小寶寶搵食的个人专页

開完會，真係要小休下，行到落IFC，搵D野咬下就事旦買件CAKE。。。。今次買Agnesb 啦。。。。。外表乜都特別，完來幾多層次，基本上係朱古力Mousse，入面有蛋糕，質地不是意大利芝士餅個種，係近似海綿蛋糕既但不是純甜味，有少少酸酸地，因為入面有raspberry口感上比較豐富…查看更多

朋友係要見既，一班人搵野食就可以試多D不同既野，發掘下好野食，搵到好野食，就可以獨行一個人再去食喇，呢間餐廳既陳設比較簡單但有一個風格食物以燒既為主，arm曬我地，我地點野食都係事事旦旦，因為掛住傾計，其實一班人開開心心食野時，真係不太記得味道，只會記得等到好食同特別難食既野今次呢間餐廳好在無我記得係等別難食既野，但好食既就有牛舌，因為外脆而內多汁，厚度不太薄而乾，又不太厚唔熟。仲有凡立貝，雖然知道係急凍產品，但無在溶冰過程整到爛邊，好完整，亦沒有雪味，加左醬汁令佢更多汁，鮮甜，雞翼係開邊既，基本上係分開好，食既時候非洲方便。整體合格有餘…查看更多

今日去咗鏞記大廈嘅Kee club 食lunch. 因為係商業上面嘅飯局，所以唔方便影太多相。叫咗嘅有：蘿蔔糕，春卷，蝦餃，燒鵝，苗翠餃，同埋鴛鴦米粉。點心其實都係每一件一件咁樣計算嘅，唔係一般嘅酒樓嘅方法一籠一籠咁樣計嘅。一般嘅點心一般係幾十蚊一件，但事實上質素真係俾一半嘅酒樓係好好多嘅。春卷皮真係好脆，唔會有一般酒樓嗰種好硬既感覺，而係一種好鬆化嘅脆，而且都好夠熱。而蝦餃裏面嘅蝦我絕對懷疑係新鮮蝦做出嚟，夠曬爽口彈牙而且皮薄。蘿蔔糕雖然煎得並唔係好香脆，但好足夠嘅蘿蔔味，而且入邊係有蘿蔔絲。二燒鵝其實都係鏞記嘅燒鵝嚟嘅，品質真係幾好。鴛鴦米粉其實係粉絲同埋米粉一齊嘅，大多餐廳係淨係米粉或淨係粉絲，會有啲唔同，呢一碗嘅蚊米粉真係好夠飽。服務非常之好！…查看更多

元朗食完飯當然要去元朗食返個糖水啦。今日去咗B仔涼粉，要排隊，唔知平時係咪都要排隊嘅呢？但都唔係等左好耐，大概等左5分鐘左右。被安排上一層樓梯嘅座位，叫咗一碗咋咋，原因好簡單，因為生果糖水都好簡可做到，價錢廿幾三十蚊。而喳喳對於我哋呢啲唔識煲既人來講，＄20都唔使感覺上好似好抵。份量都唔少，但係就不太杰，豆都名多，如果減少少甜就更好，食完飯再食糖水，滿足。…查看更多

今日同朋友喺元朗食飯，選擇咗呢間係教育路近B仔涼粉嘅一間泰式菜館。門口有好多人等位，入邊其實都只係兩層嘅座位，位唔多，等左5分鐘左右。安排左上上層，對於有孕婦或者老人家嘅話為安全著想，唔太建議去呢一間餐廳，因為上樓梯係一條好窄又好斜嘅樓梯，如果稍有不慎就不太好，所以老人家同孕婦或者係小朋友都唔建議去呢一間餐廳又或者要求等下層度食飯。我哋叫咗一個馬拉盞炒通菜，一個木瓜沙律同埋鹽燒烏頭。呢間餐廳煮嘅食物都唔錯，馬拉盞比平時食嘅泰國餐廳落嘅馬拉盞數量比較多，所以好入味。而油份來講都相信係可以接受嘅。木瓜沙律比較咸，如果送飯嘅話比較好，如果係就咁食嘅話，我就覺得比較重味左小小。必須要讚一讚係條魚，好滋味。魚皮嘅表面可以見得到條魚係真係燒出黎，魚肉並沒有燒乾，而且入面有好多香料香草，我俾佢嘅香料深深吸引左！ 除咗食晒所有嘅魚肉外，佢入邊嘅香草香料我都忍唔住夾左嚟食，因為實在太好味啦！…查看更多

下午去咗大快活食下午茶，但係都未算十分多人，等位大概等左5分鐘。叫左一個雞髀碗仔翅＄28，另外再加多7.5要一碗上湯湯米。隻雞比並唔係炸雞髀，係燒味做法的雞髀，冇咩雞味，不是特別喊或特別甜，簡單來講係冇咩味，而皮都唔係脆嘅。上湯米係雪菜肉絲米，反而唔錯，而且如果係食一個下午茶餐唔夠飽嘅話，呢7.5絕對值得，因為絕對夠飽。碗仔翅熱都係足夠嘅，但食唔到嗰啲咩特別嘅材料，而且材料並不豐富，都係用一啲粉漿開出來嘅湯羹，其實冇咩特別嘢食嘅。相比起平時嗰啲小食店嘅碗仔翅的確係失色唔少。…查看更多

朋友生日，三個人一齊去食晚，之前有朋友介紹我哋去呢一間。我哋事先已經book左位，間鋪頭入面好細，如果無book真係好大機會唔會有位。我哋帶咗三個主菜，其中一個係炸魚薯條，一個呢就叫做牛腹扒，一個係黑松露雜菌意粉。其中兩個係餐，所以有兩個餐湯同埋兩杯熱飲。首先嚟嘅係蕃茄湯，番茄湯應該係茄膏做，當然亦飲得到佢真係有新鮮嘅蕃茄存在嘅，所以呢餐前湯來講都已經係有一啲誠意。同時佢仲有幾條麵包餅乾條，雖然係一啲現成買嘅產品但係都幾好食嘅。炸魚薯條炸魚並唔係用龍脷柳做嘅，薯條係一啲比較闊身的，唔會揸到好脆但又唔會好林，剛剛好。牛腹扒佢嘅建議係三至五成熟，但聽到三成熟有一種茹毛飲血嘅感覺，所以我哋選擇咗五成熟。呢個五成熟係有牛肉的鮮味，仲配個紫色嘅番薯茸，好好味。黑松露汁菌意粉相比之下就失色左少少，因為呢感覺上太油。黑松露係選擇用黑松露醬油所以比較油膩。我哋的食得唔算好飽，埋單唔洗500蚊，合理價錢。…查看更多

今日去左天水圍既一個多人去既商場仔食lunch. 感覺同屋邨些不多。因為間間餐廳都好多人，去一間唔洗等位既就算了。小鍋米線加豬紅，配凍檸茶....35蚊埋到單....湯底靚仔，味道ok份量亦夠多小鍋米線的配料都唔錯，但豬紅就真係唔多掂筷子插落去完全不會每佢鬆散或分開，夠曬實淨同夠硬。食豬紅係食口感，但呢個口感係好食既口感除左呢樣之外，其他野絕無問題…查看更多