ivancampo的个人专页

Happy Friday 同朋友落旺角搵食，朋友話想食米線，所以帶佢去鳳鳴居。兩年前喺上水總店食過一次，已經好回味，依家旺角開分站，人氣依然不減，喺門口拎完飛等了3-40分鐘才可入座。看完餐牌後，我當然二話不說地點了醉雞(湯面)米線。店員會貼心地比隻碟我裝雞骨。湯底好香，雞肉好嫰滑，米線亦已經吸收曬湯的精華。朋友沒有聽我推介，點了自選清湯米線，配肥牛，小雲吞及豆卜。雖然清雞湯米線都好食，但醉雞米線實在太香，她說她後悔了。最後點了一份細炸三兄弟，很新鮮熱辣不過味道沒有太大驚喜。用餐後朋友跟我說，下次一定要再來，希望下次不要等太久。…查看更多

同女朋友喺屋企附近搵食，留意到有一間新開的越式餐廳，所以晚餐時間就好試一試。首先點了招牌火車頭牛肉湯粉，叫得火車頭，果然好足料，有五款牛類的餸，每款味道都不錯，湯底亦好好味，令我期待陣間的海南雞飯...之後我的海南雞飯都到了，作為一個海南雞控，當然對海南雞飯的每一個細節都會好執著。雞油飯看上去十分不錯，醬汁亦算齊全，亦沒有跟湯，不過最奇怪的是，海南雞看起來很乾身，雞皮是淡黃色。嘗了一口後，雞肉的溫度近乎剛從雪櫃拎出來的溫度，我再三問過職員，他們說店內的海南雞是凍的，是正常的...本人都食過了不少餐廳的海南雞飯，有熱的有常溫的，而多數好食的海南雞雞皮鮮黃而Q彈，但凍食真係比較少見，我唯有當佢係上海菜鎮江肴肉去欣賞...不過，配上呢兩碟醬汁，海南雞的味道亦提升了一個層次，令到整體用餐體驗不至太差。…查看更多

和女朋友入西貢WM酒店Staycation，點少得試下WM Cafe的自助午餐。留意返，WM Cafe 是每星期六，日及公眾假期才會有自助餐的，其餘日子只會提供半自助餐。首先周圍看看，都有不少廚師即做的食物，包括湯粉和天婦羅，亦有廚師在切牛扒，最驚喜的是有廚師在即開生蠔，不過生蠔偏細隻，蠔殼亦未清潔得好乾淨，但味道還不錯。自助午餐亦提供刺身和泠盤，不過剌身就不是廚師現場即切。熱食款式不多，以炸物和西式食物為主。沙律及前菜，反而有不少選擇。最後是甜品和生果，甜品的種類很多，加上有3款不同雪糕提供，喜歡甜品的大家不要錯過。可惜的是，生果亦只有3款提供。以上圖片都是給大家參考，不過個人認為WM Cafe的食物質素不過不失，相比起酒店內其他配套，我更加懷念酒店泳池及房間露台外的景色。…查看更多

每次一想食燒肉，就會睇下附近有無呢間燒肉LIKE。今日出左銅鑼灣行街，所以午餐就去呢度食。呢間分店位於商場一樓，旺中帶靜，十分舒適。看完餐牌後，我和朋友各點了一份300g 牛五花和三部合奏share燒。坐位上，一人一個爐，可以燒自己喜歡的熟度。枱上亦有好多款醬汁，總有一款適合你。牛五花套餐300g三部合奏(豬)300g本人十分喜歡這裡，除左可以隨時叫店員換網之外(當然是有需要才換)，爐邊的抽油煙能力亦十分好。除了在店內不會嗅到好大油煙味外，用完餐後衣物亦不會有油煙味，十分讚。而食材本身亦不錯，300g 的份量已經令我好滿足，喜歡自己燒肉的一定要來試試。…查看更多

