今日晏晝同幾個朋友去食午餐，食到火都嚟埋呀！我哋5個人去食，有三位朋友叫咗一人一碗石鍋飯啦！然後我同另一個朋友原本都想嗌每人一碗嘢嘅，但當時睇餐牌見到牛肉粉絲同豬肉粉絲一定要一半飯一半粉絲，因為我同我朋友係唔食飯嘅人嚟嘅，我哋就問侍應有冇得單嗌炒粉絲，侍應就話電子menu有個豬肉炒粉絲單叫，所以就決定嗌一碟正價148嘅炒粉絲，當時有個侍應都聽到我哋話嗌一碟炒粉絲share嘅，但當粉絲到咗之後又走咗另外一個同事埋嚟話呢度要每人叫一樣嘢食先得仲話menu嘅右下角用英文寫明話每人一定要叫一樣嘢，咁我哋粉絲我哋未食叫佢幫我哋退咗佢，我哋就一人叫一碗，隔咗一陣行過嚟就話今次算啦！啲侍應講嘢態度又唔好，成班侍應就好似鞋口鞋面，臨走俾錢嗰陣時有個鞋口鞋面侍應仲特登行埋去我朋友度好冇禮貌叫佢close the door，嚟食餐午餐啫，使唔使好似爭咗你咁呀？仲要收緊人哋+1服務費喎。差評。
…查看更多
…查看更多
