聽見下雨的聲音的个人专页

之前黎個食，今次介紹朋友一齊黎食，老闆竟然認得我，話介紹好野給我食，完全估唔到香草炒磨菇，有好多芝士片係面，本身唔太愛菇類，但呢個真係好好味，香草味好濃！蟹餅配英式他他醬， 一梳梳蟹肉鮮甜，煎到金黃色， 唔使加醬已經好夠味比起好多大餐廳抵食！西班牙黑毛豬扒，待應話唔好食全熟，浪費左夠豬扒，佢叫我地最盡7成，一D都唔似食緊豬扒，似牛扒多D，一咬好多肉汁好有質感！老闆推介食德國炸鹹豬手，豬皮炸到脆卜卜，肉質好淋，原來今日兩款主菜都選左豬，但一D都唔覺得漏!價格便宜大大碟，老闆又Nice下次再帶多D人黎再食先…查看更多

放工時間天氣都好熱, 同女朋友去左荃灣一間酒吧餐廳 ,飲杯野消消暑HEHE,餐廳有一半是bar檯,一半餐檯 ,音樂輕快 ,燈光暗暗幾放鬆 ,見到散叫餐酒買一送一叫左杯kessler riesling 試, 甜味輕盈 ,果味爽口 ,一陣花香味留係口腔 , 溫度夠凍好解渴 .典型德國風格開胃餐前酒.環境用上暖色和粗線條磚牆做間隔 ,有仿古壁燈, 檯燈 ,磚牆邊加了點綴 ,幾張名勝掛畫, 一張張客人的合照 .先上了cream soup 和脆蒜蓉包, 個湯幾濃夠滑 , 蒜蓉焗得爽脆.叫餐有個香草沙拉 ,蔬菜有不少種類, 切得細薄,層層有序地疊了起來, 輕伴上橄欖油 ,灑上香草, 豐富了沙拉的香氣.好快上左個紐西蘭牛柳配大蝦 ,因為牛柳會比較厚身, 習慣牛柳5成熟 ,等佢表面熟,保留裡面嫩口肉汁 ,而佢剛巧整到外層熟且脆邊, 是都合乎我要求, 而佢用的牛肉質厚色深 ,肉汁甜潤 ,脂質飽滿, 個人覺得加上微甜燒汁, 一絲甜味平衡是和而不爭.另大蝦個蝦頭都大個, 近望個頭有蝦膏包住外層,咬開有不少蝦汁@@蝦身有一層調味焗入左蝦殼, 肉就剛熟. 剛離殼,蝦尾肉是較大和口感緊密, 頭和中段多肉汁, 見蝦腳特長,似大品種的泰國蝦.再上碟就是比較少餐廳賣的德國鹹豬手,要知道此菜餚先天食材好緊要,要多軟骨又多膠質先整到一定質素,因整鹹左d軟組織會因脫水而收細, 整入味更要一定時間工夫, 炸的時候火侯是一個關鍵, 這道菜佢整得都好到位,上菜已經全部幫我起左骨,由外面睇佢火侯夠,因為外皮能炸到9成脆皮而且離肉,中間卻肉質剛剛好熟,應該油溫夠高,時間把握恰好,有隔油回鑊再炸,出奇炸物上碟卻不見油跡,應該用吸油紙再吸過才上碟. 配汁有千島和蜜糖, 個人覺得鹹加上甜是比較中庸平衡,喜歡蜜糖比較多 ,甜甜脆脆我就用來送酒, 近骨位幾塊大半是膠質,咬下去口感綿軟外皮又脆, 口感對比強烈幾特別.同女朋友叫多左個黑松海鮮飯,應白肉來配送白酒,佢放左隻大帶子,不少青口肉,用大粒的意大利米煮,米粒吸收了海鮮肉汁,伴黑松露夾到個主題,另見飯底汁比較多,能黏在米粒,潤澤米身外層,內層都保留了澱粉嚼勁.再用多種香菜伴碟.個餐最後有甜品比左一半女朋友, 朱古力味甘甜, 甜度柔和, 滿有牛油香氣,咬一口草莓, 酸甜果汁能共存於口中.我一日不能沒有咖啡,叫了一杯rose latte試試, 個人覺得玫瑰香味幽雅清淡,所以叫了奶多咖啡少的latte底,希望相互平衡襯托. 只是估唔到佢用真玫瑰花瓣整碎,灑在latte上, 玫瑰花瓣有粉狀和厚片的,粉狀竟可融入latte當中,咖啡甘氣味又多了一陣花油香.和女友shared 一杯香蕉奶昔,香蕉比例算好高,加上奶泡更滑,杯上加左幾大片薄荷葉,最後幾啖混合而飲,細滑清涼.覺得這餐廳制作食物重視細節配襯,食物比例和食材,以酒吧餐廳來說是水準之上, 酒類都幾多. 音樂恰巧, 不礙傾談, 想再試其他菜式.…查看更多

