WongYanKi的个人专页

富來休閒農莊🐢聖誕節🎄，我一家大小去了農莊玩。發現呢個農莊好多野玩，十分適合一家大小連寵物👨‍👩‍👧‍👦🐩。大人可以釣魚釣蝦打麻雀唱k打波。小朋友仲多野玩，餵羊，睇龜龜，玩電動四驅車（Bb 可以爸爸用遙控），撈金魚，迷宮，兒童遊戲區，公園設施&沙地。聖誕期間仲有攤位遊戲&泡泡機。👶🏻我家小BB（歲半）玩到超開心，喺草地都同爸爸玩左踢波好耐，有大片草地好好，唔駛怕佢跌。燒烤係任燒三小時，基本丸類肉類菜類都齊。可以揀網燒或者义燒，好開心有Bb椅～Save our lives!推介健康人士可以試吓佢無添加的涼茶！仲想講呢度的職員好friendly💕…查看更多

葵廣掃街😝雪花冰❄️❄️我又去左葵廣掃街😎頂層大路位置新開左間鋪食雪花冰❄️天氣熱辣辣🔥真係食冰的好時候～榴連飄香❄️只限即刻食🤪我係食大盆，覺得2-3人食。係一舊榴連蓉+牛奶冰+蜜瓜。牛奶冰有驚喜，幾濃牛奶味，仲要好綿添。三芋仙草凍我仲買左個甜品番屋企食🤓究竟我有幾多個胃🥳材料好足，每一羹都好多料。呢碗有芋頭粒，芋圓，小芋圓，紅豆🫘，西米，仙草。2個人食都好飽，可能因為有芋頭。個芋頭好粉（/沙），好好味😋唔知大家係唔係都比較鐘意食粉的芋頭。…查看更多

印度正宗咖喱🍛荃灣唔算有太多印度菜，想食都唔係咁容易。無意間發現左呢間新開的印度外賣店，即刻買嚟試試😆，因為係外賣自取的關係，見到真係印度人煮，更加期待😚🐐Lamb Murtabak 印度羊肉煎餅係夾住羊肉洋蔥等香料煎餅，羊肉香料都唔算好濃味，算係入門級的菜式，仲配上甜甜的醬，幾好味。🐔Chicken Madras 印度椰子咖喱雞相比之下，這個咖喱的香料味較重，比較濃味。有好多咖喱汁，配飯一流（我自己煮左個飯），雞肉又唔會柴～唔食辣的我覺得好辣🔥，食辣的家人（3小辣）覺得係3-4小辣，係有後勁個種，食得多應該會流汗個種😂🍨Gulab Jumun(Hot) 印度玫瑰果呢個我覺得必試，好特別幾好味，可以解辣👍🏻，係有d煉奶味加清甜味的炸蛋糕波波。特登wiki下，係特色的印度炸乳酪球。🥡各大外賣平台都買到！…查看更多

八時神仙草🌱位於上環的這間仙草店，以綠白cafe風裝修，是來自台灣的過江龍。已經bookmark了一段時間，終於來到😆食透心涼的仙草。🍵抹茶焙茶奶蓋雪花盛盤超推介！仙草冰配上抹茶雪糕和焙茶奶蓋，底下還有涼粉，仲配以一碗紅豆芋圓蕃薯圓，可以一次過食晒所有主打食物！仙草雪花冰最令人驚艷的地方是它的質感，做到細滑之餘，仲有份得別的「拉絲」的質感！一定要試！🥭圓仔芒果嫩仙草盛盤芒果系列都是香港限定喔～這是芒果白玉仙草，配以一碗紅豆芋圓蕃薯圓。仙草的質感都幾特別，好QQ好滑，和我們平常吃到的不太一樣。這裡仙草的特點是不會用上任何的凝固劑，用仙草本身的膠質令它們成形，所以至少煮8小時以上，或許就是口感特別的原因。🍹圓仔芒果甘露凍其實幾似上面的芒果仙草，都是以剛剛的配料。只是少了盤芋圓。芒果汁都是已真芒果來做，濃濃的芒果味！☕️圓仔紅豆紫米牛奶（熱）雖然天氣咁熱，飲熱飲好似有點怪。但食左咁多凍野，你會發現你需要杯熱飲😂。喜歡它不是太甜，但係好足料，會好飽肚。…查看更多

