紫薯控的个人专页

好開心呀，今日好lucky，比我買到新鮮出爐嘅sesame bagel新鮮熱辣，隔住個mon都知表皮有幾脆，面頭佈滿芝麻、poppy seeds 同海鹽，係我食過最好食嘅bagel呀！大滿足…查看更多

偷得浮生半日閒，怡東軒嘆完茶，轉個角來到下一站喜喜冰室，好耐之前已想試試呢度嘅signature dish雞批浮台。可惜雞批係凍嘅，餡料火腿多過雞，調味也略嫌單調，外皮也𣎴見得鬆化，沒有牛油香。如果單論雞批是𣎴合格的。至於豆蓉湯夠熱，但只係單純的打爛青豆蓉，冇乜特別香料調味，顯得味道也有點單調。𣎴過好欣賞餐廳嘅創意，無論是菜式名還是裝潢，都有花心思，貪新鮮的我，$33當作只吃創意，也總算值回票價了…查看更多

呢間餐廳見到係金鐘、朗豪坊都有分店，一直都想試。咁啱經過黃大仙，見裝修好日系，嘆返個下午茶先。士多啤梨班戟⋯驟眼望擺盤正正常常，𣎴過咪住先⋯⋯咁燶嘅⋯試左啖，唉好硬呀，一d都唔fluffy，好失望，原來係劣食來的，我一向都唔喜歡浪費野食，但真係唔想浪費quota。因為唔係set，印象中都唔平，真係質素與價錢完全𣎴成正比。仲叫左個香蕉toast，咁嘅組合好難會十分難食嘅，但係塊麵包好似放左好多日咁，只可以話，我自己整冇咁嬲，冇心機影啦個裝包都唔見得好食：𣎴過pack好一包包放出邊賣的丹麥吐司就稍微好少少，買左楓糖味，返屋企焗返熱食。雖然冇其他日式麵包應有嘅牛油香、蛋香，楓糖亦冇楓糖味，但尚算鬆軟，一層層咁，𣎴過唔知用咩油，可以冇牛油香氣嘅。…查看更多

見到呢間餐廳午市有任食Haagen daz ，小朋友聽到已經開心啦。仲要星期六日都有買一送一，一於試下啦！雪糕有4款味：士多啤梨、Belgium chocolate, vanilla 同 曲奇，仲有果仁碎同醬做配料，一d也𣎴馬虎𣎴過因為好多人一次攞幾杯，所以排長龍，同埋到尾時已經冇晒士多啤梨味同朱古力味，𣎴過咁嘅價錢，就唔要求太多了至於主菜也相當對得起個價錢，雞肉洋蔥薄餅同豬手味道𣎴錯，仲有餐湯、頭盤沙律，阿仔就好鍾意餐湯裡面果兩舊麵包，餐飲仲可以揀果汁添…查看更多

檻欖意大利包（$11），比較鹹左少少，但好香檻欖味，配搭葵花子，有咬口之餘又唔乾，包內裡仍保持濕潤，又有彈性，好食。至於pretzel （$22），一直都非常鐘意呢類啡啡地嘅鹼水德國麵包，外皮煙煙勒勒但唔會乾硬，內裡鬆軟又不失咬口，面頭灑上有粗鹽粒，越𡁻越好味，好耐冇食過咁好味的pretzel，完美早餐好開心！…查看更多

食完辣野，要幫喉嚨降降溫。咁啱呢間甜品係附近，雖然一睇就知好睇多過好食，但有少少趕時間，又未試過，一於會一會你啦！mini 車厘子$58，果然係多多cream，除左cream 之外，有車厘子味沙冰，仲有7粒車厘子。cream 同沙冰味道正正常常，唔難食。Er....食完靚靚甜品都開心嘅，不過價錢有d貴同冇乜特別囉，試過一次都未必會想再encore。我諗如果想keep住客源，可能要著手研發下一款吸睛甜品了！…查看更多

一直好想試呢架美食車，今日去到ocean park，終於有機會啦！首先當然要試試得獎的忌廉菠蘿包啦！麵包拎上手係微暖，太熱菠蘿會酸而忌廉亦有機會溶，溫度剛剛好，仲清楚見到忌廉靚靚啫花。包身尚算鬆軟，脆皮雖不及其他專做菠蘿包嘅茶餐廳，但總算夠脆，水準亦屬中上。菠蘿味忌廉唔膩，唔太多唔太少，份量剛好，連平時食蛋糕要走忌廉嘅我都食晒，配搭新鮮菠蘿，味道好夾。試埋菠蘿漢堡包，呢個就同想像中味道差不多，好味但冇驚喜，如果要比較，咁當然係華嫂冰室嘅招牌菠蘿包好味d啦！不過菠蘿仔果然冇令我失望呀，大滿足！…查看更多

Soufflé pancake因為係新鮮即製，落單後大概等左20分鐘。聞落好香蛋味，望落已經feel到果種鬆軟，好想一刀切落去呀！融化緊嘅牛油叫我快d食佢落肚啦！Pancake口感好輕盈，唔油又唔太甜，淋上糖漿都唔算甜。如果嗜甜的話，可能會覺得佢唔夠邪惡！不過就好啱想食甜品，但又怕肥嘅朋友啦。French toastToast外層係焦糖化左嘅薄脆糖衣，每啖都有奶香蛋香同焦糖香，加埋vanilla 雪糕一齊食，一冷一熱又脆又軟，係我喜歡的味道！再hap一啖咖啡，好治癒呢食到最後，將toast 浸落半溶嘅雪糕，好美味呀！不過略嫌麵包唔太夠軟，但就唔似一般日式麵包咁好重牛油味，所以感覺唔算膩！…查看更多

