YJYTT的个人专页

天氣凍最啱食羊腩煲，專登過黎試，黎到真係每枱都食事。環境唔算好迫，整體算係企理。我哋一行四人，叫咗個細份嘅羊腩煲，都夠食。不過味道就一般，未算超級出色。另外可能本身個煲有啲唔平衡，搞受力唔均勻，都要耐啲時間先整返熱成煲。除咗食羊腩煲之外，另外仲叫咗啲小菜。魚皮喺朋友話一定要試，果然冇失望，份量都幾多。滷水鵝就相對普通，唔算太吸引。另外，椒鹽豆腐都好好食，送酒一流。雖然係平日嘅夜晚，但係都超級多人，座無虛席，仲見到keep住有人嚟買外賣羊腩煲。店員都好友善，但真係冇人手，有啲叫咗嘅嘢好耐都未到，又或者根本忙到冇時間處理。性價比唔算好高，同只收現金。不過好彩嘅係冇限時，可以慢慢傾偈慢慢食。…查看更多

好耐無食呢類任食邊爐，今次可以狂食牛實在大滿足。同一般任食火鍋類似，有唔同嘅湯底同價位嘅set 可以選擇，當然愈貴愈多好款。不過我就無揀最貴因為覺得都好夠款。食物分2大類，肉類就用電話scan QR code 落單，其他就可以係自助區拎。開始會直接上一個拼盤，打卡一流，雖然薄切但都好食。之後點嘅每碟都唔會太多，可以試晒啲款都唔怕。建議可以每樣試一碟先encore 鍾意嘅部位，肉嘅質素同味道都出色！Btw 好彩訂左位，本身以為平日無咩人，點知都好快滿座，走個時要排隊。環境幾靚，同坐得舒服，唔會好迫。雖然限時，但啲野上得快所以唔會好趕。食物質素同服務都有驚喜，性價比高，食肉獸一定會好滿足！食到勁飽之後先知原來仲有甜品，真係好抵食…查看更多

呢排睇得多韓劇就好想食韓國嘢。以前去開觀塘分店，今次第一次喺樂富，感覺仲舒服。可能去到未夠六點，所以唔多人可以即刻有位。太耐無黎，原來而家可以用電話落單，方便好多。而且餐牌都有啲轉左，好彩有我想食嘅水冷麵！款式選擇多咗，搞到有啲心大心細。不過今次一早決定好食水冷麵，所以就唔考慮其他選擇住。雖然之前食過呢間餐廳幾次，但都冇食過水冷麵，好彩完全冇令我失望！份量十足，魷魚就彈牙唔會太韌咬唔開。仲有啲蘿蔔同青瓜絲伴住食，小小辣好開胃。另外今次仲試咗個炸紫菜卷小食，非常驚喜。入邊係韓式粉絲，即叫即炸，味道好好，唔需要任何醬汁都好好食。其實佢其他菜色，特別係甜品都好吸引，唯有下次等多啲人嚟先可以一齊試到多啲款式。…查看更多

自己試過就明點解咁多個食評都係有負面評語。叫咗雞絲河粉，啲河粉碎到要用匙羹先食到。食物未至於唔入得口，但份量少，價錢唔係平，賣相差到相都唔想影。最不知所謂係個收銀嘅態度差到一個點！叫餐號話唔知係咩，咁叫食物名，都可以覆三次都錯。搞左勁耐，我話我自己外賣落單算，外賣自取仲平過佢，佢就突然出單話出左，無得改。係咁用不友善嘅態度恐嚇我，話出左就出左。當刻我錢都未比，就係到威嚇我，後來有個疑似經理高級啲人行黎話唔緊要，唔好咁，個收銀先停左指嚇我。雖然佢話取消無問題好小事，但最後我都照比左錢唔想煩到人。其實唔改得大可以正常講返，態度咭洗咁差，亦無必要咁無禮貌係咁鬧人。啲咀臉差到唔知以為同佢有仇咁，勁黑人憎！雖然個經理好禮貌有心處理番，但以後唔會再幫襯！如果大家想比人鬧可以去見識下…查看更多

