yuentingchun的个人专页

已經成為左呢到既常客，通常都係點198澳洲牛柳食，幾好食，有湯、薯條、意粉、沙律，好抵食🥹蘑菇湯係我最愛，次次都想飲多碗，湯入面會飲到碎蘑菇，好香小食都好好味，特別係個唐揚炸雞，$48 有5件，好juicy，肉味都好好食，係出面啲炸物店食唔到既味老闆娘都好親切，會記得黎過幾次既客人，成日都送日本買返黎既糖比我地食🤣🤣每次返工返到好攰就會黎食，入到黎會有種終於可以放鬆、溫柔既感覺，唔係好貴，野食質素ok，裝潢好日系，係值得支持既小店。成日都會見到老闆娘係門口堅持宣傳舖頭既手工意粉，可能係地理位置唔算好方便，客人不是很多，衷心希望多啲人發現到呢間店，多啲人黎食，支持支持！ …查看更多

真心建議唔好食，伏到xx1）野食難食146蚊嗌個海膽豚肉蛋包飯，海膽唔新鮮之餘，啲飯係純白飯，連炒都冇炒，啲蛋都完全冇特別，唔係啲咩旋風蛋，成餐飯得幾塊豚肉ok, 其他淡而無味，我呀媽炒飯都比佢好食，完全唔知點解可以值146（茶仲要加5蚊）2）服務態度差入去坐左一個窄到pk既位，係想坐後啲都冇位個種，問侍應可唔可以調位，佢聽完零反應，我仲以為佢聽唔明中文（但原來唔係），過左一陣先有人黎話唔可以，但明明其他2人位冇人坐。幾個侍應講野大聲，夾雜粗口，明明收加一服務費，但從來唔黎幫手添茶，5蚊既茶先飲得一杯。總結，又貴又唔好食態度又差。…查看更多