li2019的个人专页

約咗朋友搵個地方傾吓偈，揀咗㗎喺旺角近近地嘅Cafe。隱藏咗佢熱鬧嘅彌敦道後一條街，人流雖然少，但係當日坐落都有好多客！好似個個都係熟客，證明食得過🤩我叫咗一個卡邦尼意粉，朋友叫咗一個比目魚香草忌廉意大利粉。因為太肚餓，所以我哋都冇影相。卡邦尼意粉上面仲有一隻溫泉蛋比你自己撈，有芝士味，但又唔係好膩。比目魚煎得都好香。整體味道都很不錯，而且夠大份，如果男仔嚟食都夠👍🏻坐落好舒服，而且我哋傾咗好耐偈都無話唔趕人走，喺旺角點搵呢啲地方🤩…查看更多

新年期間，因為探朋友難得要到港島杏花邨搵嘢食。 本身諗住都係啲難食連鎖餐廳，點知比我搵到間正正常常嘅韓燒！😍四圍都有好韓feel嘅壁畫，即刻我諗起好耐以前有一套韓劇，係講一個話呢啲人像嘅畫家媽媽🤣🤣不過好似真係好耐我同朋友兩個叫咗個豬肉拼盤、海鮮煎餅同韓式炒烏冬。泡菜煎餅同韓式炒烏冬食食吓唔記得影相🤣🤣豬肉拼盤，價錢正常，醃料豬肉味道都唔錯👍🏻泡菜煎餅，都幾厚身而且整得好香脆👍🏻海鮮炒烏冬好足料👍🏻👍🏻勁多八爪魚腳腳😍最後想講之前見到有食評寫拉麵好難食🤔🤔但我哋就唔見餐牌有拉麵，係得烏冬，問職員都係話只有部隊鍋有即食麵跟😝唔知係咪比人點錯相呢？…查看更多

今晚難得自己一個出嚟搵嘢食，諗住喺大角咀附近睇吓有咩小店好食。喺食肆林立嘅大同新村，見到一間食海南雞嘅小鋪，見人少少一於一試！好抵食，一人餐$70，價錢睇落少少貴，但係已經包含四樣嘢 - 一個餸連白飯/油飯、菜、煮家靚湯、指定凍/熱飲一杯。平時出去食飯要叫齊幾樣野又點止$70！？#豬頸肉：皮脆可口😍，中間爽嫩，略嫌邊位唔夠肥，燒得脆會有少少乾😅#油飯：色澤均勻，又唔會太油，足料勁大碗🍚#生菜：雖然跟餐，但並非只有伶仃幾條👍🏻#湯：雪耳紅蘿蔔湯，足料鮮甜，唔係就咁多水嘅味精湯，有湯渣🥕食之外仲飲得出係好似屋企煲嘅湯一樣濃郁！#凍蜜糖綠茶：真係飲得出唔係糖水係蜜糖味呀！…查看更多

約咗朋友到銅鑼灣附近食午餐，見到很多人推介這間新開的以月亮做主題的餐廳就打算試一試。位置上非常方便，地鐵一出對面大廈就係！餐廳地方不是很大，裝修簡約，似有若無🤨不過食飯，尤其是晏晝裝修都係次要！我同朋友叫咗一個香煎比目魚配西班牙紅花忌廉汁同雜菌忌廉意大利飯。個比目魚雖然煎得好香，但係個汁比較淡，薯蓉都幾滑。意大利飯個忌廉好濃好creamy ，而且飯量超多💪🏻相信一般男士都夠飽午餐除咗主食仲會跟杯嘢飲，以銅鑼灣地區嚟講呢個價錢都算唔差…查看更多

想搵間好坐啲嘅餐廳，最緊要唔會好太迫、又唔會好嘈嘅地方同朋友坐耐啲傾吓計。我而家發現呢一間隱蔽嘅🏮日式居酒屋？（我都唔確定佢係唔係🫢）。佢喺商場一樓比較入嘅地方，雖然都知道中海日升有好多餐廳，但係估唔到呢度連居酒屋都有！雖然唔係太似居酒屋，似普通日式食店。餐廳座位編排非常闊落，每張枱之間都有充足嘅空間👍🏻👍🏻乾淨整齊講返食嘢，坐低店員我主動同我哋介紹今日推，同有咩魚返👍🏻詳細得來好合理，冇hard sale我哋要食貴嘅套餐。因為只有我同朋友兩個人所以我哋叫咗一個五點刺身盛同一個金龍卷。金龍卷賣相都幾好靚炸蝦都做得好好，但值得一讚嘅就係嗰個五點刺身🤤🤤🤤🤤賣相超吸引而且廚師發板嘅半條刺生，魚味清新得來好香，加埋特別配製嘅柚子醬油，清甜鮮味😍（雖然已經唔記得咗係咩魚）而其他刺身都切得好厚好足料，而且新鮮肥美。同朋友傾咗一陣計，覺得仲未夠喉就再嗌多咗個野菜天婦羅🥗包括金菇、冬菇、紫洋蔥、南瓜、紫薯、秋葵、紅蘿蔔雖然訂座時有話90分鐘用餐時間，但我同朋友坐多左陣，職員都好好繼續幫我哋加水，又冇吹三催四👍🏻👍🏻👍🏻服務態度超好，刺身都正，呢個價錢好抵食！推介推介～我自己都會再幫襯❤️…查看更多