今日天氣非常好,同朋友入左去大尾督釣魚影相同BBQ.而我就揀左呢一間,因為巴希雅聽好多人講都話幾好味.一去到佢比我地自己揀位坐,最初都好驚會好熱架,但係佢地好好,每張枱都會有風扇,所以都唔會好熱.另外佢除左有風扇,仲會有專屬既垃圾筒比你,非常方便.我地今次就食任食,佢既款式都幾多,除左平時既肉類,佢仲有好多唔同種類既素食,我自己本身其實都好驚不停食肉,驚油得濟,好彩佢有好多菜類.仲有我地叫左個和牛,好似話係澳洲M7和牛,呢個真係不得了,價錢好底,平時係XX Market都無咁平,$115就已經有200g,咁樣燒既和牛真係好正,除左肉質鬆軟,只係加左小小鹽就已經好好味.非常有牛肉味,呢個真係好抵,推介大家食.另外我覺得好食既仲有煙肉番茄仔,番茄仔中和左煙肉既油同咸,十分夾.仲有佢呢到啲羊架同牛仔骨真係好正,我以為咁既價錢可能會將貨就價,估唔到都會有好食既野.佢肉質都係好冧,唔會好肥,加埋啲籽然粉,十分惹味.另外講講,佢呢到啲服務都幾好,會有人黎教你點燒先至好食,岩曬我呢啲燒野白痴既人,成日都燒到黑曬.…查看更多

一向聽講觀塘工廈隱藏咗好多美食, 咁啱呢晚約咗朋友放工去觀塘買嘢, 就順便搵間餐廳試下~~~ 朋友推介我嚟試 Deer Kitchen, 一般工廈入口都比較難搵 (車場入口就大大個), 但好在佢棟咗個牌響大廈入口, 令我地呢兩個路痴行少好多冤枉路 haha🙈一上到去, 已經俾餐廳門口各種鹿仔擺設吸引, 果然係名符其實嘅 Deer Kitchen 喎!!! 呢度裝修幾靚, 坐得幾舒服, 而且間餐廳都幾大, 我諗工廈最優勝之處就係面積較大, d 檯就唔駛 set 得太逼~~~ 雖然眼見係得2個waitress, 但不得不提佢地做嘢真係好快手, 場內明明坐滿客, 佢地做嘢已經係快到摩打手咁, 但基本上一揮手叫佢佢好快就會埋嚟serve 你, 仲要係幾好笑容同禮貌, 唔似得有D 會忙到黑面! 完全改變咗我對工廈餐廳係冇乜裝修/環境唔會靚得去邊/服務麻麻地嘅錯誤諗法... 😳睇咗一輪menu, 我地各自叫咗個set dinner, 我揀咗侍應姐姐推介嘅火焰黑毛豬肋骨, 而頭盤就揀咗蟹肉芒果他他~~~ 個蟹肉芒果他他好有驚喜!!! D 蟹肉好鮮甜, 配極甜的粒粒芒果, 食落好fresh 好夾, 仲好開胃添!!!! 👍🏻👍🏻👍🏻 飲完超濃蘑菇味嘅蘑菇湯, 就輪到主角火焰黑毛豬肋骨出場啦!!! waitress 姐姐放低碟豬肋骨之後, 淋咗d 汁響面, 用火槍輕輕一辣, 碟豬肋骨就馬上著火, 果然係火焰黑毛豬肋骨!! 視覺效果一流!!! 👏🏻👏🏻👏🏻 燒咗一陣d 火就熄咗, 舊豬肋骨望落好香好惹味~~~ 即刻切嚟食, 嘩~~~ 好香酒味!!!! 😍 調味做得好好, 就連D 煮淋咗用嚟擺響豬肋骨底嘅青瓜條, 都由於索咗d 肉汁同酒味, 非常好食! 仲有伴碟嘅薯角炸得又香又脆, 雖然係熱氣咗d, 但不知不覺就食哂...🙈🙈🙈最後仲有個甜品係木糠布甸, 雖然我本身鍾意食雪得比較偏硬少少而呢度口感就偏軟, 不過食落都唔錯~~~本來睇menu 時見到有d 特飲都幾吸引, 不過由於個set dinner 實在太豐富, 最後都係決定簡簡單單飲杯熱檸茶消下滯~~~埋單每人$2xx, 可惜我地HKID 冇6字啦, 唔係就有discount 啦!!! 1個6字有9折, 2個6未有8折, 3個6字有7折, 超抵...!!! btw, 總括嚟講, 餐廳嘅環境、服務、食物方面嘅質素都好好, 絕對可以encore 再嚟, 不過如果甜品選擇可以再多d 就更perfect 啦~~~ 😁…查看更多

