試伏達人TUTb的个人专页

喺airside行到口渴，見到個餐牌靚靚囝囝就叫咗杯雪燕青提玫瑰嚟飲。38蚊一杯。幅圖靚靚囝囝畫晒啲提子果肉喺度，點知圖片只供參考，野飲入面係冇提子果肉㗎。感到被騙。仲要茶底係帶苦味嘅，我就唔鍾意苦嘅茶。可一不可再。唔會有下次。買之前冇check Openrice，宜家先發現之前已經有一個負評。如果大家想試呢杯飲品，要小心玫瑰對於脾胃虛弱嘅人，會容易造成腸胃不適。我本來都唔知道玫瑰原來咁勁，但飲咗半杯之後屙咗幾次。依杯嘢嘅功效都幾犀利。不過店員冇提醒我😣如果店員喺顧客買呢杯嘢飲之前會提一提就好啦，好彩我行完街係返屋企。…查看更多

見到台灣YouTuber同埋朋友推介，一直都好想試呢間炸雞，終於有機會試吓佢🤓叫咗招牌雞腿、台灣直送甜不辣、洋蔥圈。招牌雞腿好Juicy，買完都等咗半個鐘到先至食，但都仲keep到係脆嘅，同埋入面有肉汁。味道其實有啲似Jolibee。但我覺得呢間好似冇咁油。炸甜不辣都好食，煙煙韌韌嘅魚漿，但個人覺得呢款甜不辣甜咗啲🤔以前食嘅甜不辣冇咁甜，唔通係台南嘅甜不辣。洋蔥圈正常發揮，洋蔥有大圈有細圈，都有好多件🤓感覺幾抵食，唔油膩。…查看更多

上年11月有嚟食過覺得幾好食，個湯底幾好飲，有正宗越南牛骨湯嘅味道。但係今次食，個湯好油，完全唔係越南河粉嘅湯底，變咗普通河粉。味道似魚蛋河嗰啲普通河粉味，懷疑轉咗中國河粉所以先至咁油。碗生牛肉河粉，只有三大片牛肉，肉質幾嚡，麻麻哋。豬頸肉就比以前出色，上年啲豬頸肉就燒得唔夠耐。今次嘅豬頸肉係有脆邊，好食😋不過唔知佢喺上面加啲蔥油做乜，有啲多餘。凍檸茶少甜，有幫我少到甜，正宗港式凍檸茶嘅味道。上年嘅湯頭係清澈嘅牛骨湯，唔會油膩，好食啲。…查看更多

焙茶刨冰🧋焙茶刨冰軟綿綿，有焙茶味，唔會淡茂茂。上面有鹹鹹地嘅奶蓋，有啲似芝士奶蓋，幾好食。入面收埋咗啲類似仙草嘅東西，同埋黑糖珍珠。不過啲黑糖珍珠凍得太耐，會硬骨骨，要早啲食。佢仲跟咗個黑糖漿，但係我嫌佢太濃味，冚住啲茶味，所以都冇落晒落去。呢個刨冰都好食，不過都係芒果糯米飯刨冰好食啲🥭🤓抹茶吐司🍵🍞吐司好香牛油味，好好食🥹係軟綿綿嘅麵包。抹茶雪糕都好香濃，好好味。下次會想試鹹蛋黃吐司🍞出面個after you tea都幾好飲，有少少似羅拔臣啫喱粉嘅味🤣…查看更多

同同事黎南山食Lunch～招牌生炸髀、意粉（蘑菇汁）$58無糖可口可樂 +$3蘑菇汁類似KFC嗰款，但無咁重黑椒味。意粉就係正常嘅烚意粉，唔會烚得太淋。可樂係樽裝嘅🤓幾可愛炸雞髀係即叫即炸，熱辣辣。用錫紙包住尾部，方便我哋用手拎黎食。雞髀係開邊炸，但唔會炸到好乾，雞肉仲好juicy，真係有汁流出黎🤓炸皮好薄，雞肉冇乜皮下脂肪，食落唔會覺得油膩。出色🤓Total $61有炸髀，有意粉，有可樂，都幾抵食👍🏻推薦黎試下。見下午茶時段有得配薯條沙律，如果Lunch都有得配薯條沙律就好啦🥹…查看更多

係ig碌到兩位出名foodie介紹呢間餐廳，所以黎咗試，雖然都有懷疑佢係接受咗試食邀請，因為佢哋食啲嘢係一樣嘅，但我都係去咗試。🐂A5和牛鵝肝飯 $178 +10%個A5和牛鵝肝飯真係大失所望，明白圖片只供參考，但我個飯同menu以及嗰兩位foodie個飯真係唔同🥲佢哋碗飯係圖文相符，有大大塊鵝肝。我嗰碗嘅鵝肝就得返一半嘅大小，同埋原來只係得四片和牛😢😢😢呢個價錢可以買到兩件鵝肝同埋和牛片整體味道係好食嘅，和牛油脂分布平均亦都有油香，但食物賣相同埋鵝肝大小真係同圖片有出入，餐牌嘅鵝肝真係冇咁細。唔值$195.8。黑松露香煎帶子法式薄餅 St. Jacques $165面頭有一小坨黑松露醬和煎帶子。薄餅入面有很多小帶子和蘑菇，鋪滿整個薄餅，材料豐富。但是裏面的材料就沒有很重的黑松露味，如果黑松露香味豐富點就更好。Pina Colada 椰林飄香 $58淡淡椰子香，淡淡菠蘿汁，味道不錯，不會太甜。雲呢拿奶昔 $68朋友說味道似麥當勞雲呢拿奶昔，我也認同。…查看更多

