foodiemui的個人專頁

好耐冇平日出街食飯:(夜左放工 係太子搵晚餐食～見佢價錢十分抵食，值得一試！嗌左咸蛋魚皮、香茅豬頸肉、大蝦青木瓜沙律、軟殼蟹撈檬同兩個野飲（openrice book仲有折！）咸蛋魚皮 炸得好香 份量好多 仲每塊都痴滿咸蛋！豬頸肉都燒得唔錯 如果做到燶邊嘅話會更正青木瓜沙律就...好似係紅蘿蔔沙律多啲 都有4-5隻蝦嘅～個撈檬嘅軟殼蟹超級多肉！仲有膏添架 唔錯唔錯野飲嗌左個椰汁冰..淡淡椰子味 正常發揮～埋單200蚊都唔洗！非常抵食…查看更多

九龍城就梗係食泰國野！識揀一定係揀細細間 夠地道～今次揀左依間泰象館 又真係冇揀錯同朋友嗌左4碟餸加兩杯野飲 滿載而歸haha首先係咸蟹沙律 嗌嘅時候侍應提醒會有啲腥果然係 好有海入面嘅味道我就麻麻地 不過朋友好鐘意 仲清哂！芝士炸蝦球 我最欣賞！！有蝦味之餘 芝士份量一啲都唔姑寒 好好味之後係例牌 串燒～ 個醬係重點 除左牛肉乾左啲 其他都例牌二 蛋包金邊粉 金邊粉係我泰式野食致愛 而依度嘅金邊粉係過關最後兩杯野飲都值得一提～青檸沙冰夠哂酸 好開胃 而basil菠蘿沙冰好特別！真係有齊兩種味…查看更多

長沙灣原來都有好野食！平時真係好少黎長沙灣 今日咁岩去左荔枝角D2 隨便發掘下黃店！ 所以搵到依間！嗌左個鐵板餐 同軟殼蟹burger~鐵板餐揀左西冷牛扒 配黑松露醬套餐跟餐湯同牛角包～ 餐湯係蕃茄忌廉湯 濃到好似飲緊茄膏一樣牛扒嗌左三成熟 上左鐵板都keep到 肉質好冧 加上條邊厚厚嘅肥膏 超正啊！而黑松露醬亦唔會有滯嘅感覺～到軟殼蟹漢堡 好大個！軟殼蟹炸得唔油膩之餘又好有肉 配上兩塊芝士除左個包 我仲好欣賞佢薯條係有埋蕃薯條兩溝架！因為出面通常要加錢先食到蕃薯條～跟餐仲加左個雪葩 朱古力味夠哂濃～整體黎講 完全滿意食飽飽～…查看更多

第二次黎到慢煮工業～上次係同幾個朋友食生日飯 記得都唔錯 所以今日再黎食過！餐廳裝修比左心機 有好多neon light嘅牌 適合打卡架！嗌左兩款小食 兩款主食小食：炸芝士條 & 咸蛋炸蝦炸芝士條上次已經食過 都仲係咁好食 拉到絲架！芝士迷表示超正！encore再encore!炸蝦都好有咸蛋味 仲有8條咁多 重口味之選～慢煮肉眼扒 大大件 夠稔 亦都幾有牛味～最後係溫泉蛋煙肉pizza半熟蛋漿好正 pizza底係我鐘意嘅脆底芝士都好夠～所有食物份量都算多 包你食飽飽滿足地離開…查看更多

好少黎大角咀依邊 想搵間cafe chill下 慢慢同靜啲咁食個晚餐 就入左黎依間cafe仔～有好多個dinner set揀 送湯、沙律、飲品 仲有甜品！好似好抵！嗌左兩個set~ 一個係羊胺香草意粉 一個係pork ribs首先 係湯、沙律、同蒜蓉包樣樣都好有誠意湯係紅蘿蔔湯 幾特別 仲好有心機咁畫左個花主菜 羊架好多肉有手掌咁大 仲煎到出面係脆 但入面係未熟哂 點解我係屋企煎唔到咁:(意粉都好出色！好香香草味Ribs就好大份 有兩條 味道似茄汁 不過附送嘅汁有啲大鹹 唔點都夠好食喇～甜品 有芝士蛋糕同牛乳布甸 芝士蛋糕係高質嘅 但太細舊喇 雖然都已經好飽飲品有好多選擇 有啲要補差價 例如依個勁濃朱古力 唔會好甜 飲到底仲見到少少未溶嘅朱古力 就知有幾濃啦依間cafe真係唔錯 性價比好高 食物有心機整又好食 值得支持啊！…查看更多