夜晚放工朋友提議去大角咀食西餐, 一聽見話提議食金船長我就即刻舉腳贊成, 因為6-7年前同家姐食過一次, 印象都幾好, 好想知道隔咗咁耐, 質素變成點~~~7點幾嚟到, 唔駛等位喎! 即刻坐低先~~~ 間餐廳環境唔錯, 大致上同之前差唔多, 但多咗d裝飾, 幾靚幾有氣氛, 而且都坐得幾舒服~ 不過最估唔到都係份menu, 估唔到隔咗咁多年, 價錢同以前竟然唔係差好遠, 非常親民!!!!!!!!!!!我地每人叫咗份set dinner, 正當我地苦惱緊叫咩小食好嘅時候, waiter哥哥就介紹我地試下佢地個新出品: 黑松露Pizza, 一聽到黑松露我已經雙眼發光, 於是就叫咗份6吋嘅試下~~~餐湯我揀咗勁香薯仔味嘅薯茸忌廉湯!!!!!! 飲完湯小食就嚟啦~~~ 而我估唔到個pizza係呢個樣~ 好似餡餅咁好有新鮮感!!!Waiter哥哥好熱心咁教我地食呢個pizza有3種食法:1. 就咁食2. 點提子醋食3. 夾埋沙律菜點提子醋食 我好心急切咗一啖嚟試, 熱辣辣, 中間夾咗層令人流哂口水嘅黑松露, 面頭沾滿芝士粉, 好好味!!! 愛黑松露人士必吃之選!!!!!!!!!! 好奇點下waiter哥哥所推薦嘅提子醋, 酸酸甜甜好開胃, 仲食到有d提子茸!!!! 好fresh, 感覺上更加好食!!!!! 即刻試埋第3個食法, 夾埋沙律菜再點提子醋, 口感豐富咗, 食兩件都唔覺得膩, 仲覺得唔係好夠皮添!!!!!不過後面仲有主菜, 唔可以食小食塞飽個肚!!!!! 主菜我order咗香煎牛柳配薯菜, 淨係賣相已經100分~~~舊牛柳煎得好香, 不過最有驚喜竟然係d配菜!!! 有烤到微焦嘅茄子、翠玉瓜、南瓜, 咬落甜甜地仲有水份唔會乾爭爭, 當然唔少得果pai好香牛油味嘅薯茸啦~~~食完個主菜其實已經好飽, 但個餐+$38就有埋甜品實在太抵, 於是我地就叫咗個朱古力梳乎里同心太軟一齊開心share!!! 反正甜品係用另一個胃裝~~~~~~ 個梳乎里焗到好高好鬆軟, 食落軟綿綿好濃朱古力味!!!!!!!!心太軟賣相好得, 切開少少已經流出朱古力漿, 雖然真係好好食, 不過真係飽到飛起 haha食飽我地仲慢慢坐飲埋杯餐茶, 另一個waitress 幫我地收碟時仲好有禮貌咁問我地d嘢好唔好食, 又幫我地refill 水, 價錢雖然平民, 但食物質素同服務就好有水準~~~咁多年冇嚟, 以後要多d幫襯先得啦~~~…查看更多