🇪🇸西班牙情調餐廳酒吧🍷這間位於大角咀的餐廳，幾適合放工同同事吹水食飯，南昌旺角都方便去到，旺中帶靜。裝修以黑金為主，樓底幾高，幾舒服。🥚西班牙蛋餅蛋餅上有幾塊風乾火腿，蛋餅內有薯仔，洋蔥，Chorizo粒。鹹鹹的火腿加上蛋餅，幾夾！🍤油浸香草蒜蓉大蝦大蝦好肥美和鮮味，蒜片炸到將所有蒜味逼了出來，好香又惹味～🦐西班牙紅蝦飯這個飯除了紅蝦，還有蜆和魷魚，海鮮份量十足。店員教我們將紅蝦頭膏撈飯，令碟飯更加鮮味。…查看更多

🦌Deer Kitchen荃新天地地下有間藍綠色裝修，有2個大鳥籠卡位，十分搶眼的餐廳。🦪生蠔好平呀～$10/隻！叫左半打！質素不錯，新鮮清甜而且餘韻有d海水味！🍕香蒜黑松露野菌德國腸薄餅薄餅不會太厚太薄～一上菜已經聞到超香的黑松露味道🤤最驚喜係香蒜真係半粒半粒的蒜頭，好甜又唔算太大蒜味。🦀軟殼蟹牛油果意大利飯軟殼蟹幾高質，都幾大隻而且係有膏！外脆內軟的感覺更加鮮明。牛油果令意大利飯creamy之餘，唔會咁膩。🥚焦糖燉蛋好滑～甜度適中！幾滿意的一個甜品！🍹三色世界🧉意大利雙重朱古力今次雖然無叫set，set的選擇都幾多，仲會keep住更新。同埋下次食tea set 會book個鳥籠位坐下🤭。…查看更多

Weekend Vibes~有多間分店的Flames，今次我就去左喺觀塘Two Sky Parc的分店。樓底好高，感覺好chill，裝修係Elegant 帶點清新😆仲有日光~Weekend 去要真係book左位先。今次叫左2個Brunch~🥩New Zealand Rib Eye Steak (8oz)塊牛扒好有牛味&肉汁，係高質的牛扒！薯條本身有調味，唔駛點茄汁都好惹味。🦀Crab Meat Penne 個汁係忌廉加茄汁，唔膩又唔會酸，鐘意個汁。長通粉好有口感，都幾掛汁，而且有好多蟹肉！Upgrade Juice🧃Apple + Cranberry 🍹Orange + CranberryHouse Made Cake🍰Cookies Cheese cake覺得好出色，有芝士味之餘，好香曲奇味&朱古力餅底。覺得係必食！🐾Pet-friendly 🚘免費泊車 -消費指定金額💰…查看更多

荃灣打冷之選🌟荃灣三陂坊有好多打冷大牌擋，今次就選咗間裝修得古色古香的餐廳。餐廳以灰色磚牆，木系的陳設，有種古代feel。幸好我哋晚市6點半就到，仲有空位，好快7點已經坐無虛席，需要等位。🍲砂窩卜卜蜆煲（小）份量好多，足夠4人份量。除了蜆，還有粟米，粉絲，蘿蔔。蜆十分新鮮，又無沙泥，清潔得非常乾淨。真的食蜆本身的鮮味就足夠👍🏻無需要太多的調味。🥢醉潮小炒皇有韮菜，白飯魚，腰果，大蝦乾和小八爪魚。和海味海鮮一起炒，令韮菜都有份鮮味。炸過的白飯魚，超脆好好味，好似送酒的零食，仲有比較平常難買到的大蝦乾，比普通蝦乾，更有蝦的味道。整碟菜口感🦪傳統鴨蛋煎蠔烙即叫即炸，好酥脆～蠔仔的比例比較多，反而唔係好食到蛋😂。啖啖蠔肉好正，又唔會過熟！…查看更多

