babetotoro的个人专页

龍閣新裝修後光猛了很多，但唔知點解成個地下都係大大舊塵，第一次係咁，隔幾個禮拜都一樣。大佬你門面既衛生咁差係想趕客走？ 冇員工需要負責？食物就一般，珍珠雞冇肉餡只有幾條瑤柱絲，收特點。 燒賣就街邊既好食d. 唯一沙律明蝦角叫好食d.主要想講佢衛生唔得。…查看更多

1. 自助晚餐快閃後$700位、去前睇左comment,已預左唔多選擇2. 坐位有限沒有坐到windowSeat, 感受不了103的高度及景觀3. 全晚在暗黑的走廊拎野食，行左兩轉已意興闌珊4. 新加坡攤位的海南雞飯唔做試，行邊茶記可能仲滑d5. 喇沙更厲害，米線出水過度成碗野迷迷糊糊，食到呆左6. 甜品同ritz Carlton 的tea set是兩個世界，沒有一件吃得完，芒果布丁也沒有淡奶7. 切片牛肉沒牛味8. 凍海邊全部有用水沖洗過的痕跡，海鮮味消失了一半9. 有一些坐位是咖啡室的矮枱，想像不到坐那位置是可以怎麼吃東西10. 假日夜晚只有五成入坐率，我坐左兩個鐘都忍唔全早走11. 最勁係個洗手間，厠架放開門位置，側身入左去後要畀度門夾幾夾先走到出黎，這是五星級酒店的設計？…查看更多

1. 第一次食連繩上嘅大閘蟹2. 侍應擺低大閘蟹就走咗冇畀鉸剪3. 綁住大閘蟹條繩太粗剪極之唔開4. 二人餐啲嘢全部都係一個碟上唔會分開一人一份5. 埋單加一連茶芥$750一位，酒店收費茶餐廳服務…查看更多

復活節lunch buffet收HKD1028另外需要加一。原來真係食服務，食物冇乜嘢好食😂磯煮鮑魚就像有豉油味的擦子膠，龍蝦冇鮮味，蟹腳OK。甜品全部細細件，冇邊件特別好味。燒牛肉以為OK，但係冇牛味。唯一亮點係壽司比普通自助餐精緻，但如果想食壽司我不如去千兩。埋單千一蚊一個人，應該唔會返轉頭再試。事實上用餐當天入座率只有約六成。值得一題，半島酒店的廁所和尖東一些舊酒店的設計冇分別，水龍頭同廁所好似用咗幾廿年都冇翻新，完全沒有自動式設計。佢嘅收費同配套格格不入。咁有一樣野都要讚嘅。就係全餐飯侍應冇催過埋單。平日食自助餐通常臨走前一個鐘侍應已經抌張單在枱面，呢一間係去到2:30佢都唔會主動叫你埋單直到你叫佢為止。但係由於冇嘢好食，我哋2:30已經舉手埋單，是次用餐感受一般。 咁既質素唔會有回頭客。…查看更多

今日三個人去食Set lunch，在滿心期待之下大失所望。加咗兩個龍蝦湯同一個忌廉湯，本身個湯唔係太好味仲要唔熱，比較下薈景自助餐嘅lunch buffet白湯好飲好多。另加咗錢要一個蟹餅。同Ruth Chris 差太遠了,一啲都冇蟹嘅香味同牛油味。我地主菜選阿根廷牛扒同草字牛柳，而加錢嘅澳洲和牛竟然最難食！澳洲牛又鞋又冇肉味（睇相都知）O晒嘴。唔怪得有食評話阿根廷牛扒已經夠。飯後甜品兩件蛋糕都普通，尤其是係lemon pie 酸到一個程度覺得接受唔到，食左一半都冇就放棄。其實呢間餐廳我睇咗兩年幾食評先至決定黎，今日一試，大失所望。其實除咗食物，佢嘅環境同服務都普通。淨係上餐廳嗰架lift 入面嗰陣木嘅霉味已經有少少唔開胃, 不過我明嘅間酒店始終咁耐歷史，是但。咁入到去扒房黑蚊蚊係正常嘅，但係沒有預期中的空間感。佢某啲座位既設計令到食客之間要背脊貼背脊（因為係轉彎位，兩張櫈之間冇空位）。總言之就係可一不可再。餐飯買單$2000我去牛角食和牛好過。…查看更多