諾士佛臺唔係淨係飲酒 都有唔少餐廳架今日上左一間樓上嘅餐廳見佢有成盤海鮮食可以揀$288（6種海鮮）或者$328 （8種）其實相差好少 不過得兩條友 就食住6種先啦～仲可以揀4種配料 我地揀左豆卜 金菇 白蘿蔔 薯條湯底有蒜味/冬陰公/麻辣 佢叫辣吧梗係試麻辣海鮮係餐廳視乎新鮮程度安排當日有 蟹、扇貝、蜆、蝦、鮑魚、蟹棒蜆有好多隻 都新鮮扇貝我覺得係最出色蟹就都算有幾多膏 不過有啲痴殼蝦嘅size都唔錯 幾大隻～蟹棒索左湯配料呢 薯條就勸大家唔洗試 係真係炸薯條 配料超多 食飽都仲有一半 飲品仲嗌左個酸梅湯 好飲！推介👍🏻下次搵多啲人 試8種！偷睇到隔離枱有聖子…查看更多

有時食泰菜係去街市啲平民餐廳今日黎海港城食個高級嘅！餐廳環境暗暗地 仲有一排睇到海嘅位 幾好feel!我地兩個人嗌左炸軟殻蟹、和牛串燒、大蝦金邊粉、龍蝦冬陰公同埋芒果糯米飯炸軟殻蟹：好大隻！平時係日本餐廳食果啲都係細細隻 但依隻係有肉食添架 下面仲有辣辣地嘅沙律菜～和牛串燒： 燒得幾好味 都有牛味 不過上碟時如果再熱啲會好啲大蝦金邊粉：十分推薦！隻蝦好大隻 仲有膏添架 好正！ 金邊粉都炒得好 夠乾亦都酸酸地 係我鐘意嘅味道龍蝦冬陰公：冬陰公少少辣 龍蝦都爽 相比大蝦都係大蝦勝出😆芒果糯米飯：有雪糕加分 哈哈！但我覺得糯米飯煮得硬身左啲 煙un啲會好食啲～整體黎講 餐廳氛圍加食物質素係唔錯嘅！都抵食…查看更多

晚餐係銅鑼灣解決 黎到timesquare附近依棟”飲食大廈” 係云云餐廳中揀左依間cafe😆入到去位置唔多 岩哂晚餐舒舒服服傾計！事前已經睇到有個無花果沙律 決定左要食新鮮無花果好正！份量都唔少 仲有橙 芝士 合桃碎 配個介辣嘅dressing 都幾特別🤣主菜就嗌左檸檬忌廉大蝦意粉同煎三文魚意粉普普通通 如果個蝦係真係連殻嘅大蝦會更好🤣三文魚就煎得好香 外面係脆嘅！份量亦都夠 好味！整體黎講 食物唔錯又坐得舒服侍應都好好服務 有時候就黎fill水～岩哂情侶黎撐枱腳😆 …查看更多

依排好興去深圳食烤魚其實近近地尖沙咀已經有啦！今晚黎到烏繩館食烤魚有2種味道揀： 香辣 或者 蒜香我地揀左香辣（小辣）仲有得揀6/8/10個配菜～我地就揀左6個，再加左個鴨血配菜選擇都係素菜為主 我地就揀左豆卜 豆結 娃娃菜 油麥菜 薯仔片 同 金菇一上碟 魚嘅面頭鋪滿左辣椒同蒜 啲配菜就係底～味道方面係勁蒜 同微辣朋友就話仲有好香嘅芝麻 夾埋蒜之後好香好好味～啲配菜索左啲湯都好正！係條魚細左啲 唔夠喉啊！食食下 店員同我地推介自家製飲料 話可以解下辣 所以我地就嗌左個桂花蜂蜜 都幾清新食到最後都食唔哂啲豆卜 證明都足料架！餐廳7點前係食冒菜（其實係一碗麵）下次如果lunch行過都可以試下…查看更多