No boundary💛位於希雲街的No Boundary，感覺比荃灣細少少，都係以工業風裝修，坐位與坐位之間不算太近，都幾適合飲酒聊天🥃。今次我選擇咗誤打幾個幾適合打卡的菜色😆。Fountain Burger⛲️見到呢個Burger即刻「嘩」左一聲，佢個噴泉頭好搞笑😂。噴泉係蕃薯條加上千島醬。蕃薯條算是比較幼。我覺得幼的比較有炸物的感覺，加千島醬幾襯👍🏻。Burger 的肉都比較特別，用咗好多香料，幾重香料味。仲有配上好好味嘅Nachos😆。Mushroom Creamy Risotto with Chicken & Bacon個Risotto 的汁已經稠到見唔到汁，係濃濃的芝士味但一點都唔鹹。幾多菇，不過真係好快飽，適合多人share食。🍄Mushroom Skewer即叫即炸，好大串，好多粒菇。調味不算太多，主要係靠自己點醬。Iced Oreo Chocolate 加左份combo ，有湯有蒜蓉包而且有一杯飲品。Upgrade 左做Iced Oreo Chocolate!飲品都唔錯，值得upgrade!💛…查看更多

Plato Cafe & Bistro💛這間餐廳已經幫襯過幾次，覺得份量都唔少，地方方便，餐廳座位亦比較多，適合一大班朋友一齊食。🍅鮮茄煙肉意大利雲吞醬汁蕃茄燈籠椒煙肉蘑菇製成，加上意大利雲吞。雲吞皮會吸收左醬汁，酸酸甜甜都幾開胃。🐷美國聖路易斯豬肋排豬肋排的醬汁偏BBQ風味的，個人覺得幾好味😋，幾襯豬肋排的味道。豬肋排屬於比較粗骨，但肉的部分都唔少。肉質比幼骨的豬肋排好～唔會柴又有少少軟骨可以食。晚餐包括餐湯及飲品🎃南瓜湯🍹 冷熱柚子蜜…查看更多

健康餃子🥟除咗葵廣有好多好味的小食，其實葵廣對面都有好多的餐廳，今次就試左無味精的好味餃子，外賣拎返屋企食😋店舖有7款不同餃子餡料，可以選擇煎餃或者湯餃。比較特別的有甘筍沙葛肉餃，芫荽肉餃，但礙於第一次食的關係，唔敢試，都係試啲比較平凡嘅口味🤣。 仲有店主推介的野葛菜生魚豬骨湯～好吸引！韮菜肉煎餃米線餃子皮和湯餃的皮，以及普遍煎餃的皮不同，唔算太厚，但有少少麵包的感覺。而且煎左脆脆的，幾特別。菜和肉的比例都一半半，唔會覺得太油膩，健康😇可能無味精的關係，唔會覺得食左好有負擔。麵都可以選擇不同麵類，湯喺帶有胡椒味，米線比較煙韌👍🏻白菜肉湯餃湯米線湯餃的外皮幾滑，菜肉比例都係差唔多一半。湯餃的湯汁比較濃味，外皮都會吸左少少味。餐廳的餃子都係家常的味道，不會過於濃味，要經常飲水。餐飲自家製豆漿滋潤雪梨茶開心搵到間家常餐，可以成日去食，罪惡感低啲😂…查看更多

Le Monde💕悠閑的星期六下午，去到牛頭角近工廠區搵嘢食。發現現一幢商廈入面有間幾靚的西餐，就去試試～餐廳都幾大間，座位之間都幾寬躺，幾配合星期六的vibes~可以傾吓偈！🐖 Grilled Spanish Iberico Pork Chop with Creamy Baby Spinach被譽為西班牙國寶Iberico豬，肉味比一般豬肉強，沒有很多的調味，本身的肉味已經足夠。肉質厚實，滿滿的滿足感。Grilled 的關係，邊位仲會脆脆的💕推介！🍷 Boeuf Bourguignon牛面頰煮得夠「林」，吸左不少的醬汁嘅味道。醬汁做得好好，鹹甜適中，有淡淡的紅酒味。配合洋蔥薯蓉十分之合襯。配餐湯及餐飲是日餐湯係雜菜忌廉湯，味道唔錯，唔會有青味，會配上酸種麵包和沙律🥗。另外我哋將一個餐湯升級為龍蝦湯，鍾意龍蝦湯嘅人，一定要試試，味道濃郁，亦唔會太咸，朋友都十分之推薦。…查看更多

