fatfoodie.hk的个人专页

話說呢日有朋友手痕揸車遊車河 hea到肚餓唔知點解大家就一定會話入深井食燒鵝😂好似係遊車河一定會諗到既活動咁🤣🤣🤣 黎到個餐牌其實有好多唔同份量選擇比大家,例如:全隻,特大半隻,半隻,例牌,下庄之類我地3個人就食左特大半隻燒鵝 黎到超大隻 勁驚食唔曬😂 食落好香口 啲皮好脆😋😋 鵝肉唔會鞋 啖啖肉 不過都唔可以食咁多 好肥🤣其實最多肉都係上層嗰堆 下面就唔會有好多肉 最尾都食得曬 超飽下次再食應該會嗌個下庄算😂…查看更多

呢間餐廳係蘭桂坊同尖沙咀都有分店，今次我地星期一去左lkf分店食原來佢星期一有個offer係叫一個burger+一杯野飲係會free多一個burger😍 真係好抵呀🤣講返個包，可以話係我係香港食過既數一數二好食！煙肉芝士漢堡 😛😛😛😛😛睇圖都見到 個肉係勁厚 一咬落去牛味好濃郁好juicy 唔會散開 個包吸左d汁但又唔會好淋 同埋仲有我最鐘意既洋蔥😍佢地係整到啲洋蔥又甜又淋 所有野都配合都好好 好食😍黑椒香濃漢堡 😋😋😋😋同樣地都係超厚既漢堡包 今次配合埋黑椒同埋火箭菜 相比之下就比較濃味 牛肉唔會做到well done 好粉嫩 正呀😛今次試左兩個🐮🐮包 下次想試埋佢個手撕豬肉漢堡同埋impossible burger 係素黎架😛 大家都可以去試試呀…查看更多

大埔呢排都多左幾間高質既日本菜 仲有omakase食呢！😍今次就黎到試左呢一間lunch既omakase 佢最平$300就食到10件壽司 仲有蒸蛋 手卷同埋迷你丼 呢個價錢真係算係好抵食啦講返壽司 用既食材都好新鮮 同埋好特別 有啲未見過佢既三文魚子軍艦好impressive! 食落既感覺係每一粒都好飽滿唔會dur曬皮咁 大家不妨可以黎試下 佢地仲有$450既lunch，而晚市價錢就相對較貴 不過相信食材都會有唔同 可以一試😆…查看更多

大埔許記既醉雞米係我一諗唔到食咩就會去食既好食抵食之選😍花雕醉雞脾😛😛😛😛雞脾啖啖肉 食落又唔會話好肥 浸左醉雞汁係好夠味 簡直一流🤣我平時就會打平d雞等佢地可以盡量掂多d雞汁, 一食落去就更加好味!另外就係個麵, 落d辣油, 我覺得個配搭幾好. 跟住用埋醉雞汁送麵. 好好食架!其實大埔我知都仲有好幾間醉雞 聽講仲係同一個師傅出門既 佢地出產各有千秋 不過我自己最喜歡就係呢間咁 大家都可以去試下呀🤣…查看更多

見到好多人都講呢間尖沙咀鐵板牛扒 咁我地都黎會一會佢先 6點鐘去到排已經有廿幾人排緊😣 到7點半先食到 好誇張❗️先前食過好幾間唔貴既牛扒 講真 我寧願比貴啲食好食既都唔想浪費左個quota 不過今次又唔太失望🤣牛肋間隔膜200g+套餐(任食飯/意粉/薯蓉、沙律、湯+一罐汽水)其實+$30要個套餐都真係唔貴 一定食到飽🤤本身諗住叫200g係過下口癮同試下好唔好食 點知原來份量都唔細😂食落相對有咬口 建議都可以煎耐少少先切😬.肩胛肉眼200g呢個係我覺得比較好食既 牛味比較出色😛 同埋唔會好多筋 唔錯！總體黎講埋單大約200蚊係好抵食 我地都推薦大家可以試試 不過我就等之後少d人排再黎食過 哈哈哈…查看更多

終於試左呢個早排進駐香港既美國著名漢堡包 Five Guys呢到最大特色就係花生🥜任食！汽水買左就任裝！我地都食左唔少花生😂😂 Bacon Cheeseburger 😍😍😍😍個牛肉好Juicy多汁 味道極濃🤤不過可能因為用錫紙包焗住關係 個包就好淋 呢到扣左分！薯條好好食 不過鹹左啲 重點係佢裝到爆曬杯呀！😍🍟 價錢貴左d 美國價 不過都好值得食呀我最希望就係我最愛既in n out快啲黎香港啦😍…查看更多

聽講荃灣呢間冰廳既蛋牛治係好出名, 睇相睇得多.鍾意食蛋牛治既我地點都要黎食一次先得！咁岩嗰日落雨冇乜人排隊 平時要排成個鐘架😂鹹牛蛋治😍😍😍😍呢到既蛋牛治最大既特色就係超超超厚蛋😛 雖然唔係好滑 不過就好有蛋味我地去食嗰日咁岩冇鮮牛 得鹹牛 不過都冇失水準 值得食一次！豉油王雞翼😛😛😛我地嗌左半份既雞翼 食完就後悔點解無嗌一份！😫肉質好滑 食落好有以前呀媽整既味道 好食呀🤣脆炸鮮蝦雲吞😛😛😛呢到既炸雲吞細細粒 同埋係自己包既 食落真係好脆同埋蝦味好新鮮 我地都係嗌左半份 有5粒 唔小心食左粒先記得影相🤣整睇黎講我地覺得呢到食物都好有得色 值得黎試一試呀😄…查看更多