firebomber7的个人专页

腸粉，要整到香、滑已經唔係易，而且要加埋美味醬汁先達至色、香、味俱全!今日再去到西環，口痕友嘅我，當然要去一口齊食吓嘢啦，其它食物今天帶朋友一齊去食夾餅雞蛋仔⋯⋯水準保持得仍很好，而我亦點咗其中最愛嘅腸粉魚蛋，淨係索到醬汁嘅香味，已經令我忍唔住即刻三扒兩撥咁食哂盒腸粉，加上腸粉滑而有嚼勁，結果要再嗌多盒!😋一口齊，你哋繼續努力哦!…查看更多

好長時間無去西環,有日行過水街,見到一間似曾相識o既小食店”一口齊”,望入舖,見到之前北角”一口齊”位老闆o係度,老闆外表同以前一樣,酷酷地,睇落內儉,似唔多講o野o個類,其實佢都好好傾o架,閒談之下,原來佢哋由北角搬到嚟西環已經接近一年！o既然講明久違了,我當然二話不說,食番個我至愛o既招牌小食原味格仔餅先啦!!格仔餅餅底同北角店時代最大分別係,餅底比之前更脆,口感一流,聽老闆講,餅底係經過少改良!! 而另一招牌雞蛋仔,甜味做到恰到好處比前更香脆,唔同坊間其他小店過於注重甜味!!!至於咖哩魚蛋o既咖哩汁,咖哩味辣味和之前一様,fit到我胃口,若果對魚蛋興趣不大,亦可一嘗魚肉燒賣！都唔錯o架,幾彈口！!而腸粉亦令我勾起不小兒時回憶,因為每日返學前,我必定會在學校門外擺賣嘅流動小販檔買份蒸腸粉做早餐!!!講開又講,若果將"一口齊"o既咖哩魚蛋加埋腸粉兩樣小食夾埋一齊,配合埋佢哋秘制辣汁,真係別有一番風味!!! “一口齊”搬到西環,除咗將以前北角嘅所有小食帶到哩區外,依家仲加入咗印尼撈麵迎合學生口味，俾大家街坊更多嘅選擇!!!希望哩個特式街頭小食可以不受其他外來因素影響下,繼延續落去！…查看更多