karen_lee的个人专页

叉燒丼飯$52 因為唔係好鍾意肥肉特登叫咗瘦叉燒，叉燒燒到少少燶邊，幾香口，篤穿個太陽蛋嘅蛋黃，用d蛋汁配埋豉油同蔥蓉撈飯一齊食好好味😌 呢份飯真係超大份，我地兩個女仔食曬碗飯已經有飽飽地鹹牛肉炒蛋多士 $26 可以話非常之抵，每件多士有三層烘底麵包之外仲要配埋半溶牛油塊，邪惡但係好味🙈炸豬扒$38 出邊嗰陣炸至金黃脆卜卜，而入邊嘅豬扒又夠juicy，連我平日唔點食炸野嘅人都忍唔住食咗一塊紅豆冰 $26 鍾意呢度嘅紅豆粒粒飽滿，有咬口我地見到隔離張檯個鰻魚叉燒丼飯條鰻魚都好吸引，下次有機會去試埋😋…查看更多

次次喺表參道都錯過咗Omotesando Koffee☕️，宜家隨時可以係香港飲到真係幾方便🤓最愛搭配💁‍♀️：Iced Cappuccino+Egg Sandwich 個蛋治中間嘅玉子燒好似布甸🍮咁嫩滑，而最特別係入邊有加落少少mustard，但又唔會辣，令到個蛋治多咗一份清新嘅口感，好味又特別，一試難忘🤤…查看更多

賣相吸引，焦糖味突出，個人覺得甜咗d，而且可能因為唔係新鮮出爐凍咗，個皮冇想像中鬆脆，蛋香味亦唔夠濃，相信呢個價錢有其他更好選擇有機會想試croissant同埋matcha cream brioche可能當時遊客較多店員service麻麻，feel到有d唔耐煩…查看更多

天氣酷热☀️，叫一碗凍冰冰嘅黃豆豆腐花，加落黃糖，糖水同埋薑汁。企埋一邊慢慢品嚐。黃豆香味濃郁，豆腐花口感嫩滑，入口即化🤤食完成個人清涼曬🍃下次要去試埋糍粑同埋砵仔糕😋…查看更多

經過呢間rakuraku拉麵決定入去一試。一入到去就被墻身貓貓壁畫吸引，同埋個貓貓牙簽筒好靚🐱櫻花蝦龍蝦湯拉麵🌸🦐🍜 一上到黎已經聞到勁濃嘅蝦米香，最特別嘅係個炸藕，雖然上到黎已經浸到湯汁，依然脆卜卜好香口😋 木耳同蝦米份量都唔少， 而且除咗普通蔥之外仲有京蔥！叉燒揀咗肩肉，肥瘦適中夠軟稔😋 成碗麵真係好足料，麵係幼身直麵又幾吸湯，食到一半時覺得湯底有d鹹，除咗呢點其他都好好👌辛辣豚骨拉麵🍜 湯底豚骨香濃郁，我好鐘意佢地嘅辣椒油嘅香味，好香，好特別🤤 個辣度對於算係食得辣嘅我黎講係比較辣。如果唔點食得辣嘅朋友唔好輕易嘗試，食得辣嘅相信會鍾意溏心蛋🥚個蛋漿有少少杰身，不熟咗d。因為鍾意食溏心蛋特登叫多一份都係一樣。炸雞幾好，出邊果陣金黃香脆，入邊雞肉嫩滑。我地叫咗三件炸雞上咗黎係四件，個侍應話師傅見炸雞細舊咗d俾多一件我地☺️…查看更多

喺food court搵野食，見到山城小麵menu幾吸引😍 坐低叫咗個套餐，包括山城牛肉麵，麻辣雞丝，同埋一枝津路烏龍茶。Total$79呢個價老實講真係好抵，碗牛肉麵份量超足，牛肉好大舊，夠稔夠入味，足足三大舊，即刻覺得超值🤣 湯汁麻麻辣辣好香好惹味🤤而唔係死辣。　我好鐘意呢到嘅麵，唔係幼麵(見張單度寫住粗麵唔知係咪有得揀)煙韌彈牙，索埋d湯汁好正。成碗麵唯一不足係油過多，如果可以少d油就perfect啦麻辣雞絲係加$5嘅跟餐小食，本以為係細細份，上到黎原來都係幾大碟，麻辣味正宗食哂雞絲見到底仲有青瓜，一樣好味。呢間野食好味份量足又抵食，一定會再去！…查看更多

元朗Food Court開咗幾日，前幾日新開張加上做promotion，日日逼爆😂 選擇避開高峰期平日三四點黎就啱啱好，唔係好多人排隊可以舒舒服服坐低歎個下午茶😋Bova既梳乎厘班戟最出名，呢排唔少人推薦佢嘅雞蛋仔，見排隊人唔多，去買咗原味同埋伯爵茶味嘅雞蛋仔 落完單等大約5至10分鐘就有得食，即製即食，新鮮熱辣😋原味好好食，甜度啱啱好，又够香🤤伯爵茶味嘅茶味濃郁，好香，相對原味黎講甜咗少少口感方面少咗外脆內軟嘅口感，同埋困喺紙袋度唔透氣，d水蒸氣喺個袋入邊散唔到，所以d雞蛋仔好快稔哂…查看更多