平時經過門口，已經覺得好吸引。佢地設有小枱，可以比客人在路邊堂食，不過我還是選擇了外賣自取。先睇一睇餐牌我是經whatsapp內查看餐牌及下單，即叫即做，45分鐘後，就可以去門店自取了。回到家後，首先開箱一下鳳爪沙律。鳳爪已經去骨，啖啖肉，不過略為辣(已叫了小辣)。之後開箱串燒。有個小袋子裝著肉串和煙肉蘆筍卷，感覺店家好貼心，令肉質同味道都保存得好好。之後開箱了泰式燒烏頭。個人覺得性價比甚高。烏頭肉嫰，沒有燒得很老，味道得不錯。最後叫了泰式牛肉湯河。牛肉很多，但味道普通。作為住在附近的街坊，希望食物味道和質素可以越做越好，令我可以有個長期飯堂。…查看更多

朋友話想食大排檔，之前在深水埗食過一兩間都沒有驚喜，所以我帶佢黎呢間傳奇大排檔一試!先睇一睇份餐牌平時經常會接觸到兩餸飯，大排檔的款式和質素未免會同兩餸飯有比較。細選之下，我們叫了三款小菜，希望會擺脫兩餸飯的感覺。首先點了椒鹽鮮魷，香脆可口之餘鮮魷都夠新鮮，送酒一流。之後點了黑椒牛仔骨煲，但上枱時竟然是碟上...不過我們還是接受了。味道不錯，牛仔骨亦很淋身，很入味。相信如果是煲仔上菜的話味道會更好。最後點了金銀蛋白菜仔去中和一下椒鹽鮮魷的熱氣，不過味道就較為清淡，白菜仔吸收不到鹹蛋的鹹香。總的來說，在買少見少的鐵皮大排檔中用餐，坐街邊食飯都是一種價值與情懷，雖然傳奇並不是我食過最好食的大排檔，但我還是很希望它可以一直營運下去。…查看更多

原本沒有點留意到的小店，但自從新年之後，每天7:00 pm後門後都會有十人八人排隊等著吃拉麵，所以就引起了我的注意。先看一看餐牌，都有不少選擇除此之外，拉麵師傅都會有每日精選拉麵讓客人選擇。首先點了熊本和牛醬油拉麵，和牛色澤很好，拉麵口感不錯，不過湯底較咸。之後點了鹽味醬油雞肉拉麵，雞肉出奇地嫰滑，十分驚喜，但湯底比想像中更咸。因為拉麵比較細碗，所以追加了一份博多煎餃子，味道一般，沒有帶來任何驚喜。總結來說，拉麵是不錯，而小食就較為遜色，不過在店內用餐是可以令你有一刻置身日本博多拉麵店的感覺，至於要不要排隊，就見仁見智了。…查看更多

成日行過都會見到呢間Cafe 好多人，排晒長龍，襯今日平日放假，就去試下試佢!餐牌設計得好靚，好有心思我們一行二人點了兩杯Iced Mocha，失望的是，杯子是這麼的小，雖然味道不錯，可惜性價比還是很低。之後來了墨魚汁闊條麵伴蟹籽，闊條麵味道不錯，蟹籽和墨魚都很新鮮。之後點了一份竹炭糯米窩夫，見到差不多每一枱都有一份竹炭糯米窩夫，我就毫不猶豫地點了。手工雪條，新鮮的紅莓，加上放涼了口感仍然很好的竹炭糯米窩夫，實在對得起它的價錢!大家想黎食的話，記得要早點來，因為遲左真係會有排等的。…查看更多

