小蝦蝦的个人专页

約左今日食個邊爐，我哋準時12點就到左。一入去招呼坐底望到就覺得好正，視野廣闊，海景喎，即刻好開心。觀察多數入黎既客都對個海景view勁讚。職員帶位時更同我講，可以並排坐，大枱係最貼近海景景觀，但我哋兩個人並排坐，都係直接望住個開揚景食野，真係正爆，好開心。至於食物方面，我叫左個108既潮式薄切黃油上雞，窩底係養生野菌湯。飲品係另計，唔介意都可以飲水。阿女梗係唔慳叫左美國安格斯牛小排，窩底係慢燉清雞湯，白飯轉潮油粿條，加冷泡茶同泰式魚皮。起初諗住雞會份量少，送來時夾起原來份量都唔少，我就食唔晒，唔知係咪因為送黎個盤菜都唔少野。個牛小排送到黎就更加多野，滿滿一盤。個粿條真係好食，浸左個湯汁一流。聽到旁邊D人講牛D質素好好。望見職員整手打檸檬茶，係真手打。可能新，見到枱面乾淨衛生，連去廁所既通道都好乾淨。職員態度真友善，主動加湯，重同我講，若果夜晚黎食想加海鮮可以訂位時講底預算，佢哋會個去買再溝通左價錢，客人滿意先確定。呢個服務好呀。總括而言，標價百幾蚊打邊爐又有靚景，正。…查看更多

食左咁多年，見到早餐餐單新變更，每份餐勁豐富平時期中食雪菜肉絲米加奶茶，對女仕來講已好飽肚，變革後加埋炒旦餐包，非常、十分滿足，重可以餐包轉丹麥包，包有點乾身但好牛油香味。又或者好似我，長期都用三文治加飲品做早餐，依家有蕃茄旦、芝士等可變化下，其實真心覺得，蕃茄蛋真係超級正既配搭。三十幾蚊，每朝一個滿滿元氣既開始…查看更多

想試呢間素食好耐，但聽聞要四曲十三彎先搵到就打退堂鼓。不過今次有人約食飯，是日素期就的起心肝試下搵路。其實又唔係好難，係aeon 二樓中間康蘭居通道，出左轉右搭𨋢上九樓就係，唔難搵。食既野都好味，尤其是素魚皮，即紫菜天婦羅，可能我鐘意香口野，所以覺得好味。而其他叫了一個蘿蔔支竹炆素腩配胚芽米藜麥飯，一個炸菇小吃，山竹球，素薑醋，鮮竹卷，一杯克非爾，一件芝麻蛋糕。每份數量少少，但兩女仕食已十分飽。覺得山竹球，素薑醋很不錯，但芝麻旦糕非常好味幼滑，職員稱是由腰果糊打成，難怪咁好味。埋單三百多，除開即百多元，又可以試到唔同野，不錯。…查看更多

係北角廿年咁耐，一直都幫襯佢。唔想煮既時侯，打電話叫外賣都係佢，朝早唔想諗咁多，ABC餐是旦督。質素穩定。職員有禮。只要考慮既係自己胃口---食唔食得晒。重要係價錢唔貴，唔使煮完又洗，啱晒我。我同屋企人至鐘意佢杯奶茶同咖啡。去完旅行返黎一定飲返杯。另一個就話鐘意佢既牛腩面，第二度唔啱食喎~~ 就好似呢餐咁，蛋治正，茶滾，咖啡濃，牛腩入味。D伙計又會招呼你。大概三十多元一個餐，快靚正，食飽開工日日好心情。…查看更多

平日久唔久食餐素，但都係覺得比較油膩，我又唔鐘意食沙律菜，變左要跟網站學煮，近日身體不適更不能入廚房煮，阿女見到呢間轉素快，話買返黎比我做晏。本著姑且一試，竟然有驚喜，多款選擇之餘，不油不太咸，看得出心機。紅米飯配魚餅加炒菜絲。一開飯盒見色彩繽紛便覺得開心，魚餅乾身唔似街個D一多油，味偏泰式對我來說稍辣，但惹味，而炒菜因有椰菜紅蘿蔔加上黑白芝麻，覺得比自己煮更能做到五色平衡，飯是紅米飯，飯旁邊有些㰖菜更送飯，整體覺得以今時今日既外賣，既低食，又營養，重點係不油膩。…查看更多

夠鐘下午茶搵下有乜食，竟然發現係城市花園有間咁可愛既餐廳，即刻行過去時間下午五點幾，無乜人，入到去好多好夢幻既打卡位，忍唔住係咁影睇到餐牌，嘩，飲品野食又係引死人咁可愛見到樣樣都想試主食：溫泉蛋明太子蟹肉冷烏冬甜品：士多啤梨睡眠熊窩夫飲品：初戀，千語星晨小吃：他他醬吉利列尤魚圈，金沙單骨雞翼嘩下，出事了出事了，下午茶變左晚餐添，朋友仔食到飽得濟我都已經清左兩大碟小吃食呢兩個小吃，飲酸味味的千語星晨剛剛好其實呢間餐廳食物真係又好睇又好食雖則款式唔多，價錢貴左少少，但飲品真係得， 小食惹味，食物又唔差，值得去…查看更多

8月3下午茶時段因極餓所以是旦選一間食肆,点知咁就中伏叫了龍蝦湯、黑松露牛油果脆片、烤肉併盤、兩杯飲品先上龍蝦湯,湯冇事,湯內兩隻蝦靚就靚,腥的.脆片,半脆似番整熱,盤底油多到可裝返兩湯匙出黎,未食過咁差跟住上烤肉併盤,豬、雞鎚還可以,三隻蝦有同樣问题,外靚內腥,牛就至伏,一边全熟一边三成？好明顯冇解凍就煎,四百幾一個烤肉併盤,一D煑野食誠意都冇埋單離開,見門口個招待同另一男子食埋個脆片,盤底乾爽,即係点？佢地先係老細,我D客早D走唔該…查看更多

同事由外國返來,休息多日,終於可以吃個開年飯.選呢度因食物不錯,價錢合理,最重要的是夠靜,望着無敵海景.極度舒適.我選的豬扒餐,旁邊那個汁真真的美味,可以解肉的油膩感,同事點的是牛扒,雖然她试味後說下次再來会選豬扒,但當你見到佢食牛扒時不停的說：好味好味,萬分滋味.唉~~我可是不吃牛的別引诱我好嗎…查看更多

又到晚餐時間,通常都會到呢度.點兩個餸,開支啤酒.因為呢道主打燒物,所以燒羊架呀,尤魚鬚,燒(久)菜,茄子都唔錯,但我地兩公婆食飯要有米氣落肚,呢度都迎合到我地需要.因為都有炒既餸,我地就經常點呢度既炒飯(因我鐘意呢度D炒飯配料久唔久有新意,有時會落墨魚咀架),今天又係唔使諗既時侯,老公叫老闆發板整兩個餸.黎左勒一.洋蔥炒旦.二.尖椒鴨舌雖然好似好家常,但炒旦可以咁滑,加上紫洋蔥香甜,同埋久王.我老公勁LIKE.至於個尖椒鴨舌,我個人鐘意乾身一點,本來不太睇好,但一入口,惹味,溫溫和和既辣,令到忍唔住一吃再吃,老公就話,肉骨比例平均,好快咁清晒一碟,若果唔係生左飛滋,一定再追多碟,好味惹味,送酒一流…查看更多