sum_ch的个人专页

最近冇咗晚市堂食，午餐都會想食得好少少 🥲 呢日嚟咗次次經過都大排長龍嘅小火焰食韓國菜！2點鐘依然有午市套餐免加一，仲有得加點特價小食同甜品✨ 泡菜醬燒黑豚拌飯塊黑豚食落似豬扒，肉質不錯，加上甜甜地嘅醬幾好味。拌飯有大量紫菜，好重蔴油香，同蛋汁椰菜絲泡菜撈埋一齊，邪惡地好吃！不過menu上佢有一隻辣椒，但食落係冇辣味的✨ 泡菜豆腐鍋呢個鍋就好辣，平時食開bb辣嘅我一唔覺意就畀啲辣油濁親！配料頗多，除咗豆腐仲有菇、翠玉瓜、有蔴油香嘅韓式粉絲，加埋碗白飯非常飽肚✨ 忌廉蟹肉餅、脆香牛油雞翼新鮮熱辣上枱！餅係現成貨，淡淡地，香口得嚟幾creamy。雞翼炸得剛好，爭少少牛油香但都算好唔錯喇✨ 凍岩鹽焦糖咖啡、熱烤杏仁咖啡成餐最有驚喜係飲品，唔會死甜又有咖啡味，可能仲好飲過啲綠色、紅色連鎖咖啡店…查看更多

喺觀塘食lunch最怕就係坐得逼唔舒服，呢度座位安排幾鬆動，有足夠空間坐得舒服傾吓計Lunch set menu有五六版，全部跟餐送飲品一罐（呢日見到有檸檬茶、荔枝烏龍茶、薑母茶等放雪櫃自取）。小食有兩大盤任夾，韓式炒粉絲好香麻油味，而泡菜香得嚟唔會好辣，冇過甜或者過酸，個人兩款都幾中意食✨ C4A 蜂蜜牛油香蒜脆雞（免費轉無骨雞）蜂蜜超多！牛油同蒜味都食到好濃，調味上係幾足料。略嫌炸粉過厚，一路食一路可以搣返走一舊舊嘅炸粉。伴碟有酸蘿蔔同沙律，清新啲可以中和返冇咁漏✨ R6 芝士蛋熔岩泡菜炒飯（跟湯）鐵板上菜一嚟到見到啲蛋漿已經全熟，完全做唔到熔岩拉絲效果。不過食蛋發現原來有粟米、三色椒同少量芝士，用料係ok嘅。炒飯完全唔辣，食到頗多泡菜同煙肉但啲飯係冇乜味嘅…查看更多

第一次嚟木屋首先畀menu震撼到，選擇多到淨係lunch set menu都有五六版，而且份量頗大，細食人士要留意 🤣✨ 清邁黃咖喱牛坑腩Lunch set加$8由飯轉薄餅，侍應特別提醒只有一塊但見到都剪開有六小塊。咖喱係所有食物之中最早嚟到，唔會好辣而重椰香，牛腩煮得腍但仲有啲咬口，只係個汁有啲凍，相信係煮好咗就咁畢出嚟✨ 生菜包配沙嗲雞串係輕盈午餐之選但生菜包嘅肉份量多到就咁都食得飽，味道係偏辣，個人中意加返啲青檸汁清新開胃啲雞串燒得剛好有焦香味，咬開見到雞肉仲係帶點粉色，最驚喜係個沙嗲醬好重花生味，仲有啲花生碎！✨ 小食拼盤追加$38有四款小食，全部都唔錯，蝦肉都算新鮮✨ 馬拉盞炒通菜煲呢個係散叫嘅，最大驚喜係佢！剛嚟到時個煲仔仲係辣手出哂煙，陣咸香味飄出非常吸引！✨ 青檸梳打 + 龍眼冰Lunch set各加$5同$10就有，用料都幾有誠意…查看更多

大圍美食多，西餐選擇卻唔算太多，風車係其中一個性價比相宜嘅地方。閒日去食下午茶，餐牌上有十幾款選擇，價錢唔貴更免加一🌟 醬燒豬扒土耳其三文治上菜時聞到好香牛油味，揭開塊包見到搽咗滿滿嘅香草牛油。三文治夾咗兩塊手心咁大嘅豬扒，都有1cm左右厚，鮮嫩多汁，燒烤醬甜甜地幾開胃而配菜嘅炸薯仔粒新鮮熱辣，咬開見到薯絲，份量仲好多！沙律菜都唔錯，不過相比起味道就較淡🌟 素菜千層麵一向好中意食千層麵軟綿綿夾住大量肉醬嘅口感，呢日想食清啲就叫咗素菜呢款。配菜同三文治嘅一樣，可能係所有餐都一樣。切開見到大大舊嘅翠玉瓜、蕃茄同埋芝士，幾清新。不過麵嘅部分只有上下各一層，同平時食開嘅千層麵有啲唔同，但都可以一試🌟 法式洋蔥湯🌟 凍水果茶同Cappuccino …查看更多