星期日晚同朋友去新南苑食雞煲+海鮮火鍋做生日飯, 第一次幫襯, 地方都幾大幾靚坐得又舒服~~~一坐低就出去拎嘢飲, 嘢飲任飲, 仲好多款揀!!! 不過我最欣賞佢地嘅自家制涼茶, 唔會太甜又清熱, 啱哂今晚又雞煲又打邊爐!!! 👍🏻👍🏻👍🏻首先嚟嘅係刺身, 帶子同希靈魚都好新鮮!!! 食完刺身更加肚餓~ 🙈由於我地有4個人, 雞煲係送嘅!!! 雖然我同另一個朋友都唔太食得辣, 不過既然係送嘅當然照食啦, 況且又有小辣可以揀! 😂 店員好細心提我地每兩分鐘要攪一攪, 煮六分鐘就食得! 我地掛住傾計冇留意時間, 店員仲行返過嚟提我地, 仲幫我地倒埋D 油炸鬼落去添!! D 油炸鬼好脆, 索咗D 汁又香又麻, D 雞麻辣得嚟估唔到好滑喎~~~ 😋😋😋雞煲之後就係今晚嘅重頭戲---- 海鮮火鍋啦!!! 我地 order 咗花甲蟹湯底, 真係成隻蟹放響裡面架!!! 😍 個海鮮併盤砌得好靚, 樣樣都好新鮮, 又鮑魚又龍躉又扇貝又龍蝦仔又象拔蚌bb, 淨係打卡呃like 都好開心!!! 😎 碟手切牛頸脊又係好靚, 等水滾等到好心急!! 😂水滾即刻夾舊菇試下先, 好甜!!! 海鮮湯打邊爐真係一流~~~ 😋 D 海鮮用牛都好新鮮好好食, 唔駛點豉油, 原汁原味食好正~~~ 👍🏻 其他配料都好好食, 尤其粟米同蘿蔔索咗海鮮湯之後好鮮甜!!! 😍 最後仲有甜品送添, 差d 唔記得咗~ 係3.6 牛奶布甸, 好濃牛奶味~~~ 👍🏻👍🏻👍🏻呢個雞煲+海鮮火鍋食得都好豐盛, 食材好新鮮, 而埋單每人先係$311... 😳 臨走時見到佢有一間間房, 八掛裝下, 原來有好多間VIP 房, 店員話可以預早打電話嚟book 定房打麻將, 如果多人仲可以book 間40人party 房添!!! 😍😍😍…查看更多

