yukiwongloiter的个人专页

下午茶時間嚟到九龍灣嘅Beans Cafe，唔使等位就入得。整體環境好靚好舒服，但叫嘢食嘅時候，發現Menu有少少臭味，可能因為潮濕或者清潔用品影響啦，職員收走左都冇咩問題嘅。----------分量及價錢我哋叫咗抹茶流心多士同單骨雞翼薯條，再加左一個黑松露醬薯條，三個人食分量剛剛好，而且買單都只係70幾蚊，每人仲有一杯嘢飲添。----------食物加錢嘅呢一份黑松露醬薯條嘅醬好慷慨，足夠點埋原本單骨雞翼配嘅薯條都仲有淨。依個單骨雞翼亦非常新鮮熱辣，即叫即整。飲品我哋叫咗比較特別嘅係焦糖燉蛋拿鐵同伯爵茶拿鐵。伯爵茶拿鐵茶味香濃但整體味道就比較淡，鍾意清清地嘅都係一個好好嘅選擇。而焦糖燉蛋拿鐵就比較甜啦，我自己個人喜好鍾意飲甜野，所以好鍾意呢一杯飲品，另外我亦都唔可以飲太多咖啡，但呢一杯嘅份量對我來講剛剛好，所以都好鍾意。----------服務一入門口嘅時候冇人主動招待我哋，以為係自己拍安心出行然後入座，點知突然間有職員叫停我哋問我哋有冇位，叫我哋出返去scan返安心出行等等，呢個位係有少少愕然嘅。但係點餐嘅過程，會有人喺手機落單之後嚟到你嘅枱再同你覆多一次單，用餐嘅過程，唔會強行喺你枱面收走嘢食，又或者阻到我哋用餐傾偈嘅時候，直到結帳，服務都非常不錯。----------…查看更多

午餐黎左呢間餐廳試雖然以午餐黎講價錢較高但佢既餐唔會令你失望食物-龍蝦包用排包做 非常喜歡 包好厚 個餡仲好多 好足料份量-非常夠食 配菜既薯波 係滿盤咁多味道-好好 朋友們都好啱食 龍蝦包雖然唔係話好鮮好鮮個種 但就算撈左沙律咁夾左係包入面都仲食到有龍蝦香 另外份牛 生熟剛好 唯獨牛既配菜炸菇有少少涼左 入面既菇略微清左少少環境-去過兩次都唔係好多人 以吧枱為主 都舒服的 靠牆既吧枱 有一級踏腳 有細心位總括-好中意呢間店 去既時候 聽到有熟客再去光顧 仲俾左啲意思 老闆都好樂意接受 仲記得佢地之前講過啲咩 野食好味 夠飽 菜肉都有 good good !…查看更多

日式既裝修好正太耐無得去日本 入到去好有去左旅行既感覺叫左好多串燒 牛肉 饅魚飯當中厚切燒牛舌真係好出色好有牛油香 比起燒牛既味仲濃仲香我地比較夜入地有好幾樣想食既魚都賣哂（本身想食銀鱈魚西京燒）另價錢相對貴左少小小要食得飽都大約要$400-500 一個人不過間唔中開心下都係一個好選擇…查看更多

好特別既牛扒餐廳，因為呢間餐廳既特色係淨係得一個餐。對於有選擇困難症既我，真係太好，不過始終都要揀野飲，哈哈。結果個肉真係無失望，專心做好一件事果然好啲。肉味好香，medium 亦岩岩好。而任添既薯條亦係驚喜，好似唔洗錢咁係咁夾俾你，但質素竟然好好，次次都外硊水軟，熱辣辣架！個餐仲包埋甜品，黎慶祝既朋友記得book 既時候可以remarks 寫低你既祝福呀！驚喜easy easy😏👌🏻…查看更多

今次去左試呢間新既越南河，整體食物都唔錯，入邊嘅嘢食你竟然有發現到小驚喜喎，估唔到佢嘅芽菜竟然超級新鮮，好甜好甜呀！仲有個雞翼，熟嘅程度適中，仲有個秘製醬汁，酸酸甜甜咁，值得一試啊！…查看更多

本身入黎想食個all day breakfast，聽聞好好食，點知原來已係無左，不過好在蛋糕同個咖啡都好好味，拉花好靚好細緻，見到都心花露放，有空閒黎坐一坐都你個好好選擇。…查看更多

