BusyBee的个人专页

呢排心情唔好, 太古坊做野既老友又黎陪我食lunch; 今次我揀左呢間飯堂. 四個人坐房, 我就唔怕煲煙俾老細們見到, 正! 叫左個魚生飯, 好新鮮好正, 食咁多次都無失準, 不枉食為我飯堂之一! 不過要吃平d, 對面京味都係值得推介ga!! 之但係, 兩間都好full, 呢間最好訂定位呀!…查看更多

落黎之前先係樓上Happy Hour 同歎水煙, 仲叫左杯牙膏味既薄荷茶飲; 齊人後就落去吃飯!叫左勁多碟野, 拼盤同其他烤肉等都好吃, 幾條友嘻嘻哈哈左成晚, 攪到隔離檯仲以為我地係明星, 只怪環境唔錯啦! 而且侍女們好好招呼, 仲stop我地唔好再叫多d野食, 話我地夠食, 幾好!呢度都拍得住Habibi, 我認為啦! …查看更多

星期六同幾個老友搵定吹水, 係呢頭行來行去終於入左呢間...Set Lunch好平, 六十幾七十蚊, 有埋湯/ 沙律同茶水, 呢區黎講算係咁. 我要左個seafood angle hair, 香草白汁好多, 浸到d麵好腍, 唔得! 朋友塊扒仲衰, un到切唔到, 檯都震埋果隻! 勁唔掂!!!呢度叫做okay好坐, 唯一可取!…查看更多

蒲到好厭喇, 黎呢間野原因有二: 一, 俾面出席朋友既生日party; 二, 新屎坑!其實當時呢度仲未正式開, soft opening階段, on guest list入! 呢度好就好在dancing area同酒吧區叫做隔開下, 類似volar咁啦; 音樂唔錯, 酒水未試真, 因為都係開香檳同芝華士, 侍仔亦有禮醒扒, 消費同D-I有得揮, 不過生日果位豪既, 實質幾銀唔知! 蒲友今期必到!…查看更多

同幾個太古坊返工朋友過食lunch, 叫點心, 叉燒酥, 叉燒包(哈哈, 有人太愛叉燒之物!), 帶子腸粉, 上素餃, 棉花雞, 小籠包, 炸豆腐, 蒜蓉炒西蘭花等等, 各樣都做得唔錯, 唯今次覺得個小籠包麻麻; 好彩呢度服務週到, 要打的過又其實唔遠果先慘!…查看更多

去幾個靚女屋企, 都住呢頭, 本來想其中一個屋企吃埋, 但佢屋企一隻二隻小可愛會呷醋發脾氣, 唯有呢度食飽先!我遲成個幾鐘, 到吃甜酸骨, 牛肉丸, 飲碗海底椰煲雞, 個湯唔錯, 牛肉丸勁係山竹牛肉feel, 一般啦....好多食評都話呢度服務唔好, 又唔係喎, 侍女們好friendly, 我重想讚tim!好抵, 每人一舊水唔駛, 得過!…查看更多

PP 掃完貨過會合朋友吃個晚餐....叫個泰式2人餐, 有冬陰功, 蝦餅, 豆醬炒通菜, 青咖喱牛腩等, 無樣好吃, 不過勝在有境同唔貴, 條氣順番!侍仔們收野好快, 人地慢慢食唔得咩? 係都要問收唔收得, 好趕呀?失望, 愈做愈差...…查看更多

又係生日飯一餐, 今次我提議呢間地下意菜小店; 叫幾樣, 大部分好吃: 生吞拿魚沙律, Beef Capraccio, 海鮮墨魚麵, 煎牛仔肉, 燒羊架等等, 除煎牛仔肉唔口味外, 其餘幾項都相當有水準, 用料新鮮. 而甜品方面, 友人無買蛋糕, 安排侍應推介幾款甜品做併盤, 當中包括自家製tiramisu, 拿破倫餅同蜜桃雪葩, 拿破倫餅果然係正, 至於個雪葩都唔錯, 有舊蜜桃裝住, 不過蜜桃雪到勁硬, 食唔到, 慘!總括講, 食物水準好好, 服務亦可以, 都幾家庭聚會或三五知己吹水, 氣氛casual. 不過座位唔多, 留定檯穩陣!…查看更多

本來諗住同朋友去party 前去craft試, 點知我遲大到攪到好晏先出到, 時間緊迫, 唯有呢樹食個quick dinner.差唔多成10點, 我要個東坡肉菜飯同豆漿一杯, 覺得肉好硬淨, 菜飯就尚可.同意前者所講, 呢度服務的確唔得, 我入你就收舖又招呼我地, 食齊無耐就話要收舖叫我地快, 仲熄埋部份燈局你唔坐得耐, 咁串?…查看更多