平日嚟咗又一城千両食午餐，發現都多人嚟食午餐，今次嚟係坐上層，上層少啲員工出入，所以難啲落單同埋揾店員。鵝肝壽司$42以前喺其他分店食大件啲，呢度好細件😢但係都好食魚鮮直送壽司定食$128魚鮮直送壽司定食有九件壽司，分別係牛油赤海蝦、炙燒左口魚、油甘魚、珍寶帶子、吞拿魚、三文魚、辣味三文魚軍艦、甜蝦蟹膏軍艦、同埋一件白身魚。魚生全部都好新鮮，再配咗一件千兩甜蛋。定食仲包括麵豉湯、沙律同埋小菜，當日嘅小菜係煮南瓜，南瓜都好甜。馬糞海膽（日本直送）$78當日食嗰舊唔鮮甜😢食咗個空虛…查看更多

越南香茅雞翼（5件）$38夠熱辣辣同微脆，有香茅味，但少少油，同雞翼少少瘦削越式法包 $60足料越式法包，有得揀切唔切開，發包唔會硬骨骨，微脆但入面仲係軟嘅，配料有醃蘿蔔絲、扎肉、肝醬、炸乾葱、肉鬆、芫荽等，如果有唔食嘅配料，手機落單嘅時候可以剔走佢。烤豬肉湯河 $70想食雞絲湯河，但賣晒所以叫咗呢個。烤豬肉拿得太犀利，所以肉質係好鬆散嘅，唔係好似食緊豬肉，調味係鹹鹹甜甜嘅醬油味，湯河湯底係甜嘅湯底，如果鍾意食甜口味嘅應該會鍾意，但我覺得減番少少甜味會更好。蟹膏蕃茄湯檬 $72濃郁蕃茄湯底🧐好濃嘅酸甜味，但食完有少少頸渴。蟹膏餅好出色，因為本人好鍾意食蟹膏，呢塊蟹膏餅超濃蟹味。其他配料包括豆卜、扎肉、豬紅。整體出色過喺錦麗食嗰個蕃茄檬凍檸茶支飲管好可愛😆…查看更多

lunch time黎過食幾次🤓味道正常啦泰閣燒肉湯金邊粉 $67清湯金邊粉加燒肉，燒肉係燒腩肉，雖然浸咗係清湯入面，但都keep到脆。招牌喇沙肥牛米線 $62有酸菜嘅喇沙😢唔中意食酸菜。平時食新加坡嘅喇沙都冇酸菜嘅，同喇沙湯底唔夾。肥牛嘅質素都麻麻，冇肉味同少鞋同難咬。咖喱雞髀泰式飯 $61微辣嘅黃咖喱，幾香。但隻雞髀燒到好乾，好難切開，飯上面嘅炸乾葱增加咗香脆嘅口感。椰汁糕 +$12微暖，有椰汁味，煙煙韌韌，不錯。…查看更多

同朋友去完韓國，好掛住好食嘅醬油蟹，所以黎呢間店員都係韓國人，應該係韓國人開嘅餐廳試下啲醬油蟹。呢度嘅裝修同擺盤都好靚。（不過醬油蟹隻碟崩咗）Lunch set包咗五款前菜同兩舊飯團。前菜有泡菜、魚糕、泡菜蘿蔔、年糕、蕃薯，味道正常。飯團入面有啲醃菜，增加脆口嘅口感。不過食醬油蟹都係紫菜加白飯襯啲。🦀生醃醬油蟹 $288好咸，醃得太耐，懷疑呢道冇乜人食醬油蟹，所以隻蟹係醃缸醃咗好耐。雖然蟹無腥臭味，少少鮮甜，但太咸，食一啖要飲半杯水，所以唔好食。同埋配嘅飯團有調味，同咁咸嘅醬油蟹唔夾，balance唔到佢嘅咸味，所以真係失望嘅。🦐生醃醬油蝦 $108未醃入味嘅醬油蝦。蟹同蝦嘅味道十分極端，一款好咸，一款無味。睇隻蝦嘅外表都見到隻蝦未醃入味，仲係白雪雪咁，蝦肉少許爽彈，但無味，同埋得三隻，所以都係失望。🐟生醃醬油三文魚 $108未醃入味嘅三文魚，而且份量小只得六片。佢配咗個甜嘅沙律醬係三文魚旁邊，類似係花之戀壽司嘅甜沙律醬，所以呢個配搭係夾嘅。但食份量少又唔入味嘅三文魚，食花之戀壽司/去donki買盒三文魚刺身食會開心啲🫶…查看更多

