tobacco_o的个人专页

偶然經過荃灣，就決定去行吓南豐紗廠，因為係第一次去，我都唔係好清楚有咩食，於是就喺OpenRice嗰度search ！竟然搵到呢間出晒名嘅burger ！於是我就決定一定要試吓啦！由於當日係平日，所以冇乜人，一入到去就已經有位唔使排隊，體驗不錯。去到cashier，收銀態度有少少唔好，不過只要食物好就得啦！🍔🍟芝士漢堡（加套餐）$128我試咗芝士漢堡，加咗套餐，我要咗薯條，但後來先發現原來有其他更加好食嘅選擇！有少少後悔！先講個包，嗰包啲肉真係好Juicy，啲牛肉係一粒粒咁樣嘅，肉味重，成個包嘅重點就係呢個牛肉啦！我記得好似有洋蔥，配搭都唔錯，有少少咬口，而且好爽！我覺得最特別嘅係呢度嘅秘製醬汁，真係好好食酸酸地甜甜地，配肉真係啱啱好！我覺得美中不足嘅就係薯條啦，因為薯條佢炸得比較偏脆，同快餐店嘅有少少分別，我覺得如果佢配粗薯條會比較好，因為食落有少少似茶餐廳炸得比較油嘅幼身薯條！不過當然係好食啲啦！…查看更多

前幾日母親節，於是就去咗呢一間餐廳慶祝。因為其他店好多都訂唔到位，呢間新開嘅放題，喺OpenRice app就已經可以訂到放題啦，原本呢都驚呢間係伏，因為佢一個食評都冇，完全係全新，所以覺得有啲冒險，但最後發現竟然唔差喎！題外話，呢間餐廳好Nice， book咗枱佢會打電話提醒你confirm多次！感覺體貼！佢有兩個價位嘅放題可以揀，我哋揀咗貴啲嗰一個，佢包咗多幾款特別啲高級少少嘅食物！等我介紹吓食物啦！我地食嘅係進擊の升級 極品拖羅食べ放題！🥳太多相，po唔曬，介紹少少啦！花之戀我覺得花之戀幾好食，比坊間嘅放題做得大嚿好多，一嚟到我就好滿意啦，因為佢超級足料，完全睇得出新開嘅質素係高啲！刺身我哋第一round冇嗌到啲高級嘅刺身，呢啲都係普通嘅，但其實你都可以見到好多種類有唔同嘅蝦🦐啦，三文魚，油甘魚，吞拿魚，帶子！最值得一提嘅係帶子，我覺得真係好鮮甜而且唔算切得細粒，份量都幾多，以我印象中冇特別腥，特別難食，呢round嘅魚生都係正正常常！壽司🍣呢幾舊壽司裏面我最想講嘅係京蔥三文魚腩，我真係覺得佢啲京蔥好好食，而且呢度嘅壽司份量都係同出面嗌嘅一樣正常，唔係特別細，所以我覺得好抵食！壽司🍣呢啲都係壽司，有燒牛肉，火炙三文魚，芝士鰻魚等等。我最鍾意嘅係牛肉，佢真係落咗好多蒜而且燒得啱啱好入口即溶，同出面比一啲都唔輸蝕！而且火炙三文魚都係正正常常！創作卷物呢度有好幾款。可以睇得出每一舊份量都係好足！手卷估唔到呢度食放題都有手卷可以揀，我就食咗三文魚同三文魚子呢舊，另一舊應該係蟹嘅卷物！我覺得兩舊都幾靚，我估唔到有三文魚子！但佢唯一嘅缺點係紫菜唔脆！不過都係一般放題嘅缺點！串燒除咗雞軟骨串燒外，其實我仲嗌左小番薯同牛舌嘅串燒，三個都好好食，better than expected！雞軟骨真係好好食！小番薯我一共食咗成三條超級正！進擊放題：刺身呢個係貴嘅放題包嘅幾款刺身，有呢一個松葉蟹、極品拖羅嘅刺身，一上碟，就見到佢係有類似乾冰咁樣嘅酒樽保持溫度，果然係唔同啲！呢個極品拖羅真係同出面嘅一般拖羅冇分別，甚至更好，超級好食，好甘香、好鮮、好甜！我覺得如果你食呢間放題一定要升級嗌呢一個餐，因為真係超級好食！進擊放題：壽司🍣呢個係進擊放題嘅壽司，係火炙極品拖羅壽司，真係好肥美而且好好食！加上少少京蔥，燒得啱啱好而且勁多油脂，成件事係好肥美好正好配合！進擊放題：熱食呢個係進擊放題嘅一個熱食，就係一個牛扒，我唔記得係咪安格斯！我就好似冇食到但係聽講都唔錯！總括而言，我覺得呢間餐廳好值得推介！如果佢一直可以保持呢一個質素，咁樣應該會將同區嘅日式放題打低，希望佢keep住水準啦，我應該會再推介比其他人嘅！…查看更多