今日約左個好耐無見既好朋友食飯，平時食完晚飯，點都要再揾間甜品舖食甜品！所以今次朋友介紹左"小甜谷"呢間餐廳！因為有晚餐又有甜品！一舉兩得！！所以今次就試下啦😊！首先講下餐廳環境，餐廳以白色為主，環境比人感覺舒服乾淨同埋温馨，冇焗束既感覺，令人心情開懷😌！其實除左環境同食物質素會影響食慾外！侍應既服務態度，都會好影響成餐飯既氣氛！小甜谷既侍應服務態度親民，有禮！值得一讚👍🏻 其次要講下食物😋！因為朋友肚餓，我又口渴！一坐低我地就即刻睇Menu！一打開Meun，d食物同飲品好吸引呀！其實有好多都想試下架！無奈眼闊肚窄😁我地分别叫左杯🍓草莓．鳯梨．蜂蜜乳酪同🍊西柚鮮果特飲🍹！杯草莓乳酪不太甜，有草莓既香甜味，個忌廉超軟丶超滑，好香奶味！起初我以為個忌廉會好似d普通生日蛋糕果d咁，好杰、好滯口，但呢個出奇地唔會有滯既感覺👍🏻！(但menu上幅圖片杯邊明明係奇異果，但黎到變左香蕉😂）但味道都係match既！而我杯西柚特飲，夠醒胃又止渴，夠冰凍！冰其實唔多，象徵式幾粒，唔會令到杯飲品越飲越淡！西柚感覺會比人覺得會好酸，但小甜谷呢一杯唔同，有微微的西柚原有既果酸味，有鮮果既甜味中和西柚既果酸，感覺好清新，好有夏日feel既味道！唔錯👍🏻除左主菜，當然要叫下小食食下啦！"爆谷蝦蜜糖芥末醬" 蝦香脆夠爽，一啖一隻幾好👌🏻！唯一想講既係個蜜糖芥末醬唔係好夠芥末既味道😁 因為要留肚食甜品，所以主菜只點左《温泉蛋黑松露卡邦尼意大利粉》＋《美式香草芝士肉醬長通粉》Carbonara個溫泉蛋既熟度啱啱好，唔會太烯，溫泉蛋+黑松露mix埋個忌廉味既汁夠香滑，恰到好處！平時食芝士肉醬既粉多數好少汁而且好快乾身！但呢個肉醬長通粉掉返轉，夠晒汁，令到每一條既長通粉都可以上到汁，有芝士同肉醬既香味，好開胃！食落去唔會覺得只係得啖茄汁既酸味😋😋😋！加$45就可以自選3款甜品，仲要唔止得幾款比你揀，都有11款架🙊！抵食👍🏻1.)我一地點左抹茶軟雪糕(綠茶味道超濃，但個人應為抹茶可以淡味少少，但個雪糕真係滑既!!!) 2.)梳乎窩夫(唔會又硬又實，外脆內軟，有蛋香味，唔太甜，唔會飽飽滯滯,ok👌🏻) 3.)楊枝金露奶凍慕絲(奶香，慕絲夠絲滑，入口即溶👍🏻)讚既係佢d奶類製品真係香、滑😋 《焙茶心太軟》平時朱古力心太軟比較普遍，呢個焙茶心太軟都係第一次試，有焙茶既焦香味，幾特別，焗既時間啱啱好，外層鬆化，𥚃面d焙茶漿好多，好似d熔岩咁湧出黎👍🏻👍🏻可以一試…查看更多

今天晚囡囡又帶我去旺角食東西，之前幾天茶客說食了印度咖哩好好食，估唔到佢甘上心，今日就帶我去食！在油麻地A1出口向前幾個街口行，原來有一個小街市，途經一間名叫沙拉姆咖喱屋食肆，囡囡話到了我最愛吃咖喱食物。兩母女各自揀選自己的口味小菜、薄餅……先來二客蒜蓉薄餅和薯仔簿餅，各有各好吃。虾醬炒通莱，竟然出乎我意外地好吃！因為是印度廚師烹調，以為不及粤菜師傅炒得好。怎知比好多廣東粵菜師傅炒得更好食，更濃味，虾醬通菜估唔到正宗印度店也有囡囡叫的鐵板雞，未放到枱已經有濃濃的香味，香料極濃，啖啖肉冇骨頭的，原來呢個叫冇骨雞，不愛吐骨的我確實好驚喜！咖喱牛尾，本身嫌佢唔夠辣，怎知會越食越辣，但辣得很想一直再食的衝動，愛食咖喱的我，對印度咖喱改觀了，牛尾雖然要係骨頭間找肉食，但牛尾炆得好淋，好容易就切了出來食！蒜蓉薄餅本身已經很香蒜味，單食也夠味，但點咖喱汁後真的比單食，更出色，薄餅同咖哩真的很配烤薯仔薄餅，同蒜味烤餅質感不一樣，這個皮比較淋身，而且內裡裝滿濃濃的薯仔蓉！總括而言，每樣食物都好好吃！可以肯定說沒有味精，因為我對味精很抗拒，令我口腔苦澀，很不好受！…查看更多

