我是一塊桂花糕的個人專頁

近日係附近學校考試，唔知位置於是去早咗差不多一粒鐘於是係附近行啊行搵早餐，四周小店完全冇野食！好彩見到間銀龍！叫咗芝士火腿三文治加細份雪菜肉絲米線，仲有杯柚子蜜，加埋36，都OK呀！味道不過不失啦，熱柚子蜜唔系好夠甜，不過有糖包可以自己加。雖然味道就一般般冇咩特色，不過勝在夠飽，唔錯！可能係因為特殊日子，早前食過後有D翻尋味～好想再食多次不過可惜在下其他科目不在此處考試，已經冇法子再試這飽肚早餐～…查看更多

天氣咁熱見到呢間就買左一杯珍珠奶茶嘆下，落單好快就有得拎，一飲又OKwor甜甜地好好味,上車之前就飲曬成杯，美中不足就係好多冰lor，飲完都剩三分之一左右嘅冰，十八蚊嘅珍珠奶茶咁多冰都有d難過，不過味道真心好掂…查看更多

早前同父母去呢間野度食午市，貪佢158+1可以食三個鐘好抵咁其實筆者係荃灣人，咁都有時會見D食評話旺角放題幾好幾好，試過呢間之後又覺得好似同想像中唔太一樣講D好野先啦，其實158+1一位可以食3小時又真係好平，卡位都好闊，坐得好舒服D野食都係細細件好打意唔會令你好快飽食唔落其他野，呢點幾好嘅！雖然母親大人唔太喜歡咁樣嘅做法，覺得孤寒左D不過本人覺得留多D胃試試唔同嘅食物都幾好，見仁見智啦！D蟹籽好脆好正炸蠔都好食！但係其實午市就冇咩野可以食……而且去到見到人好少其實都明伏伏地加上Facebook冇update資料好誤導性lor，本來以為有多春魚同芒果布甸，為左滿足母親大人嘅口腹之慾先去到旺角。如果知道你地一早取消左其實留係荃灣區都OK啦天婦羅真係好唔得，唔脆兼炸粉好厚唔好味嘅……神秘氣球甜品其實係啫喱，咭開個波四分五裂，食起黎好唔方便牛肉類感覺都唔soft，有少少難嚼其他就一般般不過不失啦！下次應該都唔會再考慮出荃灣區食放題，認真覺得旺角D都唔係出色好多咋嘛冇謂比多份車費啦…查看更多

①6小辣變成清湯②豆卜不知所蹤③紅薯粉變成米線但係其實呢三個都係要加錢嘅,但係俾錢冇俾貨lor,打電話問話冇收我麻辣個一蚊雞,但係②同③呢?話就話可以去換,但係如果我想去叫咩外賣啫,直接堂食啦叫一碗咁多漏,唔好去呀!!!!!…查看更多

今日去同阿媽食呢間嘅燒味套餐，兩個人加埋先78，就算加一杯凍飲都不超過90，試問今時今日咁平嘅鋪頭幾何有？小妹去嘅時候忘記拍照，只好口頭描述希望各位唔好介意！小妹同阿媽去食嘅套餐有兩碗菜乾湯，飲落都好清甜，完全冇味精！另外仲有一碟四款燒味拼盤，我地叫左燒肉、叉燒、燒鴨、分蹄，除左有少少凍左，其他都幾好雖然燒味凍凍地，但係飯就熱辣辣啦，補反燒味凍左嘅遺憾仲有生菜都相當新鮮食到我地行唔鬱啊！…查看更多

同老豆兩個人食左兩碗粥、叉燒腸淨腸各一、一碟鹹肉粽同油炸鬼，美中不足嘅係除左腸粉唔夠熱，鹹肉蛋黃粽米多餡唔多，其他都OK可以接受。最滿意係上菜速度，極快，完全唔駛等，Good！…查看更多