kammyyy的个人专页

最近天氣好熱 好想食泰國菜所以就約左朋友去大埔搵食見到木屋好多人話好食 就去左尼間啦由太和站出 行一陣就到 都好方便入面裝修以竹為主 俾人感覺好舒服可以好好享受晚餐Menu上面有好多唔同款ge野食 可以就到晒大家ge口味👍🏻Menu內仲有兩頁係泰文教學好得意 我地等緊野食個陣係到睇我地都好肚餓 都以叫左好多野食Combo小食拼盆(大）💛個小食拼盤好大碟 每款野食都有3件係到有雞 有蝦 有魚餅 有春捲 好豐富我就覺得個蔗蝦好特別同好食 炸得好好 唔會粉馬拉盞炒通菜煲💛通菜好有鑊氣 上菜個陣仲係jar jar聲冬陰功湯配野菌蝦💛個冬蔭公湯好足料 有好多菇同蝦個湯底奶味比其他餐廳飲過ge重帶點creamy 好好飲辣椒膏豬頸肉炒飯💛個炒飯就正常發揮值得讚ge係個炒飯炒到粒粒分明 粒粒飯都好香泰式海鮮炒粉絲💛本身好中意食粉絲 見到menu上有就即叫左個粉絲炒得好好 用泰國粉絲炒 炒出黎仲係好彈牙 好會淋配菜都好足料 有蝦 有青口 兩樣都大大隻加埋唐芹一齊炒 好香好好食泰炒肥牛河💛個河粉炒得好有鑊氣入面ge牛肉都唔少 同埋都有牛味唔錯天氣實在太熱我地都叫左野飲飲個椰青好甜 好清涼 好解渴飲完成個人舒服晒朋友就叫左蘋果沙冰佢都話好飲 話飲得出用新鮮蘋果整 …查看更多

今日本身想食個間餐廳冇位所以就試下木衛二 下午茶好抵食 味道又好食下午茶時段叫兩個蒸飯 全單半價 好抵黑松露排骨蒸飯💛排骨味道幾特別 但黑松露味道唔夠出可以落多d黑松露蒸飯加埋個豉油好好食飯蒸得岩岩好 唔會淋又唔會硬我地都成個飯食晒 好飽海蜇肉餅蒸飯💛見佢幾得意就叫左食唔到有海蜇味道 但肉質幾好 幾好食正價叫飲品 可以加配小食一客小食加左鹽酥雞同地瓜圓新鮮即炸 所以熱辣辣脆卜卜 好食野飲就叫左藍伯爵珍珠奶茶同蜜糖冰茶藍伯爵奶茶好好飲 有茶味 但又唔會太濃同埋個茶味珍珠好夾朋友個蜜糖冰茶就正正常常 冇特別如果唔係好肚餓 可以等到下午茶先食食咁多野一個人先$60 好抵👍🏻…查看更多

今朝出開去碩門 朋友就介紹我去沙田友食個靚早餐 唔洗成日食樓下餐廳咁悶沙田友成個裝修都行懷舊望主題 好有特色仿似返左去舊時ge香港咁叫左兩個早餐兩個早餐都有多士跟炒蛋個多士比其他餐廳好食 厚d同埋烘得好脆👍🏻個炒蛋都好食 好香好滑豬軟骨麵同火腿通都好味道食完早餐再叫多左蛋撻食酥皮同蛋漿都好香班蘭味蛋撻好特別有東南亞風味同埋熱辣辣咁食好好食…查看更多

一直都好想試蕃茄仔 今日lunch終於有時間食啦 蕃茄湯底真係好濃郁 好味👍🏻炭烤風味雞排刀削麵💛雞排煎得幾好 同埋佢剪開一條條咁上 食客食得好方便不得不讚係個湯底真係好濃郁 同埋佢係好杰身 應該用左好多新鮮蕃茄整 個蕃茄味道好出 唔會好假另外 個刀削麵都好食 好彈牙 每啖刀削麵都掛有蕃茄濃湯 好味👍🏻秘製豬扒刀削麵💛同事就叫左豬扒見到佢話秘製 本身期望會好好食 但食落就一般 冇特別同埋豬扒有少少鞋口雖然個份量唔算好多 但個蕃茄湯底好足料 所以食完都好飽…查看更多