呢頭做完, 跟住又要去agency度睇, 中間有成個鐘空檔, 無奶油返office, 唯有一條友搵個地方hea; 原本想去隔離間cafe仔, 點知no somking, 立即返轉頭入呢間, 侍仔話有tea sets, 見都係茶記茶餐, 食麵果又似乎勁得制, 就叫個蜜糖西多士, 加錢加杯所謂水晶梨蜜. 蜜糖西多士做得好有屋企feel, 基本上唔駛加糖漿都可以吃得, 入面蜜糖好正冬蜜味, 麵包炸成淺金黃色, 無, 可以! 水晶梨蜜略甜, 要攪拌梨肉先至令成杯味道均勻, 都幾大杯, 不過餐轉配就好似加$15, 貴喎, 因為本身個餐已經四十幾蚊, 食個西多唔駛掛?!貴, 有原因, 話晒呢度叫玩特色, 細心留意仲有舊玩具擺係度, 都幾得意....門牌好似好型, 但其實入面裝修應該好平價; 不過, 一玩小小就預要你俾多喇, 好彩呢度侍仔尚算有禮兼食物唔差, 放果你啦! …查看更多

同朋友食厭港島區, 自La Villa後我地繼續尖沙咀搵食, 今次我揀呢間擁有正正無敵維港景餐廳浪漫.當晚我地坐outdoor, 唔係好熱, 如果串燒陣煙味唔咁勁的話, 感覺仲好! 其實我坐係度覺得自己勁似遊客, 星光大道都係因為今次而被我走過咋!一開波先講佢地service, 因為真係好好, 始於開餐前經已發覺到! 原先我地留檯係留9點, 但臨時早半個鐘, 開初被安排坐一張好近串燒檔檯, 由於陣味勁得制, 我同朋友都不時用手撥氣, 侍仔留意到, 主動行埋話有張檯埋緊單俾我地轉. 我地行埋去時仲執緊檯, 呢個時候另一侍仔帶四條鬼入想俾佢地坐; 我同朋友心諗人地四個人仲話留檯, 我地實要返轉頭! 點知侍仔甲唔俾佢地坐, 話我地都留位, 攪到我地鬼咁唔好意思...叫一個唔記得名沙律, 一個牛仔肉南瓜飯同中東甜棗蛋糕. 沙律有蟹肉同磨菇, 一般般; 牛仔肉南瓜飯初時吃落味道有點怪, 南瓜汁撈埋香飯愈吃愈有味, 但牛仔肉唔夠嫩, 可惜! 至於個甜棗蛋糕幾甜, 有點點似carrot cake, 可以一試!每人一個椰青, 好風景!…查看更多

是晚心情唔多靚, 朋友同我行我呢度食飯傾心事. 可惜天氣同心情差唔多, 唯有坐室內, 不過都係叫看海....因為好煩, 所以無心機睇餐牌, 就叫果個9個coursesset dinner. 磨菇蓉沙律, 生菜鵝肝卷, 煎三文魚, 青荳湯, 黑椒汁炆鵪鶉等等, 其中鵝肝卷同炆鵪鶉都做得唔錯, 值得一試. 個餐仲有甜品, 我地亦開支白酒...餐廳其實唔大, 但都好坐; 唯洗手間商場上層, 要行幾層好麻煩!服務不過不失, overall都係一樣! 不過二百幾三百蚊有9個courses法菜吃, 唔要求太高喇! …查看更多

嬉完水已經係黃昏, 用力肚餓就梗加啦, 朋友決定去赤柱吃晚飯.是晚假期, 我地無訂位, 見呢度無咁多人就入; 叫一客什菜磨菇沙律, 慕尼黑小豬肉同牛仔肉腸同脆皮燒豬手, 兩杯啤酒. 腸同脆皮燒豬手都做得唔錯, 豬手皮脆卜卜, 仲有酸菜同薯仔, 咁都已經有飽.諗住食個early dinner, 點知落單之後等好耐連杯水都無! 好令人失望呢...希望下次唔會咁啦!…查看更多

又係假期, 訓醒就俾朋友甲急call出海...未夠鐘, 所以先飲杯先至落沙灘度乾煎, 咁天時等陣仲要wake當然唔飲酒啦, 橙汁一杯! 太多冰喇, 溝稀晒; 不過今次朋友杯long black唔錯喎, 又我地2條友坐向海梳化位除晒鞋煲煙吹水, 雖然好晒, 但好正! 侍仔都好casual, 幾夾間餐廳style. 不過我諗落雨的話呢度好難做生意.…查看更多

同朋友出海, 因為天氣突變要被逼中斷, 見悶悶地咪由深水灣車入呢度食.呢度的確幾偏僻, 如果無車就一定要call的士, 由獅子會路口直入...其實呢樹係遊艇會, 如果唔係member唔知可唔可以泊車入去, 不過出面大把空地, 應該無問題!雖然落雨兼打風, 但呢度for泊船, 所以海面依然平靜; 我地亦好願意坐係半outdoor位置, 吹吹風咁.歎tea, 唔吃太多, 2個人叫一客遊艇會三文治同Nachos share食, 朋友要咖啡, 我就要熱好立克. Nachos份量幾少, 但好香脆惹味, 而且帶點香辣, 仲有好多芝士上面, 正! 而三文治亦好足料, 煙肉, 火腿, 雞蛋, 生菜, 蕃茄等等, 麵包烘過, 都好出色. 唯朋友話杯啡唔得, 扣分!服務亦唔錯, 侍仔女們好禮貌亦好親切, 可能因為呢度都有唔少一家大細同小朋友卦!Anyway, 呢度夜晚收10點, last order 9:30, 晚餐要睇時間喇!…查看更多