brandoncsk的个人专页

係尖沙咀食咗一間新開，正在試業嘅居酒屋，舖頭sake嘅選擇有好多種，除開日式配酒小食，亦有天婦羅 燒鳥 燒牛 燒海鮮等，選擇多樣。整體環境亦都幾舒服，師傅整嘢細緻，有d menu度冇嘅嘢都可以問一問師傅，有機會師傅都整到俾你。老細都好熱情推介sake同食物。食物個人比較推介牛脷 雞蠔肉 雞肩。👍🏾👍🏾👍🏾牛脷 烤得外焦里嫩，牛香味濃郁。👍🏾👍🏾👍🏾雞蠔肉 雞蠔肉嘅皮烤得焦脆，雞肉嫩滑多汁，調味啱啱好，冇刷燒汁，保留雞肉本身鮮味。👍🏾👍🏾👍🏾雞肩 特別之處在于上邊嘅薏米miso，加上雞肩肉嘅嫩滑，真係值得一試嘅組合。…查看更多

行街行到附近，朋友話呢間好出名上海早餐，咁咪係咪試下個晚餐咯。我本人自己係唔鍾意口味偏甜嘅上海嘢嘅，但係又鍾意食小龍包，咁咪食下d嘢咯。行入舖頭基本上係度食晚餐嘅都係上海人多，d伙計亦都係上海人，有d去到上海嘅感覺，耳邊都係上海話。-⭐️小食拼盤⭐️比較推薦個肉皮凍，豬皮處理得乾淨冇毛，我致驚就係豬皮唔乾淨有豬毛係上邊，中間豬肉鬆軟但係都有咬口，皮凍嫩滑但係又唔會散，真係處理得幾好。-⭐️鮮肉小龍包⭐️肉餡調味幾唔錯，亦都有湯汁，係即叫即蒸，但係個皮就偏厚身，我自己都係鍾意d薄皮嘅小龍包多d。-⭐️東坡肉⭐️都係算出品不錯嘅一個，肉軟霖，皮同肥膏入口即化，調味偏甜，但是唔會濟，都幾送飯。-⭐️幹煎黃魚⭐️我個人唔鍾意食黃魚，唔做評價，但係睇落都似炸定嘅，唔似即點即煎嘅。-⭐️炒麵⭐️都係甜口嘅，我自己就唔係好鍾意，但係d朋友就個個話好食。-⭐️蒸餃⭐️d皮同餡都係同小龍包都係一樣嘅，d皮都係厚身。-整體評價d食物我覺得整體麻麻咯，唔係話好食，又唔係好難食，舖頭d上海客都多嘅，但是我就唔會再食咯，鐘意上海嘢嘅可以試下。…查看更多

今日兩人試左朱敏記大排檔，位于土瓜灣馬頭圍道，兩個人食咗 水煮牛 紅蔥頭雞半隻 椰菜苗____🥩水煮牛：入邊加咗豆芽同薯粉，調味係香港算辣嘅，最上面用熱油澆咗乾辣椒粉同花椒上面，整體辣味突出，鹹淡適中。🐔紅蔥頭雞：雞肉嫩滑，紅蔥頭係大塊嘅，整體味道偏鹹小小，送飯無敵。🥬油渣椰菜苗：油渣脆口冇渣，炸油炸得算乾身嘅，d椰菜苗就係有咬口嘅椰菜苗，椰菜苗炒得偏鹹口，但係同個水煮牛一齊食，又係幾解辣。____👍🏾整體體驗都算唔錯，坐係最門口嘅細台，真係有路邊大排檔嘅感覺，一入門口就睇到老板娘嘅形象，同廣告燈牌一摸一樣，寫嘢落單都係老板娘親自安排。呢次人少冇試酸菜豬雜煲，睇起都幾唔錯，下次人多先試下。____⚠️唔食得辣嘅記得落單時提一提bb辣或者小辣，個人覺得呢間係香港算辣嘅啦…查看更多

在為一個汕頭人，能在香港吃到這樸的汕頭牛肉火鍋，覺得挺難得的，久違的汕頭味，沙茶醬也是汕頭的那種沙茶醬，真的是一秒嘗到汕頭味。推薦五花趾同匙柄，這兩款肉都係我係汕頭最鍾意食嘅肉，聽講宜家縱開始午餐，得閒一定要試下d鹵水喇。…查看更多