soi0812的个人专页

我唔算成日去銅鑼灣，如果唔係朋友話呢間好好食我都未必會行下行下搵到。係門口已經已排隊，不過今日唔算排左好耐，同埋餐廳超貼心，係排到咁上下可以落單，一坐低差唔多野食就到！餐牌～選擇唔算話好多，但係對於我呢啲有選擇困難症既人就岩晒！當然要試試佢個招牌啦！環境唔算好大，但係好別緻。有好多好特別既裝飾，我諗餐廳係走懷舊路線。重頭戲黎啦！招牌蔥油豬扒飯！本身有諗過試下配肉燥汁，但見餐廳其他人都係食呢個，就叫左蔥油！蔥油同豬扒個味好夾，而且蔥油撈飯真係好好味，我平時算細食都食晒成碗飯！炸豬扒個炸漿做得好好，食落好脆。最重要係個豬扒，一啲都唔韌，又大份，正呀！加8蚊仲有支靚靚蘋果汁飲！最後唔夠喉當然要叫番個小食試下，呢份酥炸蝦同炸豬扒一樣，滿分！…查看更多

今日同朋友去完誠品，搵到呢間台灣野，一於試下！首先睇下個餐牌，價錢係銅鑼灣黎講唔算貴，選擇大眾而且都幾多。餐廳環境都幾乾淨，而且比想像中更有情調。朋友同情侶黎應該唔錯！我見旁邊仲有張枱可以俾一家人一齊坐。首先叫左個滷肉飯，啲肉好入味，同埋我真係好鐘意食啲脂肪既位，同啲飯一齊真係好食到停唔到口！跟住叫左呢杯黑糖薑母茶，薑味好濃，黎既時候亦都夠熱。再叫左個古早味干撈麵，個麵有嚼頭。因為我本身唔鐘意食一啲好冧既麵，而佢就煮得岩岩好。剩係食飯同麵梗係唔夠啦！所以叫多兩個小食，有呢個鹽酥雞。呢個鹽酥雞炸得岩岩好唔會話太油同埋佢冇落好多生粉。一啖咬落去已經係雞肉。除左鹽酥雞（後面個個），仲叫埋蚵仔酥。酥炸既野食得多，酥炸蠔真係第一次試。…查看更多

係旺角如果想食魚生飯第一時間會諗起呢間，地理位置極方便！去左幾次入面都好多人同埋好多遊客，次次都會叫三文魚飯同呢個火焰盛丼。個人認為呢兩個最好食同最抵食，而且對女仔黎講份量真係算幾大。…查看更多

同朋友行呢個新開既商場被佢吸引左，新開仲有三文魚刺身送我地叫左牛布拉拌麵同蓋飯，講真全部睇落都好吸引好想樣樣試d。我試左個麵，同d奶油一齊撈都幾特別，但係對我黎講有d膩同多。…查看更多

係咁凍既冬天當然想食翻d熱辣辣既野，係門口見到呢間沾麵覺得好吸引！ 我同兩位朋友都叫左碗龍蝦沾麵，個汁真係好濃。個叉燒都好好味，沾麵黎講佢都算幾大份，可能因為價錢都要成百蚊碗。…查看更多

係韓國已經好鐘意食燉雞，尤其係呢間。今次試左佢個火焰韓牛飯，個飯一黎到會有人用火機幫你燒，岩晒攞黎打卡影相！跟住個燉雞配芝士真係一流，雞好滑同埋仲有我至愛既韓國寬冬粉勁煙韌。佢所有食材都好入味，如果想食韓國燉雞呢間係唔錯既選擇！…查看更多

冇食lunch諗住黎食個下午茶填下肚，見到餐廳大部分都係自己一個黎食。叫左個芝士雞翼肉燥飯，冇諗過d芝士同肉塞左係雞翼入面一齊炸，第一次食真係好好味好特別！個肉燥飯都唔錯，配埋杯黑糖冬瓜茶真係好好味！…查看更多

成日經過已經好想食，無奈次次都勁多人排隊。今次專登同朋友去食都排左成兩個鐘！但係排咁耐係值得既，我同朋友都叫左180g （$75）既牛扒，門口有部機俾人選同俾錢，好日本feel～牛扒上個時係一成熟，所以可以自己決定食幾成熟，沙律白飯湯任裝！真係可以食飽飽咁番屋企。…查看更多

係條街度被佢既裝修吸引左入去，晚飯時間好多人。店鋪用iPad點野食，有圖俾人睇所以都幾方便。除左刺身同壽司，亦都叫左個三文魚飯。朋友都覺得好抵食！冇諗過佢都幾大份！唔錯！…查看更多

係旺角唔知食咩好，咁岩經過呢間餐廳覺得好吸引就去試下，呢個湯底好特別，係黑松露磨菇湯，個湯真係好濃好好味！烏冬亦軟硬適中，配呢個湯真係一流。佢用呢個石鍋上成碗烏冬都熱辣辣勁吸引！…查看更多

下午上完堂想食d甜野，於是係奧海城行左入呢間muji cafe！平時muji就成日行，但係cafe就未試過。見到佢呢個set $99 有三款甜品加一杯野飲，好抵！左：咖啡奶凍中：Earl grey cake右：好似都係奶凍最後配埋杯紅茶！perfect!…查看更多

今日同朋友嘗試印度菜，入到去已經見到好多人食緊。叫左個印度簿餅同芝士炒飯。有兩個配菜可以點，兩個都好好味！呢個芝士炒飯有d辣，配旁邊個沙律就岩岩好，酸酸地咁最後叫左杯芒果拉昔，好重芒果味！…查看更多