第一次嚟利舞臺dodam chicken，見到好多人但座位安排闊絡，唔會好大壓迫感或者聽到哂隔離枱講嘢 👍🏻呢度嘅炸雞有烤同炸之分，各自都有將近十款唔同口味，花多眼亂，最後都係揀返原味脆雞（即係炸）。新鮮熱辣上到枱見到雞嘅顏色偏深啡，有幾件有少少苦焦味，似係炸得過咗啲火。如果覺得原味好寡，伴碟仲有兩款醬畀你點，韓式甜辣醬同芥辣醬不過咬開雞肉大部分都仲係好嫩有肉汁，炸粉好薄，令人食唔停口，好快就清哂成隻雞 😂韓式牛肉粉絲好大盤，粉絲用嘅係粗啲好似扁意粉嗰種，牛肉有好多片，年糕亦有好多條（建議上枱就快啲食，擺耐咗會發脹腍咗），份量大到食唔哂。湯底偏甜，唔好甜味嘅要留意吓炸雞就係要配啤酒！Corona凍冰冰原枝上枱，爽 🤪…查看更多

深水埗各色coffee shop林立，不時都會去發掘吓新店，今次搵到呢間做生酮飲食嘅有心小店 💛Menu上有好多飲品選擇（好多都係keto friendly!!），店員就推介我飲玄米茶同焙茶杏仁奶，屬坊間較少見。我要咗每款各一杯熱，兩款茶味都好香濃好好飲！焙茶味濃，配合杏仁奶嘅甜，入口味道比聞更有層次。玄米茶好特別，平時飲就咁玄米茶好似清清淡淡咁，呢度唔知係咪加咗杏仁奶，襯托咗佢陣炒米香味出嚟，奶嘅甜香味完全冇喧賓奪主，令茶嘅回甘味更突出！極推介！💓💓臨走仲買咗塊70%黑朱古力軟心曲奇返屋企食，店員提醒要整熱嚟食。我就咁用微波爐叮咗十秒，切開一半見到入面啲朱古力半溶，入口唔甜又濃朱古力味，應該食多幾塊都唔會覺得漏 🤣🤣…查看更多

每隔一段時間就會好想食雞煲，通常揀揀吓都會嚟返呢度，勝在雞煲選擇多又唔貴！醬料收人頭$12，九宮格基本野有齊哂今日天氣涼返啲，揀咗胡椒豬肚雞煲暖吓個胃，兩個人食半隻啱啱好雞件同豬肚唔會斬到碎哂，每人應該都有食到每樣六七舊，非常足料。仲有啲白蘿蔔片（入味超甜！）、三大舊粟米、芽菜同炸枝竹，食完呢煲都飽咗大半 😂打邊爐叫咗手打黑墨丸，食到有一粒粒墨魚肉，整體粒丸唔算好彈牙但食到鮮甜味（之前嚟試過手打蝦丸會彈牙啲，更推介）肥鵝腸真係好肥好肥好肥，見到一舊舊白色肥膏都差啲令我卻步。。。淥完出嚟啲肥膏整走哂，剩返塊皮咁簿嘅腸，好爽口！最後點少得油麥菜解吓油膩，好大盤又全部都好新鮮，啲菜葉翠綠色又爽脆，正！…查看更多

✨ Paradise Full餐牌有四款all day breakfast可以揀，份量同材料各有少許不同，跟一杯小橙汁。我揀咗有相睇嘅Paradise Full，嚟到個份量大到嚇親我，懷疑根本唔係一人份嚟 😂材料都係基本野嚟，三角薯餅、scrambled egg、煙肉、沙律菜等等，仲有件窩夫係分開裝。窩夫切開覺得好實淨，應該係多牛油所以食落口都香啲，但一定要趁熱食，凍咗個面唔脆！✨ 鐵板黑椒一口西冷牛飯份量都係唔少，一口牛有七大粒全部係肉冇肥冇筋，都唔係「拿」到腍哂冇口感嗰種。一杯燒汁唔夠撈飯，要多杯汁落多啲先夠。侍應攞汁嚟時好好咁提醒會好咸，唔好一次落哂成個飯得啲汁同粟米，覺得少咗啲嘢咁原來係冇芝士，芝士控要留意一下 🤣 有少許飯焦，可以解吓鐵板癮。另外加30蚊要咗湯、沙律同餐飲，粟米忌廉湯幾好飲…查看更多