今日終於做完啲功課，所以就決定去學校附近嘅餐廳。呢間餐廳我一直都好想去，今次終於就去到啦！去之前我期望好高，因為見到網上嘅相都係文青Cafe feel ！🍗炸法國雞翼配蜜糖芥末薯角 $48呢間餐廳嘅tea set選擇比我想像中少，於是揀嚟揀去都唔知食咩好，最後就決定嗌左呢一份小食啦，因為我好想食蜜糖芥末醬，其實就唔係特別想食炸雞翼，但最後都叫咗呢份。我覺得薯角真係好好食，但係都係普普通通，正正常常，唔好expect太多，不過醬就真係好好食啦！炸雞翼食起身非常之麻煩，因為佢啱啱炸起，所以啲油會彈到好遠，有少少尷尬。佢個名叫做法國雞翼，但係我完全唔知道乜嘢係法國雞翼，食完就感覺好似正正常常啦！☕️牛奶咖啡 然後我加咗$12升級咗一杯牛奶咖啡，我覺得佢個色好靚，但飲落呢就偏苦嘅，咖啡味比較出，感覺正常啦，唔算太特別！…查看更多

呢間餐廳我收藏咗好耐，一直都想試，但奈何搵唔到人陪我試，今次有機會喺附近食完飯，就決定嚟呢度食甜品啦！我覺得呢度真係好有日本嘅感覺，真係好懷念啊，幾時可以再去旅行呢！🍌焦糖香蕉班戟 $98呢個我覺得賣相好好，pancake真係好好食，好軟，但唔算特別而且份量都比較細，香蕉表面燒咗一層焦糖，係脆嘅，我覺得配pancake係OK ！但食得多，會覺得好甜好膩！🍵抹茶沙冰 $45因為最低消費每人要嗌一樣嘢，所以就叫多個抹茶沙冰啦，我覺得正正常常啦，就好似連鎖咖啡店嘅抹茶latte咁，抹茶係偏苦嘅，配上cream好襯，冇乜好講，因為就正正常常！…查看更多

今日喺尖沙咀玩，所以就要食晚飯，我哋就嚟咗呢一間同行友人推薦嘅餐廳，之前都有聽過呢間餐廳，但係就未嚟過，今次嚟到真係一個好好嘅體驗啊！我哋唔算特別肚餓所以都唔係叫咗好多嘢，但我覺得好滿足，除咗嘢食好食，環境亦都係非常好，有好多好得意嘅裝飾，而且安排俾我哋嘅位置都非常好坐得好舒服！感覺上餐廳真係有用心去設計裝修環境！我覺得呢支水好特別，我好鍾意呢個樽，因為好有feel，好似好Vintage咁！呢個係餐巾，我覺得好靚個print好特別！🍋青檸蜂蜜梳打 $46呢個係同行友人嗌嘅飲品，我覺得超級有特色，因為佢好似做實驗咁，可以玩，好有趣味性，而且味道亦都唔差！🍵非一般一般檸檬果皮烏龍茶沙冰 $48呢個係我嗌嘅，我覺得還可以，第一啖係非常之解渴，有少少酸味但係都飲得出有烏龍茶嘅味道，但飲到底我就有少少唔開心，因為佢果皮味好重而且真係食得出果皮，我唔係特別鍾意果皮但係都叫咗，所以其實如果鍾意果皮，應該會覺得OK，係真材實料嘅表現！🍗蜜糖芥末雞翼 $68因為我哋其實唔係好食得辣，所以覺得呢個雞翼意外地比我哋想像中更加辣，因為坊間嘅蜜糖芥末都通常調得比較甜，辣味係冇咁重，但呢一個真係食得出辣係比甜味更加出，好彩我哋有嗌飲品，不過其實我覺得炸得OK，味道亦都係OK嘅！🍗芝士粉薯條 $45呢份薯條我哋叫咗細份，但一上枱比我想像中更加多，所以我覺得好抵食，好滿意，啲芝士粉我覺得味道偏甜，配上炸得啱啱好，而且好熱嘅薯條，我覺得係超級好食！🍝有蟹Go又有蟹肉的蟹蟹蟹意大利扁麵 $128呢個意粉嘅名真係令人好尷尬，不過我覺得趣味性十足，叫餐嘅時候我哋兩個都唔夠膽嗌呢一個全名，因為真係好playful，不過都係好fun嘅體驗！我覺得呢個意粉真係超級正，首先我超級鍾意食扁意粉，而佢調味亦都啱啱好，我甚至可以唔食餸，但都一定要食啲意粉，佢係我鍾意嗰隻偏硬嘅意粉，而且配上好多好多好多嘅蟹肉同埋少少蟹子我覺得真係好好食呀！大家如果想食意粉一定要嗌呢一個！…查看更多