不久前才發現屋企附近有間文青Cafe要知道在長沙灣能夠有Cafe，實在係買少見少我們大概晚上8:45 才到，不用等位。因為太遲才到的關係，咖啡沒有了，牛扒都沒有了，想飲咖啡的朋友一定唔可以太遲來。最後我們點了大阪燒香酥雞扒配牛角包窩夫及涼拌麻麻雞絲貝果配蕃薯條，飲品方面，就只好飲水了...大阪燒香酥雞扒配牛角包窩夫香酥雞扒十分大塊，而且肉質好嫰好juicy。而牛角包窩夫更加驚喜，由牛角包壓成的窩夫配上酸酸甜甜的大阪燒汁，味道出奇地好食。涼拌麻麻雞絲貝果配蕃薯條用Bagel夾住麻辣雞絲，感覺十分新鮮，不過略為辣左少少，而蕃薯條好香脆，一食就唔停口。總結來說，食物質素有驚喜，價錢亦合理，為了試一試咖啡，我一定會再來。…查看更多

朋友說要替我慶祝生日，所以專登搵到間又好食又可以打咭的網美泰式餐廳同我慶祝。一行入餐廳，已經見到入面的裝潢很舒適，很精緻。牆身仲有著很多大大少少的仙人掌，令人感覺置身喺溫室內，難怪在場的都有不少女士。首先我們點了一份紅咖喱雞配薄餅，咖喱做得很出色，有著香濃的椰香，配上熱辣辣的薄餅簡直一絕。因為紅咖喱都帶點辣，所以我們叫了泰式奶茶中和一下，飲完感覺好似去左一轉曼谷一樣。之後來了炭燒牛肉沙律，牛肉份量很多，炭燒味亦很香，沙律菜配上泰式甜甜的醬汁，感覺十分清新。最後叫了一份美美芒果糯米飯椰子雪糕作結。可惜的是，糯米飯實在太黏，配上椰子雪糕亦沒有椰漿般出色，未能為呢一餐劃上完美句號。…查看更多

一直從朋友口中得知Hotel Icon的buffet有著好高的評價，特別係佢地獨有的榴槤甜品，復常之後決定要黎試一次。早在兩三個星期前就要在它的官網上預訂並交上訂金，而我今次就訂了星期六的lunch buffet ，盛惠$688 +10%。攞野食的環境得不錯，種類也很多，因為星期六日的關係，所以lunch buffet都會提供生蠔，每人仲會送上一杯香檳，感覺很chill。經過幾輪的覓食，終於試到大部分的食物。提供生蠔的確是賣點，但質素只是及格。冷盤方面，都沒有太大驚喜。刺身方面更加令我提不起興趣。不過，熱食的確拎返唔少分數，例如燉湯，東南亞食物，焗帶子，泰式船面等等，都令我覺得有驚喜。甜品方面，更加係好高分，因為每款甜品佢地都會有榴槤口味，有D入面更加會有榴槤肉，什至係有一盤榴槤肉比客人隨意添加落雪糕或其他甜品，對於榴槤控的我實在沒有什麼抵抗力。…查看更多

剛在機場送完機，其中一位朋友便推介位於東薈城既呢間Goobne Chicken，因為呢間餐廳既食物出名大份，所以我地一行四人就去品嘗一下。大約下午1:30左右去到，完全不用等位。首先點了一份甜辣烤雞+蜜糖蒜香烤雞，共有10件。甜辣烤雞甜而不太辣，不食辣的人都可以試下。蜜糖蒜香烤雞，重蒜味加上蜜糖好有BBQ的感覺，加上兩款醬汁都好濃味，每人兩至三件剛剛好。之後點了一份鐵板芝士海鮮炒飯。望住芝士既顏色和分佈，就知道佢有幾邪惡同好食。之後點了一份牛肉炒粉絲去中和一下邪惡的芝士。味道不過不失，可能係炸雞同炒飯太出色，比較起來就遜色了。最後朋友點了一杯草莓沙冰，而我就叫了藍橙沙冰，藍橙沙冰味道有少少似波子汽水，飲完涼透心。我地一行四人雖然點菜的款式不多，但每款份量真的不少，而且味道都不錯。如果想試多點款式，可能要叫多幾位朋友一齊去敍餐了。…查看更多