今日經開銅鑼灣 所以就試下尼排好多人打卡ge牛肉麵 鋪頭裝修好靚 好高級坐得好舒服就咁睇門面以為要百幾蚊食一碗牛肉麵原來$80幾就食到 抵食燉蕃茄腱心半筋牛肉麵💛湯底蕃茄味濃郁 加埋層辣油 辣辣地 幾好食牛肉牛筋炆得好冧 好有牛味 好好食 食得出係用靚牛麵我就揀左手工麵 面質彈牙 好食另外 佢配ge酸菜好好食酥炸排骨麵💛相比起牛肉麵 尼個排骨麵就冇咁特別但都好食雞湯湯底濃郁 唔咸 排骨炸得好香脆 唔會粉 同埋味道都好食麵質都係揀左手工麵 都係好彈牙另外再叫左個紅油抄手 不過掛住食就唔記得左影相抄手好夠辣 同埋啖啖肉好好食飲品就叫左一杯凍冬瓜薏米同凍珍珠奶茶 冇咩特別 正正常常…查看更多

永年車仔麵一直都好出名 以前想食只可以去元朗先食到 宜家係沙田已經可以食到啦今晚約左朋友食飯 想坐得舒服又唔想食咁貴所以就揀左永年鋪頭裝修幾靚 時尚中又帶有懷舊 坐得舒服除左有車仔麵外 仲有唔同款ge菜式有小菜 又有扒 岩晒唔同朋友ge口味我地就叫左兩個餐 再加個小食女神麵💛黎到車仔麵專門店 我就緊係叫車仔麵食啦太多配料好難揀 所以就咁叫個女神麵試下女神麵配料就比較清 唔會肥 好岩女士食個麵好豐富 好多配料我最中意個腐皮卷 冬菇 同花膠腐皮卷好厚身 咬落啖啖腐竹 好食冬菇炆到好淋 好入味最surprise ge係花膠 舊花膠係勁大舊 同埋唔係薄身 咬落係有厚度 好抵食鐵板西冷牛扒💛朋友唔想食車仔麵 就叫左牛扒餐食 個牛扒餐都好豐富 好抵食 有牛扒 薯菜 餐湯 麵包 同飲品個牛扒好大塊 又有牛味 同埋煎得岩岩好 滷水拼盤💛我地今日好肚餓 所以叫多左個小食食我地叫左個滷水拼盆 揀左紅腸同豆腐本身以為$26 係一個小拼盆點知係咁大碟 真係好抵個豆腐好食 而紅腸就正常同埋個滷水汁調得岩岩好 唔會咸而飲品我地就叫左凍檸茶同凍檸水…查看更多

今日係大埔做完野 見到尼間餐廳好多好評所以就試試佢ge Lunch 果然冇揀錯 好食又抵雖然餐廳係一間小店 但佢ge裝修都唔馬虎鋪頭細但坐得舒服同同事都係叫左lunch set食Lunch set 包左一個主食 一個沙律/湯 同飲品我自己叫左個Pad Thai 個Pad Thai 炒得好香 又唔會油 加埋d花生碎 乾辣椒碎 辣度甜度岩岩好 好食尼個set好抵食 仲可以加$8換個小食我叫左個蝦餅 炸得好脆 唔會粉 好食👍🏿同事就叫左個海南雞飯 雞肉嫩滑 唔會鞋口加配ge豬頸肉都好食…查看更多

老馮好耐之前食過一次 覺得好好食今日經過 又唔洗排隊 就入左去食裝修好特別 係懷舊香港主題叫左三個點心 三個都好食金沙腸粉原本以為係咸蛋野 點知係入面炸米紙包住原粒蝦 個紙米仲係好脆 腸粉外軟內脆 好有特色蝦餃蝦餃好大隻 皮又簿好鮮味同埋一定要配埋佢個辣油 好好食蘿蔔糕好足料 煎得好靚 好香口 點埋辣油仲正如果係大埔想飲茶 推介去老馮不過假期應該會人多 可能要早少少排隊…查看更多

自己本身好鍾意豆類products 經開附近見到開左就即刻買黎試下本身想叫豆乳涼粉 但係冇晒 就叫左豆乳紫米估唔到兩樣野好夾 好好味豆乳味好濃 口感好rich 加埋紫米 好似食緊糖水咁 同埋最好ge 係可以少甜 咁就可以飲到濃濃ge豆味另外 佢個樽設計都好靚 我都留起左出街裝水飲🤣…查看更多