今晚同朋友揀左依間新開嘅餐廳試下～入面有一大幅牆播mv…啲位都好闊～坐得幾舒服揀左一個一人餐…同埋一個主食…一人餐揀左鴨髀…好似係第一次食鴨髀真係好鴨！上碟有兩大隻～份量都好夠！重點係個比利時窩夫！好好食！炸得好脆入面仲甜甜地 唔知係咪加左啲蕃薯？主食嗌左三重芝士和牛漢堡…塊牛都大份 不過黑椒味重左少少中間嘅芝士有拉絲添架！啲薯塊落左味粉都唔錯～～野飲嗌左洛神花沙冰 酸酸地 似益力多好飲可以再試！！！…查看更多

係西貢見過jaspas restaurant～食過佢地嘅brunch...原來堅尼地城都有一間！餐廳出面都有幾個位應該係比人飲杯咖啡 吹下水～ 都幾chill～今次試佢嘅晚餐～兩個人嗌左4樣野…都幾多 哈哈前菜嗌左bruschetta...包幾脆 配左洋蔥同蕃茄粒～沙律普普通通啦 份量ok～ 冇咩值得提…蜆肉意粉好食！蜆都唔算細隻 不過太少喇 再多幾隻會好啲囉！意粉好香蒜味 重口味表示滿意～同埋好似多數西餐廳都會落啲辣 可惜依度冇～心太軟甜品是重點朱古力成功流心 甜得黎好重朱古力味…配埋個雲尼拿雪糕係一流！！！…查看更多

嗚…身為張敬軒fans…黎到佢餐廳食野真係好感動！下午茶要一個月前上網book定～首先已經比個轉轉門口吸引…入到去嘅裝修真係好比心機！真係收藏左唔少古董！（p.s. 其實我覺得個廁所都係好比心機設計 好靚 值得一提）女仔嘅袋仲會比張靚椅你擺～服務周到！講番個下午茶set!咸點不過不失 個tartar比較出色～d scones就唔錯！表層酥脆！附送strawberry jam，orange jam，cream我覺得個orange jam幾好食 好似平時食唔到咁嘅味～另外一款scone都幾特別 （我估係咪無花果？）甜品黎講…有2款都係酒味的 個人覺得酒味太濃 有點苦><不過個“禮物盒“嘅餅底好好食 似好濃朱古力嘅曲奇！而且所有食物 特別係甜品（上面隻蝴蝶／扮珠寶的設計） 嘅賣相都好用心！整體黎講都值回票價…查看更多

係灣仔搵食～行過依間bar 有幾個外國人企係門口飲酒同傾計望入去原來仲有野食 就同朋友入左去happy hour同食晚餐～happy hour嘅wine都係4－50蚊 都幾抵 仲去到9pm!啲位就bar feel少少～ 不過都傾到計！花生任食 食完仲係比你隨便扔啲殼落地野食方面 我地都估唔到份量咁大！ 差啲食唔哂嗌左個chilli and chicken pizza…見到張相都知pizza上面嘅雞肉都好多～而chilli果part其實係指泰式辣醬 都幾得意 批底亦都好脆！滿意～仲嗌左個crab meat burger..個burger都幾大個！ 薯條又多！crab meat係一塊炸左嘅蟹肉餅而且又真係幾有蟹味架喎！下次再黎嘅話都真係會試多次～…查看更多

放工黎到time square嘅pizza express..餐廳都幾大 7點黎到都冇乜人 唔洗等位～pizza express開到周街都係 但我今次都係第一次試！同媽咪嗌左3樣野share雞翼有6隻 都幾大隻幾有肉～ 又醃得入味仲可以配個mustard醬 唔錯！另外嗌左parma ham and mushroom salad…最滿意係佢parma ham嘅份量好多！抵食架相比之下mushroom就變左配角喇～ haha仲嗌左個pesto ravioli…pesto加ravioli都係我嘅最愛  pesto好香 味道很ok！不過如果可以再多啲ravioli就好！我仲將salad嘅包點埋剩番嘅pesto sauce 正呀！…查看更多

aeon foodcourt係foodcourt界黎講應該都算高質～每次行過見到啲餐廳都算吸引～今日就揀左依間日式西餐試下！嗌左個carbonara, 明太子意粉同章魚燒做晚餐…最值得稱讚係明太子意粉！好出色！明太子味好濃 而且超多醬汁…食哂啲意粉都仲有好多汁剩～唯一缺點係鹹左少少…carbonara相比之下就麻麻地～個汁唔夠creamy...亦都唔係幾夠味…章魚燒唔錯…唔會好粉～亦都食到舊章魚不過唔夠熱～ 可以再好啲！咁既價錢我覺得都ok嘅…大推明太子 …查看更多