首先我要利申，我係一名20年的阿仙奴球迷，而好耐之前已經知道有呢間餐廳，可惜的是，到左今晚我先有機會拜訪。因為老闆是阿仙奴球迷，他將自己的收葳存放在呢間餐廳內，因而成為了現在的Lockeroom。餐廳會在球賽當日播放比賽，亦會被不同球迷會包場敍腳。浦出(車立)門，就見到了大大個雲爺爺。餐廳內滿滿的波衫珍藏亦令我大飽眼褔。餐廳會在球賽當日播放比賽，間中亦會被不同球迷會包場敍腳。店員安排我地坐的位置Set dinner 有不少選擇最後叫了一份明太子軟殼蟹意大利扁麵的dinner set 和一份 Surf and Turf Dinner SetDinner Set配上餐湯和麵包，味道不錯，不過忌廉味可以重少少。明太子軟殼蟹意大利扁麵，原隻軟殼蟹上碟，可惜朋友太心急將它分開了。軟殼蟹外脆內軟，亦能保持蟹的鮮味，明太子扁麵味道亦調配得不錯，不會好膩。另一個dinner set 點了肉眼扒，大帆立貝及鹹蛋黃薯條。肉眼扒不會overcook，亦能鎖住肉汁。帆立貝就不過不失。反而令我最驚艷的是鹹蛋黃薯條，既新鮮熱辣薯條又沾滿了鹹蛋黃醬，可惜的就是份量不夠大，略為不夠喉。離開餐廳的時候，發現正門旁有一個展示櫃，放滿老闆的收藏，球迷記得去參觀一下。想不到廁所都有著滿滿的驚喜!!!總結一下，如果只論食物，呢度會係一間一試無妨的餐廳。但如果你或者另一半是阿仙奴球迷，就是一間必定要來朝聖的地方，呢度會係令你眼精和肚子都會好滿足的地方。…查看更多

大家都知道，火炭係食物沙漠，莫講話美食，連食店都唔係咁易揀到。今日要去火炭工業區，所以喺附近搵食，雖然火炭多左個屋邨商場，但選擇還真的不多。於是就想起幾年前食過的心美小廚，想上openrice睇下煲仔麵有咩餸可以揀下，點知......竟然無煲仔麵餐牌。所以我決定親自去為大家影張點菜紙並上載比大家參考!唔知係咪中過Covid的關係，我竟然無叫到三餸(以為自己點了三餸，但點菜紙上只叫左兩餸)，三餸的性價比當然是最高!曾經食過喇沙湯底之後一直都念念不忘，時隔數年後終於可以再次品嘗。食店會好貼心地將炸物同麵食和湯底分開上，務求令大家食到食物最好的狀態。再來一張近照，本人覺得公仔麵比較掛湯，食麵時亦可以食到啖啖的喇沙湯味。留意返，呢個湯底係比較辣，唔食得辣的朋友要注意，可以試下其他湯底，總有一款啱你食。…查看更多

出到旺角搵食，又係選擇困難症發作既時候。突然間行過榮哥煮場，記得有朋友講過呢間既雞湯煲好正，所以就二話不說衝入去試。可能入坐時間尚早，所以我地一行二人完全唔需要等位。二人套餐啱曬我呢D懶人，最後我地叫左胡椒豬肚雞煲。個煲一上菜既時候真係香到不得了。就算有火熱住個煲，雞肉亦不會煮得老。而雞湯亦都係呢個煲既精華，記得要飲埋佢。一份小食亦跟隨住雞煲送上。涼伴黑木耳酸酸甜甜，食完好開胃。套餐的另一款主菜，我地選了柚子蝦球，應該都係另一款必試菜式。啖啖蝦球，肉質好爽彈，柚子同蝦球味道十分夾，食到停唔到口。套餐會跟兩碗白飯或者一大碗米線，仲有好多不同選擇。大碗米線用雞湯底去煮，絕不失禮!我地加錢換了兩支樽仔飲品，味道都不錯，但原來最後仲有糖水送，飲品唯有拎返屋企慢慢飲。呢間一定會再黎，好想試埋其他雞煲同小菜!…查看更多