喺屯門漫無目的地行街，心情低落的時候，經過呢間小食店，覺得呢啲小甜品有令人充滿幸福感，於是就決定要買啦！❤️金沙醬格仔餅 $27價錢比我想像中平，份量好多，啲金沙醬食到最後漏曬落個紙袋上，但每一口都滿滿嘅醬，我覺得好甜好鍾意，真係好有滿足及幸福感！但一個人食有少少膩，可能share會比較好！因為我攞走食，所以皮會冇咁脆，少少可惜了！😭 我見其他人應該係買雞蛋仔所以有個小紙袋，但我冇，外賣就有少少麻煩，因為要好怕醬會漏⋯可以改進一下呢點！…查看更多

最近生活非常忙碌、辛苦，於是放工後就決定要去食好啲，選擇咗我一直想食但次次都冇去食嘅餐廳，試下我期待已久嘅石燒牛。🐄美國黑安格斯牛頸脊 $145我覺得幾好，份量比我想像中多，牛肉味道好重，因為冇燒得特別熟，所以好嫩，而且充滿油脂感及肉味。上面嘅蒜片好好味，尤其係配飯。醬料方面都ok，我最鍾意燒肉汁，配飯都好正！而飯、沙律、湯係自助式，ok的！我另外加咗$15叫咗蘋果汁，有解膩作用，不錯！我見幾多食評話呢間餐廳staff服務唔好，但我當日冇咁嘅情況，staff好細心指示我，幫我叫餐、自助區位置及選擇位置。整體服務體驗還好！☺️…查看更多

前幾日食咗呢度嘅午市精選60分鐘放題套餐，我覺得意外地幾滿意！平時我都食開放題，所以我揀嘅肉都唔會特別貴，今次就唔同我試咗呢一個60分鐘放題，佢嘅肉量呢，係限定100g，但係我意外地覺得超級飽！先講吓出面有啲咩放題可以攞啦！其實我覺得種類幾多，包括一般嘅菜、丸、烏冬、拉麵、公仔麵、雪糕、甜品、咖喱飯，仲有幾款嘅飲品可以揀！我覺得算整得唔錯㗎啦，以呢個價位！我叫咗美國特上牛小排套餐，其實我唔係好肯定係咪呢個，但我見個價錢應該係啱嘅！黑蒜油豬骨湯😚因為我朋友叫咗普通嘅甜醬油所以我就選擇左呢一個黑蒜油豬骨湯啦，我覺得始終都係甜醬油比較好食，不過呢度嘅黑蒜油都唔係特別嘅，我覺得比較多油啦！正正常常，不過不失啦！美國特上牛小排😍呢個就係肉，我覺得呢個肉係整得幾好嘅，每一片都切得幾薄，而且真係入口即溶，係一啲靚嘅牛肉，而唔係嗰啲好cheap嘅感覺！所以呢我覺得都有少少油膩，我配烏冬食都食到最後要走嘅時候都仲未食曬嗰啲牛肉！…查看更多

呢間餐廳基本上我每星期都要食一次！我最推薦豬排同豬頸肉！原來一直冇寫過食評，今次就等我介紹吓啦！🥰豬骨湯豬頸肉米線🍜因為真係唔記得價錢，所以都係參考返其他人嘅食評啦！我想講呢一個米線真係我食過最好食嘅，除咗要辣肉碎同埋蔥以外其他配菜都走晒，但我覺得已經足夠，因為湯係勁夠味，我唔識點樣講，但我覺得有少少辣，就算我呢啲唔食辣嘅人都會覺得好爽！我尤其鍾意呢度嘅豬扒同埋豬頸肉。我覺得豬扒要浸落湯度先會特別好食，味道會更加多層次，而豬頸肉就唔使講啦，我覺得佢同坊間嘅有少少唔同，比較肥，而且佢嘅皮係燒到有少少甜味，而且切得比較細條，兩三條搭一口嘅米線就係perfect match！…查看更多

