FoodShiba的个人专页

次次黎呢間餐廳都係食海鮮包 今次晏就黎食lunch 包沙律 餐包 餐湯同飲品 餐湯係忌廉湯 飲落幾creamy龍蝦蕃茄汁煮青口$148青口份量唔算少 肉質尚算厚身 食落有海鮮咸味 龍蝦蕃茄汁好好飲 龍蝦味濃郁 蕃茄酸甜夠開胃 配法包 索唒d汁黎食 唔錯😋法式紅酒燴牛面頰$168味道唔算好重 牛面頰肉質軟嫩唔韌 加上焗得焦香既芝士 幾香口 配料仲有薯仔同紅蘿蔔 好飽肚另外加左$38有甜品 芝士蛋糕份量岩岩好 岩唒兩個人share 味道不過不失 以呢個價錢黎講唔貴…查看更多

餐廳以大麻二酚CBD做主題 希望客人食完會有放鬆既感覺 呢度主打Fusion菜 內部裝修以黑色同紫色霓虹燈為主 走型格路線 感覺似酒吧格局 帶子蟹肉牛油果他他配薑油黑醋汁$128啖啖蟹肉 好重料 撈埋黑醋汁 好清新 配上香口既多士 雖然唔係好食到帶子 但整體係好好食 推介👍🏻 芒果莎莎吉烈蝦墨西哥薄餅$98吉烈蝦好大隻 爽口彈牙 配上酸酸甜甜嘅莎莎醬 清爽開胃板燒頂級肉眼配阿根廷青醬伴烤菊芋蓉$298份量都唔少 肉眼扒切既時候有少少筋 不過食落肉質非常軟腍唔韌 有牛味 伴碟有別於一般餐廳 用上菊芋蓉 味道幾特別 感覺清新解膩 仲有香脆既炸蓮藕片 板燒西班牙八爪魚海鮮炒長米飯配秘制醬油汁$238八爪魚超粗🙀 幾搶眼 原本擔心會好韌😂 食落軟腍 仲有帶子 蝦 魷魚 青口等海鮮 幾足料 炒長米飯偏乾身 原來微辣既秘制醬油汁係底下 建議撈勻d食 食落幾惹味日式芥末忌廉香煎廣島蠔闊條麵$148芥末味唔係好明顯 忌廉味道稍重 偏漏 朋友覺得廣島蠔有少少腥開心果青檸鮮奶油芒果千層酥$58千層酥非常香口酥脆 鮮奶油青檸味好突出 配上酸甜既芒果粒 食落唔漏 唔錯…查看更多

Cafe唔係好大 平日去 等左一陣就有位Bagel $38 🥯去到既時候得番焙茶味 Bagel 睇落都幾飽滿 食落比想像中有少少韌 內餡有焙茶味既醬同非常煙韌既麻糬 整體係好食既 希望下次黎可以試到其他味Basque cheese cake $45 🧀口感幼滑 帶焦香 平時芝士蛋糕食唒會好膩 呢個食完唔膩 好好食😍Signature tiramisu $65一黎到呢間cafe就比呢個甜品吸引到 賣相好靚 份量都幾多 Rum酒味偏重 有幾啖好重芝士味 稍為漏左少少 整體比較普通Beer-flavoured fries $42 🍟份量比想像中多 炸得好酥脆 唔油膩 好香口 完全balance唒叫左既甜品😍Baileys Chocolate $52Baileys味道強烈 朱古力味道欠奉 應該岩鐘意Baileys既朋友 不過下次黎唔會再叫🤣Kyoto Matcha Latte $48 🍵抹茶味濃郁 口感柔順餘韻回甘 抹茶同奶味兩者平衡 唔錯…查看更多

前排見唔少foodie去左呢間cafe打卡 呢度樓高4層 2樓係日系boutique 4樓係天台 上樓梯既位置都裝飾得好靚 好岩打卡 食物選擇唔算多 我地揀左兩個便當同兩杯飲品 便當用好靚既日式布包住 睇落唔係好大份 但食完都夠飽黑松和牛漢堡盛當$118和牛漢堡肉質鬆軟唔硬 雖然黑松露味道唔算突出 但都幾好食 每個便當都有兩款飯團 飯團唔係包到實的的個種 三文魚飯團好食 配菜有微微酸辣既芽菜同青瓜 清新開胃 仲有半隻溏心蛋 尚算流心 宮崎南蠻炸雞弁當$88南蠻炸雞幾香脆 配上酸甜既他他醬汁 幾開胃又感覺無咁熱氣 醬汁略嫌多左少少午餐加$18配Iced Americano 另外叫左杯Rose Latte$48 淡淡玫瑰芳香 咖啡味道唔苦澀 幾好飲…查看更多

