有淡淡芝麻香, 令人一口接一口. 仲有清爽嘅檸檬梳打同可樂作结.好有風味嘅一餐韓國食物. 呢一個二人餐份量好足滿, 食到就嚟肚爆.…查看更多

今日我同朋友去油麻地買嘢, 之後就嚟咗呢間“正九清湯腩”醫肚. 舖頭裏面環境都幾光猛, 服務員嘅態度都很好, 手腳好快. 我哋嗌咗清湯牛腩飯, 魚蛋河, 紅油抄手, 飲品就凍檸賓同凍檸樂. 食物賣相都幾好, 魚蛋彈牙，魚片爽口, 河粉入口爽滑, 連湯都好好味, 配搭埋一齊好好食. 半肥瘦清湯腩入口好腍身, 份量夠, 白飯軟硬度啱啱好，夠曬飽. 紅油很有紅色，有紅抄手，啲餡好多，好有蔥香，啲肉好食好有質感，好快就食曬. 啲嘢份量有足又好食, 價廉物美, 冇缺點, 真係好值得推介. 食到啲咁好食嘅嘢食簡直係幸福.…查看更多

今晚去咗新記度食晚飯，之前試過外賣返屋企，覺得幾好食，所以就再嚟食過。紅燒脆皮乳鴿：望到已經垂涎欲滴，咬落好香脆，肉身嫩滑有肉汁，非常滋味！貴妃雞粥：足料，雞肉嫩滑，雞肉嘅鮮味同軟綿綿嘅粥底融會，味道恰到好處。芽菜炒河：簡單嘅芽菜，蘿蔔絲，香蔥，配幼身河粉，火喉掌握得宜，食得過癮。豉汁蒸魚配湯及白飯：條魚好滑，魚肉鮮甜，蒸煮時間拿捏得好，配豉汁食，送飯好快ko。粉葛湯亦都非常青甜，整體配搭絕佳。奶油豬：香濃嘅奶油，香脆嘅外皮，啖啖甜香價錢係唔平，但整體食物質素好，可以再encore。…查看更多

夜晚外賣時間，去銀龍叫外賣。員工非常有禮貌，坐喺度等外賣，個侍應都會拎杯水畀你。咗個乾炒牛河，同埋羅漢齋炒麵，隨餐有有湯餸。乾炒牛河：河粉唔會太油淋淋，牛肉好腍身，份量唔算少都足夠，色澤幾靚，味道有水準。羅漢齋炒麵：麵/底夠脆身，羅漢齋材料都幾豐富，有豆腐，芽菜，木耳，紅蘿蔔片，菇，腐竹，時菜，個汁嘅稀傑度適中，撈麵食好正！紅蘿蔔粟米湯都好夠味，好飲。…查看更多

今日去銅鑼灣買嘢，之前聽朋友介紹Lee間“川滿居”啲嘢幾好食，於是就去試下。去到人山人海要等位，亦都見有好多外賣order，食物質素應該有保證。午餐多選擇又抵食，見店員做到冇停手。甘湯酸菜魚：我哋點咗唔辣嘅，非常大碗，份量非常足。魚片好大塊，彈牙爽口，鮮美，湯底味道非常鮮味，配埋酸菜同其他菇菇類，同埋爽滑嘅薯粉，每樣都好食！京蔥牛肉配麼麼皮：京蔥香氣撲鼻，牛肉非常入味，用煙韌嘅麼麼皮包住材料，蔥嘅爽，牛肉嘅嫩滑，口感好有層次，送飯一流。仲有可樂同柑桔檸檬，暢快！…查看更多

尋晚聽朋友話呢間越南嘢幾好食, 所以就去試下.呢間係新開門幾耐嘅店舖, 地方乾淨整齊, 服務員好有禮貌. 晚餐又有個四重奏套餐, 有個主食同埋兩個小食, 飲品, 都好抵食.生牛肉湯河： 好香, 啖啖都有芫茜同香蔥嘅味, 湯底味道嚇到好處, 河粉入口爽滑, 生牛肉片夾起入口,生熟到粉粉嫩嫩啱啱好, 好快食曬.炸蝦餅： 表面金黃色, 入口質感唔錯, 點甜酸醬食好滋味.香茅豬扒： 好香口, 如果肉質再鬆軟多少少仲正.春捲配生菜： 生菜非常新鮮, 春捲香脆, 用生菜包住食, 中和油膩感得嚟, 口感好好.椰青, 話梅蜂蜜柚子茶, 增添風味.…查看更多

尋日去尖沙咀買嘢, 行過見到門面幾靚, 好似得幾有特色, 係泰國風, 就想入去食晏, 行落地牢, 地方都好大, 坐得好舒服. 食晏時間, 陸陸續續都見好多人入座.大蝦柚子沙律：涼涼哋清清甜甜, 柚子清爽, 大蝦幾彈牙, 味道好好.小拼盤有蝦餅同魚餅： 蝦餅普普通通, 點甜酸醬食都ok, 魚餅好淋, 質感麻麻地.豬肉串燒： 個醬汁就冇問題, 但係啲豬肉就幾勒,有啲失望.炒泰式金邊粉： 整體調味幾好, 金邊粉軟硬度適中, 蝦嘅份量其實可以多啲, 但係都好食嘅.飲品係椰青, 一定冇問題. 龍眼冰青甜味適中.…查看更多