好多時都會過黎食午餐，因為價錢都算平，終於記得寫番個食評。🐂廿一香葱漬厚切牛舌丼 $64一碗有五塊厚切牛舌，份量都幾多，牛舌燒得好香，唔韌。加埋醬汁很好餸飯。係我最常叫嘅丼。🐷廿一香葱漬燒豚丼 $62 （走葱）豬五花片都燒得好香，豬五花下面有啲洋蔥，洋蔥都幾甜，又可以增加口感。係我心中嘅第二位。🐷滑蛋吉列豬扒丼 $70外皮好厚，好似食皮多過食豬扒。滑蛋又唔係好滑，但係調味好食嘅親子丼醬油味。係試過一次就唔會想再試第二次嘅味道🤔🐂牛肉65度温泉玉子讚岐烏冬 $67牛肉份份量都幾多，唔算好難咬👍🏻鰹魚湯烏冬，正常嘅湯底，烏冬上有啲昆布，增加返啲饍食纖維。但價錢少貴🤔…查看更多

菠蘿雞肉意式飽Pineapple & Chicken Ciabatta $32.5即叫即整嘅熱壓意式包，熱辣辣。醬汁係茄汁同埋芝士，因為即叫即整嘅關係芝士可以拉絲。雞肉其實係板燒雞腿包塊雞肉，但得兩條幼條🤔然後中間就放咗三粒罐頭菠蘿。其實都幾好食，但係小貴。如果雞肉可以多啲就好啦。…查看更多

第一次係門市買茶飲，叫左啲特別啲嘅茶款。巧克力伯爵茶 $48好難飲，喺IG睇咗唔知邊個KOL嘅post，話好飲所以叫咗嚟試。聞落係好香嘅朱古力味，飲落就真係好奇怪，完全唔夾。如果淨係聞，唔飲落肚其實ok。蜜糖法蘭西茶 $48店員話係有洋甘菊嘅綠茶，飲落除咗好難飲，我都唔知講咩好🙉係我未飲過嘅味道，因為佢唔係剩係得菊花嘅花味，仲有其他花嘅味道，飲落就唔太喜歡，亦都無蜜味。但係好飲過巧克力伯爵茶嘅。馬卡龍 $20/1pcNumber 12 Tea & tiramisu 第十二號茶佐以意大利芝士蛋糕唔會太甜嘅咖啡味馬卡龍，但係0茶味。Earl GreyFortune & chocolate伯爵富貴茶佐以巧克力朱古力馬卡龍，0茶味。Macha 抹茶抹茶馬卡龍，好濃抹茶味，推薦，但外殻碎咗。Napoleon Tea & salted caramel拿破崙探險茶佐海鹽焦糖海鹽焦糖馬卡龍，0茶味。Nuwara Eliya OP Lemon魯瓦娜艾歴亞OP茶佐以檸檬檸檬馬卡龍，0茶味。另外仲買咗個焦糖脆餅，都好食，但都要48定58蚊，都少貴。見到之前嘅食評話男店員服務唔好，雖然唔知係咪同一個，但係我哋嗰個都係0服務嘅，由於茶又唔好飲，馬卡龍又無茶味，仲要夾爛咗我個抹茶馬卡龍，所以都無下次。…查看更多

どん吉TLDR: 性價比低，豬扒好乾。用呢度一半嘅價錢已經喺日本食到好好食嘅炸豬扒。🍤吉列深海大蝦、廣島生蠔、豬扒定食 $238第一次食呢間餐廳，叫咗個包含不同炸物嘅定食試一試，定食有一隻大蝦、一件炸蠔同一塊豬扒。吉列深海大蝦真係大隻嘅，但同時外皮亦都好厚，食落似食炸粉多過食蝦。炸蠔方面幾新鮮，有鮮味，但外皮亦都係同樣嘅問題。炸豬扒有啲厚度，但勁乾身。呢個價錢冇諗到豬扒質素係咁差，要點醬食先叫做冇咁乾。醬汁方面佢會俾個裝咗芝麻嘅磨粉缽俾我哋磨碎啲芝麻，然後撈豬扒醬，有啲色水野。豬扒醬會多咗一層芝麻香，雖然其實都冇令到件事好食咗嘅。唯一值得一讚嘅係配菜嘅椰菜絲好新鮮清甜，而且可以無限添加，令餐飯冇咁dry。紫菜沙律汁亦都幾特別👍🏻…查看更多

黑朱古力奶昔 $59這杯奶昔是用類似朱古力忌廉的液體，加上冰塊和Godiva 朱古力軟雪糕混合而成，味道相當濃郁。因為聖誕節，購買雪糕、窩夫杯、奶昔、凍飲或熱飲都會贈送一塊造型可愛的薑餅人朱古力曲奇，曲奇的味道與烘焙店的朱古力曲奇材料包頗為相似，顯得有些普通。朱古力奶昔味道濃郁，表面有朱古力忌廉和碎朱古力，但我還是覺得之前在旺角喝的那杯更好，可能是因為之前在旺角喝的那杯有冰沙的質感，使得口感更加出色。…查看更多