置樂除左小曼谷都仲有其他野食既 今次黎到一間幾有特色既居酒屋.沖繩海葡萄$48好有趣既小食 原來係藻類 據說營養豐富 粒粒晶瑩碧綠 食落似蟹子 味道咸咸地 建議撈均d食燒生曬魷魚乾$68送啤酒一流既小食😋 幾有魷魚香 生曬完有少少硬麻辣牛筋$96牛筋煮得好軟淋好入味 好惹味 味道偏辣鹿兒島A5和牛膏飯$168睇落好似好清淡 但食落有濃濃脂香味又唔會覺得肥膩 有翠肉瓜粒增加口感 整體幾好食食物都幾岩用黎送酒🍻 職員服務態度好好 好主動加水👍🏻…查看更多

一間好有vintage風既中環cafe 店內用黑膠碟播住懷舊英文歌 好chill好relax 好想係度hea 一個下午 Lunch set 大部分飲品有半價Avocado & salmon croissant$85好足料 一d都唔吝嗇牛油果同煙三文魚 牛角包夠鬆脆 層次分明 充滿牛油香 幾出色 牛油果用左鹽同黑胡椒調味 加埋煙三文魚既咸香 好食😋 伴碟有新鮮沙律 配上酸甜既醬汁 開胃 牛角包睇落細細份 但食完好飽肚Chicken & avocado sandwich$88同樣用上好多牛油果同雞肉 雞肉都幾嫩滑 整體感覺清新 包裝幾精美 方便顧客食用 唔會跌唒d餡料出黎👍🏻 三文治食左一半已經有飽肚感另加$24配Artisan Signature Iced Americano 用上咖啡冰粒 幾特別 唔會整淡杯咖啡 加$23配Hot Green Tea Latte 拉花幾靚 抹茶味尚算濃郁 唔錯…查看更多

一間有好多芒果既泰國甜品舖 連職員都係泰國既姐姐 食完當自己去完泰國🤣Mango Bingsu$70賣相好吸引既芒果綿綿冰 本身我麻麻地食冰 不過呢個刨冰好好食😋 芒果大大粒夠甜無渣 刨冰食落有花奶味 口感非常軟綿唔刺激😍 配有花奶同芒果汁可以淋面 刨冰上有大大舊芒果雪糕 伴碟仲有芒果糯米飯 刨冰份量超大碗 適合同朋友分享Super Mango Mania$68一碟有齊芒果 芒果雪糕 芒果布甸 芒果糯米飯 岩唒有選擇困難既人 芒果糯米飯口感岩岩好 好有泰國風味😍 呢碟個芒果就無咁甜 布甸就唔係好彈個款 係比較軟身Mango coco mousse with sago$42大大杯 有芒果又有好有咬口既西米露 食落唔會單調 Mango mania$33大大杯芒果汁 入面有唔少果肉 岩唒超鐘意芒果既人…查看更多

依加放假無得去旅行 唯有食日本野解下鄉愁 晏就揀左呢間係銅鑼灣性價比唔錯既壽司店 午市包沙律同麵豉湯 味道不過不失特上壽司拼盤$250有10件壽司 吞拿魚腩色澤好似雪花肥牛咁 食落油脂甘香😋 深海池魚口感爽脆 帶鮮甜 牡丹蝦晶瑩剔透 嫩滑彈牙 甘甜😋 赤貝厚身大件 清脆爽甜 炙燒左口魚邊夠肥美 好邪惡🤤 蔥吞拿魚腩口感軟綿有脂香 加埋蔥 味道久久不散 海膽好好食😍 非常鮮甜 好creamy😍 仲有鯖魚 魴鮄同三文魚籽 同樣好食👍🏻北海丼$188入面有7款新鮮刺身 有吞拿魚腩 油甘魚 赤貝 牡丹蝦 海膽 三文魚同三文魚籽 刺身夠厚身 啖啖肉😋 油甘魚鮮甜 三文魚夠肥美 三文魚籽份量都唔少 大大粒 粒粒色澤光亮 刺身丼飯量充足 食完好滿足😋…查看更多

