ahtinahchoy的个人专页

本來新蒲崗度都一直食開，同老闆娘都好熟了，然後話會唔做真係嚇我一跳，原來只係搬舖～差唔多開左成個月先有時間嚟幫襯，而家舖面大左好多靚左好多，人手又多左，重有qr落單，真係唔同哂喎～應該可以更加有效率了👏🏻而且呢度人流比以前多好多，可以有更加多人試到佢嘅靚湯（冇味精唔口乾又甜)靚餃(好多款我都中意）實在太好啦～舊店都介紹過有咩正所以唔長篇了，總之自己嗌返最中意嘅小雲吞同蘿蔔餃，正呀👏🏻👏🏻有機會要多d嚟幫襯下至得…查看更多

一直對呢間好有興趣，但有次星期一嚟原來冇開的，今日終於嚟到，星期日下午茶時間冇咩人門口幾有特色但唔記得影相～其實自己係為crepe而嚟，不過揀咗好耐因為要查下邊種好🤣而店員好有耐性亦都一直保持笑容呀叫咗鹹甜pizza各一，都幾好食，香港真係好少呢種餅食呀～但比起美食，真心想讚個講英文嘅店員真係服務態度超好，凍飲走冰做到，見唔想用鋼飲管即刻俾紙飲管，見熱即刻特登為我哋開埋本身冇開部冷氣，好多嘢都有耐心回答，佢連喺呢種舊樓嘅廁所都好乾淨完全冇味，有冇心去做生意真係睇得出，希望間舖生意更加好啦（貼士都好值得俾多d)…查看更多

一向好中意食越南湯粉，但自從係澳洲食過，再加埋上年去完越南胡志明食真正越南牛湯粉後，覺得香港的越南粉，無論幾出名（暫時除左食家開果間未試，應該都差不多試過哂有咁上下名堂的）都同越南求其一間差一大截距離⋯我真係完全諗唔明，人地越南d料真係唔同d?定水？定空氣有分別搞到整唔到？唔食話唔好食，只係例如我食越南的湯底其實好清但食落好有味，但香港的就總係好似要深啡色先有味咁（重要唔係真係果種味）冇咩期望下入小店試下，睇餐牌，冇想叫的火車頭，得生/熟牛湯河，諗住中招，然後一開始黎配料，雖然我好少加，但覺得連芽菜都冇，伏伏地咁，然後黎河啦，咦，竟然冇香港常有的啡色，唔係清湯掛，一食，竟然係香港第一次覺得似越南風味，估唔到係呢種唔覺有越南廚師的小店搵到！正呀！加埋杯我最中意的凍青檸茶，竟然只係50蚊！（青檸檸茶越南餐廳都唔多有，有都唔平）下次一定要試埋青檸梳打！四日內食左兩次都叫返同一組合，慢有機會再試下其他先～見人地一家大細叫左好多野都好似幾滿意咁，我諗有質素的但暫時唔算好多人，佐敦競爭太大吧，佢舖面又簡陋，但坐得都舒服的，希望佢會一直堅持住吧！…查看更多

女友最近要戒口唔食得味精，真係覺得好難搵食，因為出面連清湯麵都一定有落咁滯啦咁岩有次行開麻雀館多條街見到有間餃子店門口寫住冇味精靚湯，就好有興趣搵女友去試下，今次終於試左啦，如果好味諗野食就唔使咁頭痕了食左碗湯餃，真係冇味精播，韭菜餃都幾好食，見女友滿意就好了，重真係可以當湯飲添，可惜本身都飽飽地，所以只係試左餃子，重有個手拍青瓜，都合格ge女友重叫左杯鹹檸七，聽佢講係唔錯的，想要唔凍又即時俾到傾落原來間野係新開，同埋好多街坊只係買外賣，睇落入面唔多人，但d阿姐都好好招呼，繼續努力啦…查看更多

本來一直懶得寫食評，但呢間細個成日食，執下執下得返兩三間，連呢間我去親都冇乜人（希望只係周末少人吧，地方係唔易搵的），真係好擔心會冇埋，明明野食唔輸俾好受歡迎的茶x,咖啡x之類丫，重要平好多，服務都幾積極啊自己好中意飲朱古力雪香，今次冇飲，有機會至補相食下午茶好抵食，夜晚其實都唔貴，而且選擇愈來愈多，由紅燒牛肉麵到飯果d都有（以前明明得好難食的麵線，但牛肉麵幾好食播）重提供埋火鍋添，希望呢間野多d人食，留得住啦，個商場又真係蚊都冇多隻ge....…查看更多