觀塘室內釣蝦場🦐一直好期待去釣蝦😚，今次就去左觀塘工廈的室內釣蝦場！室內場啱晒我呢啲怕日曬雨淋的人😆。個釣蝦場都幾大，有2個釣蝦池，1個進食區。我平日傍晚時間到訪，人流唔算太多，開放左個細池，細釣蝦池劃分好左個位，唔會同隔離太近👍🏻。一入去職員會先教你釣蝦概點釣同技巧，跟住就可以開始釣。場地會提供魚桿，蝦毛（餌），鉗和濕紙巾。都算幾多蝦上釣，不過蝦都好聰明，好容易俾佢走甩咗，我估我都有走甩咗大概3成的蝦😂，未掌握釣實佢的技巧。同埋d蝦係比較肥大而且有鉗，唔係平時酒樓白灼蝦嗰種。而且職員都會不時加蝦落去，增加上釣的機會，我2個鐘都見到3次倒蝦，倒完蝦個刻係最易釣到😆。有d蝦條尾會有絲帶🎀，代表你中咗獎，可以抽夾公仔機會，幸運轉盤，飲品，同埋其他優惠～有得釣之餘，仲有得抽獎！以為2個鐘夠晒玩😌點知唔捨得走，所以千祈唔好揀一個鐘，會唔夠喉。2個鐘係釣蝦時間，之後你可以慢慢食蝦～工作人員會幫你先洗一洗啲蝦，再用粗鹽焗熟啲蝦。今次我哋2個人2個鐘，釣左22隻蝦，好開心🥳，如果我哋技巧好啲，應該會有30隻！即釣即煮真係好新鮮，啲蝦肉好結實，唔使用咩調味料，都已經好鮮甜！如果你鍾意，場地都有提供調味料：豉油、麻油、沙律醬、辣椒醬等。…查看更多

馬灣泰菜🇹🇭最近馬灣有好多打卡位，好快又有貓畫打卡。今次就去左馬灣村屋的泰菜試試～🇹🇭二人套餐（$338）🌟揀三款菜式加一款湯🥣冬陰公湯🍤托文蝦餅🐓海南雞🌱咸肉炒芥蘭🥣冬陰公湯香料味比一般重，而且非常多料，蝦係已經拆咗殼，啱晒我呢啲懶人～🍤托文蝦餅十分之香脆，喺無炸粉，而且個蝦味好香，超推介！🐓海南雞係我經常叫的泰菜，雞肉味道都唔錯，個汁酸酸甜甜幾好味。🌱咸肉炒芥蘭的咸肉幾好，是用了腩肉的部分，不會太咸，又不會像臘肉那麼柴！🥭芒果糯米飯（$58）係藍色糯米飯😮！其實味道都係一樣😆又有滿滿的椰汁好正！芒果幾清甜～不錯的配搭！🧉三色冰&椰青…查看更多

荃灣灰白cafe💛荃灣西最近開咗好多cafe，今次就去左間之前一直想試的cafe💛。裝修以灰白木系作為主調，走簡約路線～📷嗰張半露天可以望住街景的長枱，有日光的時候，食物&人物應該都好靚～千島海鮮🍕呢款千島海鮮係有菠蘿🍍~哈哈哈！我諗香港人多數都習慣了有菠蘿嘅pizza!材料仲有墨魚仔，蜆～比較特別的係有蟹子，多左層口感。帶子墨魚汁燉飯帶子都幾厚肉，墨魚汁燉飯亦不會過分濃味，飯內仲有不少魷魚圈～口感味道都不會單調！🍪曲奇妙趣朱古力加上Oreo的味道～擺到最後都唔會淡左😆☕️Dirty💛…查看更多