依間位於觀塘工廈既隱世美食小店 質素令人驚喜 回頭率高😋 小店逢星期一休息 星期日只係開到六點 主食主要係金邊粉同burger經典美式Mac n Cheese牛肉漢堡$135通心粉同漢堡睇落大欖都扯唔埋咁 但食落一d遺和感都無 漢堡扒非常juicy 煙肉香脆 洋蔥香甜入味 包微微煎過 係少數令我覺得驚艷既麵包😍 成個combination食落一d都唔漏😍😋 招牌72小時安格斯牛小排漢堡$119牛小排入味 肉質鬆軟唔韌 配上juicy既烤菇同新鮮既羽衣甘藍 同樣都好好食😋 Burger伴碟仲有沙律同漲卜卜既粗薯條慢煮鹵水豬腩肉 泰式扎肉 金邊粉 冬蔭茄湯$75賣相以為會好辣 但其實一d都唔辣 湯底非常惹味😋 豬腩肉肥美軟淋 金邊粉吸唒湯汁既味 係食唔停口既味道😋Lunch包普通飲品 我地揀左玄米綠茶 無乜特別 唯獨小店係落單方面有d甩漏 本身嗌左黑松露薯條但漏左單 同埋將我地order既burger比左另一台客 攪到等左一段時間 不過店員都同我地道左歉 .總括黎講食物既質素係令我想再次幫襯😋 期待下次試埋其他食物😋…查看更多

呢間Cafe好耐以前已經食過 充滿玩味同創意既風格 質素絕對唔係麻麻地 Lunch Set包飲品 不過我地揀左散叫.蕎麥麵沾魚露配美利堅合眾國草飼牛扒扒扒$152賣相吸晴 成碟既combination都幾有趣 牛扒熟成度誘人 牛味好濃 肉質唔韌 好食😋 蕎麥麵只係一口既份量🤣 配上魚露同木魚絲 幾開胃 伴碟有沙律菜同水果粒 食落都感覺新鮮 沙律上仲有蝦片 配埋泰式辣醬 香脆可口有蟹Go又有蟹肉的蟹蟹蟹意大利扁麵$128每條麵條都沾上好多蟹肉 蟹鉗肉質鮮甜👍🏻 好食😋 如果整碟份量多d就更加好蜜糖芥末雞翼$68有8隻單邊雞翼 熱辣辣 好香脆 辣辣地 幾惹味呢間絕對會encore 遲下有機會會試下油麻地分店😋…查看更多

Bookmark左呢間工廈Fine dinning好耐 終於book左枱黎食 環境幾清靜舒適Order完送上餐包🍞 睇外表以為好乾身 食落係鬆軟既 配上欖欖油同意大利黑醋 開胃Starter揀左燒黃桃配巴瑪火腿🍑🥓同德國薯仔沙律🥔 黃桃既甜中和巴瑪火腿既咸香 食落幾夾 薯仔沙律有少許芥末味 加上酸瓜 味道唔會過於單調蕃茄海鮮意大利飯$108🍅🐙🦑🦐好足料 每啖飯都有海鮮 有魷魚有蝦 蕃茄味足又唔會過酸 BBQ醬燒豬仔骨配薯條$178🐖🍟都幾大份 豬仔骨好惹味 骨同肉都輕易分離 肉質尚算嫩滑 薯條外脆內軟👍🏻甜品係奶凍 唔會太甜 淡淡奶香味 如果奶味再濃d就更加好🤣 飲品只係普普通通揀左檸檬茶百幾蚊就食到一個Full course既Lunch Set 性價比都算高 下次會想試下呢度既Dinner Set!…查看更多

假日黎到西營盤食Lunch 搵到間性價比高既餐廳 大大份 質素又唔錯 仲要無加一 扒餐一百蚊有找 抵食🤩 Set Lunch包餐湯同飲品 是日餐湯係南瓜忌廉湯 好creamy👍🏻烤羊架伴黑椒汁配薯菜$86羊架有三件 全部都好好肉地 肥美😋 有少許羊羶味 但係接受到 羊架煎得焦香 好食😋 配幼薯條 份量都唔少 食完好飽肚😋燒紐西蘭肉眼扒配薯菜$95同樣大大份 肉質軟腍唔韌 配上紅酒煮成既醬汁 唔錯😋 不過Lunch既扒係無得揀熟成度質素唔錯既扒餐一百蚊有找令我頗為驚喜 餐廳性價比好高 有機會一定會再黎食😋…查看更多