今日約咗朋友收工一齊食晚飯,約咗係尖沙咀,好自然就去咗餐廳雲集嘅厚福街到搵嘢食。行咗一圈,發現有間新開嘅西餐廳, d set dinner好似幾吸引咁,於是就決定試試佢。間餐廳o係地牢,侍應姐姐好好禮貌咁帶我地落去坐低,可能因為係平日關係,唔洗等位。餐廳環境幾靚,而我一坐低就忍唔住影咗店內一幅維港夜景嘅燈廂相,遠睇好似真係o係有海景嘅餐廳到食緊飯咁,好搞笑!我地叫咗一個煎鰽魚柳同一個西冷牛扒share一齊食,一人一個跟餐嘅沙律,同一杯特飲。tongue首先嚟咗個沙律,佢用煙三文魚砌做花型,然後沙律菜就加咗黑醋酸酸地好開胃。一食完沙律之後魚柳就嚟到,好驚喜,因為個魚柳煎到魚皮係脆嘅!個魚厚得嚟d肉好滑,有啖啖肉嘅感覺tongue(本人係食肉獸)個汁係紅菜頭+忌廉汁,好特別!魚柳到咗大約兩分鐘之後個牛扒都到咗,5成熟嘅牛扒入口即溶,加埋黑松露汁,真係好滿足。tongue而且我好欣賞兩個主菜入面d配菜都好好味,有煎青瓜黃瓜紅黃椒同埋焗薯仔等等,點埋個黑松露汁真係好味到爆!特飲我叫咗杯柚子荔枝沙冰,幾好味,而且入面真係有柚子肉同荔枝,而唔係平時出面果d色素溝糖水。食完主菜之後我地就叫甜品喇~我叫咗個雪糕芝士夾心,(呢到d甜品嘅雪糕係用Movenpick!)佢將d雪糕整到好似一件件西瓜咁,最下層係cheesecake,好有創意,而且好食!真係不得不讚呢到d食物擺位真係好有心機,鍾意相機食先嘅一定食得好開心(即係好似我咁XD)價錢合理,食物、環境同服務都好好,下次一定會再嚟呀!lol…查看更多

韓國菜食過好多次， 有熨斗熨肉的真的是第一次，知道比較特別同多人食，所以一早就打去訂位！坐底冇耐店員說今天送的是胡椒湯，胡椒湯好辣，飲完全身都熱熱的，冬天飲一流，一定驅風驅寒！之後就來蛋將的配料，有粟米，芝士，泡菜，泡菜芝士蛋係我至愛，辣辣的泡菜+拉絲芝士真係正我地叫左牛肉牛舌， 雞肝，雞扒，扇貝，同步隊窩！待應話先煮牛肉，就把m4牛扒放在窩上，之後就放熨斗在上面，聽店員說，這樣會令到牛快D熟，同好 均勻，燒好了，真的比平常香口，還有肉汁，五成熟剛好，牛味好重！令一最愛牛舌，呢個不用加熨斗好快熟，好爽口，加生菜醬汁包住來食，好好味雞扒要先換令外一個鍋，真認真(好小舖頭會甘)，雞扒用愈……熨斗後，變得嫩滑之餘，雞皮脆脆的這時步隊窩也來了，份量好足，有午餐肉，腸仔，蛋，菜，魚丸子，當然也有靈魂芝士，這個價錢仲要原煲上真係好抵食…查看更多

