Joycelck的个人专页

環境確係唔錯，好有泰國feel，可惜夜咗到，無時間影相，可惜。天氣涼涼地可以坐outdoor，都唔錯。雖然差𣎴多last order先到，職員都好好無嫌棄我哋咁遲因為夜咗唔敢叫啲太複雜嘅食物，簡單叫咗青咖哩豬，蝦餅，炒通菜，辣肉碎生菜包，煎蠔餅，菠蘿炒飯。我個人較為欣賞青咖哩，佢做個汁較為濃稠，食到有微微辣味(一般食唔到有辣味，汁嘅質地都係較稀)，煎蠔餅嘅蠔仔好飽滿，好好味，如果墊底芽菜係泰國肥肥矮矮嗰隻咁就perfect，其他都不過不失可以做得更好。…查看更多

元朗美食多，都係比較鍾意小店嘅味道。雖然無華麗環境，但保持整潔，服務又親切。餃子係即叫即煮需要啲時間，黎幫襯嘅客人好乖好有禮貌咁等，等嘅過程見到好多人都食炸豬排同炸雲吞，眼見都炸得好靚，感覺好酥軟，可惜一個胃食唔到咁多，惟有下次一定要試吓。餃子好足料每隻脹卜卜，用料配搭都好特別，有傳統白菜餃，韮菜餃，特別啲有青瓜餃，南瓜餃，菜甫沙葛餃，蕃茄牛肉餃，湯頭有淡淡胡椒香味。要食好嘢就要排吓隊，平均等10至15分鐘。…查看更多

觀塘工廈搵食，耐不耐就會有新店上市，今日就有間門口大大個招牌係食burger，雖然店舖唔係好大，但環境都算闊落。食物除咗burger仲有意粉，唔太多選擇，burger只有兩款，一係牛，一係雞，只係差個配搭係食薯堡定係食蛋糕。Burger肉質多汁，醬汁少少甜甜地，少少辣辣地，味道都好夾，仲有酸瓜夠醒胃，個包烘到微微脆口，成件事都好滿足。意粉就較一般，唔係差不過無咁突出，食物整體都唔錯。最特別今日個湯係配中湯(蘋果湯)，睇落好唔夾，分開講個湯係好飲，無味精。…查看更多

鍾意八月居坐得舒服，服務大致都係親切殷勤，不過今次去有小小插曲，可能近排有商場coupon人流多咗，經理心情欠佳兩次加水茶壼放落枱時都會傾水而出，倒瀉水一啲都唔知，話佢都無講句唔好意思，好在無淥親，佢可能要再培訓或者放下假先得。食物質素保持水準，茶燻鴨好好味，連骨都入哂味。肉鬆脆魚皮，有咸蛋黃加肉鬆已經夠惹味再加上魚皮非常酥脆，可以一個人食兩碟。龍蝦汁泡駌鴦岩米飯，龍蝦湯上枱先加上岩碗，所以特別香，鮮味特別出。十年陳釀花雕雞，以為係凍食原來係熱食，真係大鄉理花雕汁好香，好濃，可惜雞肉入唔到花雕味，肉質尚算滑。…查看更多

想試咗好耐，次次都有勁多人排隊，今日行過見條隊只有4、5個人排，即刻去排，等咗15分鐘左右就有位。格調較日系，有溫暖舒適感覺。以手機自行落單，其實係方便嘅，不過你用智能產品唔係咁叻又有老花，可能你要比人白目一下(可能餐廳經理慣性繁忙太過勞累)，只係問咗餐飲係咪撳drink list，差啲比佢篤爆個mon哈哈。Out of 個人service問題，食物係好食嘅，黑松露意粉味道調較得恰到好處，黑松露餘韻充斥口腔。手撕豬仔骨漢堡，甜甜地微酸好開胃，食完唔會覺得好膩，但係都幾大份超級滿足…查看更多

壽星公想食Buffet，阿仔想食日本菜，惟有食放題滿足大家要求。極尚大瀛喜响疫情前食過一次，今次再食當然感覺唔同哂，可能限聚令關係，雖然人多但係都有足夠空間走動，飲品多選擇。壽司同手捲夠精緻，係正常嘅⅔，食多兩件都唔怕濟。刺身盤夠仙氣，刺身盤加上乾冰營造氣氛影相一流，刺身新鮮，吞拿魚差少少(可能咁啱切到我嗰份有筋)。炸物都唔錯，乾身唔會油淋淋。鍋物牛肉鍋同雞粥都好食，粥有驚喜，好夠綿，可惜食到尾聲已經好飽，想encore都唔得。…查看更多

觀塘工廈Cafe多的是，好唔好食一試就知龍與鳳，陰差陽錯入咗呢間“壹玖陸零1960”，有啲驚喜性價比高，仲有dessert，一般觀塘工廈好食嘅西餐都要$120+，今次抱住試吓廚師功力，叫咗個餐牌最實惠嘅set lunch，絕無欺場。1960懷舊裝潢，座位及環境舒適，唔會逼逼夾，食物賣相都唔錯，先黎個醒胃蕃茄湯(偏酸)加片烤多士，主菜紐西蘭走地雞扒配意式蕃茄醬，雞皮煎得好香脆(連皮食哂) ，甜品奶凍都好好味。1960會加入Lunch清單…查看更多