依家想食點心多咗好多選擇，呢間勝在位置就腳，太子站行一分鐘就到！✨ 鳳爪排骨飯得一隻鳳爪煮到好入味同好腍，排骨肉幾滑，大大小小都有四五舊，落少少豉油就好夠味✨ 熱點蝦餃皇、蟹籽燒賣皇、白灼西生菜叫得蝦餃皇果然係有咁上下份量，每隻餃有兩隻爽口嘅蝦，皮薄但有少少易爛。燒賣同生菜就冇乜特別，正常發揮～最中意係蝦餃燒賣呢啲必食之選有得揀要兩粒定四粒，兩個人去食就唔洗焗住食多粒喇 🤣✨ 雪山叉燒包其實本人唔多喜歡飲茶食包，因為好易太乾或者搞到食滯咗。呢個叉燒包都算「皮薄」餡靚，包面甜甜哋，細細個過吓包癮✨ 春風得意腸腸粉皮唔算好薄，但包住咁大舊餡反而啱啱好，唔會冇哂存在感。蝦膠彈牙，有啲甜粟米喺入面爽爽哋咁✨ 薑蔥牛栢葉、鮑汁鮮竹卷、燒汁百花釀茄子牛栢葉同鮮竹卷都係正常發揮，味道剛好。釀茄子好似fusion菜，但試無妨，蝦膠又係好彈牙…查看更多

二人份量嘅 All Day Breakfast，一見到以為好似唔夠食，但 lunch 份量尼講其實係食到幾飽下 😂 食物質素ok，沙律菜新鮮，炒蛋同煎蛋都幾靚仔，其他都係現成食材冇乜特別。美中不足係食物都幾凍下，條芝士腸凍到我哋諗咗陣究竟係有冇煮過。。。…查看更多

睇餐牌除咗一般常見上海菜，葱油餅、炒鱔糊、粗炒同炒年糕呢啲之外，會有少見啲嘅好似炒羊肉、大滷麵（豬肉青菜蛋花湯麵）之類今晚試咗個粉皮魚頭煲，雖然睇落好紅，但其實只係少許辣，比較多油。魚頭有少少鯹，點返啲辣湯食會好啲，食食吓其實都好多肉食。粉皮煮得剛好，滑得尼仲係爽嘅小籠包好食！皮薄，有湯汁，唔會過鹹，一上枱好快消滅咗！水晶肴肉都唔錯，醋啫喱只有肉嘅一邊有令味道有少許唔平衡，但都係相當唔錯嘅，擺盤靚 😂…查看更多

用app book咗枱有七折優惠，睇介紹以為係cafe，尼到見到咁黑又枱枱都飲緊酒就知唔係嗰回事。但已經有啲晏唔想再搵嘢食就照坐低啦大蝦沙律幾好，菜新鮮，都有三隻煎過嘅蝦，係現成沙律醋嘅味 😂慢煮牛柳溫泉蛋意粉，啲牛唔重牛味但勝在唔會煮到熟哂，肉質都幾腍嘅。意粉調味唔會好重，撈埋溫泉蛋汁同洋蔥尼食都幾香要咗份小食拼盤係魷魚咀加薯條，薯條都幾厚切，新鮮上枱係唔錯嘅，不過原價要$98份再加一就少少唔抵啦…查看更多

五花腩配泡菜 —— 食咗幾件先記得影相 😂 五花腩好腍，平時我食肥豬肉係會唔呑舊肥膏，但佢嘅肥膏部分唔會太多，夾埋泡菜一齊食唔會漏，一上枱就秒速消滅咗半碟！半半炸雞——揀咗原味同甜辣汁，新鮮熱辣到攤咗陣先擺到落口。炸粉適中，雞肉嫩滑，好食！個人口味覺得呢度嘅泡菜同甜辣汁偏甜，唔係好似平時食開嘅味～…查看更多

餐廳逢星期三有半價龍蝦優惠，唔一定要經app訂座先有，折完只要$198就有得食！龍蝦唔算大隻不過肉質新鮮爽口，唔算太貴可以過吓癮 🦞 配菜嘅薯條同沙律都有啲質素，唔會因為半價就隨便整～叫咗份10oz Hanger Steak 配蘑菇汁，配菜有燒大蒜（超重口味，每粒蒜都熟到好似榴連肉咁嘅質地 😂）同薯蓉（比較普通，下次再食想試新薯）。塊扒好食，叫medium啲肉確實係仲有紅紅地、有啲血水，肉好濃牛味好嫩！Scotch eggs都整得唔錯，蛋係有流心嘅，切開黎食都唔會即刻散開哂，可以一試！…查看更多

以前去過旺角分店一次，因為實在太擠擁，所以除左好逼之外對杯咖啡係冇哂印象。。。今次黎到中環分店，一入門口就畀個裝修吸引住，好精緻！咁啱有張靠牆嘅高枱坐就更覺得同其他客人有適當距離，用餐體驗好好多Americano揀咗nutty，真係飲到果仁嘅香味。食物叫咗Basil and prawn linguine，扁意粉煮得剛好唔過腍，basil同蕃茄永遠係絕配，好食到我清左碟 😂 朋友叫嘅Linguine bolognese係用beyond beef做嘅，都係好好食…查看更多