一行6人，係銅鑼灣行完街，7点未夠，經過銅鑼灣2期見有新中菜又唔駛等位咪去試下😜唔知係咪早嘅關係，唔係太多人，但地方整潔寬敞，侍應亦好熱情招待，老實係香港依家真係唔多見，心諗會唔係好貴架😅但都入左黎無計，試吓喇😜😜打開菜牌後即刻放下❤️頭大石😂😂無諗過會有驚喜😋因好肚餓，一黎就先点咗8款餸，奶皇流沙包（真係流沙，熱辣辣超正）喵喵紫薯包（不太甜，不好甜嘅啱哂）口水雞（唔太辣無乜特別）雞絲粉皮（麻醬比較杰，味道可以）乳鴿（一定要叫，超juicy+入味，上枱時熱辣辣）原先叫咗2隻，食完唔夠喉要追加多一隻，侍應仲同我地講話每枱必叫，每日限40份，我地早黎先有😂松子黃魚（呢個又係超正，香脆可口、甜酸味道適中，連我女女唔太喜歡吃魚都食唔停口，成條魚應該都起咗骨，脆博博.....一個字「正」👍🏻）干扁四季豆（味道可以，但真係比較細碟😏）黃金蝦（不太油膩，鹹香泗溢，一碟6隻，剛好每人一隻）吃完呢一輪，好似仲未夠喉，再叫咗豆漿娃娃菜（豆漿味濃，菜亦夠淋但略嫌細碟）炸牛腩（因我唔食牛，但老公話呢個好味，用脆漿包住牛腩炸，再點咖喱汁，送飯一流）辣子雞（伴碟有2個蛋黃，其實係份子料理，幾得意，炒得需香但唔辣，連我仔仔都食到😂如鍾意食辣我諗要叫佢加辣😜）上菜好快，侍應亦有殷勤加水換碟，值得一讚👍🏻原先諗住叫甜品燉雪梨，最後都飽得滯冇叫到，下次再試啦😁埋單都係$1200，實在超值👍🏻最係一提，臨走時侍應仲幫我地㩒埋𨋢，真係超好服務，老公讚口不絕👍🏻話服務同食物水準同樣重要，呢度真係值得再黎😂😂…查看更多