太耐無去韓國好掛住家鄉嘅味道🥲大角嘴呢間韓國菜小店由一對韓國夫婦主理，保證正宗👍🏻唔想成日都只係韓燒，間唔中想食下韓國家庭菜嘅時候我就會去幫襯下！今日自己一個係附近食飯，入到去老闆用半鹹淡廣東話招呼坐低。我叫咗一個小食先再叫咗一個湯飯。唔同其他店賣，佢有炸過仲加埋魚糕。外脆內軟嘅口感超正👍🏻👍🏻👍🏻大醬湯我覺得有少少偏鹹，加埋飯就好啲。湯入面除咗豆腐仲加左海鮮令個湯更鮮味👍🏻…查看更多

係政府放寬可以五人一枱嘅時間，即刻約咗好耐冇見又鍾意食韓國嘢嘅朋友去尖沙咀韓燒。見到呢間舖頭好多人讚好，雖然落雨但係室外有帳篷好似都幾正，即刻book咗位試吓新嘢！位置同地鐵站口都幾近，但係有啲隱蔽。因為舖頭播緊英文歌而且唔太似韓國餐廳我哋都搵咗下。去到有班外籍服務員(明顯非韓裔，但非重點)招待我哋去坐室外，我哋見室內有韓燒嗰種抽氣管，就問吓可唔可以轉坐室內，服務員表示冇位所以都照安排我哋坐室外。我哋照安排係戶外坐低咗就開始電子落單，叫咗個生拌牛肉、牛肉拼盤、五花腩同米酒先，諗住等齊人再嗌。點知轉個頭服務員就用英文同我哋講戶外唔可以做韓燒，如果廚房幫我哋煮熟再上菜可唔可以。因為我哋冇諗過食廚房煮熟嘅韓燒，又有一兩個朋友未到，所以我哋就話我哋要諗一諗轉頭覆佢，嗰一下個務員明顯表示不耐煩。所以我哋即刻就同佢講：如果係無得自己燒嘅咁你不如幫我取消啲肉，我哋叫其他熟食。服務員果下即刻對我哋反白眼，轉身就走！咁即係咩意思啊？🙄再過一陣應該一個高級啲嘅外籍女服務員再過嚟，同我哋講因為食物已經預備咗，我哋係咪真係想自己燒，廚房煮得唔得？(聲量明顯有放大) 咁我哋咪覆返佢：係你哋自己話室內冇位可以俾我哋韓燒，咁我哋咪唔要啲生肉，轉食其他熟食囉！點知個女服務員突然又話安排座位🙄佢真係幫我哋安排到一個細嘅四人枱五人坐，都唔緊要！如果食物係真係好食嘅都冇所謂啦，點知上枱個牛肉拼盤除咗個板腱肉有少少肉味，醃製嘅LA骨明顯重手想掩蓋雪味(其實生牛肉嘅糖同香油都有少少重手)，其餘嘅都冇乜肉味。仲要個set成$790都只係咁嘅質素五花肉更離譜，平時大家韓燒嘅五花肉係應該有少少厚度，點知嚟到嘅係薄片😡仲要都係冇乜味，但係盛惠$120！———嬲到唔記得影個set。但有個有趣位：佢係個韓燒個爐上面放一個Gas嘅韓燒爐俾我哋用。見到個樣咁都冇乜心機影相，快快趣食完算。其實食韓燒都係想大家一齊燒嗰個過程姐，如果你燒埋俾我食不如去食扒！要取消，你居然同我講啲肉已經準備咗，又唔係訂枱時預訂，又唔係已經整熟左！成餐飯食完都好似冇乜食過嘢咁都$1463，又唔地道，服務態度又唔好。啲抽氣管好似都係冇用咁，上面堆積油脂，吸唔到啲煙，見到啲煙都周圍散！難得多人出嚟食餐飯都成肚氣😤真心唔會再去！！…查看更多