洪澤銘的个人专页

今日打咗兩場波3-4 單車館5-6 坑口中間有一個鐘頭時間咁梗係同frd去 Chopchop食嘢啦！佢哋都係第一次去，佢哋本身食咗lunch所以剩係一人食一個包🤭佢哋兩個比嘅評價都係：「好好食」！煙三文魚都唔少，仲要係沙律菜🤪$28 仲要送熱飲🤭我就冇食過任何嘢就去咗打第一場波，咁中間一個鐘時間梗係去食我最愛嘅滑蛋牛扒！不過今日唔想食飯就食咗意粉😜意粉除咗林咗啲之外都好好食！唔想食飯可以試吓轉意粉或者薯條，我實証過兩樣都唔錯㗎😌牛扒食落唔似有比鬆肉粉乸過！仲有好多肉汁🫶…查看更多

呢一間係調景嶺彩明街市入邊嘅宏富雲南米線之前睇佢舖頭覺得佢應該幾污糟所以唔夠膽食，但係我身邊好多人都話好好食，咁咪試吓囉，最多肚屙啫😂一入到去，第一感受就係佢真係好迫，衛生情況冇想像中咁差，但係都一般以下落咗單之後過咗2分鐘，米線已經送上枱唔知點解可以咁快手，但係碗米線好鬼熱，就算拎去返煮應該都唔會咁快？於是我就抱住一個充滿疑問嘅心態食，如果有谷友知點解咁快上到嘅話歡迎解答🙈好啦第一啖食，係唔錯嘅，我直程覺得我食咗咁多年譚仔係食垃圾。我食呢間米線之前我係好鍾意食譚仔，尤其係腩肉米線番茄湯底小辣😂，但係而家真係唔會再食譚仔，硬係覺得貼錢買難受。可能你會覺得我係打手，但係我絕對唔係（我都想有得收佢哋錢），同埋呢一間米線係會送嘢飲！我就揀咗凍檸茶，佢都好似冇加我凍飲嘅錢👍，唔知係加漏咗定係我太靚仔，我連續幾日去食都冇加同埋呢一間嗰啲嘅辣，我覺得唔係死辣，係食得好過癮，不過呢一度啲辣度冇出邊咁辣，我以前譚仔食開小辣，喺呢度會食到中辣！但係唔食芫荽嘅谷友記得要叫走芫荽，因為好似每一碗米線都會有少少芫荽咁我第一日就食咗狀元米線，即係個面有炸醬嗰個，嗰個都幾好食，不過啲料有啲少，但係$52仲要包嘢飲，我覺得可以接受第二日同埋第三日就揀咗豬頸肉米線，第二日蠢咗，唔記得咗叫佢豬頸肉分開上，搞到成碗米線都係油，第三日就醒啦，叫佢分開上😂，但係我估唔到都唔使收錢！因為有啲餐廳分開上係要收錢，結果真係成碗豬頸肉底都係油，第四日諗住繼續去食，但係好似有啲中咗omicron嘅病徵，所以冇再去食第五日覺得好唔舒服，跟住就去咗撩鼻，結果真係中咗唔知關唔關呢間米線事，但係我平時出街係會帶實個口罩，跟住我就被迫困係屋企14日🥲但係呢一間米線係有個魅力，係你會食完仲想繼續食，而且個份量都唔細，如果女仔去食可能要嗌少米線。不過我最鍾意嘅都係佢嘅手打魚腐米線，我覺得清淡得來又好香口👍，但係我唔記得咗影相🥲撇除我可能係食完呢間中咗之外，呢間我覺得係值90分不過我中omicron之前佢哋都有幾日冇開，可能係員工確診？不過可能因為太多人中咗（舖頭係街市入邊，所以衛生情況一般），導致於依家佢哋都冇開堂食到最後講到佢湯底我比較鍾意呢間嘅麻辣多過酸辣，因為呢一間嘅酸辣有啲太酸，但係麻辣就太多油咁可能就要平衡下兩邊嘅衝突😂#我可能真係第一次打千字文講米線…查看更多

Bad ServiceRubbish restaurant The waiter so terribleBad bad bad restaurantThe kitchen of her restaurant is not care 顧客嘅需要Although the food is so far so goodBut the service so badI will not go to eat one more timeAnd the seat too snail to sitOverall:rubbish restaurant …查看更多