上星期，同朋友去朗豪坊睇<<美國隊長3>>，睇晚上九點，所以就早d去附近睇下有咩好食，朋友就話試過一間食龍蝦湯飯幾好食，又唔算好貴，所以大家就去試下。由朗豪坊大約行十分鐘，就去到間餐廳－「村爺爺」。一入門口，就見到佢標榜自己係「龍蝦湯、泡飯、燉湯專家」，再睇睇餐牌，佢主要賣既都係湯泡飯，咖哩飯，鹵水撈麵，煲仔燉湯。因為第一次黎，唔係好識叫，之後有一個四眼哥哥走過黎介紹有咩出名，有咩好食。佢好好介紹完之後，我地就點左以下野食：（最後見到佢個樣，同餐廳個logo極似，原來佢就係餐廳老闆－村爺，好年青…）極上海鮮龍蝦湯泡飯老闆仔推介「鎮店之寶」，亦都係全間餐廳最貴既一種泡飯，但老闆介紹係用新鮮龍蝦煮出黎既龍蝦湯，而且有好多海鮮料，所以就試一下。唔洗好耐，食物就送上，我當堂「嘩～」左一聲，因為我見到成個龍蝦頭浸左在湯上，旁邊仲有不少海鮮，慢慢撩黎睇下，發展除左龍蝦頭，仲有扇貝、青口、鮑魚片、八爪魚仔、蜆等等，十分足料。成碗龍蝦湯都係橙橙地色，而飯同湯係分開上，岩哂我同朋友不同既要求。急不及待放入口試下先，湯真係不錯，龍蝦味好重好濃，而且充斥住龍蝦的清甜味，連一口飯黎食，真係不錯。其他海鮮都大大隻，味道鮮甜。但可惜，整碗湯飯入面，我搵不到一粒龍蝦肉，只見一個好似裝飾既龍蝦頭，我試試從龍蝦頭上撩d龍蝦膏黎試下，但發現味道一舨，偏苦，相信龍蝦頭係最後放上作裝飾之用。日式咖哩牛筋牛腩飯第二樣點既就係咖哩飯，老闆有提點我地，如果完全唔食辣，唔建推薦叫，好在我同朋友都食少少辣。而另外，老闆介紹話，d牛筋牛腩用日本和牛油煮過，所以會好有牛味，雖然唔係聽得好名，但佢話好食就得啦！咖哩飯黎到，賣相是一般，顏色味道都有d似日式咖哩，入口一試，果然，老闆無介紹錯，咖哩味十分特別，先先是辣，之後就有甜味，辣味點到即止，辣的感覺只有一下，並不會留在味蕾上太耐，之後既甜味令到好想再食多啖。牛筋牛腩很重牛味，牛筋十分好食，很軟。但牛腩我覺得不夠林，未至於咬唔開，但如果再軟一點，整體口感會更好。魚頭咸蛋芥菜湯見到佢寫明係燉湯專家，我從細就鐘意飲湯，加上出黎返工，好耐無飲屋企人煲既湯，所以有機會就會點黎飲。今次點既係魚頭咸蛋芥菜湯，魚湯永遠都係我既最愛，今次都無令我失望，一見到煲湯就成個魚頭，都知道味道唔會太差。湯既味道十分鮮甜甘甜，唔會太有味精味，亦見唔到有層油在面咁。但可能有咸蛋關係，飲多左，會覺得有d咸，但如果加埋d芥菜一齊，味道就岩岩好。整煲湯係二人份量，兩個人飲用岩岩好。食到口乾，竟然見到佢可能賣啤酒，一問之下，竟然係賣哈爾濱啤酒，而且同某間人氣大牌檔餐廳一樣，係用冰碗上。我都忍唔住叫左一枝黎飲。總括，兩個人食左兩個主食，再加一個湯，再加飲品。極上海鮮龍蝦湯泡飯是＄68；日式咖哩牛筋牛腩飯是＄42；而魚頭咸蛋芥菜湯是＄48。絕對經濟，一d都唔貴，而且在旺角區黎講，位置十分方便，味道好，應會係我openrice收藏餐廳上的一員。…查看更多