本身唔算特別好泡芙，但見大家都講到好好食，所以點都要試下。要食到真係唔容易，由於只開平日，有時什至唔開。而且一日最多只有2輪，味道到個日先知。仲要大排長龍，所以買唔買到好講運氣。店舖只做外賣，每人限買4件，安排好流暢。店員全部都好友善，會有截龍同positioning, 避免大家白排買唔到。好欣賞成個安排，好清楚，開鋪前已有人排隊，好彩成功買到！每個味都買左個，全部都好好食！個泡芙係脆皮，中間仲有麻糬，配合好好，係啲朱古力粉會食得「論盡」。而今次泰色奶茶係最驚喜，唔會太甜又特別。可惜呢輪無最想試嘅開心果味，唯有睇下幾時再碰運氣。…查看更多

冇咗晚市堂食，好彩趕得切入座。雖然卡位冇晒，但窗邊高枱一樣舒服relax。由於四點九last order，所以今次好快決定到食咩，用電話落單，相當方便。今次繼續叫咗我最鍾意嘅all day Breakfast & waffles。佢嘅all day breakfast，大大份，作為early dinner 非常滿足。超多蘑菇，蛋又煎得剛好，絕對令人滿意。不過可惜今次，舊包唔同咗。由於臨近收舖時間，所以窩夫冇得後上，不過依然係保持水準，就算凍咗，都依然非常之美味。味道調和，加上中間嘅麻薯，配上佢嘅雪糕，一定唔會令你失望。其實仲有其他甜品，但好多都已經賣晒，下次要早少少嚟到先得。咖啡方面，cappuccino 正常發揮，而今次杯expresso tonic 好有驚喜, 冇冰但係又做到夠凍，一啲都唔容易！值得一試。…查看更多

等咗咁耐，終於有機會來試。今次工廈美食挑戰好成功，非常之有驚喜。雖然餐廳唔太大，但裝修非常有心思，打卡一流。疫情之下，冇咗晚市堂食，所以選擇左外賣。由於去到嘅時候時間已經比較晏，好多款式都已經賣晒。好彩，我目標想試嘅三文治，仲有得賣。心大心細，諗來諗去要咩款，最後揀咗高營十足，有豬有雞嘅三文治。呢個三文治，完全冇失望，份量十足，真係做到韓式三文治嘅效果。本身個包裝，已經切好咗，食起上嚟非常之方便。另外叫咗All day breakfast，加錢轉左燒牛肉，絕對物有所值！牛肉燒得啱啱好，非常出色。完全感受到餐廳嘅誠意，包裝好精緻，嘢食拎到返屋企，都仲係熱㗎！熱齋啡都好好飲，有機會，要試吓佢嘅飯團，同埋其他款嘅三文治，樣樣都好吸引！…查看更多

今次慕名而來，就係為咗試呢個慢煮牛。之前朋友嚟過，大家嘅食評都好兩極，今次終於有機會自己體驗。冬天時間嚟到，有期間限定嘅羊。不過自己本身好鍾意食牛，所以黎之前已經揀好咗一定係食慢煮牛。喺開舖嘅時候嚟到，所以即刻有位。店舖唔太大，但係簡潔整理，而員工都好友善。點餐後野食好快就黎到，唔洗等好耐。味道唔錯，份量都夠。但有少少失望，因為一邊啲牛就煮得好似太熟，另一邊就剛好。另外如果係用日本米，或珍珠米，相信效果會更好！…查看更多

餐廳係比較工廠區，門口唔係太明確，真係要一個唔留神，行過左都唔知呢到屬於半自助嘅形式，自己揀好野食再出去order, 然後就有人拎野食過黎。喺大概早上11點嚟到，所以仲係早餐Menu，價錢相當抵食。雖然話係我哋Breakfast嘅輕食版，但都好夠食。蛋炒得好滑，仲配牛角包，非常好食。另外特別喜歡佢嘅培茶latte, 朋友話佢嘅水蜜桃茶都係用新鮮水果整，唔係糖水味，都好好飲。可能未到午餐時間，成間餐廳冇乜人，不過都限時只係可以坐一個鐘。其實如果無咩人，可以坐耐啲更好。…查看更多

