AlexShum2016的個人專頁

:)是咁的，肥沈一族山長水遠出到旺角遊玩一番，晚飯時間就特意拜訪呢間丼餐廳，一嘗其味，咁點解旺角咁多嘢食，都要特意要來拜訪一下呢？ 咪就係OpenRice 嘅廣告威力囉講返呢到嘅丼物，肥沈我同老婆豬都一致認為係代交租嘅貨識而已，真心講句公道話，整體味道的確不錯，可以一試！ 只不過呢D丼物嘅品質好一般般，成餐飯嘅價錢係可以食到普通日式放題啦！ 問心果句，影相影出來係睇落好似好正咁款，但食落就竟然似食爭鮮壽司嘅貨識，收足日式放題嘅價錢，根本有一半飯錢係代交租而已，不過我哋都明白到，依家D舖租太貴了，但都希望一分錢 一分貨，比返D正正常常嘅品質給各位街坊朋友先係重點囉…查看更多

肥沈一族又來試新嘢啦！ 原本今次係想來試一試佢哋嘅酸菜魚，但最後竟然係冇叫到酸菜魚吃，不過佢哋其他嘅食物都很好吃啊！肥沈我自己就超級喜歡佢哋嘅【鮑魚紅燒肉】、【稻成片皮鴨】、【稻成小籠包】呢3款美食啦！此店非常多客人排隊等吃，平日的晚餐時間都坐無虛席，還要排長龍等位等外賣，生意好旺！講開又講，佢哋有提供『2人餐』及『4人餐』，兩者都係有一款或兩款主菜可供選擇，但肥沈我問過店員，原來係可以選擇套餐以外嘅主菜，做法有彈性，當然，散叫抵食定係套餐抵食就要自己計計數啦！今次用餐體驗非常好！下次一定要試試酸菜魚先得啊！…查看更多

非常難得疫情下仍然能夠保持水準！肥沈我最喜歡吃吞拿魚壽司，甘香味美！平日的晚飯時間，店外仍然要排隊等候，等待了近40分鐘才能入座，已經是晚上九點，時間有限。今次無論三文魚、吞拿魚，都沒有令肥沈一族失望！特別推薦：【鮮吸盤軍艦】是次晚餐先來吞拿魚盛合&三文魚盛合，好食！再來就是魚生飯及其他手握壽司，好食！（我係冇第二句架啦）當中，吃過吸盤軍艦之後，覺得好爽口好得意！即時再點！好食！最後，女人們都要吃甜品，不過肥沈我不好甜亦不好綠茶味雪糕，但見到女人們都話好味喎！:)歡樂時光過得真快，差不多晚上十點，限聚令下堂食時間已完，肥沈一族要打道回府了。…查看更多

肥沈我住大埔十多年，竟然依家先來幫襯這間上海小店，一試之下，覺得美味可口，可以再來！但大前提是，肥沈我建議大家為了健康著想，請於落單同時要求廚師少油少鹽啊！因為肥沈一族第一次來吃午飯時，就是覺得『很有上海小菜風味』，即是重鹽多油啊！但第二次再來吃午飯時，因要求少油少鹽，結果不失其美味之外又更加吃得健康啊！肥沈我個人好喜歡吃上海小菜，尤其是小籠湯包、紅油抄手、炒鱔糊等等等等⋯⋯，再加一杯不太甜又不太凍的美味豆漿，就是一餐超正的午飯了！最後，希望疫症早日消除，香港回復原狀！…查看更多

講到『澳門菜』，其實肥沈我一點點都不懂，只要美味就好了！今次晚飯，肥沈我同老婆豬就真係無意之間到此一試的，老實說，起初見到價錢就真係覺得貴左D，但人生總有一試，所以都係試左先算啦！今次試左個鴨肝飯及焗豬扒飯，肥沈我好認真咁講，我真係食唔出有幾大分別架 ( ･᷄ὢ･᷅ )不過呢，食吓食吓，又覺得呢個焗豬扒飯又幾好食啊！豬扒軟身，很不錯！而鴨肝飯，份量比較少，味道就見仁見智啦！反而呢，個辣肉腸炒雜菜就好有驚喜啦！ (˶‾᷄ ⁻̫ ‾᷅˵)除左食物之外，餐廳環境都幾好，坐得舒適，值回票價！ ٩(˃̶͈̀௰˂̶͈́)و…查看更多

真的對不起！有一點點失望，實在是名過其實了⋯店內裝潢很好，坐位舒適，環境衛生，不錯！只可惜當品嚐過招牌海南雞飯之後，就會發現這裡的海南雞都沒有店內廣告所說的滑啊！而且，嘗試過那杯華田火山特飲⋯⋯真的很『水』啊！仲有果碗例水（個人覺得係味精水扮例湯）真係不得了！雖然未至於難吃，但實在是物不所值！代交租而已⋯⋯反而，叻沙湯底就喜出望外！就係如此⋯⋯，肥沈我連價錢都冇心記住，就知道招牌海南雞飯係『幾咁好美』啦（叻沙海鮮粉絲係好美之外）！…查看更多