旺角是放題集中地，而兆萬更可說是核心的內圍當中有幾間都試過了，質素也是一般般，今次嘗試神戶屋前亦沒有太大期望，只求跟友人飽吃一頓，經過一輪狂風掃落葉後，我倆的結論是性價比不錯，值得再戰。點菜紙A至I排列清晰，其中較特別的是有一些韓國料理。較多人關注的漏單情況並不明顯。言歸正傳，是次主打當然是刺身拼盤，無論叫多叫少，師傅都會以冰墊底保持刺身新鮮，賣相亦合格。由於我倆都是刺身怪，所以試了很多不同款式。其中較值得推介的有：三文魚腩油脂甘香、虎蝦肉質新鮮、榮螺片爽脆、八爪魚更是預期以上並沒有像其他放題中常見的擦膠口感。其他款式總體都穩打穩紮，只有甜蛋是機械貨色不太推介。三文魚沒有雪藏味，紋理清晰，合格有餘，如果再厚切一點就好了。牡丹蝦足一個虎口厚實鮮甜，海膽以百多元的放題來說更是喜出望外，色澤吸引，入口感到陣陣海水鮮味。壽司縱然會減低戰鬥力，但總要試一點。火灸三文魚腩讓肥美的油脂更上一層樓，加上少許岩鹽，味道剛好，真想一吃再吃。北寄貝同鰻魚沒有太大驚喜，喜歡的可以一試，甜蛋依舊不推薦。牛肉鍋只用上普通肥牛，但仍算足料，味道不會過鹹或過甜，再加上蛋漿，也是不錯的選擇。天婦羅和炸物在放題的菜色來說較考廚師功架，此店的天婦羅炸漿不厚，其中南瓜比海老更有驚喜，外皮脆但南瓜仍能保持濕潤，滿有南瓜香。炸物則乾身不油，調味適中。食物紙寫迷你心太軟棒，但來到似朱古力蛋糕多一點，沒有想像的流心，肚裡有空也可以一試。燒扇貝任叫，正常size，蒜味濃。限量供應的羊架和焗蠔，羊架不會太肥和羶，好吃。焗蠔就不過不失，芝士味略為蓋過了蠔的鮮味。最後甜品作結，雪米糍和泡芺沒有特別評價，綠茶牛乳頗香和入口幼滑。加送的雪花冰亦不俗，口感軟綿綿，不會太甜，一會兒就被消滅了。價錢每人二百內，已決定擇日重賽。下樓之時真想直接由旺角行回家，否則又怎消化一肚的美食呢…查看更多

日式放題店現在越開越多，朋友話想試新開的，問同事話呢間就係從新裝修開張的，就去試呢間！地鐵站一出就見到，好容易就揾到，大廈完來都仲有好多間放題，我地有訂位，不用等就直接進去！新開將裝修好靚，而且眼見好多闊卡位，餐廳應該係音樂做主題,我地都係坐卡位，仲有個小提琴！坐底緊係要去睇下有咩野飲，真係要用嘩一聲黎形容，係我暫時去甘多間放題，呢間個飲品櫃係最大，真係諗得出既都有得飲，最終選左韓國野飲刺身款式都唔小，甜蝦鮮甜爽口，三文魚，劍魚腩新鮮肥美！壽司蟹子壽司，蟹子同紫菜都脆卜卜，三文魚腩壽同比起三文魚刺身好食鹽燒串串蝦,牛舌，羊架都好新鮮唔會過熟，剛好每樣我都叫左三轉令外不得不提蟹粥，鮮甜得好誇張，實蟹肉都有三舊，本身諗住食小小，最終都成煲食晒避風塘炒田雞， 蒜香味濃，辣度剛剛好，亦都唔會過熟女仔個胃總會有個位置裝甜品的，榴槤糯米糍，芒果糯米糍，紅豆果子，兩樣皮都好煙un,芒果好甜，榴槤放題簡直小見，所以見佢出左一次就冇lu.…查看更多

今日去左食呢間好似好多人食既韓國野,一去到等左好耐,差唔多一個鐘,已經好唔耐煩,不過好彩啲staff都算有禮貌我只叫左個拌飯同卡邦尼年糕同芒果汁年糕煮得岩岩好,不過都幾辣呢個拌飯太普通,而且我覺得唔似韓風,唔太正宗,所以唔太鐘意總括我真係唔係幾鐘意食呢間…查看更多

一去到個到,就覺得好靚,我揀左坐係出面,所以望到中環啲高樓大廈,幾舒服叫左一個漢堡,一個墨西哥餅漢堡啲牛肉十分多肉汁,仲有芝士,勁正墨西哥餅好香,再點上辣汁同芝士醬,就更好味…查看更多