loveemily811的个人专页

今日和朋友去食日本野，呢間日本菜係我成日會來食，仲食左好多次，水準都唔錯！不過平時我係食熟野多，因為我對生野都比較擔心佢唔新鮮，今次決定試下佢D壽司如何！可惜有一點點腥味，唔算好新鮮！🤦🏻有點失望添！我每次都會預約左先來，因平日午餐呢間野都多人來，所以如果想食，最好先預約比較好！😊環境係偏黑，有情調嘅，坐既位都舒服，環境係唔錯ga ！但下次再來，我會食返佢既熟比較安全DD🤣但我估唔會有下次啦！😅…查看更多

今日同一班好同事一齊去食團年飯，一行8人。叫左8款菜式，如果件數，可以叫佢整人數份量！真的非常好！茶位18蚊一位，仲有加一服務費。但環境非常好，可以一齊靜靜地食下野，傾下計。我覺得個樟茶鴨真係值得一試。佢味好香，皮脆！紅燒肉都好好食。但個木幫圓蹄，可以唔洗叫！因為真係好肥好流！食一啖已經好足夠！…查看更多

行左去D2,睇人講有間素食餐廳，就去試下。都唔知食咩好，就選左串燒餐。原來素食肉都好特別，不過唔會平過食肉，但本人都係喜歡食肉多。所以間野試下好啦！比我再選，我未必會再來。😅…查看更多

今次去叫左個豬鞍扒，估唔到好有肉味，又多汁。真心好正，上次食牛都好好味。下次要再去試埋其他食物，因為佢D野食都算幾吸引。仲可以有印，儲夠6粒，就可以免費送一份午餐。真心吸引！…查看更多

一行四人，好彩可以即日訂到台。叫左一個四人餐。一點心三小菜二前菜。四人食好足夠！環境都清靜，乾淨。個糖醋骨我覺得好好食，京蔥牛肉都炒得好好！價錢四人午餐係灣仔係算偏貴。…查看更多

同一齊喜歡食牛肉同事去試下菜。之後有同事來食過話唔錯，今次就同同事來一試。叫左個牛扒餐，有前菜又有甜品。感覺都唔錯。個牛扒叫左要7成，來到唔會太熟，岩岩好！又林又多汁，牛肉味都好重。但我覺得得甜品就差左少少，好干既蛋糕仔。唔多吸引！個湯就好滑，味道都好濃郁。但個菜就一般般！冇咩特別！但包都脆同香口。環境都好大，我地係玻璃窗位。感覺會比較舒服，有少少陽光照住。食野心情都比較好！最重要有得訂位。但呢座大樓要排隊坐lift上去。…查看更多

今日午餐去左一遊食，因為係灣仔返工，又想年尾食好d就選左去一遊呢間日本餐廳食。佢有好多不同價錢熱食同凍食，我選左壽c定食午餐，價錢就98蚊，加一就108蚊一位埋單。佢有6件壽c，都好新鮮。仲有四件小卷。可以選飯或者烏冬。我選左烏冬，清清地都唔錯。餐廳環境都唔錯，地方都大。但中午食飯，最好12:30pm去排隊。如果太遲就會多人。坐地方都舒服。今次我地坐卡位，所以都幾好！食完我地仲傾左一陣計，佢都唔會太張住要我地埋單。不過我地見好多人排隊，所以都好快就埋單走。…查看更多

今日行過荔枝角，去批發市場行下，睇下有咩平靚正衫買。咁岩肚餓，就見到間漢堡店。行埋去，舖仔細細只做外賣。就叫左個芝士漢堡餐，佢薯條係粗款，如果不喜歡可以免費轉粟米。但我勁喜歡，仲要勁好味個薯條。漢堡都好多肉汁。好味！…查看更多

今日去利舞臺9樓既煤氣烹飪中心學整野食，見到有間小店仔賣蛋糕。間店細細間，但蛋糕個樣就好靚呀！試食左二款，第一個朱古力伯爵茶蛋糕，香蕉焦糖撻。二款我比較喜歡朱古力伯爵茶，好濃朱古力味，非常好食！放出來款式唔多，但每款都好靚！下次再再來試。…查看更多

同事話唔係太舒服，想食下粥。之前經過海皇粥，話下次來試下。咁就今日來試下，我地叫左三個餐，仲加左油條同炸油利酥。跟餐就只係加$7一個油器。一碗粥加個小食就42蚊。如果要皮蛋瘦肉粥就要44蚊。油器仲係熱同香脆。粥我叫左碎牛粥，非常岩唔舒服又想清清地人食。我最喜歡食個夢白糕，佢係蒸，所以非常好食！都足蘿白料。…查看更多

今日午餐去左食小窩雞既海南雞飯，個雞係少左少少。但個雞就勁大個，女仔係食唔晒個飯，對男人來話就非常夠飽。個雞都非常滑，但唔係好重味。但個飯就一般，冇咩味，得個色。…查看更多

出紅磡，係紅磡廣場見到呢間食西餐。就試下啦！間餐廳細細間，環境一般般，好似舊式西餐廳。就試食下，就叫左二個都係意粉。黑松露牛肉絲炒意粉和卡拜妮意粉。二個意粉都好食。但我比較喜歡卡拜妮意粉，個餐包湯或者沙律和餐飲。$70蚊，價錢都幾唔錯了！…查看更多

一間位於尖沙咀海港城日法餐廳，仲有一個玻璃可以欣賞香港海港，有個咁靚環境一齊欣賞香港一齊細心品嚐。間餐廳仲連拿左幾年米芝連一星榮譽。所以值得來一試。午餐set約$880一位。價錢係比較貴的，但有咁環境同榮譽。所以都非常值的。…查看更多

新開，當然要去一試。都好多選擇，不過價錢都唔係平，所以抱住試下，今次試左間韓國野。個飯就一般，有待改善！飯卷都係一般般，唔係太特別。環境都可以，位都多！當時係晚上7:00，都唔係太滿人。仲有位坐！…查看更多

今日去左海港薈食佢呢期阿拉斯加長腳蟹，一去到就選了一隻5斤12兩，每斤148蚊。所以埋單隻蟹要$851。非常掂食！因為未見過做到$148呢個價錢食阿拉斯加長腳蟹。…查看更多