今天，老婆豬豬話想試新店，於是午餐就來左呢間新開張的試一試啦！來到門口，見到在店外貼有2幅大餐牌，乜都有D選擇，又米線、又魚生飯、又有客套飯等等，起初都有D擔心『得唔得』架！？不過，當吃過之後又真係有D驚喜喎！今次肥沈試左個喇沙湯米線，都OK喎！味道不同於平常食開的『XX米線』或『米線XX』之類，感覺有D似食麵一樣，只係餸就少了一點點而已 (≧▽≦)而老婆豬豬就試左個咖哩豬扒飯，點知道佢只食第一口就大叫好很辣⋯⋯，之後整份餐就交左比肥沈吃，唔好浪費 ಠ_ಠ最後，老婆豬豬就再試此店的魚生飯啦⋯⋯，魚生飯一上枱，老婆豬豬一試之後竟然話好好味喎！佢仲話同隔離店的魚生飯有得比喎！？ ᶘ ᵒᴥᵒᶅ整體來說，此店在大埔市中心來說，都有一定的水準，而價錢都比較合理，值得推薦 (˶‾᷄ ⁻̫ ‾᷅˵)…查看更多

哈！見到大元邨平台熟食店有一間標榜『台灣授權香港加盟店』的台式一人火鍋店，肥沈一族當然要試一試啦！此店環境感覺清潔又夠冷氣，吃火鍋完全沒問題！此店採用自助方式，每一位已經『開鍋』的食客都包自助吧飲品及雪糕，比起『大XX』『吉XX』等一人一鍋來說就更加吸引了 (˶‾᷄ ⁻̫ ‾᷅˵)是次肥沈一族先試午餐限定優惠火鍋，以『優惠價』來說，肉類份量比較少，但蔬菜又比起『大XX』『吉XX』等好吃喎！為什麼呢？（擁有『神之舌』的老婆豬豬話因為蔬菜夠新鮮喎！）原來，此店亦標榜『健康湯鍋』，味道不濃厚，比較清淡，但肥沈我喜歡啊 ٩(˃̶͈̀௰˂̶͈́)و吃完基本鍋物之後，肥沈一族都仲有一點點『仲未夠』的感覺，咁就再單點一個『王子麵』來填滿話種『仲未夠』的空間啦！其實再之後仲有吃埋雪糕架！今次午餐又吃到肚滿腸肥啦！ ಠ_ಠ最後，肥沈我有一個意見，就係因為肉類湯鍋都是『一整鍋』上枱的，有時肉類反而會因而滾過頭啊！所以肥沈我一見如此就即時先夾起肉類，以免滾過頭而浪費了美食啊！ ᶘ ᵒᴥᵒᶅ整體來說，是值得一試啊！…查看更多

此店已經成為老婆豬豬的飯堂之一！餐湯配牛扒，就是老婆豬豬必吃的吧！基本可選擇『紅』『白』餐湯，兩者都好飲，要注意的就是平時老婆豬豬都唔會飲完一份餐湯，此店的餐湯就是極小數例外的！而牛扒方面，肥沈我同老婆豬豬都食得比較『生』而又唔太中意牛扒被『那』得太過火（唔識寫個『那』字），此店之牛扒的處理算得上是合格有多（對不起，我不想形容得太多啊），美味可口啊！如果以平時返工日子來說，這樣的一份牛扒午餐也實在是太棒了！值得推介！…查看更多

是日休息，故有時間出外找吃，眼見店面寫著有『魚蓉麵』，肥沈就二話不說即叫一碗來試啦！其實大埔區都有好多間【麵店】【米線店】，都可以叫做各有特色，當然，好不好吃就見仁見智啦！咁岩肥沈中意食魚蓉麵，就緊係要試啦！此店之魚蓉麵睇起來似烏冬麵，食落口感比較似魚蛋（我唔識分別架，岩食就可以了！），今次配雲吞，係幾好吃喎！肥沈我中意此店湯底比較清，雖然都係似味精湯（個人覺得而已），但好過附近某間成碗都係油，痴線架！此店食麵可以加$10以加配飲品 / 油菜 / 炸魚皮，今次我就加炸魚皮，此店的炸魚皮是「薄皮」的（我最討厭「厚皮」的！），口感比較鬆化脆卜卜，食落似食薯片，好食啊！以$50來說，飽肚又好味，不錯不錯！…查看更多

今天肥沈因為工作關係而遲了吃午餐，當時經過此店，就決定一試呢一間標榜著【牛腩】【咖哩】【醉雞】之組合的食店啦！到底，此店是吃什麼的東西呢？原來，此店主要是以【牛腩】【咖哩】【醉雞】來配搭粉、麵、飯，再另有一些小食可供選擇，而肥沈我就先選擇自己最喜歡吃的『巴基斯坦風味金牌咖哩牛坑腩飯』啦！（套餐可配冷熱飲品）一試之下，覺得很不錯喎！咖哩夠味（肥沈個人中意食辣），牛坑腩不太硬（其實我不懂分別牛腩與牛坑腩呢⋯⋯），整體味道很好！下次可以同老婆豬豬來試(˶‾᷄ ⁻̫ ‾᷅˵)…查看更多

以一間Cafe來說，食品的質素是Ok的，平均幾十元一款食品連一杯基本飲品為之一個套餐，飲品可補錢升級，又可以加價配沙拉或散叫幾款小食，豐儉由人。呢間Cafe有提供數款桌遊可供借玩，可以一班朋友聚餐，邊食邊玩，不錯啊！而Cafe的裡邊，就是《刺蝟學習坊》，可以預約參加，今次肥沈一族就是參加了，內容有趣，刺蝟可愛，這次的體驗非常有意義！無可否認，今次就是被刺蝟搶去了風頭！不過，經過這《刺蝟學習坊》的體驗之後，的確能夠給予大家對刺蝟有一定的認識了！肥沈我誠心推薦比想飼養刺蝟的大家，能夠預先了解一下有關飼養刺蝟的一點點事宜，謝謝大家！…查看更多