舖頭裏面都好光猛整齊，食物價錢適中，店員有禮貌。清湯腩飯：湯嘅味道好好，蘿蔔大舊有又青甜，牛腩腍身入味，食完一嚿又一嚿，送飯食非常足料。咖哩牛腩湯河：牛腩同薯仔浸喺咖哩裏面，味道恰到好處，湯河粉爽滑，好食。雞翼：大大隻，咬落外皮好脆，雞肉好滑有肉汁，味道唔會好咸。通菜：菜葉同莖比例一半，點蝦醬食令味道提升。…查看更多

今日去完街買嘢，就諗住搵個地方食下午茶，見呢間旺旺冰室係新開嘅，所以就入去試下。店內環境光猛乾淨，店員見到有客人覺得凍，仲主動將冷氣較細啲，非常細心！乾炒牛河：上枱就聞到香味，非常有鑊氣，牛肉片足料，腍身得嚟入味, 河粉唔會油淋淋，味道恰到好處，好快ko，好食。吉列魚柳配沙律：魚柳外層金黃色，刀切入脆脆嘅聲音，入口外脆內嫩, 配合沙律醬食非常滋味，雜果沙律又夠凍。奶油豬：咬落鬆脆, 入口香甜。茶膽幾靚，凍奶茶同凍檸茶都好飲，凍檸茶唔會太甜。紅豆冰，紅豆較多又夠大粒，入口清涼。…查看更多

年頭同親友喺海逸粵菜館食開年飯。乳豬：啲皮幾脆，配埋醬汁，入口滋味。發菜蠔豉豆苗：豆苗翠綠，個汁調教得好香濃，發菜同蠔豉好辣味炸釀蟹鉗：配埋甜酸汁食，蟹肉肉質新鮮彈牙。紅燒花膠雞絲翅：味道烹調得好好，稀傑度恰到好處，啖啖香濃。清蒸沙巴龍躉：蒸煮時間啱啱好，魚肉鮮甜嫩滑。鮑魚扣花菇：八頭鮑魚煙韌有咬口，花菇腍身入味，生菜入口爽滑。海南文昌雞雞肉嫩口。鮮蝦荷葉飯，金菇瑤柱伊麵，味道同質素都ok。整體食物質素都好好。…查看更多

尋日同朋友食完飯，仲想傾下偈，就就嚟到鮮芋仙坐低食甜品，環境簡單開揚，咁啱又冇乜人，可以無憂無慮咁傾計。我哋叫咗滑嫩仙草系列嘅仙草2號，仙草3號，同埋芋圓紫米。我嗰款係仙草2號，仙草入口順滑，配合地瓜嘅清甜，煙韌彈牙嘅珍珠，鮮奶香滑，多重口感，甜味配合得啱啱好，清涼又好食。每款嘅甜品份量亦都好多，到酒嗰陣都仲未食曬，好抵食！…查看更多

今日去Aeon超市買嘢嘅時候，就順便去咗八方雲集買外賣。呢間喺超級市場入面嘅店舖地方都好簡潔開揚。呢間店舖主打都係食鍋貼，水餃，仲有台灣麵類，飲品就有珍珠奶茶同綠茶嘅種類選擇。午餐時間，揀咗招牌鍋貼同埋豆漿，套餐價錢外賣$43，都算親民。叫得做招牌鍋貼，長青款式，味道一定係大眾化接受嘅口味，一盒十隻，都夠曬飽，仲有醋同埋豉油包作點綴。煎香嘅餃子，底部略略嘅香脆感，同整體餃子皮嘅煙韌度恰到好處，餡料豐足，食到豬肉嘅嫩滑感，整體好食。至於豆漿就中規中矩，份量ok。…查看更多

星期一去咗山牛食飯，將軍澳分店係新開張嘅，乾淨你落嘅日本風裝修，座位非常開揚，見到有店員教食客用電子屏幕點餐，好細心有禮。收銀處側邊就展示咗唔同款嘅生牛肉，以後面就好大塊玻璃，見到喺廚房裏面嘅店員燒煮牛肉，感覺都好乾淨衛生。炭燒牛小排燒肉井：牛肉油脂嘅部分佔咗牛肉塊差唔多一半，咬落腍身唔會硬掘掘，特製嘅醬汁畀牛肉塊充分吸收晒，惹味同甜味混合，非常好送飯。白飯嘅軟硬度適中，份量都好足。有少少青菜點綴下，平衡下啲油膩感。另外仲有少少似泡菜嘅，微辣得嚟都幾好味，喺唔夠牛肉片嘅情況之下用嚟補充送飯。鹽蔥牛小排燒肉井：係牛小排燒肉井上面加咗啲蔥，多咗陣衝嘅香味，叫做多咗樣嘢可以送飯。…查看更多

今日去咗呢間韓國餐廳食晚餐。店舖嘅牆上面畫有韓國電視劇“魷魚遊戲”為主題嘅圖畫，都幾有特色。叫咗個二人套餐，$228。有炸雞半隻，烤牛肉炒韓國粉絲，同埋傳統雜錦紫菜包飯。炸雞賣相幾吸引，點咗蜜糖芥末味同埋牛油蜜糖味。兩款味道都唔錯，炸雞皮好脆，帶啲蜜糖嘅甜味，但係啲肉就有少少“鞋”身。牛肉粉絲好入味，啲牛肉片好腍身，粉絲爽，仲有啲蔬菜絲伴住，好好食。雜錦紫菜包飯就好似日本啲壽司咁，有黃瓜，青瓜，火腿，蛋，味道調教得幾好，仲有芝麻嘅香味。餐飲就有汽水或者係錫蘭紅茶選擇。…查看更多