平日晚餐時間嚟到唔好唔到咁多人，座無虛席。由於全場都爆滿，店員好忙，有漏單嘅情況，但係都好有禮貌咁快速跟進。食物質素幾好，雖然唔算特別平而且揀中嘅都賣晒，但店員會主動介紹其他選擇。所有都好食，又精緻，店內打卡環境一流！Happy hour buy 1 get 1，round 1 唔算特別抵，還可以接受。不過如果飲第二round，就可以同朋友share，就會抵啲。因為真係未必每個人都飲到咁多杯。由於都係高櫈，係爭個地方擺袋，無咁方便。整體感覺唔錯，有機會會再嚟。…查看更多

之前成日見人打卡，今次終於試到，而且完全無失望，超級好experience! 所有員工都好友善，環境乾淨舒服，食物質素高，餐牌設計有心機！完全係物有所值！知道本身從好少位，所以早少少去，十五分鐘到就位。最好係去到留電話等位，唔洗企喺餐廳門口等。因為係街鋪，大熱天時如果喺門口等都幾辛苦。去到登記，差不多有位店員就會打俾你同你講預返幾耐時間返去非常之有禮貌。成個環境設計好簡潔，係非常之舒服嘅日本風。雖然坐唔到榻榻米嘅位置，但靠牆位置一樣正。單係睇餐牌已經覺得有心思，食物選擇雖然唔太多但係每樣都超吸引，真係揀得好辛苦。而且飲品都好有特色，樣樣都好想試。今次揀咗期間限定嘅蜜瓜蛋卷，絕對物超所值，大件精緻，又好味！啲cream都有清新嘅蜜瓜。而飲品都好好飲，充滿黃豆粉本身見到仲有個栗子甜品好吸引，但今日食咗午餐先去已經好飽，唯有下次先食。…查看更多

充滿驚喜嘅假日brunch，性價比高，質素絕對可以媲美酒店自助餐。真係同其他食評講嘅一樣，冇失望。食物選擇都好多，主要分cheese & ham, salad bar, 海鮮 同甜品。賣相靚，味道都好好，海鮮夠fresh！而且有Pizza 同 pasta ，都係即叫即製，份量唔會太多，可以試多幾樣。食物氣氛環境服務都好正，可以食足3粒鐘。雖然唔包飲，不過可以加錢，有free flow。而且食甜品都食到飽，有哈根達斯，仲有啲味幾特別，食雪糕都已夠回本，真係大滿足！…查看更多

由於臨近中秋節，所以個餐牌都有少少改變，但係完全冇失望，非常之出色。好彩朋友一早嚟排隊等位，如果唔係都未必食到。因為一日只有分三輪，每次得五張枱，可以食個鐘，換句話說每日即係得15張枱。之前見啲打卡相都好靚，好彩食物，環境，服務都冇失望！成個set，睇落好似唔係好多嘢，最初仲驚唔夠食，點知食完真係好飽。有一兩樣係換咗做中秋節限定，有一粒非常之名貴嘅朱古力，仲有個月餅。個月餅真係有伯爵茶味，好食。朱古力都唔差，但又唔覺得咁特別。雪糕就有好飲嘅牛奶味。反而其他鹹點甜點都好出色，又精緻！真係睇得又食得。而且店員都主動幫手影相，服務一流。雖然成個set唔平，但絕對係開心嘅！…查看更多

黎迪士尼次次都食快餐或者buffet, 今次挑戰中菜幾有驚喜。佢用網站睇menu ，揀好野食再搵人落單。今次嘅係每位計，類似set lunch 咁，會因人數多少再決定可以揀幾多款菜色。初時就咁睇menu 好似覺得好少野唔夠飽，因為大部分都係小食或前菜咁。點知食下食下原來係好夠食，而且味道都好。最出色係個炒飯，好有鑊氣，仲要有湯同甜品，完全喜出望外，我地個個都食得好滿足 另外環境同服務都幾好，係一個主題樂園到食，其實都算實惠。…查看更多

之前喺台灣食過，一直念念不忘，早排香港開左話排隊所以一直未有機會試，今次終於食到。人唔算多，排左十分鐘就入得，環境幾日本食店feel，乾淨簡單。有期間限定軟殻蟹版，但我自己揀左中價位有魚嘅。真係即叫即整，所以食物夠熱，味道都好。等左十分鐘到就得食，魚都幾大條，但就相對起台灣食嘅版本就薄左少少，不過可以接受。唔會太厚粉醬，呢個價咁多配料，都算抵食。其實冇喺日本食過，希望下次有機會喺日本試吓當地嘅味道啦！…查看更多