終於可以約齊閏密食飯，有維港靚景，整個餐廳有一大幅玻璃，唔需要坐窗口位都可以睇到靚景，已經令你心情舒暢，具有東南亞風情裝潢，有如置身在泰國，咁好嘅環境再配泰式美食，一晚嘅時間過得太快🥺。特式飲品配上碟豆花令顏色起衝突，都係厄like好幫手😅。食物中脆皮豬手啲皮真係非常脆兼鬆化，唔係硬掘掘咬崩牙嗰隻。咖喱配薄餅，什錦併盤略為遜色裡面竟然配咗兩條腸仔🙈，真係大殺風景。如果餐廳總㕑睇到嘅講請考慮改一改呢個併盤嘅配搭🙏整體職員服務都好好，好有活力好禮貌，係其中一位叫人last order及check bill嘅男人(應該唔係經理)，語氣就麻麻雖要培訓一下，因為佢同其他職員唔同所以特別突出😂…查看更多

因為疫情關係，多咗好多時間約朋友食飯，朋友揀咗呢間丼飯店，店舖細細座位唔多，飯市其間坐滿人時又唔覺好迫硤。原來想叫海膽丼但係無貨太可惜。惟有食做個壽司set，手握壽司特別好食。牡丹蝦魚生丼夠新鮮，加錢轉魚味噌湯都好好味。…查看更多

唔知係咪已經轉咗手呢？睇番呢度介紹係食西班牙菜，但我係食日本嘢。行完花虛路過有位肥哥哥响門口話廚師响東京學藝8年回流香港，眼見地方雖然不大，但座位都舒適，於是入去試吓。點咗吉列豬扒便當，牛肉烏冬便當，整體賣相唔錯，吉列豬扒只可以說仍需加倍努力。…查看更多

連續兩年都黎食大閘蟹放題，因為第一年食得超開心，上蟹又快，刺身夠新鮮，所以都介紹唔少親朋戚友去食。可惜今年服務做得麻麻，由於限時用餐，食蟹又需要時間，坐低先落蟹單，等咗35分鐘未出，再落單，又驚雙重黎食唔切，諗住同個仕應講聲……點知比人覺得我哋好麻煩惟一保持係炸物，刺身同壽司。今年啲大閘蟹啲膏唔係咁靚，無往年咁爆膏同甘香。牡丹蝦夠大隻可借有部份啲肉變灰色。帶子夾海膽，賣相厄like係可以，個人認為嘥咗啲海膽。生蠔係大隻不過唔夠飽滿，鐵鏽味好重，不是我杯茶。餐廳環境較狹窄，在疫情下感覺差少少。放題＋生蠔＋大閘蟹分開三組價錢，入座前記得睇清問楚先落單。…查看更多

坊間日式定食都有不少，有日feel嘅都有不少，要有日feel又要好食就真係唔多，今日呢間漫活堂就真係做到，不論食物質素，食物擺盤，杯碟運用都一絲不苟。雖然店舖唔大座位亦唔多，入到黎就好有响日本嘅感覺，店舖細細都設有coffee bar，可以睇到店員同你即調咖啡，好有heart ❤ 。西班牙黑豚肉麵豉生薑燒麵豉香濃而不鹹，便當内配菜郁非常豐富，有冬菇，蓮藕，芋頭，蛋卷，漬物。薯仔燉牛肋條薯仔非常入味，牛肋條軟嫩，燉湯汁味道清甜(唔係坊間嘅死甜)，唔食牛嘅我都覺得好味。飲品都好出色，首先叫咗杯水蜜桃果茶，茶底好出好香，食完飯見到coffee bar真係忍唔住叫咗杯冷泡凍咖啡，after taste唔會酸，帶有小小甘香。正，好耐都無食過一間樣樣都有❤ 嘅出品。…查看更多

聽谷友講咗好耐呢間可以帶愛寵去，終於都的起心肝去試，環境算唔錯，室內外座唔多，室內座位比較窄，室外壓迫感無咁大，食品中規中矩，唔係唔好食，但係無嘩好好食呀好似我咁想帶愛寵外出走走，搵個地方食吓嘢，飲杯嘢，都係一個好選擇。…查看更多

行完街，肚仔餓，見到環境幾企理，都有啲食客，一於入去試一試。雖然話係下午茶，但係價錢就無乜優惠:(，綜合牛肉粉，料好足本嘅，湯頭有牛味但係唔夠火喉唔似用骨淆嘅湯；峴港蝦頭膏酸辣海鮮湯檬，首先湯頭完全無蝦膏味只有酸同辣，海鮮唔好提，眼可見只有兩隻青口，碗內仲有幾粒蜆肉，3粒墨魚仔(有1毫子咁大)，小食點咗春卷同蝦餅，春卷唔夠酥脆。餐廳有點窩心嘅每位客人都會有個紙袋比你放口罩。…查看更多

真懷舊小店，環境佈置都係懷舊，食物都係懷舊款式，真係食到正宗上海小食同麵條，惟一係要帶住一身油煙味離開。如果黎食餡餅唔好話唔提你，小心爆汁湯麵嘅湯頭就淡口咗啲。雖然係下午茶但係碗麵都幾大碗，如果唔大食嘅你，兩個人去食建議叫一個麵餐，另一個小食餐，佢杯豆漿唔講得小係大杯裝，唔會因為係下午茶而變細，所以整體黎講係好低食嘅。…查看更多