今日心情唔多好，諗住食野氹下自己，想食丼飯，見openrice咁多好評，即管試試。人有時衰起上黎真係行路打倒吞。叫左個江戶刺身定食，盛惠288。有兩片油甘，三片左口魚群邊，兩片拖羅，一隻帶子同一隻蝦。丼飯最緊要食材夠新鮮。一黎到已經心知不妙，完全冇新鮮刺身應有嘅光澤顏色。唔好講刀功，食落不單只有腥味唔新鮮，兼且每舊都有筋。再睇埋個茶碗蒸，嚇死人咩，乾到塊嗚門卷飛左出黎！有圖有真相。蟹柳唔洗講，平價貨色，仲要瘀瘀黑黑咁色。生菜應該係全個定食最新鮮嘅，不過係街市10蚊唔洗大大個果隻貨色。而沙律d粟米呢，味道有少少開始變壞。至於標榜用日本產米嘅壽司飯，都唔係好得，好似煮左好耐咁，有d乾硬，唔講真係唔講唔覺係日本米。食到呢度，再見到湯面頭d油，真係試都唔想試，埋單317元，唔知食左d乜，唉咁嘅質素，如果你話包加一around $200仲可以接受，可能lunch set會比較對得起個價錢掛…查看更多

今早路經此店，聽說燒餅不錯，試試看。$5差不多有手掌心般大，薄薄的，表面蓋上白芝麻，仍是微暖，應該剛剛烘起。與其他店鋪出品比較，燒餅表面不算太油，糯米皮偏向軟熟，口感軟綿綿的不太韌。至於紅豆蓉餡軟滑，分佈尚算平均，啖啖都食到豆蓉，甜度也適中，加上芝麻幾香口。整體而言較一般餅店多了一分柔軟，也勝在即制新鮮熱辣，但未至於齒甲留香。亦可能油膩感較重同飽滯的燒餅始終不是我杯茶，而老店往往吃的也是風味與情懷。…查看更多

近期對各地嘅傳統糕點特別有興趣。經過九龍城呢間潮式糕點專門店當然要入去睇睇。店內糕點款式繁多，猶如小型展覽館，應該係全港潮式點心款式最齊全嘅店舖。門前售賣期間限定嘅鳥餅。據聞係用蕃薯做皮，綠豆做餡。外皮食落好乾好硬，質感似光酥餅，$16一件實在說不上可口，嚴格來說甚至有點難以下嚥，好在餡料不算太差，總算吃掉不至浪費。不過$16滿足了我的好奇心，也算是特別的嘗試。至於新鮮剛製成的黑桃粿，口感軟滑，芋泥餡好香好滑，雖然只是薄薄的一層，但份量比例剛好，而糯米皮又薄又軟，唯一係油左少少。感受到對傳統手藝傳承嘅熱情，見佢甚至有出catalog，出書詳細介紹紀錄每樣糕餅嘅做法、材料等等，希望可以讓傳統飲食文化流傳下去。…查看更多

沙沙合桃糊香噴噴熱辣辣，表面有光澤，賣相好吸引，而且鋪滿烘烤過嘅合桃碎，真材實料。合桃糊質感幼滑，甜度稠度適中，唔過稀唔過杰。糖水本身合桃味唔算好香濃，合桃比例再多少少會更好。但係如果連埋合桃碎一齊食，合桃味會又返返黎喎。香脆嘅合桃碎配搭合桃糊，唔單只增加整體合桃香味，同時令口感更豐富，冇咁糊口同膩。食完之後，口裡面好耐仲留有合桃香。不愧為招牌菜呢！鍾意食糊的話，一定唔好錯過啦！Yummy Yummy…查看更多

新鮮出爐甜甜嘅麵包香氣，每次經過都好大引誘。熱辣辣，隔住紙袋都feel到果種鬆軟，未食只係拎上手，都可以令人有好心情，快樂真係可以好簡單。酥皮鬆脆，但唔會好似西貢那間咁一咬就散。最鍾意係佢舊式甜麵包果種特有嘅口感，夠濕潤又軟軟地黏黏地，而且紮實，大啖大啖咬落去真係超滿足。應該係暫時食過最好嘅菠蘿包，唯一係銅鑼灣翠華可以同佢匹敵，不過翠華同佢比，感覺硬係爭少少。6蚊一個，有齊視覺味覺嗅覺享受，去邊度搵？…查看更多

眉豆茶果賣相好靚，漲卜卜圓碌碌咁，但係餡料咬落好少，而且味道單調，味道就係五香粉加眉豆。雖然皮比較厚，但好彩勝在翻熱後夠軟綿綿，又有彈性，整體而言不差，但當然同粿品老字號，如上環曾記、荃灣民豐、西貢同大澳嘅有一段距離啦至於芝麻糕同紅豆糕，冇乜大驚喜，只係一般用馬蹄粉整嘅糕點口感，糕身屬於比較彈牙，而芝麻味不算十分突出，紅豆糕亦屬正常水準。不過整體而言糕點較茶果為佳。下次想試試出面較少見嘅斑蘭砵仔糕。…查看更多

去開新蒲崗，知道有間新開麵包店，當然要試下啦！店裡面嘅個裝包一早已用膠袋一個個入好，款式與賣相沒有太大驚喜，但勝在價格比較親民。要左斯佩爾特包 同無花果合桃包兩者之中，個人比較鐘意口感較為多變嘅斯佩爾特包，表面脆，裡面軟，類似法包、硬豬，而且感覺上較為健康。不過部分麵包放過隔夜先食，味道大打折扣。至於無花果合桃，味道同預期差不多，掃焗盤d油稍為重手左少少，攪到個包底好油。附近嘅日式麵包店實力強勁，如果要突圍而出，相信要加把勁了，加油加油…查看更多