三文魚先生的个人专页

週末過嚟食點心嘆茶，唔係好多地方有龍井，點心一如以往嘅高水準，蝦餃唔係市面一般落咗甜味精嘅味道，今次陳醋鱈魚粒份量少咗一點，但係雞扎嘅份量又多番啲，龍蝦餃嘅孜然味重了一點，掩蓋了蝦嘅鮮甜，相反三隻餃入邊嘅蟹肉味就好豐富。叫咗新出嘅公和豆腐芝麻凍糕，食完之後嘅感覺令我一定要寫呢個食評，我唔係好喜歡芝麻類嘅中式甜品，但呢個凍糕不論味道配搭賣相口感，可以話係中式甜品嘅五星級，作為整餐嘅結尾部份，堪稱完美。…查看更多

隔咗一排冇食，專登想食金邊粉，今次叫咗個蟹肉炒金邊粉，佢個金邊粉係用醬汁炒，未食之前聞一下個味道有啲怪，食咗一啖真係唔對路，問佢可唔可以換第二樣嘢，結果換咗一個平$20嘅黃咖喱蟹肉飯，以前食過感覺唔錯，點知而家個汁真係唔同咗，冇咗以前嘅香味，只係鹹味多，蟹肉又少，前個汁一定會食晒，而家食剩算啦，決定唔會再幫襯佢。…查看更多

諗住約人食好啲，點知約唔到，唯有自己食，第一次幫襯外賣蔥油叉燒飯再加隻蛋、凍檸茶少甜多檸汁，去到拎外賣，見個袋綁得好實，唯有信佢冇執錯，點之⋯⋯ 杯凍檸茶變咗奶茶😕 算數，諗住個飯OK補返數，啲飯係OK，但係啲叉燒😫⋯⋯啲叉燒咬落去全部係爽肉😓，其實即係腺位，即係身體裏面嘅過濾器或者內分泌系統等，好多人不以為以冇所謂，太興有時叫瘦叉都會遇到，唉點知呢度又有，結果我全部掉晒，如果唔係加隻蛋真係冇嘢食😭⋯⋯…查看更多