ohnoally的个人专页

難得早放工，一早去到間餐廳拎位，好開心2人位淨係等2 張慢慢越嚟越多人，員工小姐叫號入座，發現比竟然比我哋遲嚟嘅4人台都入咗去～ 2人台就一張都冇叫過😅問下個員工，竟然解釋係因為我前一張枱嘅2人台未齊人，所以就放左我之後嚟嘅4人台入去😓（而唔係放我入去🙂）然後黑面叫我再等下。好荒謬，睇嚟我前面張飛一日未齊人，後面個客人就永遠都冇得食🙂…查看更多

每逢有Dining city，都會試吓新餐廳Dining City$198一位，呢個價錢都唔可以太高要求，就抱住試一試嘅心態🙈點知…當食完沙律，正式開始鐵板燒之後…..1）餐牌上全部都係兩道菜一齊烹調😨所以每次一上菜，一碟就會有兩樣嘢😨擺盤完全係大雜燴，整體流程好似食快餐2）餐牌嘅海鮮都係急凍海鮮，食物本身味道同埋調味有好大嘅進步空間….鐵板燒講求嘅食物新鮮，視覺享受同廚師交流呢度係零，但係$198冇計嘅3）食到炒飯嘅時候，廚師竟然炒完蛋先落白飯🤯 然後先至再炒海鮮粒，隔籬枱嘅廚師都望咗眼⁉️ 後來發現其實原來負責自己張枱嗰個應該未到廚師級數..佢係着黑色衫而隔籬枱個廚師係白色衫🫨總括而言，$198一位雖然話唔可以有咩要求，但係我相信餐廳本身都係想藉住Dining City 帶嚟多啲新客同生意，如果呢種體驗同食物質素我諗只會適得其反🥲 …查看更多

好少喺機場食早餐，呢到Egg Benedict 真係出乎想像😱包好脆，蛋岩岩好，加埋火腿整體味道好balance ~係難得喺機場食到好味嘅嘢食😋不足之處係加埋個通粉太大份，小女子實在食唔晒🤣…查看更多