慢煮肉類初體驗，牛肉肉質有點過老，有點難於咀嚼，果汁非酒精飲品亦相對淡味。當中唯獨豬扒適中，有肉汁，無蘇味。而佢既餐刀亦非常特別，購滿一定金額仲會送一套俾客人拎番屋企添。整體份量充足，又可以慢慢叫野食，慢慢坐，三五知己黎食個飯吹下水係幾好既選擇。…查看更多

係度食左佢既團飯套餐，食物質素好好，一圍菜都唔會因為量製而失色。咁多樣野我最鍾意既係臘味飯，扁身既瓦兜，令每一啖飯都有濃濃既臘味味，正呀！而最為特別就係最後因為無紅豆沙，而補上既燉雪梨，酸酸甜甜，好特別好解濟既一道甜品。…查看更多

經過就已經聞到好香既焗麵包味，明明未食飯都吸引左去食番個先繼續搵食。我地點左個爆米花焦糖味既，外皮夠脆，雪糕甜度剛好，重點佢中間原來真係有好大粒焦糖！整個泡芙都超甜呀，我鍾意👍🏼…查看更多

黎到呢度固然要食水產，入到餐廳海水味已經好重，應該係因為佢地有自己缸養住啲海鮮。其實野食整體唔差，燒海鮮有人服務，不過睇煮隻鮑魚活生活煮熟，係咁蠕動既個種折騰就未必個個睇完都會想食。佢有個特別係佢既壽司飯並非一般既，已加調味，雖然我就其實食唔出係咩（應該係之前個味蟹蓋太重味），但都欣賞呢個細心位。值得一讚係上菜速度比一般日本既食堂快，而且夠熱，就算有漏左單，好快就送番上黎。仲有就係佢係分佈上留左俾每個位置都有充足既私人空間，整體環境比較靜，多人又有小U枱自成一閣。美中不足既係價錢偏貴，唔算太抵食。…查看更多

因為openrice訂座有優惠既關係黎左呢度試，點知都幾有驚喜。我地係閒日去食，得四五枱，可以靜靜地傾下計打下binno都得。牛肉唔係太薄，有口感亦不失牛味，我本人中意食啲較多脂肪既，以火鍋放題既牛肉黎講，真係幾唔錯。而且菜既選擇都有好多，都幾新鮮。…查看更多

有次行過見到佢新開，裝修好日本，拎左卡片，今個星期五就立刻去試一試。點菜（二人份）：1. 三文魚子海膽吞拿魚飯2. 鰻魚飯3. 池魚刺身4. 巨峰提子梳打三樣野食都好好食，服務好好，我地九點去到，唔洗等位就入得。特別要推介個海膽！真係好甜又唔會腥，仲要好足料，真係啖啖都有海膽！饅魚飯都好扺，好大條，有足一隻手板，仲好厚肉添。其實佢仲有好多小食同魚都好似好好食好想試，不過已經好飽，唔想浪費唯有下次再黎試啦！…查看更多

十三姨係女人街一旁既食市，唔難搵，由地鐵慢慢步行十分鐘左右就到。同朋友兩個人黎食，點左以下菜式：1. 鵝肝剪蛋飯2. 十三么- 雞肉叉燒&手撕雞麵3. 柚子梳打3. 黃牛食物水準都好好，特別既係，無諗過$108既鵝肝飯真係好同張相一樣咁大塊之餘，入面仲真係煎到有流心。不過如果唔選擇同朋友share 黎食，可能食哂一個就太飽太濟。另外飲品都好特別，黃牛係芒果味雪糕加忌廉，甜度適中，但個人就覺得食野時又要飲哂全杯真係太多了。至於柚子梳打，佢其實係好普通既配搭，但佢竟然可以提供成樽鹽俾你自己慢慢倒，包你倒到岩口味為止！鍾意食鵝肝既朋友不妨來試試喔！…查看更多

Happy Friday 既今日，知道呢間店既北京烤鴨好出名，所以黎左一試佢手勢。我地叫左1.四人餐2.炒年糕3.雞絲粉皮雖然價錢係比較高，但鍾意食下中菜既都不妨一兩日黎豪華下。四人餐既份量絕對無呃人，女仔既話，六個人都可能夠食。餐內包左烤鴨，以片皮鴨方式上，有皮又有肉，絕對無欺騙小市民，而且唔係好肥，可以食幾舊都唔油膩。另一樣係個小籠包，我本人都覺得好好食。仲值得一讚既係，佢上菜都好快，對於我呢種一去到餐廳就立刻肚餓既人，簡直係天堂呀～…查看更多