想食個間台灣野冇位 所以就去左尼間試下估唔到d野食又幾好食 同埋好抵鋪頭比較細 坐落會迫左小小叫左兩個小食 都幾不錯個皮蛋唔會好辣 個個都食到蛋餅好食 好似係台灣食咁 主食份量都唔少雞絲麻醬麵 個麵ok 如果個麻醬再濃d會好食d鹽酥雞蔥油撈麵個雞扒好大份 同埋炸得幾好 唔會多粉但係蔥油就唔夠香 再香d會好食d茄子肉燥飯茄子夠味 好食個肉燥味道都唔錯個鍋份量好多 好足料同埋個湯底好味 食晒d料 再食麵會好飽我地都叫左幾杯野飲 普通台式飲品 正常味道野食overall黎講都幾好食 同埋價錢抵想食台灣野都可以考慮尼間…查看更多

出開apm 多數都會食京饌因為多菜式而且又好食口水雞辣辣地 幾開胃岩晒夏天食豬踭豬踭好大舊 好多肉酸菜魚尼個酸菜魚好好食唔會咸 同埋個酸辣岩岩好入面都好足料 個魚片好滑 除左魚片 仲有豬肉片食完d料後 我地仲飲埋個湯蟹粉石鍋飯尼個石鍋飯又係好好食好多蟹粉撈埋d飯一齊食 好好味上海粗炒正常發揮 冇咩特別片皮鴨由於我太耐冇食過 所以覺得好好食朋友就覺得正正常常 冇特別驚喜自己覺得燒得幾靚 皮同脆尼間上海菜野食好食 而且環境舒服 位置寬敞 好岩同朋友或屋企人聚餐…查看更多

因為約左人係附近食飯 所以就問問朋友有冇好食餐廳 朋友介紹左尼間餐廳環境幾好 座位幾寬敞好岩一路食飯一路傾計串燒拼盆拼盆有豬頸肉 豬牛雞串燒串燒味道同肉質正正常常 冇特別豬頸肉幾入味 幾好食炒通菜食泰國野好中意叫炒通菜食都幾有鑊氣 幾好食但就凍左少少 如果熱d就好椰香海鮮焗飯朋友極力推介 話一定要食所以我地都叫左黎食真係好好食！個飯好多海鮮 好豐富重點係個椰漿 撈埋d飯一齊食好香好好食我地食唔停食完個飯再飲埋椰青水 好perfect …查看更多

好耐之前都已食過尼間上海菜今日見好耐冇食過 就入左黎食比起之前 d野食係好食左雞絲粉皮叫左個輕量版 真係好細碟 幾啖食得晒但個味道就幾好 份量大d就好四川擔擔麵個湯底好濃 有花生香味 好正麵質煮到岩岩好 酸菜魚見到menu寫住係招牌菜 就order左招牌菜果然好食同埋份量都多 除左有魚塊同大量酸菜 仲有千頁豆皮 蓮藕同粉絲湯底夠麻酸魚好滑粉絲索晒味 好正 好好食 唯一不足就係偏咸左少少小籠包食親上海野必食皮夠簿又多汁同埋個肉都好食再點埋醋一齊食 正…查看更多

朋友想搵個地方可以食下野傾下計 所以搵間靚靚地 坐得舒服ge食餐廳內裝修好舒服 文青style 食野之餘都可以同朋友打下卡我地叫左兩個set dinner有湯 有個主食 同有杯野飲今日湯就係洋蔥湯 本身自己都唔係特別喜愛洋蔥湯 所以覺得冇咩特別主食我地就叫左一個意粉一個飯明太子貓耳朵 本身自己好中意貓耳朵 所以見到有就一定會叫黎食 個貓耳朵硬度煮到岩岩好 加埋個明太子醬一齊食 好好味👍🏿炸雞南瓜飯 個炸雞炸得幾好 同埋個南瓜飯都幾好食野飲就冇特別 正常水準如果想傾計食野 尼到真係唔錯 坐得舒服 野食又幾好食 不過份量唔算好多 如果大食的話 就要叫埋小食先夠…查看更多

朋友請我食飯 叫我自己揀餐廳大家都中意食日本野 所以就搵港島區日本餐廳上網見到尼間居酒屋食評都幾好 所以決定試下尼間餐廳餐廳唔算好多位 個晚我地早食 所以就唔洗等位 我地兩個人叫左三樣野 慢慢食 都夠飽叫左幾串燒物 燒得幾靚 都幾好食再叫左個卷物 個吞拿魚魚蓉同帶子都好新鮮兩樣野都好岩夾 飯入面仲有牛油果 好好食最後我地叫左個刺身 因為我地都唔係好餓 所以店員介紹我地食尼個刺身 份量岩岩好 D刺身好新鮮 款款都好食 同埋種類都多連平時我少食魚刺身都中意食 尼間居酒屋價錢ok 同朋友一路傾計 一路慢慢食係坐得好舒服如果下次再食 我地應該會叫埋酒 邊食邊飲！…查看更多