呢間餐廳我收藏咗好耐，睇YouTuber嘅介紹，同埋身邊朋友嘅介紹都令我非常之想去，而且其實我成日都會經過呢一度，但次次都冇勇氣入去，今次終於去咗試啦，好開心！ 今次叫咗一份粉雪冰！我覺得餐廳非常之舒服好開揚，而且望到嘅風景幾靚，枱唔算多，我當日去到有幾對情侶同埋一啲閨蜜團去食，我得自己一個有少少尷尬！不過唔錯啦，畢竟啲甜品好吸引！🍧焦糖海鹽粉雪冰 $50呢一個粉雪冰果然名不虛傳，佢有非常多層次，食落每一層口感都係唔同嘅，我最鍾意佢面頭好似蜂巢一樣嘅甜甜地嘅嘢，確實，我都唔知道佢係乜嘢，不過真係好好食呀！又甜又脆，配上冰，一啖食落去真係完美！另外，有少少好似cream咁樣嘅嘢，食落去冇乜味，但係質感好好！非常之綿滑，我覺得爆谷都係一大重點，真係粒粒都充滿着焦糖嘅味道，完全唔係坊間嘅咁。而佢嘅冰非常之綿，佢刨到非常之細、密，所以入口即溶，透心涼！最底呢就會有少少好似布甸咁樣嘅質感，我自己唔太鍾意食布甸，但我覺得有少少其他質感嘅配搭，令成件事新奇晒！👍🏻…查看更多

原本想試另一間同樣喺旺角嘅Cafe，但發現有時間限制，所以就決定去附近嘅其他餐廳，呢間餐廳其實都唔係第一次聽，我見人哋啲相都影得好靚，所以一直都收藏咗呢間Cafe，今次終於有機會一試啦！因為疫情關係所以都要排一排隊先有位，不過都唔算耐，而且員工都非常之體貼，詢問我哋各種要求，盡量配合我哋，非常唔錯！我哋一一共四個人去食，分左兩張枱，呢張單係我同朋友A嘅單，我哋每人帶咗一個主食，一個飲品，感覺唔算特別貴，而且份量OK，非常好！🍝Smoked  Salmon  and  Crab  Roe  Angel  Hair $88呢份係我叫嘅主食，我等緊嘅時候，睇餐牌已經超級想食呢一個，原本冇為意係天使面，等我仲以為係普通意粉，有少少唔開心， anyway我覺得以天使面來講都算好食，唔會太碎！三文魚就非常好食，份量都好多，我覺得好好食。所以我覺得如果想試呢個就放心叫啦，不過不失不錯！☕️Mocha $38我覺得去呢一間餐廳，至少一定要嗌一杯咖啡，因為佢嘅拉花係非常之靚，我甚至覺得係呢間餐廳嘅主打！果然一嚟到，上菜速度已經係非常之快，而且個花亦都係非常之標準嘅靚，所以我覺得一定要嗌，我好滿意！飲落呢，就正正常常咁啦，就係普通mocha啦，因為我唔太識咖啡，唔作評價啦！☕️Americano $30呢個係朋友A叫嘅，唔太清楚味道！🥩Slow-cooked  Pulled  Pork  Penne  $88呢份係隔離枱嘅朋友B叫嘅，我原本都想試，佢話味道唔錯，而且份量比佢想像中嘅多好多，我就覺得好似好好食咁啦，最後佢好似食唔晒仲外賣攞走添！…查看更多

發現大埔終於開咗呢間熱狗店好耐，一直都想試，上次夜晚去發現賣曬熱狗，今次喺年三十特登朝早出去買做lunch，終於比我試到了！今次試咗熱狗、小食杯。我覺得價錢幾抵，因為份量好多，我叫咗兩隻熱狗、一隻加咗餐，只需要加$12，就可以配兩個小食或飲品，我覺得好抵。因為兩個人食，我怕唔夠飽，所以就加多左一份飛船小食杯，其實我好想試肉醬薯條，但係因為熱狗已經嗌左肉醬嘅，所以就決定下次再試啦！🐖火炙芝士辣肉醬熱狗 $42一打開，就覺得好靚！因為超級多芝士，超級多肉醬，外觀我比100分！我幾鍾意個麵包非常之軟熟，而且佢個邊有少少係烤過嘅，所以就非常之脆！啲芝士呢，因為外賣所以就有少少凍咗，凝固咗嘅，但就依然非常好食，肉醬真係比較辣，我覺得比較偏酸，鍾意食偏酸嘅就覺得唔錯！腸方面我覺得冇咩特別，不過不失咁啦！唔好expect食到好特別嘅腸！🥺飛船小食杯 $26我覺得有少少失望，等我分享吓我配餐嘅薯條同埋飛船小食杯啦，我覺得炸物全部都整得太脆啦，有少少好似炸得耐咗咁，咬起身有少少已經變咗硬，仲有少少燶味，我覺得係唔合格嘅，因為呢啲都係雪藏野，冇理由會失準！可能係我嗰日唔好彩啦！…查看更多