朋友想仼食青口 帶我黎左呢間比利時餐廳 有唔少分店 我地今次黎左銅鑼灣分店 平時成日去希雲街食野 原來街尾有呢間餐廳 好隱蔽🤣 餐廳好有外國feel 樓底好高 裝修典雅 播住音樂 幾有格調 因為疫情既關係 枱與枱之間用左白板分隔 反而多左私隱度 坐得幾舒服.餐廳每日都有唔同優惠 星期一有$195仼食青口 我地早幾日book左枱 呢度有6款青口 (House, Hoegaarden, Provencale, Mariniere, Laksa, Mediterranean) 青口size有大有細 尚算飽滿 食落感覺新鮮 6款味道分別應該只在於醬汁 唔算好入味 House同Laksa比較掛汁 個人推介House 其實姐係忌廉味 好creamy又唔會漏😋 比較特別既係Laksa同Mediterranean. Laksa惹味偏辣 較入味 Mediterranean 有辣肉腸粒 增加口感 其餘三隻味都比較普通 Hoegaarden 無乜啤酒味 只剩下苦味 Provencale即蕃茄味 Mariniere即白酒味 但兩者味道唔算突出第一碟送黎既青口會附上薯條同酸種麵包 同樣都係仼食 薯條外脆內軟 好食😋 酸種麵包好煙韌但偏油.今次剩係食青口 都無叫其他食物🤣 下次可以試下其他食物…查看更多

上次黎虹橋食飯見到呢間Cafe已經想試 枱與枱之間都分得幾開 所以都坐得舒服 呢度主張半自助形式 客人去收銀落單拎水拎餐具 收銀個位店員我都唔知話佢cool定串 但比我既感覺係串😂食物種類唔算多 Pasta基本上用忌廉汁 大蝦寬條麵$78有4隻蝦 煎得好有鑊氣 爽口彈牙 好食 寬條麵唔會太乾身 軟硬適中蕃茄忌廉蟹肉寬條麵$88賣相都幾吸睛 寬條麵上有好大份蟹子 每條麵條都掛上蟹肉同蕃茄醬 好食 餐牌有溫馨提示有機會出現蟹殼 可惜真係食到幾次蟹殼 不過朋友上次食係無蟹殼既牛油果華道夫沙律$68Plating都幾靚 用牛油果砌左朵花出黎 沙律仲有蘋果片 車厘茄 提子同菜 材料感覺新鮮 醬汁用左日式沙律汁 有少少咸味 感覺似魚生醬油🤣 感覺都幾特別 另外仲有松子粒 幾香口Grand Wedding $50嗌左一壺 可以refill熱水 茶既色水係就係好深色 亦都聞到好大陣桃既香味 但飲落係無乜味😂😂😂 茶味亦欠奉😂😂😂 唯一讚既係個杯好靚🤣Keep住都有客人排隊 所以我地食完都要離開 食物價錢都唔算貴 有機會都會再食…查看更多

小店主打自製果醬 好耐之前食過一次 上次食黃金蟹肉軟殼蟹意粉覺得好好食 雖然都算細份 但啖啖肉 不過今次就有少少失望.全天英式早餐配肉桂果醬$109🍞🍳🥓🍄🍅不過不失 普普通通既一份All Day 唔會有好大驚喜 值得一讚既係多士夠厚身鬆軟 配上自家製肉桂果醬 好食😋 炒蛋香滑 其餘仲有雞肉腸 炒蘑菇 煙肉 茄汁豆同車厘茄黃金蟹肉軟殼蟹意粉$119🦀🍝蟹肉份量都充足 軟殼蟹都炸得夠香脆 不過偏細隻 整碟意粉頗為細份 醬汁唔係好食到咸蛋黃味 反而有少少偏漏既感覺 意粉就淋左少少 希望只係我食個日失左水準🤣 可能食過Beans 性價比有比較🤣特調果醬紅茶$42🥭🍹揀左芒果果醬 第一次飲果醬紅茶 幾特別 甜甜地 同紅茶好夾 又有果肉咬下 唔錯😋.玫瑰蘋果茶$39🌹🍎🍹淡左少少😖 玫瑰同蘋果味都唔係好出😖.計埋加一價錢有少少偏貴 性價比唔算高 不過黃店會支持下…查看更多