好耐之前都有食過幾次永年士多嘅車仔麵，記得好好味😋 呢幾日一心想再食多次，咁岩琴日經過見唔係好多人排隊，即刻行去隊尾排埋一份，大概兩個字時間已經可以叫野食啦🤓我就叫咗四餸：牛肚，牛柏葉，牛筋，流心蛋，跟餐叫咗抹茶紅豆冰🍹，牛肚牛柏葉都算入味同埋幾冧，牛筋好好味，感覺入口即化，而個流心蛋可能因為我最後先食所以只有少少流心，永年最出名係佢嘅辣汁，我自認都幾食得下辣嘅，叫咗細辣，不過覺得好辣，頂唔順要不停飲野😓 如果唔係好食得辣嘅建議細辣都唔好輕易嘗試😂 抹茶紅豆冰感覺普通應該唔會encore啦仲有鮮油煉奶多士+樽仔奶茶。多士唔係好脆，不過一啖多士有埋牛油同煉奶好滿足亦都好邪惡🤭呢枝奶茶個人覺得甜咗d牛筋，牛肚同埋流心蛋都好好味，下次叫微辣應該岩岩好😋 …查看更多

每次去食聰嫂一定會叫呢個榴槤黑糯米🤤✨榴蓮蓉啖啖榴槤肉，混合埋榴槤沙冰，我呢個榴槤控即刻難以自控😆 d水晶珠一咬即爆幾得意，最正係黑糯米，米香而唔漏，仲可以食到d芋頭，再撈埋d榴槤一齊食，口感豐富，超滿足🤣最緊要係對於我呢個唔點食得甜既人黎講可以搵到唔甜唔漏，每樣食材都鍾意既甜品真係難能可貴😍✨榴槤班戟個皮厚咗少少，同埋食咗半粒已經覺得有少少漏下次要試龍眼椰果冰同埋士多啤梨椰果冰😋😋…查看更多

天氣悶熱，咁啱見沐白小農冇人排隊即刻買兩杯飲下珍珠紅茶拿鐵因為唔想太甜叫做3分糖，茶味幾香，不過好似奶味唔夠濃，個珍珠好好食呀，唔會太甜又煙韌Q彈，唔硬唔淋啱啱好大甲芋頭鮮奶 作為芋頭控梗係要飲呢個啦😍 有成差唔多半杯芋頭，我仲加咗珍珠添🤤 搖咗好耐先飲，可以食到d芋頭塊，因為本身冇加糖所以個甜度冇得揀，甜咗少少，不過芋頭真係好香，再加埋珍珠一齊食好享受😋 大甲芋頭鮮奶會encore，同埋會試埋招牌黑糖波霸鮮奶🤤🤤🤤…查看更多

新天地逛街累了想著個地方坐下休息一會，剛好路過這家Godiva，買了雙色朱古力甜筒和開心果白朱古力蛋糕。這個黑朱古力和香草雙拼的甜筒好好吃，黑朱古力的香醇融合了香草冰激凌的甜滑又剛剛好和黑巧克力的苦味平衡，一口氣吃完一整個也不會覺得罪惡🤣 連我平時不吃冰激凌的人都想下次要再買全黑朱古力的甜筒試下而開行白巧克力蛋糕對我來說偏甜有點膩，不過勝在顏值高拍照好看，但巧克力牌擺放有點歪，細節也很重要哦…查看更多

花生好好食，鹹香口味食一粒之後停唔到口，漢堡包牛肉夠份量又juicy，同芝士一齊一啖咬落好滿足，薯條都係超足份量有辣味選擇幾特別，汽水可以無限續杯，總體滿意，雖然價錢係同類快餐店算偏貴，但勝在好味，連我好少食快餐既人都願意再光顧…查看更多

呢排天氣悶熱，經過幸福堂見到唔駛排隊即刻買一杯招牌焰遇黑糖珍珠鮮奶，又真係幾好飲，d珍珠軟硬適中都幾Q彈，同埋黑糖味純正，又唔會過甜，岩曬我呢d唔鍾意過甜既人，最頂個奶蓋又唔會太漏，如果奶香味再濃d會仲正！有機會會再試埋黑糖珍珠奶茶～…查看更多

蟹肉火鍋湯底帶出蟹既鮮甜，炎燒海膽同海腳咬落去啖啖肉，最驚喜既係将蟹肉蟹膏倒落火鍋湯底煮粥，個粥混合蟹膏蟹肉的鲜甜飲咗返唔到轉頭，柚子雪葩甜度適中果香濃郁，齒頰留香，非常滿意既一餐…查看更多

呢個all day breakfast份量十足，魚柳煙韌彈牙無雪味，腸仔肉質juicy，煙肉亦香口值得一讚~egg benedict好特別，個底係用cube型toast，揭開cheese先知入邊有隻蛋，一淡咬落去truffle味cheese與蛋黃既味碰撞重疊，令口感豐富滿足唔知係咪下午茶時間餐廳唔係好多客，但幾個侍應企係我地隔離望住我地食，食完一份即刻黎收返d碟好似好趕，但四圍仲有好多空檯，影響我地用餐心情，希望服務有待提高…查看更多