kingdom3579的个人专页

上次食過見食物味道唔錯，專登嚟同朋友食生日飯，食到一半，之前又叫人比Signal先至攞生日蛋糕出嚟，長頭髮紮馬尾嗰個女侍應，粒聲唔出就突然攞咗個蛋糕出嚟擺低！呢樣都算。都未開始食蛋糕就收走枱上面啲嘢，其中一碟食咗一半嘅薯條，係佢想收走之前已經講我哋要嘅！兩個人一齊講， 原來都聽唔到！仲直接將紙巾掉落去啲薯條上面！之後都冇講對唔住，仲啤左我哋一眼就收走左！勁嬲！！黎食生日飯唔係黎受佢氣！想搵老細反映返老細又唔見人！知你哋啲同事趕收工，但係嗰陣時只係9:30都唔好發我哋脾氣啦唔該！想食生日飯嘅人唔好黎啦！你哋只會受氣！…查看更多

本來想去食呢間餐廳，覺得環境好似真係好靚（但其實諗深一層佢啲花應該好污糟， 因為長期唔會清洗）。首先講一講決定book位嘅程序，好啦搵到電話中午12點打過去book位，係一朝早嘅事，服務員係話我答你唔到WhatsApp同事會覆你（嗰陣我心諗吓有冇位唔係睇個表就知啦咩，咁你就唔好聽電話啦）。好啦咁我WhatsApp啦，12:20分嘅WhatsApp係會到9:15至覆實你有冇位，即是要等9小時👍🏻（但途中去到五點幾我發覺佢未覆我嘅時候就再打多次電話，只係想知下一個閒日會唔會有咩時間有位，而聽電話同事都係唔-答-我！都係話你等WhatsApp啦WhatsApp會話你知😅，大佬呀其實有就有無就冇一句說話講晒啦，你繼續咁樣拖都唔係辦法）。8點終於等到WhatsApp覆啦：「由於查詢眾多，請稍後我們會依次序逐一回覆🙏🏻 為避免閣下訊息洗上頂，請勿重覆追問以致回覆延後」。ok。即係又係Hea我...所以奉勸大家想book位嘅話要EQ極高先至可以，因為呢間舖嘅接線生係會玩足你全日。講真你整個WhatsApp System出嚟你又做唔到嘢咁就唔好叫人WhatsApp啦！聽個電話答一答個客間間餐廳都係咁㗎啦，有心做飲食業就真係攞個心出黎做，唔係俾人覺得聽個電話都感受到你唔會對啲客好得去邊。講咗咁多我都會講吓食評嘅，就係有朋友食過話食物水準差但係環境靚而狹窄！最後想附加一下俾大家睇佢WhatsApp自動回覆內容係有幾自相矛盾：（👉🏻是我的意見）—————————————————————————訊息回覆工作時間：12:30-18:00（👉🏻時間完全唔吻合）⚠️⚠️⚠️暫時查詢有可能會隔一天回覆⚠️⚠️⚠️⚠️⚠️⚠️如急需查詢即日訂座⚠️⚠️⚠️⚠️⚠️⚠️可致電本號碼, 同事會盡力接聽⚠️⚠️⚠️⚠️⚠️⚠️或者直接嘗試Walk in⚠️⚠️⚠️（👉🏻叫人可以打電話問又永遠hea走人)🚫🚫🚫回覆需時，請勿重覆追問🚫🚫🚫🚫🚫🚫以致訊息洗上頂🚫🚫🚫🚫🚫🚫如閣下訊息洗上頂🚫🚫🚫🚫🚫🚫將會影響回覆延遲至一天以上不等🚫🚫🚫就係咁啦…查看更多

連續三日去買同一個點心，發生同一樣故事，賣晒又唔講。我排咗五六個人，到咗先話賣晒（前五六個人唔係買我個點心嘅）， 叫我去對面舖買，好啦去到對面舖啦，又係排咗五六個人最後同我講冇，明明排隊之前話有，排到我又話冇。除左我，目測排隊嘅人有一半都係比班員工老點左，想要果樣無果樣。雖然知係新開張會有甩漏，但係呢啲咁基本嘅嘢都要做嘅，只係叫你貼個售罄牌啫，間間唐記都係咁㗎啦，係呢間唔識貼！成班員工好一致，都係游魂狀態👻…查看更多