我係大埔居民！成日都想喺大埔食嘢！平時喺超級城呢邊都唔知食乜好，因為好似都係嗰啲，有啲厭。今次發現呢間新開嘅餐廳，都想試一排！今日就去食咗啦！飯選擇都ok多，我尤其想試刺身飯，但覺得燒牛肉都好吸引，下次一定要去食牛肉飯！🐟火炙海鮮丼 $98呢款飯有三種魚，包括炙燒三文魚、炙燒吞拿魚、炙燒左口魚，我平時唔食左口魚，但意外地，我覺得左口魚最出色，因為吞拿魚有少少腥味，不過都唔差，飯夠軟糯，有酸味，而且配上爽口嘅蔥，蔥味好出，配飯增添層次感！簡直一流！好味！…查看更多

有日去咗港島區玩，但我平時唔係好嚟呢邊唔知道有咩好食，於是就有今次咁特別嘅機會去左啲我從來都未去過嘅地方，搵到呢間餐廳！呢間餐廳距離港鐵站有啲遠，所以都行咗好耐下，而且都幾隱蔽下，喺一啲類似工廠區嘅地方，經過一個非常之陰暗嘅空間，真係好恐怖啊！但原來呢邊都有好多唔係好貴嘅餐廳，我覺得都幾有趣！好啦，等我介紹吓食物！😯🍟Fries $58我記得呢一個薯條佢中文係寫住兩種味嘅，但我唔係好記得叫乜嘢名啊，不過佢意思應該就係有蕃薯條同埋普通嘅薯條，蕃薯條比較幼身份量都比較多，而普通嘅薯條呢，就比較粗身，放喺比較底部，我自己鍾意食番薯條多啲，因為比較甜而且比較脆，相比之下普通嘅薯條就比較普通而且唔脆身，佢配左兩個醬：一個係茄汁，一個我估係酸忌廉，但佢食落去係甜甜地嘅，有少少蜜糖芥末嘅感覺，又或者係沙律醬？我覺得白色醬比較襯，喺甜嘅薯條上加一層酸酸地嘅醬，非常襯！🍝Duck  Breast  Spaghetti $98原本我唔係想試呢一個意粉，我想食嘅係三文魚白汁意粉，但被告知當日冇晒三文魚，所以我就試咗呢一個啦，我覺得其實佢個味道呢就唔差嘅，如果鍾意食比較多汁嘅呢，我覺得呢個就唔太推薦啦，因為佢有少少乾身食耐咗就會有少少厭，我覺得鴨胸嘅調味非常之好，就咁食可能比較鹹少少，但係配上味道比較平淡嘅意粉就會好襯，份量我覺得有少少多，我自己食唔晒！而且我朋友嗌嘅意大利飯實在太好食啦，所以就感覺失色唔少。🥓Chicken  Bacon  Risotto $78呢個係我朋友嗌嘅，我覺得佢真係非常之有品味！因為呢個真係超級好食，飯真係好creamy，配上少少嘅雞肉同埋比較鹹嘅煙肉，仲有啲菇菌類簡直係Perfect match ！而且佢嘅味道唔係好易令人膩，反而越食越吸引！所以我極級推薦大家去呢間餐廳一定要叫意大利飯！…查看更多

😙白隱 $68今次特登去元朗，唔識路，於是想上網搵嘢食，搵到呢間小店，想試吓呢度嘅拉麵係點呢！我好少去食拉麵，所以唔識點評價好食定唔好食。但係我覺得佢都算唔錯，正路啦，有得俾我哋揀麵嘅硬度、湯嘅濃淡、要唔要蔥之類嘅配料！我覺得味道唔錯，但湯底唔算特別，就正正常常唔難食不過不失咁啦！我覺得叉燒比嘅份量都幾多，都幾嫩，但唔算太重味，同埋佢可以嗌多蔥，我真係好鍾意食蔥啊！總括而言，我覺得都OK嘅，如果經過呢邊其實都好多餐廳選擇，呢間座位唔算多，不過都幾有風味，而且只收現金請大家多多留意！…查看更多