L-O-V-E~的个人专页

近半年每星期都會光顧一次嘅餃子店，真心係好好食嘅，今次買左兩份餃子，唔知係咪誤會，當時我即刻問員工點解收我外賣+$4，佢冇理我，但返到去發現俾一份醋一份辣醬？？？同埋放左入同一個兜？？？ (我覺得ok嘅，但見到個湯我真係好嬲，翻熱係浸唔晒10隻餃子，因為我喺西貢出去買，返到屋企已經凍晒) 最後即刻打去鋪頭投訴，好在係老闆親自接電話，亦好友善地解決左個問題，希望香港嘅小店唔好再因為服務態度結業，利申呢間小店真心好好食嘅…查看更多

有食開兩三碗車仔麵同埋兩三碗餃子，本身聽到呢個名已經知道係信心保證，但今次食左兩三碗米線，十分之失望。。。。。。本身最怕食米線叫酸辣湯底會變左麻辣湯底加酸菜，本店正是，食唔到麻嘅我成碗直接掉左，同埋本身兩三碗都會成日俾漏餸，但同佢講返就可以下次攞，今次俾漏左兩隻雞翼就焗住蝕喇，因為都唔會再返轉頭，湯底真係偏鹹，但份量係好足嘅，米線多到食唔晒，糖心蛋keep到車仔麵果邊嘅水準，但配料冇韮菜餃有d失望。。。。。*姐姐服務態度好好，呢個要讚*…查看更多

行過尖沙咀, 好耐冇見過D餐廳唔洗排長龍, 同女友人行到勊梗係想搵個又好坐又靜既地方啦, 係估唔到金巴利道仲要係地鋪, 環境一流, 雖然係普通西餐廳, 不過食物係好好食, 仲要平民價, 大佬呀, 我即刻諗起我以前成日去既一個飯堂"798", 價錢抵係重要, 第二係食物水準, 加埋呢個環境係bonus...我最愛既黑松露什菌湯, 香濃, 係有口感既粒粒什菌份量適中既沙律, 有齊我地最愛荀,三文魚, ham呢個一定要講, 出面既意大利飯大同小異, 佢無啦啦加勁多Sauce係邊邊, 似pesto但應該再調過下, 好好好好食心太軟食得出係自己整, 正常好食, 不過我個人喜好覺得有雪糕既話成件事會好完美, 加上我本身唔鍾意berries類既野, 係成餐飯入面既一點美中不足由於環境太舒服, 我地決定唔轉場, 友人飲左杯酒, 好似叫Rainbow, 我覺得好靚, 不過酒我本人唔識欣賞不過整體黎講, 行到咁攰巧遇Lab Eat... 呢個價錢, 呢個環境, 呢個質素, 盲鍾鍾撞到呢D餐廳, 係驚喜既…查看更多

7/1假期約左班朋友食飯, 出到中環咁岩又想食中餐, 梗係去禮賓傅食啦, 打去BOOK既時候已經外面FULL晒, 唯有照坐VIP房, 不過都值得, 環境都好舒適寬敞頭盤係鵝肝蝦多士, 好新鮮, 比出面一般既蝦大隻, 炸出黎個感覺都唔係好油, 大讚重點推介1 呢個豆腐皮係出面食唔到既味道, 唔同一般炸粉, 口感好好, 加埋個秘製醬汁甜甜地好開胃炸子雞雖然冇特別, 但係點洛神花醬汁就成件事唔同晒喇龍蝦炸面, 正常好食, 面好脆, 龍蝦同個汁都好夾個面, 不過個人喜好唔鍾意食3色椒避風塘炒蟹, 唔洗講野, 好大隻好新鮮, 好好食 重點推介2 大良炒鮮奶, 每一啖都充滿住蟹肉, 6個人分一碟係唔開心既, 下次要打孖其實叫左十樣野, 不過有D冇影相, 唔緊要, 因為食物服務質素都好好, 會再返黎既…查看更多

有日行過好想食壽司, 心想板前一定係好過板長, 抱住係"普通晚飯"既心態入去, 我本身唔係D唔捨得食既人, 見有和牛推介諗住試一試, 賣相 (看圖), 食落係一舊又腥又冇味既急凍肉, 極失望帶子壽司唔新鮮 ; 鵝肝冇味, 好油, SIZE係OK, 不過唔好食!!!!!!…查看更多

本身所有家庭聚會都係去赫德道百樂門, 雖然分店多, 但服務及食物質數卻差天共地. 今次揀左幾款每次去都必食既菜式介紹- 冰鎮鮑魚, 我本人好怕食鮑魚, 因為成日都係到un既鮑魚, 所以興趣不大, 不過呢個係我唯一會係既, 淋得黎係鮮甜既, 係估唔到冇加工過又冇汁點都可以有咁既味道- 雖然係普通乳豬, 不過每次都係即燒, 上左枱先即剪, 新鮮熱辣, 皮脆卜卜超好味- 汁燒桶蠔係我至愛, 冇得食會唔開心既, 今次細隻左d, 平時大大隻, 好重蠔味, 加埋個秘製燒汁真係冇得輸- 回味牛肉, 係赫德道百樂門既招牌菜, 舊舊都又淋又入味- 帶子黑豚肉, 黑豚肉肉質非常好, 加上好鍾意佢帶子夾一點蝦膏果個味道, 唔識形容, 好好味- 唔記得左個名係咩白雪, 不過賣相一流, 係龍蝦肉同蛋白, 健康之選- 汶龍躉, 入面有冬菇同埋好似腐皮咁既野, 好豐富, 個汁同入面所有食物都好夾, 又唔腥, 推介首選! 唔洗次次食蒸魚咁悶- 燒鵝, 今次揀左鵝, 係真鵝唔係鴨, 取代左隻炸子雞, 簡單菜式, 但新鮮熱辣點都好食架喇已經好飽.... 好滿足..... 其實仲有個櫻花蝦炒飯, 都係我最愛, 不過唔記得左影相...…查看更多

3週年撞正星期六, 所以決定揸車去D環境較靜既地方食飯, 其實不嬲一有時間都會黎呢度食野, 因為佢既RIBS同CARBONARA真係冇得頂, RIBS好"林", 一D都唔CHI肉, 唔似出面有D CHI晒骨, BBQ醬好濃好香, CARBONARA真係我至愛, 係超級CREAMY, 結得黎唔會乾, 2個人食左一個COMBO + 一個PASTA, 份量岩岩好, 價錢一D都唔貴…查看更多

已經食過幾次, 因為自己住附近, 所以價錢較佐敦出名的XX燒貴都會照幫襯, 因為佢用既都係靚料, 點燒都好食既, 同埋佢地服務態度真係比XX燒好得多~ 今次較貴, 2個人食左$5XX, 因為朋友生日, 我地食左蠔, 象拔蚌仔, 蝦, 花夾, 牛扒, 九菜..... 海鮮的確唔錯, 推薦象拔蚌仔, 不過燒九菜真係差, 點都咬唔開, 完全食唔到, 有待改進喇~…查看更多

一向都係CRUMBS既FANS... 上星期五HAPPY FRIDAY約左朋友食飯... 行過見到出左隻KIDDIE CUP... 即刻買左杯黎食... 今次揀左情人節限定ROSE MOCHI... 食完十分滿足... 呢個SIZE絕對岩晒飯前食... 食完唔會太飽... LIKE x 100000000…查看更多